Масторонь ванстыцянь чи

Википедиясто материал - аорев содамкундосто
Learning.svg

Б. Н. Ельцин лемсэ Президентэнь ловнома кудонь материалт

Arrow-Right.png
Library.png
Те сёрмадовкссо тевс нолдазь
Б. Н. Ельцин лемсэ Президентэнь ловнома кудонь фондсто материалт
Б. Н. Ельцин лемсэ
Президентэнь ловнома кудо
Масторонь ванстыцянь чи
Орден Красной Звезды.jpg
Зярдо аравтозь 1922-це иестэ
Косо тешкстави эрьва иестэ
Зярдо ютавтневи даволковонь 23-це чистэ
Мезе марто сюлмазь 1918-це иень даволковсто Якстере армиянь Германиянь ушмотнень каршо васенце тюрематнень марто
Commons-logo.svg Масторонь ванстыцянь чи

«Масторонь ванстыцянь чи» — покшчи, кона эрьва иень даволковонь 23-це чистэ тешкстави Россиясо ды Советской Социалистической Союзонь икелень республикатнесэ. 1922-це иестэ саезь СССР-сэ те покшчись эрьва иестэ тешкставкшнось кода Якстере армиянь чи, 1946-це иестэ саезь — Советской армиянь чи, 1949-це иестэ саезь 1992-це иес — Советской армиянь ды Военно-морской флотонь чи. Даволковонь 23-це чись военнослужащейтнень туртов ульнесь оймсемань чикс, Советской Союзонь весе лия эрицятненень те чись лововсь вадожемань чикс[1].

Советской Союзонть каладомадо мейле Россиясо покшчись тешкстневсь кода Масторонь ванстыцянь чи ды ловови Россиянь воинской славань чикс. Масторонь ванстыцянь чись — оборонань ёнксонть марто сюлмазь цёратнень ды аватнень покшчист[2].

Косто саевсь покшчись

[витнемс | витнемс-петнемс лисьмапрянзо]

Россиянь империясо революциядо икеле сундерьковонь 26-це чистэ тешкстасть Георгиень кавалерэнь чинть. Весемесь алтазель 1769-це иестэ орденэнь теемантень. Россиясо се шкасто арасель седе келей покшчи, кона сюлмазель Масторонь весе ванстыцятнень марто[3].

Мезе ульнесь покшчинь аравтомадо икеле[витнемс | витнемс-петнемс лисьмапрянзо]

1918-це иень якшамковонь 25-це (28-це) чистэ Советской Россиянь Комиссаронь раськень советэсь кемекстась Важодицянь ды сокицянь-видицянь Якстере армиядо тевконёв (нолдазь 1918-це иень якшамковонь 20-це (даволковонь 2-це) чистэ большевикень Правительствань печатень официальной органсо[4]). Фронтсо ушодовсь эсь мелень коряс армияв ушмантнэнь сёрмадстомась, теезельть-пурназельть Якстере армиянь ротат, конат явозельть полктнень лангс[5].

Даволковонь 18-це чистэ Германиянь ды Австро-Венгриянь ушмотне ушодсть Чилисемань фронтсо каявоманть.
Даволковонь 21-це чистэ Яков Свердловонь прявтсо теезель Петроградонь оборонань революциянь комитет.
Даволковонь 22-це чинь чокшнестэнть Петроградов Владимир Ленинэнь тердеманзо коряс Могилёвсто сась Михаил Бонч-Бруевич, кона фактонь коряс аравтозель омбомасторонь ятонть эйстэ Советэнь Россиянь оборонань прявтокс. Ленинэнь ды лиятнень марто промксонь прядовомадо мейле ушодызе Смольнойсэ важодеманть, косо ульнесь Ленинэнь марто шабра нупальсэ[6].

Ревеленть, Псковонть ды Нарванть лангс каявоманть ветясть Германиянь 8-це армиянь ушмотне, конат пурназельть кото дивизиясто ды лия зярыя часттнестэ. Псков ёнксонть лангс каявоманть пингстэ Германиянь вийтне аштесть 5 полксто[7]. Немецтне лепштясть эсь мелень коряс молицятнестэ пурназь ливтницянь аволь покш отрядтнэстэ, сынь «эзть вастне кодамояк каршо вий, икелев мольсть поездсэ, автомашинасо ды нурдосо састо молиця прявт вийтнень мельга»[8]. Чинь перть немецтне ютакшность малав 50 вайгельбеть[9]. Пинск — Двинск — Рига линиянть эйстэ молемстэ немецтне лепштямонь васенце таргосто саизь Минскоенть, Полоцкоенть, Псковонть, Ревеленть.

1918-це иень даволковонь 23-це чистэ ульнесь печатазь «Социалистэнь масторось зыянсо!» («Социалистическое отечество в опасности!») Раськень комиссаронь советэнь пшкадемась[10] ды теке марто Николай Крыленко «Военной главнокомандующеенть пшкадемазо» сёрмадовксось, кона прядовкшнось истямо валсо: «<…> Весе сайнеде леднемапельть. Весе стядо революциянь идеме. Окопонь чувомань ды окопонь отрядонь кучомань покш мобилизациянь теемась кармавтови эрьва отрядонть туртов, косо аравтовить аволь киртязь полномочиятнень марто комиссарт. Кармавтомась кучови кода кармавтома весе оштнень весе советтнэс»[10]. Даволковонь 23-це чистэ Ленин Раськень комиссаронь советэнь прявтось «Правдасо» нолдызе «Сэтьмечи эли торпинге» («Мир или война») статьянть, косо кортась сескень сэтьмечинь аравтомадо; статьянть прядовомасо сон тердсь:

… анокстамс революцянь армия аволь валонь ёвтамосо ды каршо молемасо (кода анокстасть сонзэ сеть, кить якшамковонь 7-це чистэ саезь мезеяк эзть тее минек чииця ушмотнень лоткавтомга), анокстамс покш важодемасо, тевсэ, вадря, весе раськетнень пурнамосо виев армия.

Даволковонь 23-це чистэ покш оштнесэ ютасть ламо покш промкст, ушодовсь Якстере армияс эсь мелень коряс ламо сёрмадстома, даволковонь 25-це чистэ фронтс тусть Якстере армиянь васенце отрядтнэ[11].

Даволковонь 23-це чиде мейле якстере отрядтнэ ушодсть Германиянь ушмотнень каршо стякшномо. Валка ошсо немецень каявиця часттне кармасть тюреме Латвиянь ледницятнень каршо. Даволковонь 24-це чистэ «Правда» кулялопась сёрмадсь: «Валкасо моли немецень ушмантнэнь ды Латвиянь 300 ломанень отрядонть ютксо тюрема». Весе тюрематне ветявсть Псковонть, Ревеленть ало, Гдов ошонть маласо[7][11].

  • В. И. Ленинэнь витеманзо марто Важодицянь ды сокицянь-видицянь Якстере армиянь теемадо Раськень советэнь комиссаронь тевконёв

    В. И. Ленинэнь витеманзо марто Важодицянь ды сокицянь-видицянь Якстере армиянь теемадо Раськень советэнь комиссаронь тевконёв

  • Фон Эйхгорн генералось куродозь Минскойсэ, 1918-це иень даволков

    Фон Эйхгорн генералось куродозь Минскойсэ,
    1918-це иень даволков

  • Германиянь империянь ушмот. Киев ош, 1918-це иень эйзюрков

    Германиянь империянь ушмот. Киев ош,
    1918-це иень эйзюрков

  • Немецесь: «Россиясь васты минек панжадо оймесэ» (артовксось Одессань журналсто, 1918-це иень эйзюрков эли чадыков)

    Немецесь: «Россиясь васты минек панжадо оймесэ» (артовксось Одессань журналсто, 1918-це иень эйзюрков эли чадыков)

  • «Социалистэнь масторось зыянсо!» Раськень комиссаронь советэнь декретэнть марто явшема конёв, 1918-це иень даволковонь 21-це чи

    «Социалистэнь масторось зыянсо!» Раськень комиссаронь советэнь декретэнть марто явшема конёв, 1918-це иень даволковонь 21-це чи

Даволковонь 23-це чистэ Германиянь курьерэсь пачтясь Раськень комиссаронь советэнтень вешема; арсемас максозельть
48 част[12]. Россиянь социал-демократиянь важодемань партиянь (большевикень) центральной комитетэнь промкссо Ленин каршо молиця виев арсематнень лангс апак вано кармавтынзе центральной комитетс совицятнень теемс-топавтомс вешеманть. Ленин тердсь топавтомс сэтьмечинь тееманть Германиянь пельде вешематнень коряс. Сон ловсь, сех прявтось — «эрьва кодамо ёмавтомань питнесэ ванстомс пролетарской аравтозь властенть»[13][14][15]. Даволковонь 24-це чис вестэнть вешемась топавтозель. Ансяк тюрематне мольсть сэтьмечинь тешкстамонь тевконёвонь шкас, эйзюрковонь 3-це чис[7].

1918-це иень даволковонь 25-це чистэ «Правда» кулялопасо «Стака ды эрявикс тонавкс» («Тяжёлый, но необходимый урок») статьясо В. И. Ленин истя кортась сеть читнеде:

Полктнень пельде эсь ванстома таркатнень кадомань отказамодо, мик Нарвань киксэнь идемань отказамодо, туемстэ весементь тапамодо отказамонь стака ды визьксэнь кармавтоматне; минь а кортатано оргодемадо, беряньчиде, кедтемечиде, вийтемечиде, апарочиде (…) Советэнь республикасо арась армия.

Даволковонь 26-це чистэ Российской Советской Федеративной Социалистической Республикань (РСФСР-нь) Раськень комиссаронь советэсь ёвтась Московов властень ютавтомадо мель-арсема.

1918-це иень эйзюрковонь 3-це чистэ Германиянть вешеманзо топавтозельть Брестэнь сэтьмечинь тевконёвонь тешкстамосо.

1918-це иень эйзюрковонь 5-це (18-це) чистэ Тихон Московонь ды Весе Россиянь патриархось эсь кучомасонзо пштистэ ёвтась Брестэнь сэтьмечинть коряс: «Аравтозь ней сэтьмечись, конань коряс минек эйстэ саевить цела областтне, косо эрить православиянь ломанть, максовитькак ятонть лия кемемас, а православиянь кементь миллионт ломантне понгить кемемас, … масторс, кона макссы минек раськенть ды рузонь моданть стака эрямос, — истямо сэтьмечись а максы раськентень эрявикс оймсема ды сэтьмечи. Православиянь церьковантень те канды стака зыян ды кажо, Масторонтень — ламо ёмавтомат»[16].

Покшчинь аравтома[витнемс | витнемс-петнемс лисьмапрянзо]

1919-це иень якшамковонь 10-це чистэ Николай Подвойский Важодицянь ды сокицянь-видицянь Якстере армиянь Высшей военной инспекциянь прявтось кучи Весе Россиянь центральной избирательной комитетс (ВЦИК-с) мель-арсема тешкстамс Важодицянь ды сокицянь-видицянь Якстере арминь чинть якшамковонь 28-це чистэ:

Якшамковонь 28-це чистэ топоди ие се шкастонть, кода Раськень комиссаронь советэсь кемекстызе Важодицянь ды сокицянь-видицянь Якстере армиянь теевемадо декретэнть. Пек пароль тешкстамс Якстере армиянь теевемадо покшчинть ды сюлмамс тешкстамонть якшамковонь 28-це чинть марто, зярдо кемекстазель декретэсь.

Сонзэ вешемазо пачкоди аволь сеске ды ваннови ансяк якшамковонь 23-це чистэ. Меленть-арсеманть аволь шкастонзо самонть кис ВЦИК-есь отказы кемекстамосо. Ялатеке якшамковонь 24-це чистэ Московонь ошонь советэсь ванны «Якстере армиянть теевеманзо марто покшчинь ютавтомадо» кевкстеманть ды вейсэнди весементь даволковонь 17-це чистэ Якстере казнень покшчинь тешкстамонть марто. Якстере казнень чись арсевсь ютавтовомс кода паронь теемань акция, зярдо эрицятненень эрявсь максомс Якстере армиясо служицятнень туртов казнеть. Даволковонь 17-це чись ульнесь пондельникекс, секскак Якстере казнень чинть кода Важодицянь ды сокицянь-видицянь Якстере армиянь чинть аравтызь маласо таргочинтень, даволковонь 23-це чинтень. «Правда» кулялопась пачтякшнось:

Якстере казнень чись весе Россиясо аравтозь даволковонь 23-це чис. Те чистэнть оштнесэ ды фронтсо карми анокстазь якшамковонь 28-це чистэ Якстере армиянь теевема чинь тешкстамо.

Седе тов зярыя иес покшчись стувтозель ды вельмевтезель 1922-це иестэ. Се иень якшамковонь 27-це чистэ нолдазель Якстере армиянь 4-це иень теевемадо ВЦИК-ень Президиумонь кармавтома, конасонть кортавсь[17]:

Якстере армиядо Советэнь Весе Россиянь IХ-це инекужонть кармавтоманзо вельде ВЦИК-ень Президиумось яви исполкомтнень мелест Якстере армиянь теевемань иентень (даволковонь 23-це чистэ).

Псковсо Якстере армиянь тешкстамонь мероприятиянь афиша, 1919-це иень даволковонь 23-це чи[18].

Мекс аравтозь даволковонь 23-це чистэ[витнемс | витнемс-петнемс лисьмапрянзо]

1923-це иестэ келейстэ тешкставсть Важодицянь ды сокицянь-видицянь Якстере армиянь чинть 5 иетне, ды даволковонь 23-це чистэ истят покшчитне кармасть тешкставовомо Весе Союзонь келес. 1923-це иень даволковонь 5-це чистэ Республикань военной советсэ лисезь кармавтомасо, конань алов кедьтешксэнзэ путызе Л. Д. Троцкий, покшчинь тешкстамонь туртов событиясь ваннови истя: «1918-це иень даволковонь
23-це чистэ яттнэнь лепштямост ало важодицянь ды сокицянь-видицянь Правительствась ёвтась мель теемс-пурнамс вооружённой вийть»[9]. Секе иестэнть «Военной арсема ды революция» («Военная мысль и революция») журналсонть появась мель, даволковонь 23-це чистэ теезель-пурназель Якстере армиянь васенце частесь, кона ульнесь пелевеёнксонь-чивалгомаёнксонь тюрематнесэ.

1933-це иестэ К. Е. Ворошилов (политикань коряс Троцкиень каршо молицязо) Важодицянь ды сокицянь-видицянь Якстере армиянь эрьгелемань промкссо тешкстамсто ёвтась:[19]:

Эряви меремс, даволковонь 23-це чинтень алтазь Важодицянь ды сокицянь-видицянь Якстере армиянь покшчись сюлмазь ачарькодиця ды стакасто ёвтавиця тевтнень марто ды а пры ве лувс историянь дататнень марто.

Тешкстама, Сталинэнь ютамонь шкадо мейле С. Ф. Найда генерал-майор профессорось тешкстась, Советэнь армиянь теевема чинь юрокс кармась Петроградсо даволковонь 23-це чистэ Якстере армиянь отрядонь ламо пурнамось-теемась «Социалистэнь масторось зыянсо!» декретсэ В. И. Ленинэнь тердемадо мейле[20].

Кодамо мастортнэсэ тешкстави покшчись

[витнемс | витнемс-петнемс лисьмапрянзо]

Масторонь ванстыцянь чись тешкстави зярыя масторсо, конат икеле совакшность СССР-с.

СССР-нь почтань маркат, конат нолдазельть 1968-це иень даволковонь 23-це чистэ СССР-нь Вооружённой вийтнень 50-це иентень

Масторонь ванстыцянь чись Россиясо[витнемс | витнемс-петнемс лисьмапрянзо]

Оборонань ды зыянтомочинь кевкстематнень коряс РФ-нь Верховной Советэнь комитетэнть мелензэ-арсеманзо коряс покшчинть од лемезэ тевс нолдазель
1993-це иень даволковонь 2-це чистэ «Масторонь ванстыцянь чинь — Россиянь Федерациянь покшчинь аравтомадо» РФ-нь Верховной Советэнь Президиумонь кармавтомасо.

2002-це иестэ саезь Россиянь Федерациянь Федеральной собраниянь Государственной думанть арсеманзо коряс, Россиясо даволковонь 23-це чись ловови эрьгелемачинь аволь важодемань чикс ды те чись «Россиянь воинской славань ды ледстнемань читнеде» 1995-це иень эйзюрковонь 13-це чистэ 32-це № Федеральной закононть коряс тешкстави кода «Масторонь ванстыцянь чи»[21]. Те закононть коряс, Россиянь Федерациясо «Масторонь ванстыцянь чись» ловови Россиянь воинской славань чикс.

2006-це иестэ Госдумась ёвтась мель-арсема нардамс покшчиде закононь официальной сёрмадстоманть эйстэ «Германиянь кайзеровонь ушмотнень лангсо Якстере Армиянь изнямонь чи (1918-це ие)» валтнэнь, ды теке марто сёрмадомс те покшчиде законсо «изниця» валонть вейкень числасо (секс мекс те покшчись се шкантень лемдязель РФ-нь Трудонь кодексэнь
112-це статьянть коряс).

Советской Сюзонь каладомадо мейлень Россиясо даволковонь 23-це чись — ламо ломань марто покшчи, кона тешкстави важодицянь коллективсэ, школасо ды кудораськесэ. Те покшчистэ вейке-вейкень туртов поздоровонь ёвтамонь коряс арась вейкине мель-арсема. Улить колмо арсемат: Поздоровтне ёвтавить ансяк профессиональной военнойтненень (сыменть лангс апак вано); поздоровт ёвтама весенень, кинь эрямозо сюлмазель армиянть марто, сехте пек те Ине Отечественной войнань ветерантнэ (сыменть лангс апак вано); ды те покшчись кандови Россиянь весе цёратненень, козонь кандовить цёрынетне ды армиянть марто сюлмазь цёратне.

Масторонь ванстыцянь чи, Москов ош, Александровонь садпире,
2008-це иень даволковонь 23-це чи. Владимир Путин Россиянь Президентэсь путы цецянь каштаз Асодавикс солдатонь калмонтень

Московсо покшчинь ютавтомань прявт койтнень эйстэ вейкесь — Кремлянть вакссо эрьгелемань тевдеемань ютавтома, Асодавикс ушманонь калмонтень цецянь каштазонь путома. Александровонь садпирес сыть Россиянь Президентэсь, Федеральной собраниянь кавто палатань прявттнэ, военной кирдивийтне, лия кирдивийтне, политикань партиянь прявттнэ, церьковань важодицятне[22]. Чатьмонемань минутадо мейле гайги государствань гимнась, седе тов юты почётонь караулонь ротась. Ламо ломань марто башка покшчить ютавтнить политикань партиятне. Чокшне масторонь кирдивийтне сыть Масторонь ванстыцянь чинтень алтазь эрьгелемань концертс. Теке марто чокшне Московсо ды Россиянь ламо лия оштнесэ ютавтневи покшчинь салют[23]. Псковсо ютавтневи Масторонь ванстыцянь покшчинь концерт ды теке марто Якстере Армиянь васенце тюрематненень алтазь кеврунгонть вакссо парад[24][25][26]. Те чистэнть парадтнэ ютавтневить Россиянь лия оштнесэяк[27][28]. Ютавтневить 1918-це иень даволковонь событиятненень алтазь концертткак[29]. Севастопольсэ ютавтневи Масторонь ванстыцянь чинтень ды 2014-це иень событиятненень алтазь Раськень олячинтень вастовома. Сестэ даволковонь 23-це чистэ Севастополень куншкасо тёжат ломанть ёвтасть Россиянтень вейсэндявомадо мель[30].

1918-це иень даволковонь 23-це чистэ Псков ало тюремань вельмевтемань ютавтыцятне. Псков ош, 2018-це иень даволковонь 23-це чи

Россиянь эрицятнень туртов Масторонь ванстыцянь чись — покш ды эрявикс чи.
2013-це иень даволковсто «Общественной арсема» фондонь ютавтозь кевкстнемань цётамотнень коряс, истя арсить кевкстницятнестэ 77 проценттнэ[31].

Даволковонь 23-це чись — Масторонь ванстыцянь чись — яволявтозь оймсемань чикс Донецкой Раськень Республикасо ды Луганской Раськень Республикасо[32][33][34].

Масторонь ванстыцянь ды Вооружённой виень чись Беларусь Республикасо[витнемс | витнемс-петнемс лисьмапрянзо]

Белоруссиясо ёвтазь, Беларусь Республикань Вооружённой вийтнень эрямопингест ушодовсь Важодицянь ды сокицянь-видицянь Якстере Армиянь чачомасто, конантень эрявсь теемс покш тев масторонть ванстомасо ды кемекстамосо.

Историянь се аволь шожда шкась кадсь миненек ламо эрьва кодат мель-арсемат. Ялатеке тенек эряви содамс сех прявтонть: ансяк сеть ломантне ды се Якстере армиясь лездасть миненек цидярдомс ды улемс кода раське. Те покш видечи, конань тенек ванстома ды максома лия пингетненень.

— Александр Лукашенко Беларусь Республикань Президент[35]

Белоруссиянь ды Россиянь ушмантнэ вейсэ ютавтнить масторонь ванстыцянь чинтень эрьгелемань покшчить[36][37]. 2018-це иень даволковонь 23-це чистэ Беларусь Республикань Вооружённой вийтненень 100 иень топодеманть марто Гродно ошсо ютась авиация парад, теде башка колоньгемень залпасо максозь покшчинь салют Минск ошсо-геройсэ, Брест ошсо-крепостьсэ, Витебск, Гомель, Гродно ды Могилёв оштнесэ[38].

Даволковонь 23-це чись Украинасо[витнемс | витнемс-петнемс лисьмапрянзо]

Украинасо Вооружённой вийтнень чись официальнойстэ тешкстави ацамковонь 6-це чистэ. Ансяк фактонь коряс покшчинть кияк эзь тешкста (воинской частень личной составонь ды иневечтнень, парадтнэнь ды эрьгелемань покш промкст эзть ютавтне, званият эзть масне), икелень коряс тешкстамс даволковонь 23-це чинть кардамс эзь меревкшне, 1999-це иестэ Леонид Кучма Президентэсь нолдась кармавтома, конань коряс даволковонь 23-це чись закононь коряс ловозель Масторонь ванстыцянь чикс.
Те чись ды даволковонь 6-це чись оймсемачикс эзть ульне.

2008-це иестэ Виктор Ющенко Украинань Президентэсь лемдизе «Масторонь ванстыцянь алкуксонь чикс»
якшамковонь 29-це чинть, — «Круты веленть кис героень подвигень чикс», — ды закононь ёндо кирдизе ледстнемань чиде истямо меленть-арсеманть (2008-це иень якшамковсто Украинань раськень партиянь Черкасск ёнксонь вейсэндявксось ёвтась Президентэнтень мель-арсема саемс Масторонь ванстыцянь чинь тешкстамонть даволковонь 23-це чистэ ды аравтомс якшамковонь 29-це чис). Тень лангс апак вань даволковонь 23-це чись кадновсь важодемань чикс ды эйсэнзэяк келейстэ тешкстасть кода «Масторонь ванстыцянь чи».

2013-це иестэ «Рейтинг» социологиянь курось ютавтсь эрицятнень ютксо общественной кевкстнема даволковонь 23-це чинь тешкстамонть коряс. Кармась содавомо, кевкстнезь 41 % туртов даволковонь 23-це чись — те паро тувтал теемс вадря казне цёратнень туртов (истя сеедьстэ ловить аватне). 39 % туртов те армиясо служиця цёрань эли армиянть марто сюлмазь покшчи (истя ловить сынсь цёратне). Тень пингстэ 12 % ловизь сонзэ Советэнь Союзсто саезь политикань покшчикс, а 7 % — эрьва чистэ ютавтовиця чикс. Ванномань коряс Украинань ламо эрицятне сюлмасть даволковонь 23-це чинть кода покшчи.

2014-це иень ожоковонь 14-це чистэ Пётр Порошенко Украинань Президентэсь лоткавтызе Украинасо даволковонь 23-це чистэ Масторонь ванстыцянь чинь тешкстамонть. Даволковонь 23-це чинть таркас аравтозель од покшчи — Украинань ванстыцянь чи, кона тешстави ожоковонь 14-це чистэ. Седе тов сон лемдязель кода Украинань цёра идицянь ды ава идицянь покшчи. Ожоковонь 14-це чистэ церьковась тешксты Иневанькс Пазавань Покров, Украинась те чистэнть тешксты Украинань казачествань чи,
а Украинань националисттнэ тешкстыть — Украинань стямонь армиянь теевемань чи.

Масторонь ванстыцянь чись Киргизиясо[витнемс | витнемс-петнемс лисьмапрянзо]

Киргизиясо Вооружённой виень чинь тешкстамонтень анокстамо. Бишкек ош, 2018-це иень панжиков.

Киргизиzcj Масторонь ванстыцянь чись эрьва иестэ тешкстави даволковонь 23-це чистэ. 2004-це иестэ Киргизиянь Республикань Трудонь кодексэнь коряс (113-це статьясь) те чись кармась аволь важодемань чикс. Кыргызстанонь Вооружённой виень чись тешкстави панжиковонь 29-це чистэ ды ловови важодемань чикс.

Бишкексэ те чистэнть мэриянь зданиянть икеле площадьсэ ютавтневи Бишкекень гарнизононь личной составонь промкс, теде мейле армиясо служицятне оркестра марто парадсо ютыть «Ала-Тоо» прявтшонь прявт площаденть видьс[39].

Масторонь ванстыцянь чись Казахстансо[витнемс | витнемс-петнемс лисьмапрянзо]

Казахстансо Масторонь ванстыцянь чись тешкстави панжиковонь 7-це чистэ.
1992-це иень панжиковонь 7-це чистэ Нурсултан Назарбаев Казахстанонь Президентэсь (кона ульнесь прявт ушмодеекс) тешкстась раськень вооружённой вийтнень теевемадо кармавтома.

Даволковонь 23-це чись Казахстансо а ловови официальной покшчикс, ансяк сон сеть читнень ютксо, зярдо коень коряс цёратненень аватнень пельде ёвтавить поздоровт, максовить сюконямо валт ды казнеть[40].

Ванстыцянь чись ды Вооружённой вийтнень теевемань чись Таджикистансо[витнемс | витнемс-петнемс лисьмапрянзо]

Таджикистансо Масторонь ванстомань чинтень анокстамо. Душанбе ош, 2018-це иень даволковонь 13-це чи.

Таджикистансо даволковонь 23-це чись тешкстави кода Масторонь ванстыцянь чи ды Вооружённой вийтнень теевемань чи.

1992-це иестэ Таджикистанонь Президентэнь кармавтомасо теезель Таджикистан республикань Оборонань комитет, конас совасть масторонь часттне ды соединениятне, военкоматтнэ, штабтне, гражданской оборонань учреждениятне ды формированиятне, вузонь военной кафедратне, военно-юридической органтнэ, обеспечениянь ды обслуживаниянь часттне. Ушодозель раськень гвардиянь теевемань тевесь. 1992-це иень ацамковсто Таджикистан Республикань Верховной Советэнь Президиумонь кармавтоманть коряс теезель Таджикистанонь оборонань министерства ды те кармась Вооружённой вийтнень теевемань ушодксокс. Васенце подразделениятне, часттне ды соединениятне теезельть-пурназельть Раськень фронтонь отрядтнэсэ.

1993-це иень даволковонь 23-це чистэ СССР-нь каладомадо мейле, гражданской войнань шкасто Душанбесэ васенцеде ютавтозель Вооружённой вийтнень парадось. Историянь коряс даволковонь 23-це чись тешкставкшновсь кода Вооружённой вийтнень чи ды секскак масторонь кирдивийтне ёвтасть мель яволявтомс те чинть Таджикистанонь Вооружённой вийтнень теевемань чикс.

Масторонь ванстыцянь чись Южной Осетиясо[витнемс | витнемс-петнемс лисьмапрянзо]

Даволковонь 23-це чись Южной Осетиясо ловови официальной покшчикс ды аволь важодемань покшчикс. Даволковонь
23-це чистэ Южной Осетиянь кирдивийтне ды общественностесь ледстнить ветерантнэнь, конат Ине Отечественной войнань шкасто служасть Советской Армиясо ды весе сетнень, кить стясть Южной Осетиянь идемантень 90-це иетнестэ ды нейгак поладыть ванстоманть. Тешкстыть Оборонань министерствань ушмантнэнь, ОМОН-онь, лия подрадразделениянь, МВД-нь важодицятнень. Таргонь перть Южной Осетиясо ютавтневить ванстыцятнень марто ледстнемань чокшнеть ды вастовомат.

Даволковонь 23-це чись Абхазиясо[витнемс | витнемс-петнемс лисьмапрянзо]

Даволковонь 23-це чись Абхазиясо тешкстави, ансяк эрьгелемачикс а ловови. Те чистэнть Абхазия Республикань Оборонань министерствань ушмантнэ Абхазиясо аштиця Россиянь военной 7-це базань ушмантнэнь РФ-нь ФСБ-нь Пограничной управлениянь пограничниктнень марто путыть цецят Сухум ошонь Махаджирэнь Набережнойсэ путыть цецят Асодавикс солдатонтень. Теке марто путовить цецят 1992—1993-це иетнестэ Отечествань войнасо Абхазиянь раськень чавовозтнень лемест ледстнемга ды Россиянь миротворецтнэнень, конат чавовсть служамсто грузинэнь-абхазиянь конфликтэнь шкасто. Абхазиянь ды Россиянь ушмантнэ путыть цецят чавовзь миротворецтнэнень Славань Парксо.

Даволковонь 23-це чись Армениясо[витнемс | витнемс-петнемс лисьмапрянзо]

Армениясо те чись эзь ловово государственной покшчикс. Ансяк даволковонь 23-це чистэ Ереван ды Гюмри оштнесэ ютавтневить Масторонь ванстыцянь чинтень мероприятият. Армениянь оборонань министрась, Вооружённой вийтнень Генеральной штабонь прявтось, Армениясо РФ-нь чрезвычайной ды полномочной посолось, Армениянь ды Россиянь Вооружённой вийтнень офицертнэ ды ушмантнэ, дипломатиянь ведомствань предтставительтне сакшныть Изнямонь парков. Сынь путнить цецят Асодавикс солдатонь кеврунгонтень, тень пингстэ ледстнить Масторонь кис чавовозь ванстыцятнень. Теде мейле парконть эзга парадонь эскелькссэ ютыть Армениянь ды Россиянь военнослужащейтне.

Гюмрисэ даволковонь 23-це чистэ «Московонь кудо» культурань ды тевень куншкакуросо Московонь Правительствань Внешнеэкономической ды раськеютконь сюлмавомань департаментэнть лездамонзо вельде ютавтневи Армяниянь содавикс морыцятнень ды музыканттнэнь марто военно-патриотической моронь покш концерт. Ошонь драмань театрасо пурнавить эрицятне, Гюмрисэ аштиця Россиянь военной 102-це базань военнослужащейтне.

Даволковонь 23-це чись Латвиясо[витнемс | витнемс-петнемс лисьмапрянзо]

Латвиясо олячинь ёвтамодо мейле даволковонь 23-це чись лоткась улемеде покшчинь официальной покшчикс. Ялатеке сонзэ нейгак тешкстыть Латвиясо эриця Ине Отечественной войнасо улицятне, СССР-нь Вооружённой вийтнень икелень военнослужащейтне, военной конфликттнэсэ улицятне, Советэнь Союзонь военно-учебной высшей заведениянь прядыцятне. Истя, Даугавпилссэ коень коряс те чистэнть Дубровинэнь парконь мемориалонть вакссо пурнавить ошонь эрицятне ды ледстнить ошонть кис чавовозь ушмантнэнь. Ригасо даволковонь 23-це чистэ Пардаугавасо путовить цецянь каштазт Латвиянь ды Ригань Олякстомтыцянь кеврунгонтень.

Даволковонь 23-це чись Эстониясо[витнемс | витнемс-петнемс лисьмапрянзо]

Те чистэнть Эстониясо Россиянь Федерациянь ды Беларусь Республикань Посольстватнень важодицятне, Эстониянь ветеранонь ды общественной вейсэндявкстнэс совицятне путыть каштазт ды цецят Таллинэнь Ушманонь калмо лангсо Бронзань солдат Ушманонтень-олякстомтыцянтень[41][42].

Масторонь ванстыцянь чись Приднестровьянь Молдавиянь Республикасо[витнемс | витнемс-петнемс лисьмапрянзо]

Приднестровьясо Масторонь ванстыцянь чись ловови государственной покшчикс ды тешкстави даволковонь 23-це чистэ. Покшчинь прявт мероприятиятне ютавтневить Тирасполь ошсо. Покшчис сакшны Президентэсь ды силовой ведомствань прявттнэ.

Тешкставкст

[витнемс | витнемс-петнемс лисьмапрянзо]
  1. ↑ День защитников Отечества. Дата обращения: 18 Аштемковонь 2022.
  2. ↑ Поздравление Владимира Путина по случаю Дня защитника Отечества. news.1777 (23 Даволковонь 2024). Дата обращения: 10 Аштемковонь 2024.
  3. ↑ Константин Медведев. 23 февраля - День защитника Отечества. Чем важен этот праздник для нас? Российское историческое общество. Дата обращения: 17 Якшамковонь 2025.
  4. ↑ Газета Временного рабочего и крестьянского правительства. — 20 января (2 февраля) 1918. — № 13 (58). — С. 1.
  5. ↑ Черепанов А. И. «Под Псковом и Нарвой». — М. : Воениздат, 1956. — С. 18.
  6. ↑ Ганин А. В. И. Г. Пехливанов — один из первых историографов Первой балканской войны. Архивень копия 19 Эйзюрковонь 2015 на Wayback Machine // promacedonia.org
  7. ↑ 1 2 3 Николаев П. А. Интервенция Германии // Интервенция на Северо-Западе России 1917—1920 гг. — Российская академия наук, Институт российской истории, Санкт-Петербургский филиал. — СПб.: «Наука», 1995. — С. 93—99.
  8. ↑ Черепанов А. И. Под Псковом и Нарвой. — М. : «Воениздат», 1956. — С. 71.
  9. ↑ 1 2 Гривенко В. Историческое переосмысление 23 февраля Архивень копия 19 Даволковонь 2007 на Wayback Machine // Независимое военное обозрение : интернет-газета // nvo.ng.ru (16 февраля 2007 года)
  10. ↑ 1 2 Газета Временного рабочего и крестьянского правительства, № 31 (76) от 23 февраля 1918 года, с. 1.
  11. ↑ 1 2 Кораблёв Ю. Защита Республики. Как создавалась Рабоче-крестьянская Красная армия. // Переписка на исторические темы: диалог ведёт читатель. — М.: Политиздат, 1989. — С. 160—161.
  12. ↑ Kotkin, 2014, с. 256.
  13. ↑ Барсенков А. С., Вдовин А. И. История России. 1917—2004 гг. : учеб. пос. для вузов. — М., 2005. — С. 62.
  14. ↑ Ленин В. И. Мир или война (напечатано 23 февраля 1918 г.) // Полн. собр. соч. — Т. 35. — С. 368.
  15. ↑ Войтиков С. С. Развитие взглядов высшего руководства Советской России на военное строительство в ноябре 1917 — марте 1918 г. // Вопросы истории : журнал. — № 10. — 2007.
  16. ↑ Послание Патриарха Московского и всея России Тихона по поводу заключения Брестского мира. 5 (18) марта 1918 года.
  17. ↑ Историческая справка о дне 23 февраля. Архивень копия 25 Якшамковонь 2020 на Wayback Machine // happy-year.narod.ru
  18. ↑ С историей формирования Красной армии можно ознакомиться на выставке в Пскове. Архивень копия 14 Чадыковонь 2021 на Wayback Machine // pln-pskov.ru
  19. ↑ Максим Хрусталёв. «Несокрушимая и легендарная». — Исторические корни Дня защитника Отечества. Архивень копия 7 Умарьковонь 2017 на Wayback Machine // km.ru (23 февраля 2010 года)
  20. ↑ Найда С. Ф. Почему день Советской армии и Военно-морского флота празднуется 23 февраля? // Военно-исторический журнал. — 1964. — № 5. — С.115—117.
  21. ↑ Федеральный закон Российской Федерации № 32-ФЗ от 13 марта 1995 года «О днях воинской славы (победных днях) России». Архивень копия 26 Сундерьковонь 2021 на Wayback Machine Официальный сайт Президента Российской Федерации // kremlin.ru
  22. ↑ В День защитника Отечества Святейший Патриарх Кирилл возложил венок к могиле Неизвестного солдата у Кремлёвской стены. Дата обращения: 23 Даволковонь 2016. Архивировано 6 Эйзюрковонь 2016 года.
  23. ↑ Полная программа мероприятий на 23 февраля в Волгограде. Дата обращения: 1 Панжиковонь 2020. Архивировано 25 Даволковонь 2018 года.
  24. ↑ В Пскове состоялся торжественный концерт, приуроченный к 100-летию Красной армии и Дню защитника Отечества. Дата обращения: 22 Даволковонь 2018. Архивировано 22 Даволковонь 2018 года.
  25. ↑ 23 февраля 2016 года на площади у стелы в Крестах состоялся парад войск в честь Дня защитника Отечества. Дата обращения: 1 Панжиковонь 2020. Архивировано 19 Чадыковонь 2021 года.
  26. ↑ Парад в Крестах 23 февраля 2017 года. Дата обращения: 23 Даволковонь 2017. Архивировано 24 Даволковонь 2017 года.
  27. ↑ Парад в День защитника Отечества в Омске. Дата обращения: 23 Даволковонь 2019. Архивировано 23 Даволковонь 2019 года.
  28. ↑ Парад в Североморске в честь 100-летия РККА. Дата обращения: 23 Даволковонь 2019. Архивировано 21 Даволковонь 2022 года.
  29. ↑ Масштабная историческая реконструкция к столетию образования РККА состоялась в Пскове (ВИДЕО). Дата обращения: 1 Панжиковонь 2020. Архивировано 19 Чадыковонь 2021 года.
  30. ↑ Двойной праздник: в Севастополе отметили 23 Февраля и День народной воли. Дата обращения: 27 Даволковонь 2018. Архивировано 27 Даволковонь 2018 года.
  31. ↑ О российской армии и 23 февраля. Дата обращения: 1 Панжиковонь 2020. Архивировано 23 Чадыковонь 2021 года.
  32. ↑ День защитника Отечества 2018 в Донецке. Дата обращения: 23 Даволковонь 2018. Архивировано 24 Даволковонь 2018 года.
  33. ↑ Глава ДНР объявил 23 февраля выходным днём. Дата обращения: 22 Даволковонь 2016. Архивировано 3 Эйзюрковонь 2016 года.
  34. ↑ В ЛНР подписан указ о праздновании 23 февраля. Дата обращения: 1 Панжиковонь 2020. Архивировано 8 Умарьковонь 2020 года.
  35. ↑ Александр Лукашенко принял участие в торжественном собрании, посвящённом 100-летию Вооружённых Сил Беларуси. Архивень копия 24 Даволковонь 2018 на Wayback Machine Национальный центр правовой информации Республики Беларусь // pravo.by (23 февраля 2018 года)
  36. ↑ Российские и белорусские десантники на лыжах отметили 100-летие Красной армии. Архивень копия 22 Даволковонь 2018 на Wayback Machine Телеканал «РЕН ТВ» // ren.tv (22 февраля 2018 года)
  37. ↑ Ярослав Мирнов. В Пскове прошёл парад, посвящённый Дню защитника Отечества. — Участниками марша стали десантники из Пскова и Белоруссии, лётчики, спецназовцы и сотрудники УФСИН. Архивень копия 25 Даволковонь 2018 на Wayback Machine Газета «Комсомольская правда» (Псков) // pskov.kp.ru
  38. ↑ Военный парад в Гродно прошёл с участием авиации. Архивень копия 24 Даволковонь 2018 на Wayback Machine «Белорусское телеграфное агентство» (БЕЛТА) // belta.by (24 февраля 2018 года)
  39. ↑ Военный парад прошёл в Киргизии в День защитника Отечества. Архивень копия 31 Ацамковонь 2013 на Wayback Machine РИА «Новости» // ria.ru (23 февраля 2012 года)
  40. ↑ 23 февраля или 7 мая? Информационная система ПАРАГРАФ. Дата обращения: 28 Якшамковонь 2022. Архивировано 28 Якшамковонь 2022 года.
  41. ↑ В Таллине отметили День защитника Отечества (видео). Дата обращения: 8 Эйзюрковонь 2015. Архивировано 27 Даволковонь 2015 года.
  42. ↑ В Эстонии решили игнорировать запрет на празднование 23 февраля. Дата обращения: 1 Панжиковонь 2020. Архивировано 18 Чадыковонь 2021 года.

Ссылкат

[витнемс | витнемс-петнемс лисьмапрянзо]
Саезь "https://myv.ruwiki.ru/w/index.php?title=Масторонь_ванстыцянь_чи&oldid=325955"-стэ