Махров, Алексей Григорьевич

Алексей Григорьевич Махров
Алексей Григорьевич Махров
	Файла:Алексей Григорьевич Махров.jpg
Чачома чизэ	1919-це иень сундерьковонь 7-це чи
Чачома тарказо	Оброчное, Темниковань уезд[d], Тамбовонь губерния[d], РСФСР[d];
Кулома чизэ	1979-це иень якшамковонь 16-це чи (59 иеть)
Кулома тарказо	Рига ош, Латвийская ССР[d], СССР;
Масторозо	СССР
Кодамо ушмосо	бронетанковые войска
Служамонь иетне	1939—1965
Званиязо
Тюремат/войнат	Ине Отечественной война;
	Алексей Григорьевич Махров

Криворожской национальной университетэнь корпуссо ледстнема лазось

Алексе́й Григо́рьевич Махро́в (1919-це иень сундерьковонь 7-це чи, Оброчной веле — 1979-це иень якшамковонь 6-це чи, Рига) — советской танкист, Советской армиянь подполковник, Ине Отечественной войнань участник, Советской Союзонь Герой (1944).

Эрямокизэ

Чачсь 1919-це иень сундерьковонь 7-це чистэ Оброчное велесэ (ней — Мордовиянь Атюрьевский район) сокицянь-видицянь кудораськесэ. Руз.

Средней школань прядомадо мейле важодсь тонавтыцякс Атюрьевской райононь Кишалы велесэ. 1939-це иестэ Махров тердезель служамо Рабоче-крестьянской Якстере армияв. 1941-це иестэ саезь ВКП(б)-с совиця. 1941-це иестэ прядызе Бобруйской военной автотракторной училищанть, 1942-це иестэ — командной составонь усовершенствованиянь курсатнень. 1942-це иень аштемковсто саезь — Ине Отечественной войнань фронтнэсэ. Кавксть ранязель тюремасо^[1]. 1943-це иень ожоковонтень лейтенантось Алексей Махров ветясь 181-це танковой бригадань танковой рота(18-це танковой корпусонь, 5-це гвардейской танковой армиянь, 2-це Украинской фронтонь). Парсте невтизе прянзо Украинской ССР-нь Днепропетровской областень олякстомасо. 1943-це иень ожоковсто Махровонь ротась виевстэ тюрсь Пятихатской райононь Зелёное станциянь ды Зелёный Луг велень олякстомаст кис. Кривой Рогонть маласо тюремстэ кравтсь 2 стака танкат. Весемезэ сеть тюрематнесэ Махров эсензэ экипажонзо марто чавсь 4 танкат, 3 самоходной артиллерийской орудият, 2 бронетранспортёрт, ятонь зярыя кементь солдатт ды офицерт, сонсь ранязель, ансяк эзь лотка тюремеде^[1].

1944-це иень эйзюрковонь 10-це чистэ СССР-нь Верховной Советэнь Президиумонть Указонзо коряс «мужестванть ды героизманть кис, конат невтезельть вить чирень Украинань олякстоманзо кис тюрематнесэ» лейтенантонтень Алексей Махровнень максозель Советской Союзнь Герой покш лемесь ды мартонзо Ленинэнь орденэсь ды «Золотая Звезда» медалесь^[1].

Войнадо мейле Махров поладызе Советской армиясо служамонзо. 1965-це иестэ подполковникень званиясонть нолдызь запасос. Эрясь Ригасо, важодсь инженерэкс. Кулось 1979-це иень якшамаковонь 16-це чистэ^[1]. Калмазь Райнисэнь калмолангсо.

Казнензэ

«Золотая Звезда» медалесь (1944-це иень эйзюрковонь 10-це чи);
Ленинэнь орденэсь (1944-це иень эйзюрковонь 10-це чи);
колмоксть Якстере Теште орденэсь;
«За взятие Будапешта» медаль;
«За взятие Вены» медаль.

Тешкставкст

↑ ¹ ² ³ ⁴ Махров, Алексей Григорьевич (неопр.). «Масторонь маралят» вальмась.

Тешкставкст

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Воробьёв В. П., Ефимов Н. В. Герои Советского Союза: Справочник / СПб., 2010.
Дорогами побед. Боевой путь 5 гв. ТА / М.: Воениздат, 1969.

Ссылкат

[wh-1] ¹ ² ³ ⁴ Махров, Алексей Григорьевич (неопр.). «Масторонь маралят» вальмась.

[1]