Глухов, Пётр Семенович
| Пётр Глухов | |
|---|---|
| руз. Пётр Семёнович Глухов | |
| Чачомсто лемезэ | Пётр Семенович Глухов |
| Чачома чизэ | 1897-це иень ацамковонь 26-це чи |
| Чачома тарказо | |
| Кулома чизэ | 1979-це иень даволковонь 7-це чи (81 ие) |
| Кулома тарказо | |
| Важодемань ёрокчизэ | сёрмадей |
| Казнензэ ды медалензэ |
 |
Глухов Пётр Семенович (1897 иеень Цярмун веле — 1979 иень даволковонь 7 чистэ Магнитогорск ош ) — эрзянь кельсэ содавикс сёрмадей.
Чачсь Пётр Глухов 1897 иеень ацамковонь 26 чистэ Симбирской губерниянь Буинской уездэнь (неень Ветькень Масторсо Ибресинбуесэ[1]) Цярмун эрзянь[2] велесэ (руз. Малые Кармалы[1]) сокицянь-видицянь семиясо. Вишка порасто кадовсь тетявтомо, трицякс-кастицякс тензэ ульнесь аванзо лелясь Макар Евсевьев.
1916 иестэ прядызе Казанонь тонавтыцянь семинариянть, 1930 иестэ — Московонь промыслань-экономикань институтонть. 1926 - 1927 иетнестэ ульнесь прят-редакторокс «Якстере теште» кулялопанть (руз. «Красная звезда»). 1931 иестэ эрясь Магнитогорск ошсо, оймсемас-пенсияс туемадонть икеле важодсь металлургонь комбинатсо.
Шкинемазо
- «Кедровой пештть» ёвтнемазо лись 1928 иестэ. 1954 иестэ рузонь кельс «Кедровые орехи» ютавтысэть А. Кременской[3].
- 1997 иестэ 9-це классонь эрзянь школасо «Тиринь литература» хрестоматиянтень (руз. «Родная литература») совась сонзэ ёвтнемазо «Варма мельга» (руз. «За ветром»).
- 2003 иестэ Мордовиянь книгань издательствасо лись «Кедровой пештть» (руз. «Кедровые орехи») ёвтнемань ды лестнемань пусмось.
Пек вечкевить сонзэ лецнеманзо М.Е. Евсевьевень, Ф.Ф. Советкинэнь, С.Д. Эрьзя марто вастовоматнеде.
Кулось Петр Глухов 1979 иень даволковонь 7 чистэ, калмазь Магнитогорск ошсо[4].
Сёрм.
- ↑ 1 2 Чувашская энциклопедия. Малые Кармалы(руз.)
- ↑ Петр Семенович Глухов. Чачома чистэнзэ 110 иетненень // «Сятко». – 2007. – № 12. – С. 69-79. (эрз.)
- ↑ Библиотека мордовской литературы: Глухов Петр Семенович (руз.)
- ↑ Международная система поминования усопших: Глухов Петр Семенович (руз.)