Парамонов, Иван Григорьевич
| Иван Григорьевич Парамонов | |||
|---|---|---|---|
| Масторозо |
 СССР |
||
| Служамонь иетне | 1934—1936; 1942—1943 | ||
| Званиязо |
 |
||
| Частезэ | 1031-й стрелковый полк | ||
| Казнеть ды премият |
|
||
Ива́н Григо́рьевич Парамо́нов (1912—1943) — Важодицянь ды сокицянь-видицянь Якстере Армиянь лейтенант, Ине Отечествань войнасо улиця, Советэнь Союзонь Откерь (1943).
Эрямокизэ
Иван Парамонов чачсь 1912-це иень панжиковонь 22-це чистэ Знаменское велесэ (ней — Мордовиянь Атяшевский район). Школасо кавксо классонь прядомадо мейле эрясь Зубова Поляна посёлкасо, важодсь СССР-нь Госбанконь секе таркань отделениясо. 1934—1936-це иетнестэ служась Важодицянь ды сокицянь-видицянь Якстере Армиясо. 1942-це иестэ Парамонов омбоцеде тердезель армияв. Теке жо иестэнть сон прядызе Саранскоень пехотной училищанть. 1943-це иень медьковсто саезь — Ине Отечествань войнань фронтнэсэ[1].
1943-це иень таштамковонтень лейтенантось Иван Парамонов ветясь прявтонь тевтнень Центральной фронтонь 60-це армиянь 280-це ледниця дивизиянь 1031-це ледниця полконь танкань каршо ружиянь взводсо. Парсте прянзо невтизе Днепрань кис тюрема шкасто. 1943-це иень таштамковонь 24-це чинь вестэнть таштамковонь 25-це чис Парамонов икельце группань прявтокс улемстэ ютась Днепранть трокс Окуниново веленть малас, кона ашти Украинской ССР-нь Черниговской областень Козелецкой районсо ды сонзэ чивалгомань чиресэ саизе плацдарманть, мезде мейле кавто чить кирдсь эйсэнзэ прявт вийтнень пачкодемс. 1943-це иень таштомковонь 29-це чистэ тюрема шкасто Парамонов чавовсь. Калмазь Украинань Черниговской областень Козелецкого района Косачовка велесэ[1].
1943-це иень ожоковонь 17-це чистэ СССР-нь Верховной Советэнь Президиумонть кармавтоманзо коряс «мужествань ды героизмань кис, конат невтезельть Днепра леенть ютамсто ды сонзэ чивалгома чиресэ плацдармань кирдеманзо кис» лейтенантось Иван Парамоновнень куломадо мейле максозель Советэнь Союзонь Откерь покш лемесь. Теде башка казезель Ленинэнь орденсэ ды зярыя медальсэ[1].
Парамоновонь лемсэ Зубова Полянасо лемдязь вейке ульця[1].
Примечания
- ↑ 1 2 3 4
Парамонов, Иван Григорьевич. «Масторонь маралят» вальмась.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Юные герои Витебщины. — Минск, 1980.