Панжакай

Панжакаенть кери Наталья Суняйкина Пакся Тавла велень эрицясь,
2012-це иень даволковонь 21-це чи

Панжакай (лиякс кортыть каймак, курьгине) – те модамарь ды топо марто панжадо пряка.

Косто саевсь лемесь

Лиятнень коряс те пряканть панемстэ лангаксось кадови панжадокс. Секскак максозь истямо лем — панжакай.

Панжакаень анокстамо

Мезе эряви панжакаенть теемга^[1]:

почт — 2–3 стакант;
ловсо — 150 миллилитрат;
оргат — 10 граммт;
чиньжарамо ой — 70 миллилитрат;
скалой — 100 граммат;
модамарь — 400 граммат;
топо — 200 граммат;
алт — 4;
сахар — туворонь 1 пенч;
сал — танстень коряс.

Панжакаень панема

Лембе ловсос каяви сахар, оргат ды 4 пенчть почт. Човорямс ды кадомс лембе таркас 15-20 минутас. Модамаренть ваткамс лукшто ды анокстамос пидемс салыязь ведьсэ. Валомс модамарень веденть, каямс скалой ды томбамс модамаренть. Каямс топо ды кавто алт. Весементь парсте човорямс. Ловсосо оргатне те шкантень кепетевить. Весементень каяви чиньжарамо ой ды ал. Седе тов эряви каямс почт ды тееви чевте чапакс, конась а карми педсицякс. Теевезь чапаксонть явома теннисэнь оскань покшолмасо аволь покш палманьс. Эрьва пельксэнть эряви кевердемс ды теемс кругловой сюкоронь кондямокс. Эрьва сюкоронь куншкас эчкестэ путомс модамарень човорявксонть ды аламодо лепштямс петнень, теевель кругловой сюкоро. Панемапелень алксонть ванднема ойсэ ды путома лангозонзо панжакаенть, ютксост кадома аволь покш тарка. Панемань шкасто весемесь кепетеви. Тапамс кадовозь алонть ды човорямс эйсэнзэ панжакаенть. Панемс теде икеле 180 градусос эждезь духовкасо якстерьгадомас. Пиезь панжакаенть ваднемс скалойсэ ды седе тов ярсамс^[2]^[3].

Тешкставкст

Ссылкат

[1] Панжакай — Мордовская кухня

[2] Печь и панжакайть: Город - Мослента

[3] Панжакай — Мордовские пироги

[1]

[2]

[3]