Осипов, Афанасий Матвеевич (Артур Моро)

Артур Моро
Артур Моро
Чачомсто лемезэ	Афанасий Матвеевич Осипов
Чачома чизэ	1909-це иень панжиковонь 11-це чи
Чачома тарказо	Якстере Лисьмапрят, Бугурусланонь уезд[d], Самарань губерния[d], Россиянь империя;
Кулома чизэ	1989-це иень якшамковонь 13-це чи (79 иеть)
Кулома тарказо	Москов, СССР;
Масторозо	Россиянь империя; СССР;
Важодемань ёрокчизэ	валморозей, журналист
Казнензэ ды медалензэ

Те терминэнть улить лият смустьгак, вн. Моро (смустьтне).

Артур Моро (руз. Афанасий Матвеевич Осипов^[1]) (1909 иень^[2] панжиковонь 11 чистэ Самарань ёнксонь Похвистневань буень Якстере Лисьмапрят велесэ — 1989 ие якшамковонь 13 чи Московсо) — эрзянь^[1] валморонь сёрмадыця.

Эрямонь ды важодемань пингезэ

Чачсь Самарань ёнксонь Похвистневань буень Якстере Лисьмапрят велень сокицянь-видицянь кудораськесэ. Тетязо нужачиденть тукшнось Сибирев, важодекшнесь сюпав ломань кедьсэ ды чугункань килангсо. 1925-це иестэ Артур Моро туи Московов. Пётр Глуховонь, кона ульнесь «Якстере теште» эрзянь кулялопань прявтокс, лездамонзо вельде Моро пряды Фабрикань ды заводонь тонавтнема. Теде мейле сонзэ саизь важодеме текстэнь пурныцякс СССР-нь раськень Центриздатов.

Ине Отечествань войнань перть ульнесь «Впёред за Родину» кулялопань прявтокс. Казезь Якстере Теште орденсэ. Войнань прядомадо мельга тонавтсь Московсо ды Мордовиясо.

«Сердце бедное, зачем нам горевать?» рузонь кельсэ васенце валморозо ульнесь нолдазель 1926 иестэ «Печатник» журналсо. Теде мейле лисить «Пиже тумо ало» (руз. «Под зелёным дубом», 1927-це ие), «Пекшень дудкине» (руз. «Липовая дудочка», 1927 ие), «Сёрма деданень» (руз. «Письмо дедушке», 1927-це ие) ды лия валморот, конат кандсть од сёрмадыцянтень содамочи. "Пекшень дудкине" валморозо теевсь раськень морокс.

Кой-конат валморонзо совасть "Васень сяткт" эрзянь ды мокшонь валморонь васенце пусмос (руз. «Первые искры», Москов, 1929 ие).

Шкинемазо

Москов ды Саран ошсо эрзянь кельстэ рузонь кельс лиссть ютавтозь истят валморот:

«Пурьгинень зэрть» (руз. «Раскаты грома», 1931 ие)
«Келейстэ кинть» (руз. «Шире дорогу», 1932 ие)
«Чись раки» (руз. «Солнце смеётся», 1932)
«Эрямонь ким» (руз. «Путь моей жизни», 1934 ие)
«Моран эрямонть» (руз. «Пою жизнь», 1945 ие)
«Ветка дуба векового» (1968 ие)
«Поздняя любовь» (1973 ие)
«Весеннее эхо» (1980 ие)
«Мой месяц май» (1989 ие)

Артур Моро сёрмадсь истят поэмат:

«Волганть казнензэ» (руз. «Дары Волги», 1952 ие)
«Вастома» («Встреча», 1959 ие)
«Иетнень сееремаст» (руз. «Перекличка лет», 1964 ие)
«Вечкемадо легенда» (руз. «Легенда о любви», 1980 ие)

1997 иестэ лиссь "Степан Эрьзя" сонзэ романозо. 1935-це иестэ сови СССР-нь Сёрмадыцянь вейсэндявксов. Мордовиянь валморонь заслуженной сёрмадыця (1969-це ие). Кулось 1989 иень якшамковонь 13 чистэ Московсо.

Калмазь тиринь велесэ — Якстере Лисьмапрясо.

Лисьмапрят:

[ГБУ_РК_Моро-1] ¹ ² Национальная библиотека Респубоики Коми: Моро (Осипов) Артур Матвеевич(руз.)

[«Эрзянь_Мастор»-2] «Эрзянь Мастор», №257, САМАРА ЁНКСОНЬ СОДАВИКС ЭРЗЯТ(эрз.)

[1]

[2]