Россиянь Федерациянь внутренней тевень органонь важодицянь чи
Россиянь Федерациянь внутренней тевень органонь важодицянь чи (2011-це иес — Милициянь чи) — Россиянь Федерациянь Внутренней тевень министерствань (1991-це иес — СССР-нь МВД-нь) важодицянь профессиональной покшчи. Тешкстави эрьва иестэ сундерьковонь 10-це чистэ.
Покшчинть эрямопингезэ
1917-це иень ожоковонь 28-це чистэ (сундерьковонь 10-це чистэ) А. И. Рыков Внутренней тевень комиссарось тешкстась «Важодемань милициядо» кармавтома.
1962-це иестэ саезь те чись тешкстави кода профессиональной покшчи седе мейле, кода таштамковонь 26-це чистэ лиссь СССР-нь Верховной Президиумонть кармавтомазо.
«Покшчиде ды ледстнемань чиде» 1980-це иень ожоковонь 1-це чистэ 3018-Х №-нть ало СССР-нь Верховной Президиумонь кармавтомасо Советэнь милициянь чись теевсь официальной покшчикс[1], витемат теезельть 1980-це иень сундерьковонь 1-це чистэ 9724-XI № ало «СССР-нь законодательствас покшчиде ды ледстнемань чиде полавтомань совавтомадо» СССР-нь Верховной Советэнь Президиумонь кармавтомас[2].
Эрьва иестэ тешкстамонь чистэ Московсо максови эрьгелемань покш концерт, кона невтеви телевидениясо. 2000-це иетнестэ саезь концертэсь ютавтневи Кремлянь государственной кудосо.
2011-це иень эйзюрковонь 1-це чистэ «Полициядо» Федеральной закононть тевс совавтомадо мейле сундерьковонь эрьгелемань 10-це чидень икеле ожоковонь 13-це чистэ Россиянь Федерациянь Президентэнть 1348-це №-нь кармавтомасо покшчинть лемезэ полавтозель «Россиянь Федерациянь внутренней тевень органонь важодицянь чи» лементь лангс[3].
Внутренней тевень органонь читне лия мастортнэсэ
Египетсэ — Полициянь раськень чи — якшамковонь 25-це чистэ[4].
Таджикистансо — Милициянь важодицянь чи — сундерьковонь 10-це чистэ[5].
Белоруссиясо — Милициянь чи — эйзюрковонь 4-це чистэ.
Армениясо — Армениянь полициянь важодицянь чи — чадыковонь 16-це чистэ.
Сингапурсо — Полициянь тарго — аштемковонь 3-це чистэ саезь аштемковонь 10-це чис.
Казахстан Масторсо — Полициянь чи — аштемковонь 23-це чистэ.
Украинасо — Украинань раськень полициянь чи — умарьковонь 4-це чистэ.
Финляндиясо — Полициянь чи — таштамковонь 3-це чистэ.
Таиландсо — Полициянь раськень чи — ожоковонь 13-це чистэ.
Узбекистансо — Милициянь важодицянь чи — ожоковонь 25-це чистэ.
Киргизиясо — Милициянь важодицянь чи — сундерьковонь 1-це чистэ.
Кубасо — Милициянь чи — сундерьковонь 10-це чистэ.
Латвиясо — Полициянь чи — ацамковонь 5-це чистэ.
Теке марто вант
- Россиянь транспортонь полициянь чи
- Юристэнь чи
- Россиянь уголовной вешнемань важодицянь чи
- ОМОН-нь чи
- РФ-нь МВД-нь штабной подразделениянь теевемань чи
- Полициянь участковой уполномоченноень чи
- Следствиянь органонь важодицянь чи
Тешкставкст
- ↑ Указ Президиума Верховного Совета СССР № 3018-Х от 1 октября 1980 года «О праздничных и памятных днях». Архивень копия 18 Сундерьковонь 2020 на Wayback Machine Правовая база «Контур. Норматив» // normativ.kontur.ru
- ↑ Указ Президиума Верховного Совета СССР № 9724-XI от 1 ноября 1988 года «О внесении изменений в законодательство СССР о праздничных и памятных днях». Архивень копия 4 Эйзюрковонь 2016 на Wayback Machine Справочно-правовая система «КонсультантПлюс» // consultant.ru
- ↑ Указ Президента Российской Федерации Д. Медведева от 13 октября 2011 года № 1348 «О дне сотрудника органов внутренних дел Российской Федерации» (руз.). Официальный сайт Президента Российской Федерации // kremlin.ru. Дата обращения: 2014-це иень сундерьковонь 10-це чистэ. Архивировано 2013-це иень сундерьковонь 18-це чистэ года.
- ↑ How to celebrate Egypt’s Police Day Архивень копия 27 Ацамковонь 2011 на Wayback Machine(англ.)
- ↑ Шер Алиев. День таджикской милиции: современные технологии против восточного менталитета. Sputnik Таджикистан (2017-це иень сундерьковонь 10-це чи). Дата обращения: 2021-це иень даволковонь 7-це чистэ.
Лисьмапрят
- «МВД России, энциклопедия». Москва, Объединённая редакция МВД России, 2002.
Ссылкат
- ВИДЕО. Поздравление с Днём сотрудника органов внутренних дел. — Президент России Владимир Путин поздравил личный состав и ветеранов органов внутренних дел Российской Федерации с профессиональным праздником. Россиянь Федерациянь Президентэнть официальной сайтэзэ // kremlin.ru (2020-це иень сундерьковонь 10-це чи)
- ВИДЕО. Глава МВД Владимир Колокольцев поздравил коллег с профессиональным праздником. «РЕН ТВ» телеканалонть официальной сайтэзэ // ren.tv (2020-це иень сундерьковонь 9-це чи)