Монгун-Тайга

Ваннозь сёрмадовкс

Монгун-Тайга
тув. Мөңгүн-Тайга
Характеристики
Площадь	1589 84 510
Высшая точка
Абсолютная высота	3976 м
Расположение
50°16′46″ с. ш. 90°07′12″ в. д.
Страна	Россия Россия
РФ-нь субъектэсь	Тыва
Горная система	Алтаень пандот

Монгу́н-Тайга́ (тув. Мөңгүн-Тайга — Сырнень пандо) — Тывань Монгун-Тайгинэнь кожуунсо пандонь покш сэрей тарка, Мугуронь лейюткосо (пелевеёнкссто), Шара-Харагаень (чилисема ды лембе марто чилисема ёнкссто) ды Толайтань (чивалгома ёнкссто), Алтаень пандотнень чилисема ёнкссто.

Алтаень пандотнень Россиянь пельксэсь ловови Чивалгомань Сибирень пельксэкс, ансяк 1932-це иестэ Монгун-Тайгась максозель (Убсунуронь латконь пелевеёнксонть марто) Монголиясто Тувань Раськень Республикас, 1944-це иестэ (республиканть РСФСР-с совамодо мейле) весе Туванть марто кармась лововомо Чивалгомань Сибирень пельксэкс.

Пандонть тёкшозо — Чилисемань Сибирень сех верце тарка — невти эень цитниця купол. Сэтьме чистэ Монгун-Тайгась невти сиянь мазый тюс, истя кемексты эсь лемензэ. Тесэ свал пуви виев варма.

Покш сэрей таркань пандалкссо ашти Хиндиктиг-Холь — «поче марто эрьке» — сэрей ды крута чиретнень марто ведень покш кирдема, эень теевксстэ ванькстэяк ванькс ведь марто. Эрькесь ашти иневедень лангсо 2305 метрань тёкшсо, сонзэ куншкасо аштить пандынень кавто усиинеть, конатне максстькак эрькентень лем. Тесэ Тывань ды Чилисемань Сибирень сех сэрей таркась — Монгун-Тайга пандось (3976 метрат). Монгун-Тайганть эрямопингезэ ушодовсь 1946-це иестэ, сень лангс апак вано, пандось ловови иневаньксэкс ды тесэнь кемематнень коряс куземс сонзэ пандопряс а мереви. Весемесь неень шкас кенярдовты альпинисттнэнь ды пандонь туристтнэнь — сонзэ пандопряс ветить стака эрьва кодат килангот.

Покш сэрей таркась ацазь кристаллонь сланцасо ды човарсо, кона ули интрузиянь гранитэнь покш сэрей таркань куншкасо. Пандонть сэрей таркатнесэ — эймацтт, вейсэнь площадесь малав 44 вайгельбеть². Покш сэрей таркасонть келейстэ аштить валунонь эймацтонь кадовкст — эйсэ вельтявксонь икелень шкань покштояк покш таркат. Эень кадовксонь кезэрень таркатне ды теде башка модалангонь аволь умонь кадовкстнэ, конат аламодо полавтозь рудазкавтомасо, кортыть одксчинь кепетемадо, кона появась, паряк, эень шканть прядовомсто. Покш сэрей таркань пелевеёнксонь пандо чиресэ — луганар ды пандонь тундра, лембеёнксонь пандо чиретнесэ — сэрей пандонь степть ды кевень каладомат. Вирень каркс а неяви. Ансяк сибирень лиственницань аволь покш таркат вастневить лейтнень ды чудикерькстнэнь лайметнесэ покш сэрей таркань пелевеёнксонь пандо чиретнень алкссо.

2000-це иестэ тесэ теезель 15890 гектаронь площадьсэ «Убсунуронь латко» пертьпельксэнь ванстома таркань биосферань кластерэнь тарка альпань луганаронь, кевень тундрань ды кельме степень ванстомга, косо эрить-аштить алтаень архар (пандонь баран) ды ирбис (ловонь барс), пандонть алга вановить сарлыкть — тибетэть яконь поладыця раськеть, Хиндиктиг-Холь эрькесь — промыслань — тесэ укшны покш хариус (кувалмозо пачколи малав 0,9 метрас).

Тешкставкст

Литература

• Департамент по туризму Министерства культуры Республики Тыва. Республика Тыва: Путеводитель. / Харунова М.М-Б.. — Красноярск: ИПК "Платина", 2016. — С. 58. — 100 с.

Ссылкат

• Тыва Республикань официальной портал Архивень копия 12 Даволковонь 2014 на Wayback Machine
• «Убсунуронь латко» («Убсунурская котловина») пертьпельксэнь биосферань ванстома тарка
• Монгун-Тайга — менелень овтонь пандопряс кузема. Фотоневтема