Полежаев, Семён Антонович
| Семён Антонович Полежаев | ||||||
|---|---|---|---|---|---|---|
 | ||||||
| Чачома чизэ | 12 таштамковонь 1918 | |||||
| Чачома тарказо | ||||||
| Кулома чизэ | 19 таштамковонь 1982 (64 года) | |||||
| Кулома тарказо | ||||||
| Масторозо |
 СССР |
|||||
| Кодамо ушмосо | авиациянь | |||||
| Служамонь иетне | 1936-це—1946-це | |||||
| Званиязо |
 |
|||||
| Тюремат/войнат | Ине Отечествань война | |||||
| Казнеть ды премият |
|
|||||
Семён Антонович Полежаев (1918—1982) — Важодицянь ды сокицянь-видицянь Якстере Армиянь майор, Ине Отечествань войнасо улиця, Советэнь Союзонь Откерь (1944). Руз.
Эрямокизэ
Семён Полежаев чачсь 1918-це иень таштамковонь 12-це чистэ Сарансо[1]. Прядсь средней школа. 1936-це иестэ Полежаев тердезель Важодицянь ды сокицянь-видицянь Якстере Армияс[2]. 1940-це иестэ прядызе менельвенчень ветицянь Чкаловонь военной училищанть. 1941-це иень умарьковсто саезь — Ине Отечествань войнань фронтнэсэль[3].
1943-це иень ацамковонтень Семён Полежаев ульнесь дальней действиянь гвардиянь 1-це авиакорпусонь гвардиянь дивизиянь 1-це авиадивизиянь гвардиянь эскадрильянь 1-це авиаполконь прявтсо. Се шкантень тейсь ятонь домка тылэнь военно-промышленной комплексэнь объектэнь бомбардировкань 224 ливтямот, истя кандсь ятонтень покш зыян[3].
1944-це иень эйзюрковонь 13-це чистэ СССР-нь Верховной Советэнь кармавтомасо «немецень ятонть каршо виевчинь ды откерьксчинь невтеманть ды аравтозь тевень топавтоманть кис» Семён Полежаев гвардиянь майоронтень максозель Советэнь Союзонь Откерь покш лемесь, казевсь Ленинэнь орденэсь ды 3392-це номерэнть ало «Сырнень Теште» медалесь[3].
1946-це иестэ Полежаев кучозель запасос. Эрясь Саран ошсо, ульнесь партиянь ды хозяйствань должностнесэ. Кулось 1982-це иень таштамковонь 19-це чистэ, калмазь Сарансо[3].
Казезель Ленинэнь кавто орденсэ ды Якстере Знамянь кавто орденсэ, зярыя медальсэ[3].
Тешкставкст
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.