Орешник (ракетань комплекс)

Википедиясто материал - аорев содамкундосто
«Орешник» ракетань комплекс
«Машиностроениянь южной заводонть» ланга «Орешник» ракетань комплексэнть вачкодемазо (2024)
«Машиностроениянь южной заводонть» ланга «Орешник» ракетань комплексэнть вачкодемазо (2024)
Варчнемань ушодксось

торпингень тевдеемань шка — 2024-це иень

сундерьковонь 21-це чистэ
Техникань прявт характеристикатне

бойкачизэ — 10 Махт
васолов ливтямозо — 5500 вайгельбес
прявт пелтьсэзэ каяви-явомви ды ливти эрьва кодамо ёнов

леднемань свалшкань виевчизэ — кото пелькст

«Оре́шник» — куншкань ливтямонь баллистической ракета, васенцеде тевс нолдазь 2024-це иень сундерьковонь 21-це чистэ Днепропетровск ошсо, зярдо ютавтозель мельга-мельцек молиця вачкодема «Машиностроениянь южной заводонть» (Южмашонть) ланга[1]. Ядравтомо покш гайть марто баллистической ракетась ульнесь нолдазь Украинань ды НАТО-нь мастортнэнь каршо, конат 2024-це иень сундерьковонь 19-це чистэ Брянскоень ёнксонь объекттнэнь ланга нолдасть «ATACMS» ракетат, ды теке марто зярдо 2024-це иень сундерьковонь 21-це чистэ Брянскоень ды Курскоень ёнкстнэ леднезельть «Storm Shadow» ды «HIMARS» ракетатнесэ[2].

Косо нолдави тевс

[витнемс | витнемс-петнемс лисьмапрянзо]

Торпингень тевдеемань шкасто «Орешник» ракетань системань варчамотнень парсте ютавтоматнень коряс 2024-це иень сундерьковонь 21-це чистэ ёвтась Владимир Путин Россиянь Президентэсь[3]. Вачкодемась теезель «Машиностроениянь южной завод» Украинань оборонно-промышленной покштояк покш объекттнэстэ вейкенть ланга[4]. Кода ёвтась масторонь ветицясь, «истямо леднемапеленть каршо кодаткак лоткавтомат арасть», секс мекс «Орешникесь» каявсь Украинань Вооружённой Вийтнень (ВСУ-нь) ракетань предприятиянть лангс 10 Махт (2,5-3 вайгельбеть секундас) бойкачинть марто[4]. «Южмашось» леднезель сестэ, зярдо НАТО-сь 2024-це иень сундерьковонь 19-це чистэ мерсь леднемс Брянской ёнксонть «ATACMS» ракетасо, ды теке марто зярдо 2024-це иень сундерьковонь 21-це чистэ Брянскоень ды Курскоень ёнкстнэ леднезельть «Storm Shadow» ды «HIMARS» ракетатнесэ.

2024-це иень сундерьковонь
21-це чистэ Владимир Путинэнь яволявтомазо: «Те шкастонть саезь...Западонть ёндо Украинасо региононь сёлгавтомась кармась седеяк покшокс».

Владимир Путин ёвтась, Брянскоень ёнкссо «Storm Shadow» Британиянь ды «ATACMS» Американь ракетатне ульнесть правтозь, чавовозть ды каладомат арасть, Курскоень ёнкссо «Север» ушмотнень леднемстэ улить чавовозть ды ранявозть[4]. Истят систематнень тевс нолдамось а лиси НАТО военной блоктомо, карадо каршо аравтомась, кода икелепелев ёвтась РФ-нь Президентэсь, теевсь овсе лиякс:

Те шкастонть саезь, кода минь аволь весть икеле кортнинек, Западонть ёндо Украинасо региононь сёлгавтомась кармась седеяк покшокс[4].

Теке марто Владимир Путин ледстизе Россиянть праванзо тейнемс военной объекттнэнь ланга вачкодемат сеть мастортнэсэ, конат сюлмазь РФ-нть лангс каявоматнень марто:

Минь ловтано тевс нолдамс минек леднемапеленть военной объекттнэнь каршо сеть мастортнэсэ, конат максыть эсь леднемапелест нолдамс минек объекттнэнь каршо. Лепштямонь тевдеематнень домкалгавтомга минь карматано максомо каршо вал седеяк виевстэ ды бойкасто[5].

«Южмашонть» ланга «Орешник» ракетань комплексэнть вачкодемазо (2024)

2024-це иень сундерьковонь 22-це чистэ Владимир Путин вастовсь Россиянь Федерациянь Оборонань министерствань кирдивийтнень, оборонно-промышленной комплексэнь важодицятнень марто ды ёвтась поздоровт «Орешникень» варчнеманзо парсте ютавтоманть марто. Президентэсь мерсь системань теицятненень ды теварсевксэнь топавтыцятненень максомс государствань казнеть[6], ёвтась мель нолдамс седе ламо истямо леднемапель[7] ды тешкстась, Россиянть пельде тевс нолдамос улить анокстазь ламо истят системат[8]:

«Орешник» ракетань системась – те аволь ансяк покш гайть марто вадря леднемапель. Бути нолдамс весе вийтнень ламоксть леднемасо, сехте пек мельга-мельцек леднемстэ ды васолонь лия паро леднемапелень систематнень марто, конат улить Россиясо, цётамотне ятонть военной объекттнэнь лангс тевс нолдамонть коряс кармить аравтозь стратегиянь покш леднемапеленть марто ве таркас. Целанек «Орешник» системась стратегиянь леднемапелекс а ловови[9].

2024-це иень сундерьковонь даннойтнень коряс, «Орешник» системадонть башка Россиянь инженертнэ тейсть куншкань ды васолов ливтнемань зярыя лия ракетаткак[10].

Владимир Путин Оборонань министерствань кирдивийтнень, Военно-промышленной комплексэнь ды ракетань системань теицятнень марто покш промкссо (2024)

Техникань характеристикат

[витнемс | витнемс-петнемс лисьмапрянзо]

«Южмашонть» ланга вачкодематнеде мейле Россиянь военной эксперттнэ ёвтасть «Орешникенть» истят ёнкстонзо:

  • куншкань ливтямозо — 1000 вайгельбестэ саезь 5500 вайгельбес;
  • бойкачизэ — 10 Махт;
  • каявомань-явомань ды эрьва кодамо ёнов ливтямонь прявт пельксэзэ[11];
  • леднемань свалшкань виевчизэ — термоядерной боевой 3—6 пелькст, эрьванть виевчизэ — 150 килотоннат[12].
Козонь маштови «венстявомс» «Орешник» ракетань комплексэсь (2024)

«Орешник» — калгодо топливань ракета. В ней использованы технологии МБР РС-24 «Ярс» технологият. Комплексэсь ловови РС-26 «Рубеж» Россиянь теварсевксэнть поладомакс[12].

«Торпингень хроника» изданиясь невтизе ливтямонь шканть[12]:

Вачкодеманть ланга икелепелев ёвтамо

[витнемс | витнемс-петнемс лисьмапрянзо]

Дмитрий Песков Президентэнь пресс-секретаресь ёвтась, автоматикань лувсо куншкань киксэнть пачк ядрань зыянонть вишкалгавтомга «Орешник» ракетанть нолдамонь 30 минутадо икеле Россиясь кучсь США-в вачкодемадо яволявтома[13].

Карин Жан-Пьер Ашо кудонь пресс-секретаресь вейсэнь промкссо мерсь, Американь Вейсэндязь Штаттнэ ёвтасть Украинанень ды лия малавикс мастортнэнень Россиянть пельде куншкань ливтямонь ракетань нолдамодо[14].

Мезе кортыть тень ланга

[витнемс | витнемс-петнемс лисьмапрянзо]

Пентагонсо ёвтасть, США-нть арась мелезэ сёлгадомс Россиянть марто[15]. Тань лангс апак вано, Сабрина Сингх ведомствань пресс-секретаресь мерсь, «Орешникенть» тевс нолдамозо а полавтсы Вашингтононть пельде Украинанень лездамонть[16].

Виктор Орбан Венгриянь Премьер-министрась тердинзе НАТО-нь весе мастортнэнь седе парсте варштамс Россиянь ядрань доктринань полавтоманть ды теке марто «Орешник» ракетань комплексэнь вадрясто ютавтозь варчамонть лангс:

…Россиняь Президентэсь телевизоронь пачк пшкадсь эрицятненень ды мерсь видьстэ, сынь ловить яволявтнемс торпингень целекс сеть мастортнэнь, конат максыть истямо леднемапель Украинанень. Те кортамонь аволь кодамояк манчема. Зярдо Россиясь мезеяк корты те теманть ланга, весементь кеместэ эряви саемс мельс-превс[17].

Башка кулят

[витнемс | витнемс-петнемс лисьмапрянзо]

Ракетань комплексэнь варчамонь парсте ютавтомадонть мейле лия чистэ Интернет-лавкатнесэ появасть Владимир Путинэнь ды «Орешник» ракетанть марто футболкат[18].

Владимир Путинэнь ды «Орешник» комплексэнть марто футболка (2024)

2024-це иень сундерьковонь 25-це чистэ Интеллектуалльной собственностень коряс федеральной службантень «Орешник» лементь ало максозель микшнемань маркань нолдамодо мерема. Тевконёвонь сёрмадыцякс кармась Максим Гончарук. Бути весемесь карми парсте кемекстзь, сестэ те брендэнть коряс карми меревеме микшнемс иредстиця симемапель[19].

Тешкставкст

[витнемс | витнемс-петнемс лисьмапрянзо]
  1. ↑ Путин рассказал об ударе баллистической ракетой «Орешник» по заводу в Днепре, Коммерсантъ (2024-це иень сундерьковонь 21-це чи). Ваннозь 2024-це иень сундерьковонь 21-це чистэ.
  2. ↑ Силы ПВО отразили украинский удар ATACMS по Брянской области, РИА Новости (2024-це иень сундерьковонь 19-це чи). Ваннозь 2024-це иень сундерьковонь 19-це чистэ.
  3. ↑ Путин сообщил об ударе баллистической ракетой по объекту на Украине, РБК (2024-це иень сундерьковонь 21-це чи). Ваннозь 2024-це иень сундерьковонь 22-це чистэ.
  4. ↑ 1 2 3 4 Заявление Президента Российской Федерации, Президент России. Ваннозь 2024-це иень сундерьковонь 11-це чистэ.
  5. ↑ Путин заявил о праве ответных ударов по военным объектам других стран, РИА Новости (2024-це иень сундерьковонь 21-це чи). Ваннозь 2024-це иень сундерьковонь 21-це чистэ.
  6. ↑ Путин пообещал наградить создателей системы "Орешник". ria.ru (2024-це иень сундерьковонь 22-це чи). Дата обращения: 2024-це иень сундерьковонь 22-це чистэ.К:Рувики:Cite web (не указан язык)
  7. ↑ Мир Президент РФ сообщил о принятом решении по серийному производству «Орешника». iz.ru (2024-це иень сундерьковонь 22-це чи). Дата обращения: 22 Сундерьковонь 2024.
  8. ↑ Путин заявил о запасе в РФ готовых к применению ракет "Орешник". ТАСС (2024-це иень сундерьковонь 22-це чи). Дата обращения: 22 Сундерьковонь 2024.К:Рувики:Cite web (не указан язык)
  9. ↑ Совещание с руководством Минобороны, представителями ВПК и разработчиками ракетных систем. kremlin.ru (2024-це иень сундерьковонь 22-це чи). Дата обращения: 22 Сундерьковонь 2024.
  10. ↑ Путин сообщил о разработке в РФ еще нескольких подобных «Орешнику» систем. iz.ru (2024-це иень сундерьковонь 22-це чи). Дата обращения: 22 Сундерьковонь 2024.
  11. ↑ "Сбить невозможно". Что известно о ракете, которую представил Путин, РИА Новости (2024-це иень сундерьковонь 21-це чи). Ваннозь 2024-це иень сундерьковонь 21-це чистэ.
  12. ↑ 1 2 3 Что известно о новой баллистической ракете "Орешник", Российская газета (2024-це иень сундерьковонь 22-це чи). Ваннозь 2024-це иень сундерьковонь 23-це чистэ.
  13. ↑ Белый дом: США заранее уведомили Украину о предстоящем запуске "Орешника", РИА Новости (2024-це иень сундерьковонь 21-це чи). Ваннозь 2024-це иень сундерьковонь 21-це чистэ.
  14. ↑ В Белом доме ответили на пуск российской ракеты "Орешник", РИА Новости (2024-це иень сундерьковонь 21-це чи). Ваннозь 2024-це иень сундерьковонь 21-це чистэ.
  15. ↑ США не стремятся к конфликту с Россией, заявили в Пентагоне, РИА Новости (2024-це иень сундерьковонь 21-це чи). Ваннозь 2024-це иень сундерьковонь 21-це чистэ.
  16. ↑ Иванов, Глеб. Бежать и прятаться. В Киеве паника из-за удара «Орешником», AiF (2024-це иень сундерьковонь 22-це чи). Ваннозь 2024-це иень сундерьковонь 22-це чистэ.
  17. ↑ Орбан призвал Запад воспринимать запуск "Орешника" всерьез, РИА Новости (2024-це иень сундерьковонь 22-це чи). Ваннозь 2024-це иень сундерьковонь 22-це чистэ.
  18. ↑ Футболка с Путиным и ракетой «Орешник» появилась на маркетплейсах, AiF (2024-це иень сундерьковонь 22-це чи). Ваннозь 2024-це иень сундерьковонь 22-це чистэ.
  19. ↑ В Роспатент поступила заявка на регистрацию товарного знака «Орешник», AiF. Ваннозь 2024-це иень сундерьковонь 26-це чистэ.


© Те сёрмадовксонть весе праватне «РУВИКИ» интернет-энциклопедия» автономной аволь коммерческой вейсэндявксонть
(АНО-нть).
Путомс те сёрмадовксонть лия сайттнэсэ мереви ансяк «РУВИКИ» интернет-энциклопедия» автономной аволь коммерческой вейсэндявксонть (АНО-нть) мереманзо вельде.
Саезь "https://myv.ruwiki.ru/w/index.php?title=Орешник_(ракетань_комплекс)&oldid=269062"-стэ