Раськень вейсэндявомань чи
| Раськень вейсэндявомань чи | |
|---|---|
 Обран ошсо Кузьма Мининнэнь ды Дмитрий Пожарскийнень кеврунго, кона панжозь 2005-це иень сундерьковонь 4-це чистэ | |
| Типесь | Государственной, Россиянь воинской славань чи |
| Лия лемезэ | Казанень Пазонь Авань пазавань чи (1612-це иень) Московсто Речь Посполитоень ушмотнень панемстэ |
| Смустезэ | 1612-це иень сёксня Раськень омбоце ушмосо Кремлясто Польшань ды Литвань саицятнень панема |
| Аравтозь |
2005-це иень сундерьковонь 4-це чистэ Каршо молемань шканть прядовомадо мейле |
| Ютавтыцясь | 2004-це иень ацамковонь 29-це чистэ 201-це № Федеральной законось |
| Тешкстави |
|
| Тешкстамонь чись | сундерьковонь 4-це чистэ |
| Ютавтомань койтне | парадонь ютавтома, ознома, крёстонь ютамо, ошонь ярмунка, тиринь масторонтень ды содамочитнень кастомантень акцият |
 Раськень вейсэндявомань чи | |
Раськень вейсэндявомань чи — Россиянь государственной покшчи, кона ушодовсь тешкставомо 2005-це иень сундерьковонь 4-це чистэ саезь. Ловови Россиянь воинской славань ды ледстнемань чикс. 2004-це иень якшамковонь 29-це чистэ 201-це № Россиянь Федерациянь Федеральной закононть лувсо яволявтозь оймсема чикс.
Раськень вейсэндявомань чи
Покшчинть ютавтома чизэ
1612-це иень ожоковонь 22-це (сундерьковонь 1-це) чистэ Кузьма Мининэнь ды Дмитрий Пожарскиень прявтсо пурназь Раськень омбоце ушмось Китай-город Московонь эрямопингень буестэ панизе Речь Посполитоень ушсонть ды кармавтызе туемс Московонь Кремлясто. Пожарский чинязось совась Китай-городс Казанень Пазонь авань пазаванть марто.
Ожоковонь 24-це (сундерьковонь 3-це) чистэ поляктне панжизь кремлянь ортатнень, конат лиснесть Неглинной леенть ёнов; васняяк нолдызь рузонь ломантнень, бояртнэнь, дворянинтнэнь, купецтнэнь, конат аштесть куродомасо. Пожарский ды Минин ильтизь рузонь ломантнень эсест аштема таркав. Ожоковонь 25 (сундерьковонь 4-це) чистэ кремлянь весе ортатне ульнесть панжадот келес. Рузонь ушмотне совасть Кремляс, теде икеле ютавтозель крёстонь весэнь покш якамо, косо сех икеле мольсь Дионисий архимандритэсь, Кремлясто сонзэ каршо лиссь Арсений элассононь архиепископось ды кирдсь кедьсэнзэ Владимирэнь Богородицанть. Поляктне ёртнизь эсь леднемапелест. Весень панизь рузтнэнь аштема таркас[1].
1649-це иестэ Алексай Михайлович инязорось макссь кармавтома тешкстамс Казанень Пазонь Авань Пазавань чи аволь ансяк кизна ды теке марто ожоковонь 22-це чистэ (юлианонь ковкерьксэнть коряс), зярдо инязоронть кудораськесэ чачсь Дмитрий Алексеевич васецне эйкакшозо. «Казанень Пазонь Авань пазань чинть тешкстамось (1612-це иестэ Московонть ды Россиянть поляктнень эйстэ панемаст ледстнемга)» нейгак ванстови Православиянь ды раськень ковкерькстнэсэ (Советэнь кирдивиень шкасто Московонь олякстомтомань покшчись лоткавтневсь).
Хронологиянь пелькстамот
«Россиясо воинской славань ды ледстнемань читнеде» 1995-це иень эйзюрковонь 13-це чинь 32-це № Федеральной законось аравтызе сундерьковонь 4-це чинь воинской славань чинть — Раськень вейсэндявомань чикс. Покшчись сюлмазь Кузьма Мининэнь ды Дмитрий Пожарскиень прявтсо раськень ушмантнэсэ Китай-городонь саеманть марто[2][3]. Законь проектэнь чарькодевтемань валсо тешкставкшнось[4]:
«1612-це иень сундерьковонь 4-це чистэ Кузьма Мининэнь ды Дмитрий Пожарскиень прявтсо раськень ушмонь ушмантнэ саизь Китай-городонть, олякстомтызь Московонть поляконь саицятнень эйстэ ды кодамо аволь уле таркасто лисеманть, Пазнэнь кемеманть ды эрямосо аштеманть лангс невтизь раськень откерьксчинть ды вейсэндямонть».
Китай-городось ульнесь саезь 1612-це иень ожоковонь 22-це чистэ юлианонь ковкерьксэнть коряс, мезесь се чистэнть ульнесь 1912-це иень сундерьвоконь 1-це чи григорианонь ковкерьксэнть коряс.
Кой-кона историктне арсить, Кремлянть олякстомтомазо ульнесь ожоковонь 26-це (сундерьковонь 5-це) чистэ, зярдо поляконь гарнизононь прявттнэ тешкстызь сынст изнямодо тевконёвонть ды Кремлясто сеске нолдызь московонь бояртнэнь (Россиянь законной Правительстванть) ды лия покш ломантнень, конатнень ютксо ульнесь Михаил Фёдорович сыця шкань инязорось. Лия чистэ, ожоковонь 26-це (сундерьковонь 5-це) чистэ, гарнизонь максызе эсь прянзо[5][6].
Кода аравтозель покшчись
Сундерьковонь 4-це чинть покшчикс теемадо меленть 2004-це иестэ ёвтызе Россиянь Межрелигиозной советэсь. Арсеманть кирдизе Трудонь ды социальной политикань коряс Госдумань комитетэсь ды истя те мелесь-арсемась кармась молеме думастояк.
Госдумань промкссо закононь теварсевксэнь кемекстезель васенце ловномасо, Коммунистэнь партиясь мольс каршо. 2004-це иень ацамковонь 27-це чистэ теварсевксэсь кемекстазель колмоце ловномасо ды кармась законокс. 327 депутатт мерсь «эно», весе коммунисттнэ, весе коммунистнэ — «каршо», кавтотне кирдевсть.
Раськеютконь статус
- Приднестровской Молдавской Республика]]. Сундерьковонь 4-це чись — Раськень вейсэндявомань чи, 2012-це иень сундерьковонь 16-цечи чистэ Презтдентэнть кармавтоманзо коряс сови ледстнемань читнень юткс[7], тешкстави, ансяк оймсема чикс а ловови[8].
- Южной Осетия. Сундерьковонь 4-це чистэ тешктави Раськень вейсэндявомань чи[9]..
Фильмат
- «1612: Хроники смутного времени» (фильма, 2007)
- «Крепость. Щитом и мечом» (мультфильма, 2015)
Литература
- Андреев И. Л. и др. День народного единства: Биография праздника / Авт.: И. Л. Андреев, В. Н. Козляков, П. А. Михайлов, В. А. Токарев, Ю. М. Эскин; Вступ. ст. В. А. Никонова. — М.: Дрофа, 2009. — 352 с. — ISBN 978-5-358-03531-7.
- Головашина О. В., Аникин Д. А. Неожиданные издержки победы: 4 ноября в контексте политики памяти и массового исторического сознания // Вестник Томского государственного университета. — 2018. — № 429. — С. 66—73.
- Гугнина О. В. День 4 ноября 2005 года глазами историков и семиклассников: реализация герменевтического принципа // Историко-педагогические чтения. — 2006. — № 10. — С. 419—424.
- Ефремова В. Н. День народного единства: Изобретение праздника // Символическая политика: Сборник научных трудов. Вып. 1. Конструирование представлений о прошлом как властный ресурс / Отв. ред.: О. Ю. Малинова. — М.: ИНИОН РАН, 2012. — С. 286—300. — 334 с. — (Политология). — ISBN 978-5-248-00639-7.
- Макашова А. С. Традиции ноябрьских праздников в истории России: символическое содержание праздников // Вестник Санкт-Петербургского университета. Серия 6. Политология. Международные отношения. — 2012. — № 3. — С. 128—131.
- Малышева С. Ю. Эволюция исторической мифологии «ноябрьских» праздников в России // Вестник Пермского университета. История. — 2019. — Вып. 1 (44). — С. 138—147. — doi:10.17072/2219-3111-2019-1-138-147.
- Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.
Ссылкат
- Федеральный закон от 29 декабря 2004 года № 201-ФЗ «О внесении изменений в статью 112 Трудового кодекса Российской Федерации»
- РИА Новости. День единения России. Справка
- Владислав Назаров. Что будут праздновать в россии 4 ноября 2005 года?
- Смирнов, И. В. Политика vs наука. Вышла биография Дня народного единства
Тешкставкст
- ↑ Костомаров Н.И. Русская история в жизнеописаниях её главнейших деятелей.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка (руз.). Государственная дума (12 Ожоковонь 2004). Дата обращения: 10 Панжиковонь 2021.
- ↑ Федеральный закон от 13 марта 1995 г. № 32-ФЗ «О днях воинской славы и памятных датах России» (руз.). Kremlin.ru. Дата обращения: 9 Даволковонь 2022. Архивировано 26 Сундерьковонь 2021 года.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка (руз.). Государственная дума (12 Ожоковонь 2004). Дата обращения: 4 Сундерьковонь 2022. Архивировано 10 Панжиковонь 2021 года.
- ↑ Назаров В. Д. Что будут праздновать в России 4 ноября 2005 года? // Отечественные записки. — 2004. — № 5. (руз.).
- ↑ Второе ополчение 1611–12 / Назаров В.Д. // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
- ↑ № 761 — О внесении дополнения в Указ Президента Приднестровской Молдавской Республики от 13 июня 2001 года № 300 «Об установлении профессиональных праздников и памятных дней в Приднестровской Молдавской Республике». www.ulpmr.ru. Дата обращения: 13 Сундерьковонь 2025.
- ↑ Приднестровье отмечает День народного единства. Новости Приднестровья (4 Сундерьковонь 2024). Дата обращения: 13 Сундерьковонь 2025.
- ↑ » Указ «Об утверждении календаря праздничных дней и памятных дат в Республике Южная Осетия» Официальный сайт Президента Республики Южная Осетия(руз.). presidentruo.org. Дата обращения: 13 Сундерьковонь 2025.