Матросов, Александр Матвеевич

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Матросов.
Александр Матвеевич Матросов
Alexander Matveyevich Matrosov.jpg
Чачомсто лемезэ руз. Александр Матвеевич Матросов
Чачома чизэ 1924-це иень даволковонь
5-це чи
Чачома тарказо Екатеринослав ош, Украинань ССР, СССР
Кулома чизэ 1943-це иень даволковонь
27-це чи
Кулома тарказо Чернушки веле, Локнянской буе, Калинин ёнкс, РСФСР, СССР
Масторозо СССРFlag of the Soviet Union 1923.svg СССР
Кодамо ушмосо Важодицянь ды сокицянь-видицянь Якстере Армия
Служамонь иетне 1942—1943-це
Званиязо Якстере Армиясо служиця
Тюремат/войнат Ине Отечественной война
Казнеть ды премият
Герой Советского Союза
Орден Ленина
Commons-logo.svg Александр Матвеевич Матросов

Алекса́ндр Матве́евич Матро́сов (1924-це иень даволковонь 5-це чи, Екатеринослав ош — 1943-це иень даволковонь 27-це чи, Чернушки веле, Калинин ёнкс) — Советской Союзонь Герой (1943-це иень аштемковонь 19-це чи), Якстере Армиясо служиця, Калининской фронтонь М. Н. Герасимов генералонь оперативной группань Сталинэнь Сибирской леднемань добровольческой 6-це корпусонь И. В. Сталин лемсэ Сибирской добровольческой 91-це башка бригадань леднемань 2-це башка батальононь ледниця-автоматчик, Ленинэнь од ломанень Весе Союзонь коммунистэнь вейсэндявксос (ВЛКСМ-с совиця). Чавовсь 19 иесэ, эсь мештесэ пекстызе немецень чувтонь ды модань леднема тарканть (ДЗОТ-онть), истя лездась эсь взводонтень тапамс ятонть леднема тарканзо. Матросовонь подвигезэ келейстэ невтневсь кулялопасо, журналсо, литературасо, киносо ды теевсь кемекстазь валзюлмавксокс («Александр Матросовонь подвигезэ», «Матросовонь подвигезэ»).

Эрямо кизэ

[витнемс | витнемс-петнемс лисьмапрянзо]

Официальной версиянь коряс Александр Матросов чачсь 1924-це иень даволковонь 5-це чистэ Украинань ССР-нь Екатеринославонь губерниянь Екатеринослав ошсо[1].

1942-це иень таштамковонь 30-це чистэ ушодызе тонавтнеманзо Пехотань Краснохолмской училищасо 5-це ротань курсантокс. 1942-це иень сундерьковсто совась Ленинэнь од ломанень Весе Союзонь коммунистэнь вейсэндявксос.
1942-це иень ацамковсто училищань курсанттнэнь марто кучозель тонавтнемас Астраханень (эли Астрахань ёнксонь Харабали(ru) ошонь) пурнавомань таркас.

1943-це иень якшамковонь 18-це чистэ Чкалов (ней Оренбург) ёнксонь Платовка станциясто училищань курсанттнэнь марто эсь мельсэ тусь Калининской фронтов. 1943-це иень даволковонь 12-це чистэ Матросов сась частес, служась И. В. Сталин лемсэ Сибирень добровольческой бригадань 91-це башка бригадань леднемань
2-це башка батальонсо (лия даннойтнень коряс 3-це батальононь 1-це ротасо)
(теде мейле Калининской фронтонь гвардиянь леднемань 56-це дивизиянь гвардиянь леднемань 254-це полксо), кочказь комсомолонь группань анокстыцякс ды взводонь агитаторокс. 1943-це иень даволковонь 15-це чистэ 18:00 чассто
91-це бригадась сыргась Земцы(ru) станциянть эйстэ Локня(ru) посёлканть ёнов.

Фронтсо[витнемс | витнемс-петнемс лисьмапрянзо]

1943-це иень даволковонь 25-це чистэ 91-це бригадась кавто батальонсо ветясь тюремат Чёрная ды Брутова эрямо таркатнень кис. 1943-це иень даволковонь
26-це чистэ 91-це бригадась 2-це батальононь вийтнесэ Чернушка Северная веленть чилисема ёндо ютамсто лиссь Плетень (Северные) веленть малав, прявт аравтомакс ульнесь ве пелев вачкодемстэ тапамс ды саемс Чернушка Северная ды Чёрная велетнень кирдиця ятонть. Фронтсто Чернушкатнень лангс лепштясь 4-це батальонось. Маршонь теемстэ батальонось ятонь толсо явозель 3 группас. Виев тюремадо мейле батальононь группатне вейсэндявсть, тень пингстэ ранязель Афанасьев батальононь ветицясь. Ятось леднесь средней миномётстэ, артиллериясто ды стака миномётсэ, истя ветясь идеманть.

Подвигезэ

[витнемс | витнемс-петнемс лисьмапрянзо]

1943-це иень даволковонь 27-це чистэ 2-це батальононтень максозель кармавтома каявомс Калинин ёнксонь Локнянской буень Чернушки веленть маласо нежедиця тарканть лангс[lower-alpha 1]. Советской ушмотне вирев самодо ды вирь чирентень лисемадо мейле понгсть ятонь виев толонть алов — ДЗОТ-онь колмо пулемёттнэ кардасть велентень молеманть. Толонь леднемань таркатнень тапамга кучозельть кавто ломаньстэ аштиця штурмань группат. Сынст лиссь тапамс флангонь кавто ДЗОТ-тнэнь. Ансяк куншкасо аштиця ДЗОТ-онь пулемётось поладсь леднеме Плетень веленть икеле лайменть. Лоткавтомань варчнемась мейсэяк эзь прядово.

Сестэ ДЗОТ-нть ёнов пеке лангсо ёзмолдозь мольсть Пётр Александрович Огурцов (чачсь 1920-це иестэ Саратов ёнксонь Балакова ошсо) ды Александр Матросов Якстере Армиясо служицятне. ДЗОТ-онть малав пачкодемстэ Огурцов стакасто ранязель, ды Матросов арсесь прядомс тевенть ськамонзо. Сон пачкодсь амбразурань флангс ды ёртсь кавто гранатат. Пулемётось чатьмонезевсь. Ды кода ушмантнэ ёртовсть каявомас, ДЗОТ-онть эйстэ таго панжозель тол. Сестэ Матросов стясь, бойкасто каявсь ДЗОТ-онть лангс ды эсь рунгосо пекстызе амбразуранть. Эрямонзо максомсто Матросов лездась топавтомс подразделениянть икеле аштиця аравтоманть.

Ятонть пельде толонь лавшомгадомадо мейле батальонось ушодсь бойкасто молеме икелев. Плетень велесь саезель
4-це батальононь фронтонь каявомасо ды 2-це батальононь флангонь покш каявомасо. Чернушка веленть лангс кись ульнесь панжозь, ды 13:00 чассто 4-це батальононь вийтнесэ велесь саезель. Пётр Ильич Волков леднемань 91-це башка бригадань политикань отделэнь агитаторось, старшей лейтенантось пачтясь политикань отделс А. Матросовонь подвигензэ ланга. Конёвсо сёрмадозель, Матросов героекс чавовсь тюремасо Калинин ёнксонь Локнянской буень Чернушки веленть маласо[2]. Ней велесь арась, Плетень велень территориясь сови Михайловской волостес, а Чернушки велесь — Псков ёнксонь Локнянской буень Самолуковской волостес.

Чернушки веленть маласо немецень ДЗОТ-ось, конань амбразуранзо эсь рунгосо пекстызе Александр Матросов

Подвигензэ свалшкань ледстнема

[витнемс | витнемс-петнемс лисьмапрянзо]

Печатьсэ Матросовонь подвигензэ ланга васенцекс ёвтнесь Михаил Бубенков журналистэсь. Советской литературасо Александр Матросовонь подвигезэ кармась сюлмавомо виевчинь ды воинской доблестень, апелемань ды Тиринь масторонтень вечкемань тешксэкс.

Васняяк Александр Матвеевич Матросов калмазель Чернушки веленть маласо,
а 1948-це иестэ ушманонть челькезэ одов калмазель Великолукской ёнксонь Великие Луки ошсо[lower-alpha 2].

Чернушки веленть маласо Александр Матросовонь калмамонь васенце тарказо

1943-це иень аштемковонь 19-це чистэ «Якстере Армиянь прявтонь ды рядовой составонтень Советской Союзонь Героень лементь максомадо» СССР-нь Верховной Советэнь Президиумонь кармавтомасо «фронтсо немецень ятонть каршо виевчинь ды геройксчинь невтеманть ды прявттнэнь пельде аравтозь тевень топавтоманть кис» куломадо мейле максозь Советской Союзонь Героень лемесь[3].

Великие Луки ошсо Александр Матросовонь ледстнемга кандолазонь кеврунго, панжозь 1954-це иень медьковонь 25-це чистэ

1943-це иень таштамковонь 8-це чистэ СССР-нь Раськень комиссариатонь оборонань кармавтомасо сёрмадозель: «Матросовонь ине подвигезэ улезэ Якстере Армиянь весе ушмантнэнь туртов воинской доблестень ды геройксчинь невтемакс». Теке кармавтомасонть А. М. Матросовонь лемезэ максозель гвардиянь леднемань
254-це полконтень, сонсь Матросов свалшкас ульнесь совавтозь те полконь
1-це ротань спискатнес.

Александр Матросов кармась Советской васенце ушманокс, кона свалшкас совавтозь частень спискатнес.

Лия мельть-арсемат

[витнемс | витнемс-петнемс лисьмапрянзо]

Л. И. Лазарев разведкань ротань икелень прявтось арси, Матросов правтозель пулемётонь леднемасо сестэ, зярдо аламодо стясь ды арсесь ёртомс граната, мезесь удало аштиця ушмантнэнь туртов неявсь кода варчамс кекшемс сынст эсь рунгосо толонь леднемадо.

Виктор Астафьев сёрмадыцясь-фронтовикесь нежеди сеть читнестэ вакссо улицятнень сёрмаст лангс ды корты, Матросов валгсь амбразуранть лангс верде, арсесь мендямс кувака пулемётонь стволонть нурька шкас, кона сатоволь лия ушмантнэнень ёртовомс, ансяк немецтне ноцковтызь стволонть, ды истя Матросов ульнесь чавозь. Пётр Огурцов, кие Матросовонь марто вейсэ арсесь тапамс немецень ДЗОТ-онть ды Галина Суднова 4-це батальононь военной фельдшерэсь кемекстыть эсь ялгаст подвигень те арсеманть.

Айрат Багаутдинов башкирэнь историкесь ваннось советской военной часттнень ды немецень вермахтонь ламо тевконёвт ды арси, Александр Матросов теизе подвигенть эсь васенце ды меельце тюремасонть 1943-це иень даволковонь 25-це чистэ (аволь
27-це чистэ). Немецень пехотань 93-це дивизиянь боевой тевдеемань журналось кемексты советской ушмотнесэ Чернушки велесэ (лембе ёнкссо) лембе ды чилисема ёндо валскестэ немецень оборонань линиянь сезевеманть. Александр Матросовонь леднемань 2-це батальонось Чернушкатнень маласо сезизе немецень оборонань линиянть Чёрное веленть эйстэ кельме ды чилисемань ёнксонть пелев 2 вайгельбень ютазь даволковонь 25-це чинь валскестэ. Александр Матросовонь подвигень теема тарканть лиссь муемс советской ды немецень тевконёвтнень лангс нежедезь — Чернушки велень (лембе ёнкссо) 1 вайгельбень 200 метрань ютазь вирь чирень чилисема ёнкссо. Весемесь ашти ве таркасо немецень оборонань ве тарканть марто[4].

Айрат Багаутдинов домкасто ваннынзе вермахтонь тевконёвтнень ды васенцеде редясь, 1943-це иень даволковнь 10-це чистэ саезь даволковонь 27-це чис Чернушка (лембе ёнкссо) ды Чернушка (кельме ёнкссо) велетнесэ ульнесь ванстомань 285-це дивизиянь ванстомань 113-це полконь 3-це батальононь немецень 11-це ротась, кона тюрсть Тиманонь группань прявтсо ды кандовкшнось пехотань 93-це дивизиянтень. 3-це батальононь ветицякс ульнесь Теодор Ванке майорось. 11-це ротань ветицякс ульнесь Роберт Стратман гауптманось. 11-це ротась аштесь кавто взводсто. Васенце взводонь ветицякс ульнесь Макс Доринг обер-лейтенантось, омбоценть — Макс Рабл лейтенантось. Неть кавто взводтнэстэ вейке личной составось аштесь Чернушка веленть маласо
ДЗОТ-тнэсэ[4].

Лия ломанть, конат тейть истямо подвиг

[витнемс | витнемс-петнемс лисьмапрянзо]
Main article: Ушмант, конат Ине Отечественной войнань шкасто эсь рунгосо пекстасть амбразурат

Войнань шкасто истят подвигть тейсть 400-то ламо ломанть; Н. Н. Смирнов исследователесь 2000-це иес ловсь 402 ушмант, конат тейсть истямо подвиг[5].

Казнеть

[витнемс | витнемс-петнемс лисьмапрянзо]
  • Советской Союзонь Герой (куломадо мейле) — максозь 1943-це иень аштемковонь 19-це чистэ.
    • Ленинэнь орден
    • «Сырнень Теште» медаль

Ледстнема

[витнемс | витнемс-петнемс лисьмапрянзо]
Александр Матросовонь постретэнзэ марто почтань конверт (1983-це ие)
Почтань маркасо
(СССР, 1944-це ие)
Почтань маркасо
(СССР, 1963-це ие)
Санкт-Петербургсо
А. Матросовонь куросо ледстнемань лаз
Александр Матросовонь васенце калмамо тарканзо схема

Войнань иетнестэ нолдазь «Окна ТАСС» «Подвиг комсомольца Александра Матросова» агитациянь плакат.

  • Великие Луки Матросовонь калмазыренть вакссо кеврунгонть теизь Е. В. Вучетич скульпторось ды В. А. Артамонов прявт архитекторось. Бронзань скульптурань сэрезэ —
    4,2 метрат, гранитэнь постаментэнть — 4,32 метрат. Юрось теезь лабрадоритэнь полировазь плитасто. Кеврунгось панжозель 1954-це иень медьковонь 25-це чистэ. Героень челькенть марто площадесь кандтни сонзэ лемензэ[6].
  • Совавтозь Петропавловск-Камчатский ошонь малой противолодочной 332-це иневенчень 53129-це военной частень спискатнес.
  • 1943-це иень таштамковонь 8-це чистэ Матросовонь лемезэ максозь гвардиянь леднемань 54-це дивизиянь гвардиянь леднемань 254-це полконтень, сонсь Матросов сёрмадозь те частень 1-це ротань свалшкань спискатнес. Ине Отечественной войнань прядовомадо мейле полкось аштесь Таллинсэ (92953-це военной частесь). 1994-це иестэ Александр Матросов лемсэ гвардиянь леднемань 254-це полкось ютавтозель Смоленск ёнксонь Ельня ошов ды 2000-це иес явозель-пекстазель. 2004-це иень даволковонь 23-це чистэ Обран ошсо свалшкане анокстазь мотострелковой 3-це дивизиянь мотострелковой
    752-це полконтень максозель Александр Матросовонь лемесь, теде мейле теезель мотострелковой 9-це башка бригадас (54046-це военной частесь), кона 2010-це иентень ульнесь явозь-пекстазь. 2019-це иестэ Западной военной округонь гвардиянь мотострелковой теезь-пурназь полконтень, кона яволявтозь кода гвардиянь леднемань 254-це полконь поладыцякс, 2020-це иестэ максозь «Александр Матросовонь» почётной лемесь[7].
  • Александр Мастросовонь чавовома таркасо аравтозь ледстнемань комплекс.
  • Россиянь ламо оштнень зярые куротне, парктне ды Олячинь вейсэндявксонь (СНГ-нь) мастортнэ кандтнить Александр Матросовонь лемензэ. 2015-це иестэ Александр Матросовонь барельефесь аравтозель Ульяновск ошонь Пионерэнь-героень аллеясо[8].
  • Александр Матросовонь лемензэ кандтни «Пассажирречтранс» компаниянь пассажирэнь усксиця теплоходось, кона топавты Енисей леенть ланга Красноярск — Дудинка линиясо рейст. Александр Матросовонь лемензэ кандтни Ульяновск ёнкссо Ульяновскоень буень Ивановка велесэ эйкакшонь кужось (1960-це иестэ саезь), косо Матросов эрясь
    1937-39-це иетнестэ.
  • 1978-це иестэ Ульяновск ёнкссо А. М. Матросов Советской Союзонь Героенть лемензэ ледстнемга ютавтневи шожда атлетикань коряс эрьва иень чийнема.
  • Ошонь томбалень эйкашонь шумбрачинь вейке лагересь кандтни А. Матросов Советской Союзонь Героенть лемензэ (Охотничья-Станциясо).
  • 1973-це иень даволковонь 27-це чистэ РСФСР-нь Министрань Советэнь кармавтомасо Александр Матросовонь лемензэ кандтни Ульяновск ёнксонь «Баратаевский»
    совхозось — Александр Матросов Советской Союзонь Героенть лемсэ совхоз[9].
  • Александр Матросов лемсэ комсольской славань музей (Великие Луки ош). А. Матросов Советской Союзонь Героенть лемсэ мемориальной музей (панжозь 1960-це иестэ Ивановка велесэ). Музеесь совавтозь боевой ды трудовой славань музейтнень юткс Москов ошонь Поклонной пандопрясо. 1958-це иень даволковонь 8-це чистэ панжозель ледстнемань лаз се зданиясонть, косо эрясь Саша Матросов (Ивановка веле). 1944-це ды
    1963-це иетнестэ СССР-нь почтась нолдась почтань маркат (вант фототнень).
    1973-це иестэ СССР-нь связень министерствась нолдась маркированной художественной конверт, косо невтезель: «Александр Матросов Советской Союзонь Героенть подвигезэ» скульптура, Ивановка веле, Ульяновск ёнкс[10]. 1983-це иестэ Александр Матросовонь чавовомань 40 иетненень нолдазь маркированной художественной конверт.

Кеврунгот[витнемс | витнемс-петнемс лисьмапрянзо]

Александр Матросовнень кеврунготне стявтнезельть истят оштнесэ ды эрямо таркатнесэ:

  • Анжеро-Судженск ошсо;
  • Барнаул ошсо;
  • Великие Луки ошсо;
  • Днепропетровск ошсо (яжазь 2023-це иень якшамковонь 3-це эли 4-це чистэ);
  • Дюртюли ош;
  • Ишеевкасо — посёлкань парктнесэ вейкесэнть;
  • Ишимбай ошсо — А. М. Матросов лемсэ культурань ды оймсемань парксо (кеврунгонть колмоце версиязо);[11]
  • Коряжма ошсо;[12]
  • Краснодар ошсо — лемензэ кандтниця 14-це школасо;
  • Красноярск ошсо;
  • Курган ошсо — Матросовонь лемсэ икелень кинотеатранть вакссо (ней «Toyota» техцентра), кеврунго (1987-це ие, скульпторось Г. П. Левицкая);[13]
  • Октябрьский ошсо — Александр Матвеевич Матросовнень кеврунго стявтозь Нарышева посёлкасо, ушманонть лемезэ максозь ошонь куронтень;
  • Салават ошсо — Матросовонь бюст (1961-це ие), скульпторось Л. Ю. Эйдлин;
  • Ленинград (ней Санкт-Петербург ош) — Изнямонь Московской парксо ды Александр Матросовонь куросо;
  • Сибай ошсо;
  • Севастополь ошсо;
  • Стерлитамак ошсо;
  • Тольятти ошсо;
  • Ульяновск ошсо;
  • Ивановка велесэ (Ульяновск ёнксонь Ульяновскоень буе);
  • Охотничья-Станциясо (Ульяновск ёнксонь Ульяновскоень буесэ посёлка);
  • Баратаевкасо (Ульяновск ошонь округсо Засвияжской буентень кандовиця велесэ);[14]
  • Высококолковской велень поселениясо — стела (2016-це ие);[15]
  • Уфа ошсо — Ленинэнь лемсэ парксо Мастросовнень кеврунго (1951-це ие, скульпторось Эйдлин Л. Ю.[16]); Уфань юридической институтонть вакссо бюст; Изнямонь парксо А. Матросовнень ды М. Губайдуллиннэнь мемориал (1980-це ие, скульптортнэ
    Л. Кербель, Н. Любимов, Г. Лебедев);
  • Харьков ошсо: Харьковсо вейке курось кандтни Александр Матросовонь лемензэ;
  • Галле ошсо — Германиянь Демократиянь Республикасо (1971-це ие, Уфа ошсо Матросовнень аштиця кеврунгонь кондямо кеврунго);[16]
  • Ледстнемань тешкс: Михайло-Коцюбинской посёлкасо;[17]
  • Оренбург ёнксонь Платовка велесэ — А. Матросов лемсэ Платоновкань школасо бюст (скульпторось — Николай Игнатьевич Колесников).

Фотот

[витнемс | витнемс-петнемс лисьмапрянзо]
  • А. Матросовнень бюст Армавир ошсо, Краснодаронь край

    А. Матросовнень бюст Армавир ошсо, Краснодаронь край

  • А. Матросовнень кеврунго Галле ошсо, Германия

    А. Матросовнень кеврунго Галле ошсо, Германия

  • А. Матросовнень кеврунго Днепропетровск ошсо, Украина

    А. Матросовнень кеврунго Днепропетровск ошсо, Украина

  • А. Матросовнень бюст Дятьковичи велесэ, Брянск ёнкс

    А. Матросовнень бюст Дятьковичи велесэ, Брянск ёнкс

  • А. Матросовонь бюст Ельня ошсо, Смоленск ёнкс

    А. Матросовонь бюст Ельня ошсо, Смоленск ёнкс

  • А. Матросовнень бюст (Ш. Мухамедьянова) Кунакбаева велесэ, Башкортостан

    А. Матросовнень бюст
    (Ш. Мухамедьянова) Кунакбаева велесэ, Башкортостан

  • А. Матросовнень бюст Резекне ошсо, Латвия

    А. Матросовнень бюст Резекне ошсо, Латвия

  • А. Матросовнень бюст Салават ошсо, Башкортостан

    А. Матросовнень бюст Салават ошсо, Башкортостан

  • А. Матросовнень кеврунго Санкт-Петербургсо

    А. Матросовнень кеврунго Санкт-Петербургсо

  • А. Матросовнень кеврунго Уфасо

    А. Матросовнень кеврунго Уфасо

  • А. Матросовнень бюст Харьковсо, Украина

    А. Матросовнень бюст Харьковсо, Украина

Искусствасо

[витнемс | витнемс-петнемс лисьмапрянзо]

Фильмат[витнемс | витнемс-петнемс лисьмапрянзо]

  • «Александр Матросов. Шагнувший в бессмертие», режиссёрось А. Егорычев. «ДокСтори Продакшн», 2022-це ие
  • «Рядовой Александр Матросов»
  • «Александр Матросов. Правда о подвиге» (Россия, 2008-це ие)

Произведеният[витнемс | витнемс-петнемс лисьмапрянзо]

  • Анвер Бикчентаев. Право на бессмертие'. — М.: Советский писатель, 1950. — 288 с.
  • Багаутдинов Айрат Маратович, Багаутдинов Рушан Айратович. Подвиг Александра Матросова: анализ советских и немецких документов. Монография. Уфа. РИЦ БашГУ. 2021. — 223 с. ISBN 978-5-7477-5317-4
  • Бикчентаев А. Г. Орёл умирает на лету. — Уфа, 1966.
  • Журба П. «Александр Матросов»
  • Пантелеев «Гвардии рядовой»

Музыкасо[витнемс | витнемс-петнемс лисьмапрянзо]

  • Александр Матросов ледстневи «Гражданская Оборона» группань «Свобода» моросо («И чему посмеивался Санька Матросов…»).

Тешкставкст

[витнемс | витнемс-петнемс лисьмапрянзо]

Кортамот[витнемс | витнемс-петнемс лисьмапрянзо]

  1. ↑ 1957-це иень ожоковонь 2-це чистэ саезь Чернушки велесь совась Псков ёнксос
  2. ↑ 1957-це иень ожоковонь 2-це чистэ саезь Великие Луки ошось сови Псков ёнксонтень

Лисьмапрят[витнемс | витнемс-петнемс лисьмапрянзо]

  1. ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  2. ↑ Семен Экштут, доктор философских наук. Километры и секунды Александра Матросова. Полная реконструкция подвига, совершенного 75 лет назад. Публикуется впервые.
  3. ↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 19 июня 1943 года // Ведомости Верховного Совета Союза Советских Социалистических Республик : газета. — 1943. — 23 Аштемковонь (№ 23 (229)). — С. 3.
  4. ↑ 1 2 Багаутдинов, А. М. Подвиг Александра Матросова: анализ советских и немецких документов // Проблемы востоковедения : журнал. — 2021. — № 3 (93). — doi:10.24412/2223-0564-2021-3-15-23.
  5. ↑ Паряк, геройтнень ланга лиси од книга. Ине Отечественной войнань иетнестэ эсь мельсэ эрямост максыця советской ушмантнэде. // Военно-исторический журнал. — 2001. — № 3. — С.9.
  6. ↑ Подвиг Александра Матросова.
  7. ↑ Единственному в ВС РФ гвардейскому мотострелковому полку ЗВО вернут почётное имя Александра Матросова и вручат и боевое знамя нового образца / mil.ru, 28 декабря 2019. Дата обращения: 29 Ацамковонь 2019. Архивировано 29 Ацамковонь 2019 года.К:Рувики:Cite web (не указан язык)
  8. ↑ В Ульяновске открыли Аллею пионеров-героев. Официальный сайт полномочного представителя Президента Российской Федерации в Приволжском федеральном округе. Дата обращения: 4 Сундерьковонь 2020. Архивировано 24 Аштемковонь 2020 года.
  9. ↑ Ульяновская правда, 27.2.1973 г. Совхозу - имя героя.
  10. ↑ с.Ивановка СКУЛЬПТУРА МАТРОСОВА 1973 ХМК КТ9 конверт Ульяновск.область. meshok.net. Дата обращения: 8 Ожоковонь 2020.
  11. ↑ Никулочкин, Д. В. Хранители истории Ишимбая : ч. VI-II // Подметки+ : газ. / ред. Г. Р. Ямалова. — Ишимбай : РИК «Аспект», 2018. — № 20 (16 Панжиковонь). — С. 2. — ISSN 2220-8348.
  12. ↑ Коряжма. Памятники Архивень копия 26 Таштамковонь 2016 на Wayback Machine.
  13. ↑ Фотография памятника Александру Матросову в Кургане Архивень копия 22 Аштемковонь 2015 на Wayback Machine.
  14. ↑ 2GIS Captcha. captcha.2gis.ru. Дата обращения: 11 Ожоковонь 2020.К:Рувики:Cite web (не указан язык)
  15. ↑ В Ульяновской области открыли памятный знак Александру Матросову. 1ul.ru. Дата обращения: 11 Ожоковонь 2020. Архивировано 17 Ожоковонь 2020 года.
  16. ↑ 1 2 Изобразительное искусство. Дата обращения: 12 Якшамковонь 2013. Архивировано 25 Ожоковонь 2012 года.
  17. ↑ Информация о памятнике. Дата обращения: 24 Чадыковонь 2013. Архивировано 24 Медьковонь 2013 года.

Литература

[витнемс | витнемс-петнемс лисьмапрянзо]
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — Оренбург: ИПК «Южный Урал», 2005. — С. 382—383. — 595 с. — ISBN 5-94461-009-3.
  • Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Оренбург: Областная научная библиотека имени Н. К. Крупской, 1987. — С. 81—82. — 155 с.
  • Бикчентаев А. Г. Орёл умирает на лету. — Уфа : Башкирское книжное издательство, 1966. — 262 с. — 100 000 экз.
  • Бондаренко-Снитин О. Правда и вымысел // Ватандаш : журнал. — 2005. — № 2. — С. 107—112. — ISSN 1683-3554.
  • Бо­ри­сов Н. Бро­сок в бес­смер­тие // Жи­вая па­мять: Ве­ли­кая Оте­че­ст­вен­ная: прав­да о вой­не. М., 1995. Т. 1.
  • Вклад за­клю­чен­ных ГУЛага в по­бе­ду в Ве­ли­кой Оте­че­ст­вен­ной вой­не // Новая и новейшая история. 1996. № 5.
  • Коваленко А. П., Сгибнев А. А. Бессмертные подвиги. — М.: Воениздат, 1980. — 351 с.
  • Ко­ва­лен­ко А. П. Прав­да о Мат­ро­со­ве и мат­ро­сов­цах. М., 1994
  • 2194579 / Колганов А. М. // Маниковский — Меотида [Электронный ресурс]. — 2011. — С. 382. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 19). — ISBN 978-5-85270-353-8.
  • Легостаев И. Т. Бросок в бессмертие: к 40-летию подвига А. Матросова / предисл. И. С. Медникова. — 2-е изд., перераб. — М.: Молодая гвардия, 1983. — 111 с. — (Герои комсомола).
  • Имя с первой полосы. — М., 1985. — С. 540—548.
  • Молодые герои Великой Отечественной войны. — М., 1970. — С. 141—153.
  • Славные сыны Башкирии. — Уфа, 1965. — Т. 1. — С. 19—28.
  • Шкадаревич И. И. Подвиг Матросова. — М.: Воениздат, 1961. — 104 с.
  • Шкадаревич И. И. Бессмертный подвиг Александра Матросова. — М.: Просвещение, 1973. — 192 с.
  • Матросов, Александр Матвеевич // Золотые Звёзды : Книга о дважды Героях и Героях Советского Союза, уроженцах Днепропетровщины / сост. Н. С. Головин, В. Н. Петрищева ; при участии Ф. А. Матюшко, А. И. Посаднев ; ред. М. А. Штейн. — Днепропетровск : Промiнь, 1967. — С. 245—247. — 432 с. — (Герои Советского Союза).
  • Матросов, Александр Матвеевич // И генерал, и рядовой… : Очерки о Героях Советского Союза, уроженцах Днепропетровской области / Н. И. Воробьёв, С. А. Герасименко, В. Л. Головко и др. ; сост. А. Ф. Снитко ; ред. Г. В. Николенко, К. К. Чернышев. — Днепропетровск : Промiнь, 1983. — С. 313—317. — 567 с. — (Герои Советского Союза). — ББК 63.3(2Ук)722.78.

Ссылкат

[витнемс | витнемс-петнемс лисьмапрянзо]
Саезь "https://myv.ruwiki.ru/w/index.php?title=Матросов,_Александр_Матвеевич&oldid=360036"-стэ