Рихтер, Кирилл Максимович

Кирилл Рихтер
Кирилл Рихтер
Седе домкасто
Кувака лемезэ
Чачома чизэ	1989-це иень ацамковонь 7-це чи (36 иеть)
Чачома тарказо	Наро-Фоминск ош, Москов ёнкс, РСФСР, СССР
Масторозо	СССР→ Россия
Профессиязо	музыкань сёрмадыця, пианинасо седиця
Важодема иетне	2015-це иестэ саезь — течинь чис
Седямопельть	фортепиана
Жанрат	неоклассика
	readymag.com/u48367288/k…
	Кирилл Максимович Рихтер

Ваннозь сёрмадовкс

Кири́лл Макси́мович Ри́хтер (1989-це иень ацамковонь 7-це чи, Наро-Фоминск ош, Москов ёнкс, РСФСР, СССР) — пианинасо седиця ды музыкань сёрмадыця, Россиясо минимализмань ды неоклассикань невтиця.

2018-це иень Масторлангонь пильгеоскань чемпионатонтень (FIFA-нтень) музыкань темань сёрмадыця. Рихтерэнь улить истят содавикс композициянзо: «In Memoriam», «Черновик», «Тема дома» ды теде башка «Chronos» фортепианонь пьесась^[1].

Рихтер теи сёрмадовкст фортепианонь, камерной составтнень ды симфониянь оркестратнень туртов, теке марто сёрмады музыка авторонь кинос, фантастикань блокбастерс, неень шкань хореографиянь спектакляс; седи вейсэнь концертсэ омбомасторонь музыканттнэнь-неоклассиктнень марто.

Эрямокизэ

Эйкакшпингезэ

Кирилл Рихтер чачсь 1989-це иень ацамковонь 7-це чистэ Москов ало. Тетязо военнослужащей, авазо — дефектолог-тонавтыця, ялаксозо кармась компьютерэнь налксематень коряс артыцякс. Кудораськесэ музыкантокс ульнесь ансяк сыре покштязо, кона седясь кларнетсэ^[1].

Эйкакшпингестэ Кирилл оймень кис налксесь фортепианонь триосо. Музыкань ушодксонь содамочитнес тонавтнесь экстернань лувсо: кудосо тонавтницянть марто виевстэ важодемстэ ве иес пек парсте тонадсь седямо пианинасо ды кармась содамо музыкань прявт дисциплинатнень. Фактонь коряс
тонавтнемазо — Наро-Фоминск ошонь Музыкань 3-це № школань вейке класс (ушодсь тонавтнеме 15 иесэ, прядызе якстере диплом марто вейке иес). 16 иесэ ушодсь музыкань сёрмадомо^[2]^[3]^[1].

2006-це иестэ кармась тонавтнеме Обнинскоень МИФИ-нь филиалсо (инженерэнь проектированиянь ды дизайнэнь факультетсэ) ды прядызе сонзэ пек вадрясто 2010-це иестэ. теде мейле кавто иеть важодсь специальностень коряс: тейнекшнесь журналонь вёрстка ды артокшнось логотипть. 2012-це иестэ саезь кармась тонавтнеме Британиянь дизайнонь высшей школань (Хартфордширэнь университет, Лондон ош) оршамонь дизайнонь факультетсэ, прядызе сонзэ 2016-це иестэ покш бал марто, тонавтницянтень максозель Великобритании Правительствань грантось ды искусствань бакалаврань учёной раськеютконь степенесь. Дипломонь экзамендэ мейле чарькодсь, ули покш мелезэ велявтомс музыкань тонавкстнэнень^[2]^[3]^[1].

Концертт ды альбомт

2013-це иестэ саезь ушодсь эсь произведениятнень марто камерной концертэнь макснеме ды струнань седямопельтнень туртов васенце важодематнень сёрмадомо^[2]. Сонзэ васенце важодатнестэ вейкесь — «Анна», «In Memoriam», «Ophelia» композициятне^[4]^[1].

2019-це иень чадыковсто лиссь «Chronos» Россиясо васенце альбомозо, козонь совасть фортепианань, кайгань ды виолончелень туртов теезь важодевкстнэнь студиянь сёрмадовкстнэ. После выхода альбома Рихтер отправился в гастрольный тур в поддержку пластинки^[1].

Рихтер седясь Европань концертэнь содавикс таркатнесэ: Лондононь «Альберт-холлсо», Гамбургонь Эльбской филармониясо ды лиятнесэ.

2021-це иестэ Манижа морыцянть марто вейсэ нолдась «Russian Woman Show» концертэнь апокш альбом, кона сёрмадозель Обран ошонь 800 иень концертсэ сынст вейсэнь морамсто^[5].

2023-це иень медьковонь 20-це чистэ Пётр ды Феврония Иневанькстнэнь ознома кудосо Московсо ютась Рихтерэнь од симфониянзо васенцеде невтемазо, кона алтазь музыкань ды архиетурань вейс валовомантень ды кона сёрмадозь Symphony 34 эрямонь комплексэнть туртов. Произведениянть невтизе «LS Orchestra» неень шкань музыкань оркестрась ды Владимир Скоморохов органсо седицясь. Композициянть прявт арсемакс кармась койтнень-кирлатнень ды неень шканть вейсэ сюлмавомась^[6].

Фестивальтнесэ седямозо

Музыкань Европань индустриясо Кирилл Рихтер содави масторлангонь келес содавикс эрьва кодат фестивальсэ седямосо. Неявикс таркасо —Reeperbahn немецень фестивалесь (2017-це ие, Гамбург ош), Classical:Next голландиянь фестивалесь (2018-це ие, Роттердам ош), The Great Escape британиянь фестивалесь (2018-це ие, Брайтон ош)ды лият.

Дискографиязо

2016-це ие — Towards The Beloved City^[4]
2018-це ие — Jumpman (Original Motion Picture Soundtrack), EmuBands
2019-це ие — Chronos (EmuBands)^[7]
2019-це ие — In Memoriam
2020-це ие — The Songs of Distant Earth^[7]

Тешкставкст

↑ ¹ ² ³ ⁴ ⁵ ⁶ Кирилл Рихтер (неопр.). Вокруг ТВ. Дата обращения: 12 Якшамковонь 2024.
↑ ¹ ² ³ Рихтер Кирилл Максимович (неопр.). Союз Композиторов России. Дата обращения: 12 Якшамковонь 2024.
↑ ¹ ² Яковлев С. 12 апостолов: Кирилл Рихтер // Esquire : журнал. — 2017. — 15 Даволковонь (№ 130). Архивировано 24 Якшамковонь 2019 года.
↑ ¹ ² Кирилл Рихтер (неопр.). 24СМИ. Дата обращения: 12 Якшамковонь 2024.
↑ Манижа выпустила концертный EP Russian Woman Show совместно с Кириллом Рихтером (неопр.). Esquire (24 Таштамковонь 2021). Дата обращения: 12 Якшамковонь 2024. Архивировано 23 Ацамковонь 2021 года.
↑ Бобина А. Кирилл Рихтер написал симфонию по мотивам архитектуры ЖК Symphony 34 (неопр.). РБК (24 Медьковонь 2023). Дата обращения: 12 Якшамковонь 2024.
↑ ¹ ² Кирилл Рихтер (неопр.). Rate your music. Дата обращения: 12 Якшамковонь 2024.

Ссылкат

Круглый стол. Кирилл Рихтер и Миша Мищенко объясняют, что такое неоклассика (руз.). style.rbc.ru (12 Ацамковонь 2018).
Большой концерт Кирилла Рихтера и Richter Trio на Северном речном вокзале

[:0-1] ¹ ² ³ ⁴ ⁵ ⁶ Кирилл Рихтер (неопр.). Вокруг ТВ. Дата обращения: 12 Якшамковонь 2024.

[:3-2] ¹ ² ³ Рихтер Кирилл Максимович (неопр.). Союз Композиторов России. Дата обращения: 12 Якшамковонь 2024.

[:4-3] ¹ ² Яковлев С. 12 апостолов: Кирилл Рихтер // Esquire : журнал. — 2017. — 15 Даволковонь (№ 130). Архивировано 24 Якшамковонь 2019 года.

[:5-4] ¹ ² Кирилл Рихтер (неопр.). 24СМИ. Дата обращения: 12 Якшамковонь 2024.

[5] Манижа выпустила концертный EP Russian Woman Show совместно с Кириллом Рихтером (неопр.). Esquire (24 Таштамковонь 2021). Дата обращения: 12 Якшамковонь 2024. Архивировано 23 Ацамковонь 2021 года.

[6] Бобина А. Кирилл Рихтер написал симфонию по мотивам архитектуры ЖК Symphony 34 (неопр.). РБК (24 Медьковонь 2023). Дата обращения: 12 Якшамковонь 2024.

[:9-7] ¹ ² Кирилл Рихтер (неопр.). Rate your music. Дата обращения: 12 Якшамковонь 2024.

[1]

[2]

[3]

[4]

[5]

[6]

[7]