Иркаев, Николай Лазаревич

Википедиясто материал - аорев содамкундосто
Иркаев, Николай Лазаревич
Чачома чизэ 1906-це иень панжиковонь 22-це чи(1906-05-22) или 1906-це иень
Чачома тарказо
Кулома чизэ 1978-це иень аштемковонь 15-це чи(1978-06-15) или 1978-це иень
Кулома тарказо
Масторозо
Важодемань ёрокчизэ сёрмадей, журналист, валморозей, вийкирдий-ветий
Казнензэ ды медалензэ
орден Трудового Красного Знамени орден «Знак Почёта»

Никул Эркай[1] (руз. Николай Лазаревич Иркаев[1], 1906 панжиковонь 22 чи - 1978 аштемковонь 15 чи) — эрзянь сёрмадыця, валморонь, драматургиянь сёрмадыця, ютавтыця. Эрзя[2].

Чачсь 1906 панжиковонь 22 чистэ Курилова[2] эрзянь[3] велесэ неень Ромодановань буесэ сокицянь-видицянь кудораськесэ. Теске прядызе колмо классонь школанть[4]. 1927 иестэ прядызе Пензань партиянь школанть, 1930 иестэ Весе союзонь коммунистэнь журналистэнь институтонть. 1933 иестэ важодсь Мордовиянь НИИ-сэ[5].

Литературасо шкинемазо ушодовсь XX-це пингень 20-це иетнестэ. "Модась одкстомсь" валморонь васенце пусмозо лиссь 1932 иестэ Саран ошсо, мейле нолдазь «Корёнтнэ наксадсть» ёвтнемань пусмозо. 1934 иестэ важодсь «Якстере теште», «Эрзянь коммуна», «Советский артист», «Полярная кочегарка» кулялопатнесэ ды «Сурань толт» журналсо. Теке иестэнть ульнесь совавтозь СССР-нь Сёрмадыцянь вейсэндявксов.

1936 иестэ нолдазель «Моро Ратордо» поэмась. 30-це иетнестэ «Не рой другому яму» пусмосо лисить пьесат, ёвкст ды эйкакшонь ёвтнемат. Войнань шкань валморотне ды поэматне совасть «Кочказь лирика» пусмос (1945).

Никул Эркаень войнадо мейле сёрмадовксонзо ульнесть ломанде ды сэтьмечиде: «Стихть ды поэмат» (1952), «Тундонь сад» (1959), «Теплынь» (1965). Неть иетнестэ сон сёрмалесь «Литературная жизнь», «Литературная газета», «Литературная Россия», «Дружба народов» ды лия ламо кулялопас ды журналс.

Ульнесь «Сятко» журналонь прявтокс: 01.1956 ― 04.1958 эли (04.1956 ― 01.1959)[6].

Никул Эркаень повестензэ: «Алёшка» (1959), «Берёзовая вода» (1963), «Новая родня» (1966), «Митяевы мечтания» (1975), «Шураган» (1980). «Алёшка» ульнесь нолдазь «Костёр» эйкакшонь журналсо, ютавтозель СССР-нь ламо раськетнень кельтнес.

Эркай ютавтнесь эрзянь кельс Н. Гоголень, А. Пушкинэнь, М. Горькоень, Т. Шевченконь, П. Павленконь, М. Джалилень, Р. Тагоронь, Д. Байрононь, В. Маяковскоень, И. Крыловонь, Л. Украинкань ды лиятнень сёрмадовксост.

Ламо сёрмадовксонзо ды лецтнеманзо нолдазельть «Родники души» пусмосо, кона лиссь куломадонзо мейле 1981 иестэ.

Никул Эркай - Мордовиянь валморонь заслуженной сёрмадыця (1960), МАССР-нь заслуженной сёрмадыця (1966), МАССР-нь Государственной премиянь лауреат[7] (1975). 1934-це иестэ совавтозель СССР-нь Сёрмадыцянь вейсэндявксов, ульнесь СССР-нь Верховной Советэнь депутатокс (1970).

Кулось 1978 иень аштемковонь 15 чистэ. Калмазь Саран ошсо.

1986 иестэ Никул Эркаень 80-це иень чачома чистэнзэ Саран ошонь Светотехстроень микрорайонсо сонзэ лемезэ максозель вейке куронтень[8][9], куро Ромоданово[7] посёлкасо. 2005-це иень ожоковонь 21 чистэ Ромодановань ловнома кудонть икеле панжозель валморонь сёрмадыцянть бюстозо[3] ды ловнома кудонтень максозь Никул Эркаень лемезэ[7].

Библиография

  • «Модась одкстомсь» валморонь пусмо (1932)
  • «Корёнтнэ наксадсть» ёвтнемань пусмо (1932)
  • «Моро Ратордо» поэма (1936)
  • «Кочказь лирика» войнань иень валморот ды поэма (1945)
  • «Стихт ды поэмат» пусмо (1945)
  • «Тундонь сад» пусмо (1959)
  • «Теплынь» пусмо (1965)
  • «Алёшка» повесть (1962)
  • «Берёзовая вода» повесть (1963)
  • «Новая родня» повесть (1966)
  • «Митяевы мечтания» повесть (1975)
  • «Шураган» повесть (1980)
  • «Родники души» пусмо (1981)
  1. ↑ 1 2 Библиотека Мордовской литературы. Никул Эркай (Николай Лазаревич Иркаев) (руз.)
  2. ↑ 1 2 inpenza.ru|ИРКАЕВ Николай Лазаревич (Никул Эркай)(руз.)
  3. ↑ 1 2 Геопортал РГО: ПРИРОДНОЕ И КУЛЬТУРНОЕ НАСЛЕДИЕ МУНИЦИПАЛЬНЫХ РАЙОНОВ / РОМОДАНОВСКИЙ РАЙОН(руз.)
  4. ↑ Кудашкина Ольга Сергеевна. Поэтика прозы Никула Эркая: диссертация ... кандидата филологических наук : 10.01.02.- Саранск, 2006.- 180 с.: ил. РГБ ОД, 61 06-10/1120 (руз.), (эрз.)
  5. ↑ «Мордовский республиканский объединенный краеведческий музей им. И.Д. Воронина». 105 лет Н.Л. Иркаеву (руз.)
  6. ↑ Республиканская архивная служба Республики Мордовия: Иркаев Николай Лазаревич (Документы) (руз.)
  7. ↑ 1 2 3 ИП Кулят инфо РМ: Писатель, поэт – гражданин (руз.)
  8. ↑ Туристско-информационный центр Республики Мордовия ИХ ИМЕНАМИ НАЗВАНЫ(руз.)
  9. ↑ saransk-online.info: ул.НИКУЛА ЭРКАЯ(руз.)
Саезь "https://myv.ruwiki.ru/w/index.php?title=Иркаев,_Николай_Лазаревич&oldid=503219"-стэ