Россиянь Федерациянь Конституциянь чи

Конституциянь чи
Конституциянь чи
	; Конституциянь нолдавкс Россиянь Федерациянь Президентэнь присягань кемекстамонть туртов
Типень коряс	Государственной покшчи
Официальной лемезэ	Россиянь Федерациянь Конституциянь чи
Аравтозь	1993-це иень ацамковонь 12-це чистэ вайгелень максомань весе раськень ютавтома шкасто
Ютавтыцязо	Борис Ельцин
Косо тешкстави	эрьва иестэ
Зярдо ютавтневи	ацамковонь 12-це чи
Мезе марто сюлмазь	Россиянь Конституциянь вайгелень максомань весе раськень ютавтоманть марто
	Россиянь Федерациянь Конституциянь чи

Ваннозь сёрмадовкс

Конституциянь чи — государственной покшчи, кона эрьва иестэ тешкстави ацамковонь 12-це чистэ. Те чистэнть 1993-це иестэ ютась вайгелень весе раськень максома, кона кирдизе масторонь прявт закононь кемекстамонть^[1].

Покшчинть ланга

СССР-сэ Конституциянь чинть тешкстамо чизэ зярыяксть полавтневсь, секс мекс прявт законось кемекставкшнось аволь весть. Конституциянь васенце чинть аравтызе СССР-нь Центральной исполнительной комитетэсь (ЦИК-есь) 1923-це иень умарьковонь 3-це чистэ (сонсь Конституциясь кемекстазель ансяк 1924-це иень якшамковонь 31-це чистэ СССР-нь Советэнь II-це Инекужосо). Кармавтоманть коряс, прявт закононь покшчись ульнесь аволь вейке чистэ — сонзэ тешкстасть медьковонь васенце таргочистэ. Ансяк зярдо 1930-це иестэ Советэнь предприятиятне ютасть тевдеемань а лоткавтовиця таргос, Конституциянь чись аравтозель медьковонь 6-це чис. Тень пингстэ те ульнесь важодемань чикс^[2].

1936-це иень ацамковонь 5-це чистэ Советэнь Весе Союзонь VIII-це Инекужосо кемекстазель од, кода кортыть, «Сталинэнь» Конституциясь, сонзэ кемекстамонь чизэ яволявтозель весе раськень покшчикс. И. В. Сталинэнь пингстэ СССР-нь Конституциянь чись, конань теде башка лемдясть СССР-нь Сталинэнь Конституциянь чикс, кармась аволь важодемань чикс. Ацамковсто истямо тешкстамось мольсь 1976-це иестэнтькак^[2].

Масторонь прявт закононь од версиясь появась 1977-це иестэ. Аволь официальнойстэ лемдякшнызь «кастозь социализмань Конституциякс». Ожоковонь 7-це чистэ сон кемекстазель СССР-нь Верховной Советэнь апак учонь промкссо, теде мейле кемекстазель «СССР-нь Конституциянь (Прявт закононь) кемекстамонь яволявтомань чиде весе раськень покшчикс» СССР-нь законось. Ожоковонь 7-це чись ульнесь аволь важодемань покшчикс 1991-це иес СССР-нть калавтомас^[2].

1993-це иень Конституциянть анокстамозо[витнемс | витнемс-петнемс лисьмапрянзо]

1990-це иень аштемковонь 12-це чистэ РСФСР-нь раськень депутатонь I-це Инекужось кемекстызе РСФСР-нь Государственной суверенитеттэ декларациянть. Тевконёвсо тешкставсь, эряви арсемс ды келейгавтомс прявт закононь од текстэнть. Зярс сон ульнесь апак анокста ды кеместа, важодсь РСФСР-нь 1978-це иень Конституциясь (витематнень марто)^[2].

Од Конституциянть коряс Раськень депутатонь Инекужонь Конституциянь комиссиясь теезель-пурназель 1990-це иень аштемковсто. Комиссиянь прявтонь тевтнень ветясь Б. Н. Ельцин. Малав ниле иеть, 1990-це иестэ саезь 1993-це иес, политикань ды общественной эрьва кодат вейсэндявкстнэнь вийсэ теезельть закононь малав 20 вариантт, ансяк официальнойстэ ваннозельть кавтотне. Васенце вариантонь теицякс ульнесть Сергей Алексеев — РФ-нь Президентэнть пингстэ частной правань ванномань куншкакуронь советэнь прявтось ды Сергей Шахрай — РФ-нь Правительствань Прявтонь полавтыцясь. Омбоце вариантонть Олег Румянцевень прявтсо анокстызь Конституциянь комиссияс совицятне^[2].

Комиссияс весемезэ совакшность малав сядо депутатт. Ансяк Конституциянь проектэнть лангсо сех виевстэ важодсть 12–15 ломанть, конат совсесть важодемань курос. Комиссиянь «седеекс» ульнесь 30 иесэ Олег Румянцев ответственной секретаресь. Мартонзо вейсэ проектэнть лангсо важодсть зярыя депутатт, конатнень ютксо Виктор Шейнис, Юрий Рыжов, Борис Золотухин, Фёдор Шелов-Коведяев, Евгений Амбарцумов, Сергей Шахрай. Эксперттнэнь ютксо эряви ёвтамс Борис Страшунонь, Леонид Мамутонь, Владимир Лафитскиень лемест. Комиссиянть прявт путовксозо ульнесь масторлангонь содамочитнень лангс нежедезь теемс Россиянь Конституциянь невтевкс.
— Андрей Гольцблат^[3]

1993-це иень аштемковонь 5-це чистэ Б. Ельцин РФ-нь Президентэнть арсеманзо коряс ютась государственной органонь кирдивийтнень, местной теевветицятнень ды общественной вейсэндявкстнэс совицятнень марто Конституциянь промкс, косо кемекстазель од Конституциянь меельце витемась. Теке шкастонть Инекужось ды РФ-нь Верховной Советэсь важодсть прявт закононь коряс эсь версиянть лангсо, конань арсесть кемекстамс 1993-це иень сундерьковонь 17-це чистэ Раськень депутатонь Х-це Инекужосо. Ансяк Президентэсь нолдызе Раськень депутатонь советэнть, мартонзо РФ-нь Верховной Советэнтькак, сынст таркас арсесь теемс Федеральной собрания. РФ-нь Конституциянь судось те арсеманть ловизе прявт закононь каршо молицякс. Конституциянь коряс, РФ-нь Верховной Советэсь лоткавтынзе Борис Ельцинэнь полномочиянзо ды максынзе сынст топавтомаст Александр Руцкой РФ-нь вице-президентэнтень. Бойкасто пурназель Раськень депутатонь апак учонь Х-це Инекужось. Борис Ельцинэнь кармавтоманзо коряс Московсо депутаттнэнь пурнавомань Верховной советэнь кудонть куродызь внутренней ушмотне ды милициясь. 1993-це иень ожоковонь 3-це чистэ прявтошов совасть ушмотне, конат танкатнень леднемадо мейле чинь ютазь штурманть вельде саизь Парламентэнь кудонть. Оппозициянь прявттнэ, конатнень ютксольть Парламентэнь прявтось ды вице-президентэсь, арестовазельть^[2].

1993-це иень ожоковсто-сундерьковсто Ельцинэнь пельде Конституциянь проектэсь паролгавтозель ды витнезель Конституциянь совещанияс совицятнесэ: Общественной ды Государственной палататнесэ ды Конституциянь арбитражонь комиссиясо. Президентэсь тешкстызе 1993-це иень ацамковонь 12-це чистэ Конституциянь проектэнь вайгелень максомань весе раськень ютавтомадо коряс кармавтоманть^[2].

Эрявсь арсемс Конституциянь од лувонть коряс вайгелень максомань весе раськень анокстамонтень кевкстеманть. Референдумонть парсте ютавтомга политикань весе вийтненень, кирдивиень органтнэнень ды регионтнэнень эрявсь вейсэндявомс од Конституциянь лувтнень перька, мезесь максоволь ламо вийть Россиянь государственной паролгавтомантень. Ансяк те вешсь политикань весе тевтнень ютавтыцятнень пельде пек ламо вийть. Эрявсь кода-бути эрямс референдумонь ютавтомадо икеле весе шканть перть — кирдивийтнень пельде коламовтомо, масторонть седе виевстэ тевветямонть ды политикань ёндо паро одкстомтоматнень тееманть марто.
— О. Г. Румянцев^[4]

РФ-нь Конституциянть кемекстамозо[витнемс | витнемс-петнемс лисьмапрянзо]

РФ-нь од Конституциясь кемекстазель 1993-це иень ацамковонь 12-це чистэ вайгелень максомань весе раськень ютавтомасо, кармась важодеме «Россиянь кулялопасо» нолдамодо мейле^[5] секе иень ацамковонь 25-це чистэ. 1994-це иестэ РФ-нь Президентэсь нолдынзе «Россиянь Федерациянь Конституциянь чиде» ды «Ацамковонь 12-це чинь аволь важодемань чиде» кармавтоматнень. Ацамковонь 12-це чись яволявтозель государственной покшчикс^[6].

2005-це иестэ саезь Конституциянь чись кармась важодемань чикс, ансяк теке марто сон ловови Россиянь ледстнемань чикс^[7], секс мекс 2004-це иень ацамковонь 24-це чистэ Государственной думась кемекстынзе Важодемань кодексэс полавтоматнень, конатнень вельде полавтозель Россиянь покшчинь ковкерьксэсь^[8].

Койть

Конституциянь чинть важодемань чикс ловоманть лангс апак вано, ацамковонь 12-це чистэ весе масторсо ютавтневить тиринь масторонь вечкеманть марто сюлмазь эрьва кодат промкст, эрьгелемань вастовомат, покшчинь концертт. Коень коряс те чистэнть казить заслуженной юристтнэнь ды судьятнень^[9].

Конституциянь чистэ паро коекс теевсь покшчиденть икеле 14 иень топодемстэ Россиянь эрицятненень васенце паспортонь максомась. Те чистэнть школань ламо тонавтницятне ды студенттнэ теевить тонавтнема таркасост ледстнемань покшчинь мероприятиянь улицякс^[9].

Теке марто вант

Россиянь Конституцияс полавтомат
Россиянь Конституцияс полавтоматнень коряс вайгелень Весе Россиянь максома
Конституциянь собрания
Россиянь Федерациянь Конституциянь федеральной закон
Парламентэнь кулялопа

Литература

Шахрай С. М. О Конституции: Основной закон как инструмент правовых и социально-политических преобразований. Отделение общественных наук РАН. М.: Наука, 2013. С. 58-59.
Бабурин С. Н. Русская государственность и Российское государство в системе ценностей и интересов современной политики, международного и конституционного права: морфология. М: ЮНИТИ-ДАНА, 2018. С. 161.

Тешкставкст

↑ Указ Президента Российской Федерации от 19.09.1994 г. № 1926 (неопр.). Дата обращения: 2021-це иень ацамковонь 10-це чистэ. Архивировано 2021-це иень умарьковонь 21-це года.
↑ ¹ ² ³ ⁴ ⁵ ⁶ ⁷ Антон Новодережкин. День Конституции РФ. Что известно об основном законе страны и празднике в его честь (неопр.). ТАСС (2022-це иень ацамковонь 12-це чи). Дата обращения: 2023-це иень ацамковонь 8-це чистэ.
↑ Андрей Гольцблат Историческая правка: как принимали российскую Конституцию (неопр.). РБК (2018-це иень ацамковонь 12-це чи). Дата обращения: 2023-це иень ацамковонь 10-це чистэ.
↑ О.Г. Румянцев К истории создания Конституции Российской Федерации. О работе Конституционной комиссии (1990-1993 гг.) // Из истории создания Конституции Российской Федерации. Конституционная комиссия: стенограммы, материалы, документы (1990–1993 гг.) : в 6 т. / О. Г. Румянцев. — М.: Волтерс Клувер, 1992. — Т. 3. — С. 40. — ISSN 978-5-466-00354-3.
↑ Конституция Российской Федерации от 25 декабря 1993 года, с изменениями от 30 декабря 2008 года (неопр.). Российская газета.
↑ В России отмечают День Конституции (неопр.). Российский союз молодёжи (2020-це иень ацамковонь 12-це чи).
↑ Федеральный закон от 13 марта 1995 г. № 32-ФЗ «О днях воинской славы и памятных датах России» (руз.). Президент России. Дата обращения: 2023-це иень ацамковонь 9-це чистэ. Архивировано 2021-це иень сундерьковонь 26-це чи года.
↑ Дума изменила праздничный календарь, Вести (2004-це иень ацамковонь 24-це чи). Архивировазь 2014-це иень ацамковонь 12-це чистэ. Ваннозь 2023-це иень ацамковонь 10-це чистэ.
↑ ¹ ² День Конституции России: история и традиции праздника (неопр.). РЕН ТВ (2022-це иень ацамковонь 12-це чи). Дата обращения: 2023-це иень ацамковонь 10-це чистэ.

Ссылкат

Конституция Российской Федерации от 25 декабря 1993 года, с изменениями от 30 декабря 2008 года

[1] Указ Президента Российской Федерации от 19.09.1994 г. № 1926 (неопр.). Дата обращения: 2021-це иень ацамковонь 10-це чистэ. Архивировано 2021-це иень умарьковонь 21-це года.

[:0-2] ¹ ² ³ ⁴ ⁵ ⁶ ⁷ Антон Новодережкин. День Конституции РФ. Что известно об основном законе страны и празднике в его честь (неопр.). ТАСС (2022-це иень ацамковонь 12-це чи). Дата обращения: 2023-це иень ацамковонь 8-це чистэ.

[3] Андрей Гольцблат Историческая правка: как принимали российскую Конституцию (неопр.). РБК (2018-це иень ацамковонь 12-це чи). Дата обращения: 2023-це иень ацамковонь 10-це чистэ.

[4] О.Г. Румянцев К истории создания Конституции Российской Федерации. О работе Конституционной комиссии (1990-1993 гг.) // Из истории создания Конституции Российской Федерации. Конституционная комиссия: стенограммы, материалы, документы (1990–1993 гг.) : в 6 т. / О. Г. Румянцев. — М.: Волтерс Клувер, 1992. — Т. 3. — С. 40. — ISSN 978-5-466-00354-3.

[5] Конституция Российской Федерации от 25 декабря 1993 года, с изменениями от 30 декабря 2008 года (неопр.). Российская газета.

[6] В России отмечают День Конституции (неопр.). Российский союз молодёжи (2020-це иень ацамковонь 12-це чи).

[7] Федеральный закон от 13 марта 1995 г. № 32-ФЗ «О днях воинской славы и памятных датах России» (руз.). Президент России. Дата обращения: 2023-це иень ацамковонь 9-це чистэ. Архивировано 2021-це иень сундерьковонь 26-це чи года.

[8] Дума изменила праздничный календарь, Вести (2004-це иень ацамковонь 24-це чи). Архивировазь 2014-це иень ацамковонь 12-це чистэ. Ваннозь 2023-це иень ацамковонь 10-це чистэ.

[:1-9] ¹ ² День Конституции России: история и традиции праздника (неопр.). РЕН ТВ (2022-це иень ацамковонь 12-це чи). Дата обращения: 2023-це иень ацамковонь 10-це чистэ.

[1]

[2]

[3]

[4]

[5]

[6]

[7]

[8]

[9]