Россиянь Федерациянь следствиянь органонь важодицянь чи
| Россиянь Федерациянь следствиянь органонь важодицянь чи | |
|---|---|
 2013-це иень умарьковонь 27-це чистэ «Россиянь Федерациянь следствиянь органонь важодицянь чиде» Россиянь Федерациянь Правительствань 741-це № кармавтома | |
| Типесь | Профессиональной покшчи |
| Тешкстави | эрьва иестэ |
| Тешкстамонь чись | медьковонь 25-це чистэ |
 Россиянь Федерациянь следствиянь органонь важодицянь чи | |
Росси́янь Федера́циянь сле́дствиянь о́рганонь важоди́цянь чи (руз. Де́нь сотру́дника о́рганов сле́дствия Росси́йской Федера́ции) — Россиянь Федерациянь следственной комитетэнь, Внутренней тевень министерствань, Зыянтомочинь федеральной службань ды лия ведомствань следственной подразделениянь важодицянь профессиональной покшчи. Эрьва иестэ тешкстави медьковонь 25-це чистэ. Те чись сюлмазь 1713-це иень медьковонь 25-це чистэ «М. И. Волконскиень гвардиянь майоронь следственной канцеляриянь пурнамодо» кармавтоманть марто[1], те канцеляриясь кандовкшновсь масторонь прявтонтень ды топавтсь зыянонь теематнень судто икеле ванноманть, тесэ ванновсть коррупциянть марто сюлмазь тевтнеяк.
Косто саевсь покшчись
Покшчись аравтозель 2013-це иестэ Россиянь Правительстванть кармавтоманзо вельде (2013-це иень умарьковонь 27-це чинь Россиянь Правительствань 741-це № кармавтома)[2]. Алтазь «М. И. Волконскиень гвардиянь майоронь следственной канцеляриянь пурнамодо» I-це Петрань кармавтомань 300 иетненень. 1713-це иень медьковонь 25-це чистэ I-це Петра инязорось нолдась следствиянь канцеляриятнень кемекстамодо кармавтома. Сынь кандовкшновсть масторонь прявтонтень. Сыненст эрявсь ванномс судто икеле зыянонь теематнень, тезэнь кандовкшновсть коррупциянть марто сюлмазь тевтнеяк. Теде икеле следствиясь ютавтневсь судсо. Кунсоломань шкасто ламо доказательстватне ёмавтневсь эли икелепелев арсезь ёмакшность. Сестэ I-це Петра ютавтсь полавтома, конань пингстэ уголовной тевень ветямось ульнесь явозь икелепелень вешнемас-ванномас ды судонь ванномас. Седе тов ютавтневсть ламо лия полавтнемат, тень кис следствиянь васенце органонь теевемань шкасто саезь кувака шкань перть ведомстванть кодамояк покшчизэ арасель. Профессиональной покшчинь тешкстамодо мелень-арсемань ёвтыцякс кармась РФ-нь Следствиянь комитетэсь. Покшчинь тешкстамонь ушодовоманть кис 2013-це иень медьковонь 25-це чистэ нолдазель «Россиянь следствиянь васенце канцеляриянтень 300 иеть» ледстнемань медаль, кона сюпалгавтызе ведомствань казнень максомань системанть (2013-це иень аштемковонь 21-це чистэ «Россиянь следствиянь васенце канцеляриянтень 300 иеть» Россиянь Федерациянь Следствиянь комитетэнь ледстнемань медалень кемекстамодо» 39-це № кармавтома). Покшчинть келейстэ ушодсть тешкстамо 2014-це иестэ саезь.
2013-це иень умарьковонь 27-це чинь РФ-нь Правительствань 741-це № кармавтома
«Россиянь следствиянь васенце канцеляриянтень 300 иеть» мештень тешксэсь нолдазь РФ-нь Следствиянь комитетсэ 2013-це иень медьковонь 25-це чинтень
«Россиянь следствиянь васенце канцеляриянтень 300 иеть» РФ-нь Следствиянь комитетэнь ледстнемань медаль
Ледстнемань медальтне, конат алтазь Россиясо следствиянь васенце канцеляриянь пурнамонтень. Теезь Россиянь Следствиянь комитетэнть кармавтоманзо коряс
Мештень тешкс, кона нолдазель Россиянь Следствиянь комитетэнь пурнамонь 1-це иентень (2011-2012-це иетне)
.png)
Кода тешкстави
Россиясо Следствиянь органонь чись кода силовой структуратнесэ профессиональной лия покшчитнеяк тешкстамонь койсэ пек а явовить. Прявт мероприятиясь ютавтневи Следствиянь комитетэнь следствиянь местной управлениясо, ков тердевить сех паро важодицятне. Тенст казевить шнамо конёвт ды ведомствань наградат. Следственной комитетсэ улить малав комсь медальть ды отличиянь тешкст, конатнень ютксо ули ледстнемань медальгак, кона алтазь Россиянь следствиянь васенце канцеляриянь 300 иетненень. Теде башка Следствиянь органонь важодицянь чистэ поздоровт ёвтыть кирдивийтне, региононь Прявттнэ ды официальной лия ломантне. Истя, медьковонь 25-це чистэ 00:00 чассто Кремлясь эсензэ сайтс путы Россиянь следствиянь органонь важодицятнень туртов Россиянь Президентэнть видеопшкадеманзо.
Следствиянь органонь ламо важодицятне вастыть эсь покшчист службасо. Те чистэнть сех вадря важодицятнень кастыть должностьсэ. Эрьва кодамо ведомствань важодицятнень ютксо ютавтневить спортонь пелькстамот[3][1].
Тешкставкст
- ↑ 1 2 25 июля – День сотрудника органов следствия Российской Федерации. Следственный комитет Российской Федерации по Республике Коми. Дата обращения: 4 Медьковонь 2024.
- ↑ 25 июля - День сотрудника органов следствия Российской Федерации. Региональное Духовное Управление Мусульман Оренбургской области. Дата обращения: 4 Медьковонь 2024.
- ↑ 25 июля — День сотрудника органов следствия: кого поздравляют с праздником. Известия (24 Медьковонь 2023). Дата обращения: 4 Медьковонь 2024.
Литература
- Серов Д. О. Гвардейцы-криминалисты Петра I: Из истории организации и деятельности «майорских» следственных канцелярий (1713—1723 гг.) // Ораниенбаумские чтения: Сб. научных статей и публикаций. СПб., 2001. Вып. 1.;
- Монахов А. А., Серов Д. О. У истоков следственного аппарата России // материалы Международной научно-практической конференции: Сб. научных статей и публикаций. М., 2013. Ч. 1. С. 286—291.;
- Серов Д. О., Монахов А. А. Зарождение следственного аппарата России (1713—1717 гг.) // Вестник Следственного комитета РФ. 2013, № 4.;
- Серов Д. О., Аверченко А. К. Вневедомственный следственный аппарат России: замыслы и реальность // Журнал российского права. 2005, № 10. С. 122—127.
- Монахов А. А. Руководитель первой следственной канцелярии России гвардии майор М. И. Волконский: линия судьбы // Труды Пятой Международной научно-практической конференции «Война и оружие. Новые исследования и материалы». СПб., Ч. 3. С. 238—254.
Ссылкат
- Публикация Постановления Правительства Российской Федерации от 27 августа 2013 г. № 741 «О Дне сотрудника органов следствия Российской Федерации» в «Российской газете»;
- История создания отечественных органов предварительного расследования;
- Становление и развитие отечественной концепции предварительного следствия.