Осмуссаар
| Осмуссаар | |
|---|---|
| Административно-территориальная единица | Ляэне-Нигула[d] |
| Мастор | |
| Площадь |
|
| Ведьчирень лангсо | Балтиянь иневедь[d] |
 | |
| Численность населения |
|
| Находится в охранной зоне | Q12371617? |
 Осмуссаар | |
_no_rivers.svg)
Осмуссаар, Осмуссар[2] эли Оденсхольм (эст. Osmussaar, швед. Odensholm) — Балтийской иневедьсэ Эстэнь Масторонь усия. Шведэнь лемесь максозь усиянтень сень кувалма, што кемемань коряс тосо калмазь кезэрень шведень паз Один. Российской империянь шкане усиясь кантнесь шведень лем «Оденсхольм».
Усиянть покшолмазо 4,69 вайгельбеть². Эрицятнеде — 2 ломанть (2009)[3]. Сови Ляэнемаа ёнксонтень.
Эрямопингезэ
Весе Масторонь Васенце Ойнань молемстэ - 1914 иестэ умарьковонь 26 чистэ рузонь «Паллада» ды «Богатырь» крейсерт нельгизь салававал марто ловномапусмонть (руз.кодовая книга) немецень «Магдебург» крейсерстэ, конась аштесь мель лангсо усиянть маласо. Российской вийкирдийтне максызь те ловномапусмонть британиянь Адмиралтействанень, мезе пек лездась Германия Масторонь оенной иневедень салававалонь яжамонтень. Те мейле лездась иневедьсэ ойнань ютамонень ды полавтызе натой весе ойнанть молемакинзэ.
1940 иень видс усиясо эрясть 130 ломанть, малава весе шведт, ансяк советэнь ушмотнень Эстэнь Масторов самодо мейле сынь весе кадызь те тарканть. Неень шкане усиясь ловови ванстома таркакс. Эстэнь Масторонь реституциянь коень коряс, весе модань кирдиятненень макссть мода лия таркава. Ней усиясо эрить кавто родняцек аштиця раськеть.
Усиясь ульнесь меельце таркакс, конанть кадызь советэнь ушмотне Эстэнь Масторсто туемстэ Германия Масторонть каятомсто 1941 иестэ (вант Моонзундонь идема операция (1941)). Усиянть лангсо ашти 15 советэнь ушмантнэнь ды важодицятнень вейсэнь калмо, конатне идесть усиясонть 164 чить.[4] Калмонть мельга якить «Рузонь парусонь вейсэндявксонь» (рус.«Русское парусное общество») ды «Baltsail» яхтань клубонь ломанть.
Галереясь
Маяк на острове
«Магдебург» мель лангс озавтозь, 1914 иесь. Омбоце плансо неяви Осмуссаар усиясь
Сэрей ванноматарка
Васовчавиця пушкань мелькст
Иневедень венчень мелькст усиянть чилисемаёно берёгсонть
Усиясо аштиця эрямокудо
Усиянть лембеёнксонть пертьпельксэсь
- Осмуссааронь вейсэн калмоланго.jpg
Вейсэнь калмолангонь мельга яксема 2009 иестэ
Лисьмапрят
- ↑ Rahvaloenduse tulemused näitavad asustatud saarte arvu kasvu
- ↑ Топокарты Генштаба. Дата обращения: 8 Чадыковонь 2015. Архивировано из оригинала 22 Эйзюрковонь 2015 года.
- ↑ Population of Noarootsi Parish by village (XLS). Noarootsi Parish. Дата обращения: 3 Аштемковонь 2009. Архивировано 27 Панжиковонь 2011 года.К:Рувики:Cite web (не указан язык)
- ↑ Любовь Семёнова. Непокоренная легенда. Молодёжь Эстонии (4 Сундерьковонь 2006).