Од ломанень чи (Россия)

Википедиясто материал - аорев содамкундосто
Те валонть улить лия смустензэяк, вант Од ломанень чи.
Од ломанень чи (Россия)
День молодёжи (Россия).webp
Типесь Официальной покшчи
Лия лемезэ Одтнэнь чи
Аравтозь Борис Ельцинэнь Россиянь Президентэкс улема шкасто
Тешкстави Россиясо
Тешкстамонь чись 1993-це иень аштемковонь
27-це чистэ саезь
Зярдо тешкстави аштемковонь меельце субутасто
Ютавтомань койтне концертт, митингть, фестивальть, конференцият, акцият
Логотип РУВИКИ.Медиа Од ломанень чи

Од ло́манень чи (руз. День молодёжи) — Россиянь од ломанень покшчи, кона эрьва иестэ тешкстави аштемковонь меельце субутасто. 2025-це иестэ тешкстави аштемковонь 28-це чистэ.

Кемекстазь 1993-це иень аштемковонь 24-це чистэ Россиянь Федерациянь Президентэнь (руз.) (эрз. 459-рп № кармавтомасо, васняяк тешкставкшновсь аштемковонь 27-це чистэ[1]. 2023-це иень панжиковонь 2-це чистэ Россиянь Федерациянь Президентэнь 132-рп № кармавтомасо кандозь аштемковонь меельце субутантень[2].

Покшчинть ланга

«Россиянь Федерациясо од ломанень политикадо» 2020-це иень ацамковонь 30-це чинь закононть коряс одокс лововить 14 иестэ саезь 35 иес ломантне, конатнень ули Россиянь гражданстваст[3].

2024-це иень ловоматнень коряс Россиясо 37 миллионт од ломанть, масторонь весе эрицятнень ютксо те малав нилеце пелькс[4].

Од ломантне — раськенть вандынь чизэ, сынст эйстэ ашти масторонть ды обществанть икелев молемаст, сынь — се виесь, кона кармавты молеме икелев[5].

Од ломанень чись кемекстазь социально-демографической те куронть кастомга ды од ломантнень стакачист лангс мелень явомга[6].

Косто саевсь покшчись

Россиянь Од ломанень чинть ундоксонзо туить советэнь шкантень. 1917—1945-це иетнестэ Советской Социалистической Республикань Союзсо (СССР-сэ) таштамковонь ушодкссо тешкставсь Раськеютконь од ломанень чи (МЮД). Те чистэнть явовсь мель социалистической од ломантнень важодемасо саевксэст ды вейсэнь лувсо эрямост лангс[7][8]. Покшчинь лемень аббревиатурась кемекставсь зярыя оштнесэ куронь лемсэ (невтемга, МЮД-нь курось Владимирсэ)[9]. Важодемасо од ломанень саевкстнэнь паро невтемакс ашти Алексей Стаханов (руз.) (эрз. шахтёронть саевксэзэ. 1935-це иестэ Раськеютконь од ломанень чиденть икеле Стаханов аравтсь уголиянь таргамонь коряс рекорд[10].

1958-це иень даволковонь 7-це чистэ СССР-нь Верховной Советэнь президиумось эсензэ кармавтомасо кемекстызе Советской од ломанень чинть (руз.) (эрз., кона тешкставсь аштемковонь меельце таргочистэ[11]. Покшчись кирдсь седе пек идеологиянь ёнкст. Те чистэнть ютавтовиця мероприятиятнень анокстась Од ломанень Весе Союзонь ленинской коммунистической вейсэндявксось (ВЛКСМ-сь)[12]. Советской од ломанень чистэнть ютавтневсть спортонь коряс пелькстамот, предприятиятнесэ бригадатнень ютксо пелькстамот, ёрокчинь невтемань конкурст, активистэнь слётт, концертт ды киштемань чокшнеть[7].

1963-це иень аштемковонь 28-це чистэ Советской од ломанень чинь тешкстамо

Советской Союзонть каладомадо мейле Борис Ельцин Россиянь васенце Президентэсь 1993-це иень аштемковонь 24-це чистэ 459-рп № кармавтомасонзо кемекстызе Од ломанень чинть, кона кармась тешкставомо аштемковонь 27-це чистэ. Покшчись кемекстазель Од ломантнень тевест коряс Россиянь Федерациянь государственной комитетэнть ды Од ломанень вейсэндявксонь раськень советэнть мельёвтамост коряс. Те чистэнть кирдивийтненень кармавтозель ютавтнемс эрьва кодат мероприятият: концертт, невтемат ды лия мезе. Весемеденть пачтясть СМИ-тне[1].

Куш покшчинть тешкстамга аравтозель аштемковонь 27-це чись, аволь чуросто мероприятиятне ютавтневсть маласо оймсема читнестэ.

2023-це иень якшамковсто, зярдо Владимир Путин Россиянь Президентэсь ульнесь «Воробьёвы горы» МГУ-нь «Ломоносов» Инновационной научно-технологической куншкакуронь кластерсэнть, сонензэ пшкадсь вастовомас тердезь од ломантнестэ вейкесь, тейтересь энялдсь кандомс Од ломанень чинь тешкстамонть оймсема чис, секс мекс лия читнестэ ламот од ломантне тонавтнить эли важодить[13].

РФ-нь Президентэнть 2023-це иень панжиковонь 2-це чистэ 132-рп № аравтоманзо коряс Од ломанень чись кандозель аштемковонь меельце субутантень[2].

2025-це иень аштемковонь 28-це чистэ Владимир Путин РФ-нь Президентэсь ёвтась Россиясо эрицятненень покшчинть кувалма паро мельть-арсемат. Эсензэ кортамосо сон тешкстызе: масторсонок карми явовомо башка мель од ломантненень лездамонть марто сюлмавозь кевкстематненень, од ломантнень эйстэ ашти минек масторонть вандынь чизэ, теке марто карми максовомо лезкс волонтёронь тевенть седе тов келейгавтомантень[14].

Теде башка 2025-це иень аштемковонь 28-це чистэ панжозельть од ломанень кото куншкакурот — Хабаровской крайсэ, Ямало-Ненецкой автономной округсо, Архангельск ёнкссо, Дагестансо, Карачаево-Черкессиясо ды Херсон ёнкссо[14].

Од ломанень чинтень алтазь покш вастовома

Ютавтома койть

Коень коряс Од ломанень чистэ ютавтневить концертт, фестивальть, невтемат, лекцият, спортонь пелькстамот.

Аволь чуросто те чистэнть анокставить вастовомат содавикс артисттнэнь, блогертнэнь ды од ломанень кумиртнэнь марто[12].

Музейтне, культурань куншкакуротне, кинотеатратне ютавтнить эрьва кодат акцият.

Теке марто Од ломанень чинтень анокставить флешмобт, волонтёронь ды экологиянь инициативат, паронь теемань тевень ярмункат[15].

Покшчинть марто сюлмавозь читне

Тешкставкст

  1. ↑ 1 2 Распоряжение Президента Российской Федерации от 24.06.1993 г. № 459-рп, Президент России. Ваннозь 25 Аштемковонь 2025.
  2. ↑ 1 2 Распоряжение Президента Российской Федерации от 02.05.2023 № 132-рп «О Дне молодежи»
  3. ↑ О молодежной политике в Российской Федерации. docs.cntd.ru. Дата обращения: 25 Аштемковонь 2025.
  4. ↑ Татьяна Голикова: на молодежь 14–35 лет приходится четверть населения РФ | Эксперт (руз.). Эксперт (4 Чадыковонь 2024). Дата обращения: 25 Аштемковонь 2025.
  5. ↑ День молодёжи России, РИА Новости (27 Аштемков 2022). Ваннозь 25 Аштемковонь 2025.
  6. ↑ 28 июня – День молодежи России. Канашский муниципальный округ Чувашской Республики. Дата обращения: 25 Аштемковонь 2025.
  7. ↑ 1 2 День молодежи 2025: дата, история, традиции, суть праздника. interfax-russia.ru (3 Аштемковонь 2024). Дата обращения: 25 Аштемковонь 2025.
  8. ↑ Энергия нового поколения: когда в 2025 году отмечают День молодежи | Ямал-Медиа, Ямал-Медиа (25 Аштемков 2025). Ваннозь 25 Аштемковонь 2025.
  9. ↑ МЮДа улица во Владимире | Владимир: с XIX в. до наших дней(руз.). vladimir1896.ru. Дата обращения: 25 Аштемковонь 2025.
  10. ↑ День молодежи в 2025 году: какие традиции и история у этого праздника. vesti.ru (5 Аштемковонь 2025). Дата обращения: 25 Аштемковонь 2025.
  11. ↑ Всесоюзный Ленинский Коммунистический союз молодёжи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978. — (Большая советская энциклопедия : [в 30 т.] / гл. ред. А. М. Прохоров).
  12. ↑ 1 2 29 июня — День молодежи: история и традиции, праздничные мероприятия, Известия (28 Аштемков 2024). Ваннозь 25 Аштемковонь 2025.
  13. ↑ Встреча с учащимися вузов по случаю Дня российского студенчества, Президент России. Ваннозь 25 Аштемковонь 2025.
  14. ↑ 1 2 Путин поздравил россиян с Днем молодежи, РИА Новости (28 Аштемков 2025). Ваннозь 28 Аштемковонь 2025.
  15. ↑ День молодежи 2025: какого числа, история и традиции праздника, КП. Ваннозь 25 Аштемковонь 2025.

Ссылкат

Саезь "https://myv.ruwiki.ru/w/index.php?title=Од_ломанень_чи_(Россия)&oldid=539559"-стэ