Россиянь кинонь чи
| Россиянь кинонь чи | |
|---|---|
 | |
| Тешкстамонь чись | умарьковонь 27-це чи |
 Россиянь кинонь чи | |
Россиянь кинонь чи — Россиянь Федерациясо кинонь теицянь ды кинонь вечкицянь профессиональной покшчи. Тешкстави эрьва иестэ умарьковонь 27-це чистэ.
Покшчинть эрямопингезэ
Россиянь империясо кинонь васенце невтемась ютась 1896-це иень панжиковонь 4-це (16-це) чистэ «Аквариум» Петербургонь садпиресэ[1]. 1908-це иень ожоковонь 2-це (15-це) чистэ ютась «Понизовая вольница» рузонь производствань кавксо минутань фильмань васенце невтема. «Из-за острова на стрежень» Владимир Ромашков режиссёронть Степан Разиндэ (рузонь раськень моротнень ланга) невтемазо панжизе рузонь кинонтень кинть[2].
1919-це иень умарьковонь 27-це чистэ РСФСР-нь Раськень комиссаронь советэсь кемекстась кинонь тевень национализациядо декрет (питневтеме тевень пачк). Те чистэнть саезь РСФСР-нь фотонь ды кинонь микшнемась, промышленностесь ды кинотеатратне ютасть Просвещениянь раськень комиссариатонть алов[3].
«Покшчинь ды ледстнемань читнеде» 1980-це иень ожоковонь 1-це чинь 3018-X №-нь СССР-нь Верховной Советэнь Президиумонть кармавтомга, «Покшчинь ды ледстемань читнеде СССР-нь законодательствас полавтомань путомадо» 1988-це иень сундерьковонь 1-це чинь 9724-XI №-нь (2006-це иень панжиковонь 31-це чистэ неть кармавтоматне ёмавтызь виест[4]), ульнесь путозь ушодкс тешкстамс Советэнь кинонь чи.
1980-це иень кармавтомасто (вант вере) покшчись лемдязель «Советэнь кинонь чикс», 1988-це иень кармавтомасо — «Кинонь чикс». Перестройкань иетнестэ покшчись кармась лемдявомо «Россиянь кинонь чикс». «Россиянь кинонь чи» неень шкань лемензэ саизе СССР-нь каладомадо мейле.
Покшчинь ютавтнемань шкасто тешкстамось аволь весть ютавтневсь эрьва кодамо чистэ. Васня сонзэ путызь ацамковонь 28-це чис ды истя вейсэндизь Кинонь раськеютконь чинть марто. Видьстэ меремс, кода раськень покшчи Россиянь кинонь чись лоткась тешкстневемеде. Истя ульнесь 2001-це иес, се шкас, зярдо Россиянь культурань министерствань Кинематографиянь службасо арсесть, Россиянь кинонь теемантень эряви тешкстамс эсь покшчинзэ.
2002-це иень панжиковсто Н. С. Михалков Россиянь кинонь теицянь вейсэндявксонь прявтось ёвтась мель тешкстамс те чинть таштамковонь меельце сюконьчистэ, зярдо ютавтневи «Сырнень тумоатякш» («Золотой орёл») кинонь теемань искусствань ды наукань академиянь Раськень премиянь каземась[5]. Ансяк те арсеманть кирдивийтне мельс эзизь сае, ды Россиянь кинонь чинть арсизь седе товгак тешкстакшномс умарьковонь 27-це чистэ.
Теке марто вант
- Кинонь чи
- Люмьерт лелят-ялакст — кинонь ушодыцят
- «Потёмкин» броненосец" фильма (СССР, 1925-це ие)
Тешкставкст
- ↑ Н. А. Лебедев. Глава 1. Кинематограф в дореволюционной России (1896-1917) (руз.). Очерки истории кино СССР. «Библиотекарь». Дата обращения: 5 Чадыковонь 2015. Архивировано 23 Таштамковонь 2015 года.
- ↑ Сегодня — день российского кино (руз.). newsvo.ru (27 Умарьковонь 2009). Дата обращения: 21 Умарьковонь 2017. Архивировано 21 Умарьковонь 2017 года.
- ↑ День российского кино: история и традиции празднования. Справка. РИА Новости (27 Умарьковонь 2008). Дата обращения: 13 Умарьковонь 2010. Архивировано 6 Чадыковонь 2012 года.
- ↑ РОСПРОМ — Федеральное агентство по промышленности(недоступная ссылка)
- ↑ Никита Михалков учредил День российского кино (руз.). Lenta.ru (21 Панжиковонь 2002). Дата обращения: 21 Умарьковонь 2017.