Куняев, Александр Трофимович

Александр Трофимович Куняев
Александр Трофимович Куняев
	Файла:Kunyaev Aldr Trf gst76.jpg
Чачома чизэ	1933-це иень эйзюрковонь 22-це чи ; Дюрькина, Атяшевань буе, Эрзя-Мокшонь область[d], Средневолжской край[d], РСФСР[d], СССР;
Кулома чизэ	1993-це иень ацамковонь 16-це чи (60 иеть) ; Саран ош, Россиянь Федерация;
Партиязо	КПСС
	Шаблон:Социализмань Трудонь Герой

Александр Трофимович Куняев — советэнь шкань хозяйствань, государствань ды политикань тевтеиця, Социализмань Трудонь Герой (1976). Мордовской АССР-нь велень хозяйствань заслуженной важодиця (1970).

Эрямокизэ

Чачсь 1933-це иестэ неень Мордовия Республикань Отяжбуень Дюрькина велесэ. 1958-це иестэ саезь КПСС-сэ.

1953-це иестэ саезь топавтсь хозяйствань, вейсэнь эрямонь ды политикань тевть. 1953—1993-це иетнестэ важодсь комбайнёронь лездыцякс, агрономокс, Отяжбуесэ вельхозпродуктань рамамонь коряс государственной инспекторокс, Мордовской АССР-нь Отяжбуень Ленинэнь орденэнь Калинин лемсэ колхозонь прявтокс, Отяжбуень КПСС-нь райкомонь 1-це секретарекс.

СССР-нь Верховной Советэнь Президиумонть 1976-це иень ацамковонь 23-це чинь Кармавтоманзо коряс А. Т. Куняевнень максозь Социализмань Трудонь Героень лем, сон казезь Ленинэнь орденсэ ды «Серп и Молот» сырнень медальсэ.

Важодемазо тешкстазь Ленинэнь кавто орденсэ, Октябрянь Революциянь кавто орденсэ ды Социализмань Трудонь Героень сырнень тештесэ. А. Т. Куняев кочказель СССР-нь (10-це промксонь), РСФСР-нь (8-це промксонь) ды Мордовской АССР-нь Верховной Советтнэнь ниле промксонь депутатокс.

1990-це иетнень ушодкссо Мордовия Республикань Госсобраниянь экологиянь ды пертьпельксэнь сюпавчитнень ванстозь тевс нолдамонь коряс свалшкань комиссиянть прявтсоль.

Кулось 1993-це иень ацамковонь 16-це чистэ Саранскойсэ.

Кудораськезэ

Нина Михайловна низэ – тонавтыця
Валентина тейтерезэ – экономист
Вера тейтерезэ – педагог, раськень тонавтомань отличник
Анна тейтерезэ – МР-нь заслуженной врач, профессор, медицинань институтонь директор
Татьяна тейтерезэ – медважодиця.

Ссылкат

Куняев
Шаблон:Звезда Героя Социалистического Труда для списка Каргапольцев С. Куняев, Александр Трофимович (неопр.). «Масторонь маралят» вальмась. Дата обращения: 20 Эйзюрковонь 2020.