Раужо сюконьчи (микшнемат)
| Раужо сюконьчи | |
|---|---|
.jpg) Сан-Паулусо телевизоронь микшнема | |
| Кода лемезэ лиякс | Black Friday |
| Смустезэ | Панжи Роштовань шкань микшнематнень |
| Аравтозь | XIX-це пингестэ |
| Косо тешкстави | США-со |
| Зярдо ютавтневи | Сундерьковонь нилеце калоньчиде мейле сюконьчистэ (Сюконямонь чиде мейле) |
| Кода сеедьстэ тешкстави | Микшнема таркатнесэ кассатнень седе икелев панжома, кассатнень вакссо покш чиполань теевема |
| Койть | Питнетнень покш алкалгавтомат розничной ды онлайн микшнема таркатнесэ (90 %-с) |
 Раужо сюконьчи | |
Раужо сюконьчи (англ. Black Friday) — США-со Сюконямонь чиде мейле сюконьчи. Коень коряс эйстэнзэ ушодовить Роштовань шкань микшнематне.
Те чистэнть микшнемань коень ютавтомась аравтозь ХIХ-це пингестэ, «раужо сюконьчи» валзюлмавксось появась 1966-це иестэ ды васняяк тевс нолдавкшновсь США-нь Чилисемань иневедьчиресэ. Сюконямонь чись савкшны сундерьковонь нилеце калоньчис, сескскак раужо сюконьчись ютавтневи сундерьковонь 23-це чистэ саезь 29-це чис шкастонть.
Раужо сюконьчись а ловови официальной покшчикс, ансяк розничной микшнемань важодицятнеде башка ламо важодицятне те чистэнть сайнить оймсемачи, секс мекс те чистэнть сакшныть пек ламо микшницят. Раужо сюконьчистэ микшнема таркатне панжтневить седе икеле — малав 5 чассто валске, а микшнемань кой-кона сеттне — мик пелеветь. Васенце рамсицятненень максовить питнетнень покш алкалгавтомат — 50 %-стэ саезь 80 %-с — те тееви седе ламо рамсицятнень тердеманть кис.
«Раужо сюконьчи» валзюлмавксось васенцеде появась Филадельфиясо ды сюлмазель Сюконямонь чиденть мейле киланготнесэ ардомапельтнень пробкасо ламо аштемаст марто[1][2]. Англань кельсэ те валзюлмавксонть неень шкань чарькодемазо кармась седе парокс — сюлмазь «in the black» (лиякс меремс «паро баланс», «in the red» валзюлмавксонть каршо) идиоманть марто, кона чарькодевти, те чистэнть ламо микшницятнень касы ярмаконь пандомаст[3].
2000-це иетнестэ ушодозь лия мастортнэсэ ламо компаниятне ютавтнить истямо малавикс микшнема, 2010-це иетнестэ саезь — Россиясояк.
Роштовань микшнематнень «тетязо»
«Раужо сюконьчи» ютавтома коень ушодыцякс ловови Фрэнк Вулворт (Franklin Woolworth). Сон анокстынзе васенце микшнематнень 1873-це иестэ Пенсильвания штатонь Ланкастер ошсо. Вулфорт ульнесь сокицянь-видицянь кудораськестэ ды эрясь велесэ, эзь ульне мелезэ топавтомс велень стака важодеманть. Цёрантень а косоль тонавтнемс, сонзэ арасельть кодаткак покш содамочинзэ. Тетязо лездась 21 иесэ цёрантень лисемс важодеме микшнема кудос микшницянть лездыцянь тевсэ[4].
Се шкастонть микшницятне сынсь арсесть, кодамокс карми миемапеленть питнезэ: сынь ловильть рамсицянть ярмаконзо ды истя аравтыльть питне, истя весемесь ютавтневсь. Вулворт важодсь аволь пек парсте ды тензэ зярыяксть кортасть панема ланга. Сестэ сон арсесь теемс ёжов тев. Сон путызе микшнемань эзементь лангс сезононь весе миемапеленть ды аравтсь сёрмадовкс: «Весемесь миеви 5 центсэ». США-со те ульнесь васенце покш микшнема. Сменань кис цёрась тейсь кото чинь выручка. Теде мейле Фрэнк Вулворт панжсь эсензэ тев, косо улевельть кемекстазь питнеть ды сеедьстэ ютавтневиця микшнемат. Истя появась ХХ-це пингень розницань сех покш сеттнестэ вейкесь[5].
США-со розничной микшнемат (ловома)
США-нь розничной микшнемань раськень федерациясь сеедьстэ невтни Сюконямонь чистэ микшнемань цётамотнень[6]. Меельце иетнестэ рамсицятнеде 200 миллиондо ламо ломанть; целанек эрьвась ютавтни малав 400 долларт.
Ловоматне невтить, США-нь розничной микшнематнень эйстэ малав 20 % ютавтневить раужо сюконьчинть ды Роштованть ютксо.
Раужо сюконьчись Китайсэ
Китайсэ Шопингень истямо чинть ютавтнить эрьва иень сундерьковонь 11-це чистэ эли малавикс читнестэ.
Китайсэ васенцеде ютавтозель 2009-це иестэ «Alibaba Group» компаниянть мелензэ-арсеманзо коряс, кона эсь «раужо сюконьчинть» арсесь ютавтомс Апак урьваксто цёрань чистэ.
Раужо сюконьчись Россиясо
Россиясо «раужо сюконьчи» лементь ало васенце микшнематне ютавтозельть 2013-це иень ацамковонь 6-це чистэ, весе масторсо микшнематнеде мейле вейке таргонь ютазь. 2014-це иестэ саезь ламо микшнематне ютавтневить весе масторонть марто ве шкасто, ансяк калоньчистэ таргочис 19:00 чассто саезь[7]. Сундерьковсто раужо сюконьчинь ютавтнеманть лангс апак вано, розничной микшнемань ветицятне нолдыть тевс те валонть содавиксчинзэ ды истямо койсэ ютавтнить микшнемат весе шканть перть. Максыть ушодкс Од иень микшнематненень[8].
2018-це иестэ онлайн лувсо раужо сюконьчинь микшнематне ютавтозельть 15 миллиардто ламо целковойс, теде икеле ютазь иенть коряс те кавксть седе ламо[9]. 2019-це иень питнетнень коряс Россиясо онлайн-микшнематне кассть 22 миллиардт
300 миллионт целковойс[10].
Россиясо «Black Friday» товаронь тешксэнть ланга карадо-каршо пелькстамо
2016-це иестэ «Блэк Фрайдэй» («Раужо сюконьчи») Киртязь ответственность марто Россиянь компаниянь вейсэндявксонть (ООО-сь) лемесь ульнесь регистрировазь кода «Black Friday» товаронь тешкс[11]. Истямо лувсо онлайн-микшнематнень ютавтомсто компаниясь малав монополизировизе «Black Friday» тешксэнть.
2017-це иестэ Федеральной антимонопольной службась Интернет-микшнемань компаниянь ассоциациянть (тей совить вейсэнь розницань 30 компаният, конатнень ютксо «М.Видео», Media Markt ды KupiVip) пшкадеманзо ванномсто «Блэк Фрайдэй» ООО-нть рамамонь ды микшнемань тевтнень ловинзе аволь виде конкуренциякс[12][13].
2018-це иестэ Интеллектуальной праватнень коряс судось кемекстызе Федеральной антимонопольной службанть виде арсеманзо[14].
Тешкставкст
- ↑ [1966] «Black Friday» (day after Thanksgiving) (англ.). American Dialect Society. Дата обращения: 19 Сундерьковонь 2012. Архивировано из оригинала 13 Ожоковонь 2008 года.
- ↑ Ben Zimmer. The Origins of "Black Friday" (англ.). Thinkmap Visual Thesaurus. Дата обращения: 19 Сундерьковонь 2012. Архивировано из оригинала 27 Сундерьковонь 2012 года.
- ↑ Zimmer, Ben The Origins of "Black Friday" (англ.). Word Routes (25 Сундерьковонь 2011). Дата обращения: 20 Сундерьковонь 2017. Архивировано 29 Якшамковонь 2012 года.К:Рувики:Cite web (не указан язык)
- ↑ История Черной пятницы. Почему ее так любят американцы?, Habr (18 Сундерьков 2016). Ваннозь 14 Сундерьковонь 2024.
- ↑ Почему «Черную пятницу» называют черной, откуда берутся огромные скидки и причем тут два американских президента, Культурология. Ваннозь 14 Сундерьковонь 2024.
- ↑ Black Friday Weekend Shines as Shoppers Line up for Deals. Дата обращения: 30 Сундерьковонь 2011. Архивировано из оригинала 29 Сундерьковонь 2011 года.К:Рувики:Cite web (не указан язык)
- ↑ "Черная пятница" вышла за рамки // Коммерсантъ. — 2014-01-12. Архивировано 19 Ацамковонь 2018 года.
- ↑ Черная пятница-2024: когда будет, что выгодно покупать, советы экспертов, РИА Новости (20241119T1910). Ваннозь 5 Ацамковонь 2024.
- ↑ Онлайн-продажи в России во время "Черной пятницы" выросли в два раза. ТАСС. Дата обращения: 19 Ацамковонь 2018. Архивировано 19 Ацамковонь 2018 года.К:Рувики:Cite web (не указан язык)
- ↑ Россияне за три дня черной пятницы потратили в интернет-магазинах 22,3 млрд рублей - Hi-Tech Mail.ru. Дата обращения: 3 Ацамковонь 2019. Архивировано 29 Сундерьковонь 2021 года.К:Рувики:Cite web (не указан язык)
- ↑ Товарный знак "Black Friday" в реестре товарных знаков Роспатента. new.fips.ru. Дата обращения: 16 Ацамковонь 2019. Архивировано 2 Ацамковонь 2021 года.К:Рувики:Cite web (не указан язык)
- ↑ Исключительное использование бренда Black Friday признали незаконным. РБК. Дата обращения: 16 Ацамковонь 2019. Архивировано 16 Ацамковонь 2019 года.К:Рувики:Cite web (не указан язык)
- ↑ Ритейлеры отстояли «черную пятницу». Ведомости. Дата обращения: 16 Ацамковонь 2019. Архивировано 16 Ацамковонь 2019 года.
- ↑ Карточка дела № СИП-491/2017 в системе "Мой арбитр". kad.arbitr.ru. Дата обращения: 16 Ацамковонь 2019. Архивировано 16 Ацамковонь 2019 года.К:Рувики:Cite web (не указан язык)