Марий Эл Республикань чи

Википедиясто материал - аорев содамкундосто
Марий Эл Республикань чи
День республики РМЭ.jpg
Типесь Марий Эл Республикань раськень покшчи
Официальной лемезэ Марий Эл Республикань чи
Тешкстамонь чись Сундерьковонь 4-це чи

Марий Эл Республикань чи — Марий Эл Республикань государственной покшчи. Тешкстави эрьва иестэ сундерьковонь 4-це чистэ.

Эрямопингезэ

1920-це иень тельня Казаньсэ РСФСР-нь раськетнень тевест коряс раськень комитетэнть (Наркомнацонть) пингстэ Мари раськень центральной куронть мелензэ-арсеманзо коряс ютась Маринь сех паро важодицянь Весе Россиянь промкс. Вастовомасонть пурнавозтне ваннызь-тешкстызь маритнень эрямонь сех ламо вастневиця таркатнень эсест башка таркань тееманть кис. Се шкантень теезельть Татаронь-Башкирэнь Советэнь Республикась ды Башкирэнь АССР-сь, теке марто лия раськетнеяк ушодсь пурнавомо раськень вейсэндявкстнэс ды арсеме эсест автономиянь теемадо[1][2].

1920-це иень кизна маринь активисттнэ пурнавсть Маринь-коммунистэнь Весе Россиянь конференциясо, косо Владимир Мухинэнь яволявтоманзо лангс нежедезь арсизь эсест од тевест, конатнень кармить тееме седе тов. Промксонь цётамотнень коряс Сергей Черняков Наркомнацонть пингстэ маринь центральной куронь прявтось невтинзе Раськень комиссаронь советс (Совнаркомс) теварсевкстнэнь тевконёвтнень[1][2].

1920-це иень сундерьковонь 4-це чистэ Совнаркомось ды Весе Россиянь центральной исполнительной комитетэсь (ВЦИК-есь) кемекстасть «Мари раськень автономной областень теемадо-пурнамодо» тевконёв. Сон эзь невте эрямо тарканть, границатнень, административной куншкакуронть, секскак секе иень сундерьковонь 25-це чистэ ульнесь нолдазь башка тевконёв, конань вельде топавтозельть территориянь-тевветямонь весе кевкстематне. Тевконёвонть коряс автономной областес совакшность Казанень икелень губерниянь Якстере Кокшаень ды Козьмодемьянонь уездтнэ, Вяткань губерниянь Уржумонь ды Яранонь пелькстнэ, Обранонь губерниянь Васильсуронь уездэсь. Прявтошокс кочказель Якстере Кокшайскоесь[1][2].

Маринь автономной областень теемадо 1921-це иень эйзюрковонь 1-це чистэ ёвтась революциянь комитетэсь, сескак 1921-це иестэ саезь 1930-це иес покшчись тешкставсь тундонь васенце чистэ[3][1].

1921-це иень аштемковонь 21-це-24-це читнестэ ютась Советэнь областень васенце Инекужо, косо кочкизь областень исполнительной комитетс — региононь тевень ветямонь органс совицятнень. Комитетэнь васенце прявтокс кармась Иван Петров общественно-политической важодицясь[2].

1929-це иень медьковонь 15-це чистэ Маринь областесь кармась одов теезь Обранонь (Горькиень) краень пельксэкс. 1936-це иень ацамковонь 5-це чистэ ютавтозельть полавтомат, Маринь автономной областесь лиссь краенть эйстэ ды кармась лемдявомо Маринь Автономной Советэнь Социалистэнь Республикакс (Маринь АССР-кс)[1][4].

1931-це иестэ саезь 1959-це иес Маринь автономиянь чись тешкставсь аштемковонь 21-це чистэ — 1921-це иень те чистэнть панжовсь Советэнь областень васенце Инекужось, ды революциянь комитетэсь (ревкомось) максынзе эсь тевензэ Раськень депутатонь советэнь исполнительной комитетэнтень (облисполкомонтень)[3].

1960-це иестэ саезь республикань официальной покшчись тешкстави сундерьковонь 4-це чистэ — се чистэнть, зярдо Владимир Ленин ды Михаил Калинин тешкстызь «Мари раськень автономной областень теемадо-пурнамодо» тевконёвонть[5][3].

1990-це иень ожоковонь 22-це чистэ саезь Государственной суверенитетэнь декларациянть лангс нежедезь республикась кармась лемдявомо Маринь СССР-кс, Марий Эл неень шкань лемесь максозель 1992-це иень ацамковонь 9-це чистэ[4].

Покшчись неень шкасто

Марий Эл Республикань чись тешстави сундерьковонь 4-це чистэ. Те чистэнть ютавтневить эрьва кодат мероприятият — концертт, невтемат, тематикань вастовомат, конатнесэ паро важодеманть кис Почётонь конёвсо казевить сех паро важодицятне. Покшчиденть икеле республикань тонавтнема таркатнесэ чачома масторонть эрямопингензэ содамга ютавтневить пелькстамот ды викторинат[5][6][7][8].

Теке марто те покшчинтень панжтневить од эли одкстомтозь объектт. Истя, 2006-це иестэ Республикань Чинтень панжозель Марий Эл Республикань Правительствань од кудо, 2009-це иестэ — Царевококшаень кремлясо архитектурань-историянь комплекс, 2011-це иестэ — Патриаршей площадьсэ «12 апостолт» од част, 2015-цестэ — Эйкакшпингень музей, 2016-цестэ — Православиянь историянь музей[9].

Тешкставкст

  1. ↑ 1 2 3 4 5 Елена Яшметова. День Республики Марий Эл: страницы истории Марийского края, Информационный портал SM.news (2022-це иень сундерьковонь 3-це чи). Ваннозь 2024-це иень ожоковонь 25-це чистэ.
  2. ↑ 1 2 3 4 Республика Марий Эл. Марийской автономии - 82 года, Регнум (01.11.2002). Ваннозь 2024-це иень ожоковонь 25-це чистэ.
  3. ↑ 1 2 3 В. Г. Востриков. 100 лет Марий Эл. Три даты в календаре – три вехи в становлении Марийской автономии (руз.). Национальная библиотека имени С.Г. Чавайна Республики Марий Эл (4 Сундерьковонь 2021). Дата обращения: 25 Ожоковонь 2024.
  4. ↑ 1 2 Дата образования Республики Марий Эл (руз.). ВДПО. Дата обращения: 25 Ожоковонь 2024.
  5. ↑ 1 2 День государственности Республики Марий Эл, Кидшер (2023-це иень ожоковонь 30-це чи). Ваннозь 2024-це иень ожоковонь 25-це чистэ.
  6. ↑ День образования Республики Марий Эл 2024. Марий Эл и Йошкар-Ола. Дата обращения: 25 Ожоковонь 2024.
  7. ↑ Т. Ю. Смирнова. "Знаешь ли ты свой край?". Межпоселенческая центральная библиотека Советского района Республики Марий Эл (3 Сундерьковонь 2023). Дата обращения: 25 Ожоковонь 2024.
  8. ↑ Лилиана Гарифуллина. День Республики Марий Эл 2022, что будет на День народного единства в Йошкар-Оле со 2 по 5 ноября, куда сходить, самая полная программа мероприятий на каждый день, концерты, выставки, конкурсы, музеи, kazan.kp.ru (2022-це иень сундерьковонь 3-це чи). Ваннозь 2024-це иень ожоковонь 25-це чистэ.
  9. ↑ 4 ноября – как это было 2006, 2007... 2020 годы, МариМедиа (04.11.2020). Ваннозь 2024-це иень ожоковонь 25-це чистэ.

Литература

  • Востриков, В. Г. Марий Эл: хроника столетия: 1920—2020 / В. Г. Востриков, А. М. Клёнов. — Йошкар-Ола: Издательский дом «Марийское книжное издательство», 2020. — 100 с.
  • Калинина, О. А. Марийские праздники = Марий пайрем-влак: справочник /О. А. Калинина. — Йошкар-Ола, 2006. — 52 с.
  • Марийцы: коллективная монография / О. А. Калинина, М. Н. Мамаева, Т. Л. Молотова и др.; М-во культуры, печати и по делам национальностей Респ. Марий Эл; МарНИИЯЛИ им. В. М. Васильева. — Йошкар-Ола, 2008. — 213 с.
  • От автономии к суверенитету. — Йошкар-Ола: Марийское книжное издательство, 1991. — 64 с.
  • Сануков, К. Н. Марийская автономия: к 90-летию образования Марийской автономной области / К. Н. Сануков. — Изд-е 2-е, доп. — Йошкар-Ола: Марийское книжное издательство, 2010. — 176 с.
  • Свечников, С. Марийская автономия: мифы и факты / Сергей Свечников // Марийский мир = Марий сандалык. — 2020. — № 4 (47). — С. 2-10.
  • Хлебников, А. В. Образование и развитие советской автономии марийского народа (1917—1929) / А. В. Хлебников. — Йошкар-Ола: Марийское книжное издательство, 1970. — 272 с.
  • Энциклопедия Республики Марий Эл / МарНИИЯЛИ им. В. М. Васильева. — Йошкар-Ола, 2009. — 872 с.
  • Янтемир, М. Н. Марийская автономная область: (с приложением административной карты области) / М. Н. Янтемир. — Йошкар-Ола, 2005. — 188 c.

Ссылкат

Саезь "https://myv.ruwiki.ru/w/index.php?title=Марий_Эл_Республикань_чи&oldid=539599"-стэ