Полярникень чи

Полярникень чи
Полярникень чи
Типесь	Профессиональной
Официальной лемезэ	государственной
Аравтозь	2013-це иестэ
Тешкстави	Россиясо
Тешкстамонь чись	панжиковонь 21-це чистэ
Зярдо тешкстави	эрьва иестэ
Мезе марто сюлмазь	«Северной полюс-1» эй ланга уиця полярной васенце станциянть панжоманзо марто

Поля́рникень чи — Полярной станциясо важодицятнень ды сюлмавозь Крайней Северэнь ды Антарктикань марто специалисттнэнь профессиональной покшчист. Яволявтозель 2013-це иень панжиковонь 21-це чистэ Полярникень ассоциациянть мелензэ коряс РФ-нь Президентэнть кармавтоманзо вельде ды совавтозель Россиянь государственной покшчитнень юткс^[1]. Тешкстави панжиковонь 21-це чистэ, оймсемачикс а ловови.

Покшчинть историязо

Полярникень чинть тешкстамозо алтазь «Северной полюс-1» (руз.) (эрз. эй лангсо уиця станциянть панжоманзо туртов. 1937-це иестэ панжиковонь 21-це чистэ лётчикесь Михаил Водопьянов (руз.) (эрз. валгстызе Северной полюсонь эенть лангс АНТ-6 самолётонть, конасо пачтинзе ниле полярниктнень ды оборудованиянть телень печтямо таркантень. Те ульнесь васенце валгома Северной полюсонть лангс, ды васенцеде валгома шкасто нолдазель тевс тормозной парашют.

Зярыя шкань ютазь эенть лангс валгсть таго зярыя самолётт; телень печтиця группасонть анокстасть 45 ломанть. Телень ютавтомо кадовсть 4 ломанть: станциянь прявтось Иван Дмитриевич Папанин (руз.) (эрз., метеорологось ды геофизикесь Евгений Константинович Фёдоров (руз.) (эрз., радистэсь Эрнст Теодорович Кренкель (руз.) (эрз., гидробиологось ды океанографось Пётр Петрович Ширшов (руз.) (эрз.. Станциянть теевема чикс ловови аштемковонь 6-це чись, зярдо пурназель оборудованиязо ды самолёттнэ экспедициянь аволь свалшкань участниктнень марто анокстасть туеме. Ансяк Полярникень чинть тешкстамось прась Северной полюсов само чинть лангс — панжиковонь 21-це чись^[2].

Покшчинь путомадо кевкстеманть кепедизе Полярникень ассоциациянь президентэсь Артур Чилингаров (руз.) (эрз.. Сонзэ марто прасть ве мельс Федерациянь Советэнь ломантне 2012-це иень ацамковсто, ды 2013-це иень чадыковсто РФ-нь Президентэнть марто "виде линиянь" ютамо шкасто кевкстеманть максызь В. В. Путиннэнь. Президентэсь кирдизе те меленть.

Те покшчись — питнень путома эрьва кодамо профессиянь ломантненень, конат алтызь эсь эрямост Арктикань ды Антарктикань тонавтомантень. Ламо поколеният апелиця, оймесэ виев ломанть — учёнойть, геологт, строительть, морякт, лётчикть — эсь прянь апак вансто важодсть Чачома масторост лангс, эсь лезэв, героической тевсэст славизь минек масторонть кода ине полярной державанть^[3].
— Владимир Путин, РФ-нь президент

Тешкстамонть коезэ

Полярникень чинть ловить эсь покшчикс малав 2 миллионт Россиянь эрицят^[4]. Сеске лововить кой-кона специальносттне:

геологт;
гидрографт;
океанологт;
военнойть;
строительть;
гляциологт.

Теде башка те чинть тешкстыть Крайней Северэнь весе эрицятне, специальностенть лангс апак вано. Сетнень, кинь важодемаст сюлмавозь арктической широтатнень марто, вейсэнди Полярникень ассоциациясь — сынь анокстыть ламо эрьва кодамо оштнэва торжественной, культурно-массовой ды просветительской мероприятият^[5]. Презентацият, вастовомат, экскурсият ютыть Санкт-Петербургсо, косо ашти Арктической ды антарктической научно-исследовательской институтось (руз.) (эрз.^[6]. Покшчись теке марто тешкстави профильной тонавтнема таркатнесэ, конат анокстыть специалистт, кинь важодемаст сы шкасто карми эрявомо полярной широтатнесэ^[7].

Полярникень чи — те весе раськень покшчи, ды аволь секс, мекс весе Россиясь керьксазь эйсэ, а секс, мекс северной районтнэсэ минек пек ламо покш ошт. Ды оштё секс, мекс Арктикась ды Северэсь максыть минек масторонтень ламодояк ламо эрьва кодат ресурст. Те регионось пек сюпав ды питней минек масторонть туртов. Полярниктне — истят ломанть, конат теить эрьва чинь тевест, ансяк, лиятнень коряс, седеяк пек стака условиятнесэ^[3].
— Дмитрий Киселёв, «Россия сегодня» Кулянь максомань раськеютконь агентствань прявт

Антарктидасо Южной геомагнитной полюссо «Восток» Советской наукань ды ванномань станция.

Тешкставкст

↑ Указом Президента установлен День полярника (неопр.). Президент России (21 Панжиковонь 2013). Дата обращения: 14 Панжиковонь 2024.
↑ Ирина Карелина. День полярника 2024: история и традиции праздника (неопр.). Комсомольская правда. Дата обращения: 14 Панжиковонь 2024.
↑ ¹ ² Всероссийский праздник День полярника (неопр.). Ассоциация полярников. Дата обращения: 14 Панжиковонь 2024.
↑ Юлия Смирнова. Праздник, который приблизил Арктику к народу (неопр.). Наука и жизнь (23 Панжиковонь 2013). Дата обращения: 14 Панжиковонь 2024.
↑ Анастасия Явтысая. В Москве отметят 10-ю годовщину празднования всероссийского Дня полярника (неопр.). Ненецкое информационное агентство – 24 (14 Панжиковонь 2023). Дата обращения: 14 Панжиковонь 2024.
↑ 21 мая - День полярника! (неопр.) Арктический и антарктический научно-исследовательский институт. Дата обращения: 14 Панжиковонь 2024.
↑ 21 мая - Всероссийский день полярника (неопр.). Котласский филиал ФГБОУ ВО "Государственный университет морского и речного флота имени адмирала С.О. Макарова". Дата обращения: 14 Панжиковонь 2024.

[1] Указом Президента установлен День полярника (неопр.). Президент России (21 Панжиковонь 2013). Дата обращения: 14 Панжиковонь 2024.

[2] Ирина Карелина. День полярника 2024: история и традиции праздника (неопр.). Комсомольская правда. Дата обращения: 14 Панжиковонь 2024.

[:0-3] ¹ ² Всероссийский праздник День полярника (неопр.). Ассоциация полярников. Дата обращения: 14 Панжиковонь 2024.

[4] Юлия Смирнова. Праздник, который приблизил Арктику к народу (неопр.). Наука и жизнь (23 Панжиковонь 2013). Дата обращения: 14 Панжиковонь 2024.

[5] Анастасия Явтысая. В Москве отметят 10-ю годовщину празднования всероссийского Дня полярника (неопр.). Ненецкое информационное агентство – 24 (14 Панжиковонь 2023). Дата обращения: 14 Панжиковонь 2024.

[6] 21 мая - День полярника! (неопр.) Арктический и антарктический научно-исследовательский институт. Дата обращения: 14 Панжиковонь 2024.

[7] 21 мая - Всероссийский день полярника (неопр.). Котласский филиал ФГБОУ ВО "Государственный университет морского и речного флота имени адмирала С.О. Макарова". Дата обращения: 14 Панжиковонь 2024.

[1]

[2]

[3]

[4]

[5]

[6]

[7]