Россиянь Федерациянь таможнянь важодицянь чи
| Россиянь Федерациянь таможнянь важодицянь чи | |
|---|---|
 | |
| Типень коряс | Государственной покшчи |
| Зярдо аравтозь | 1995-це иень умарьковонь 4-це чистэ |
| Косо тешкстави | Россиянь Федерациясо |
| Зярдо ютавтневи | Ожоковонь 25-це |
| Мезе ютавтневи | ожоковонь 25-це чи |
| Мезе марто сюлмазь | таможенной вейсэнь уставонь появамонть марто |
Россиянь Федерациянь таможнянь важодицянь чи — Россиянь Федерациянь таможнянь весе важодицятнень профессиональной государственной покшчист. Те чись Россиясо тешкстави эрьва иень ожоковонь 25-це чистэ[1].
Покшчинть эрямопингезэ ды тешкстамозо
«Россиянь Федерациянь таможнянь важодицянь чись» — профессиональной од покшчи, кона кемекстазель Советэнь Союзонь каладомадо мейле 1995-це иень умарьковонь 4-це чистэ «Россиянь Федерациянь таможнянь важодицянь чинь аравтомадо» Борис Ельцин Россиянь Президентэнь 811-це № ало кармавтомасо[2]. Икеле СССР-сэ ульнесь «Советэнь таможнянь важодицянь чи», кона тешкставсь панжиковонь 29-це чистэ (ней те чистэнть тешкстыть «Таможнянь службань ветеранонь чи»).
Борис Ельцин Россиянь Президентэнть те чистэ «Россиянь Федерациянь таможнянь важодицянь чинь» тешкстамодо мелесь лиссь овсе а стяко, секс мекс 1653-це иень ожоковонь 25-це чистэ Рузонь инязорксчисэ появась Микшнемань Вейсэнь лув, кона лиссь «Московсо ды лия оштнесэ зяро ды кодамо товарсто саемс таможенной пошлина» Алексей Михайлович Романов инязоронть кармавтомадо мейле.
2006-це иестэ Владимир Путин РФ-нь Президентэсь «Россиянь Федерациянь таможнянь важодицянь чинтень» алтазь поздоровсо ёвтась истят валт[3]:
Ёвтан поздоровт Таможенникень профессиональной чинть марто весе важодицятненень ды ветерантнэнень. Ютазь 11 иетнень перть Россиянь Таможнянь федеральной службась тейсь покш путовкс экономикань зыянтомочинь кемекстамонтень, масторонок раськень мельтнень идеманть туртов. Течи те службась омбомасторонь микшнемань ванстомасо, бюджетэнь доходонь кастомасо ловови сех вадрятнень ютксто вейкекс.
Тешкставкст
- ↑ День таможенника: дата, история и традиции, РБК Life. Ваннозь 2024-це иень ожоковонь 23-це чистэ.
- ↑ Указ Президента РФ от 4 августа 1995 г. N 811 «Об установлении Дня таможенника Российской Федерации». Дата обращения: 2019-це иень чадыковонь 24-це чистэ. Архивировано из оригинала 2019-це иень чадыковонь 24-це чистэ года.К:Рувики:Cite web (не указан язык)
- ↑ Федеральная таможенная служба. customs.gov.ru (26 Ожоковонь 2006). Дата обращения: 23 Ожоковонь 2024.