Россиянь чи

Википедиясто материал - аорев содамкундосто
Россиянь чи
Обран ёнксонь кремлянть велькссэ Россиянь чинть тешкстамга покшчинь салют.
Обран ош, 2015-це иень аштемковонь 12-це чи.
Типень коряс Раськень чи
Официальной лем Россиянь чи
Лиякс 2002-це иень даволковонь 1-це чис — «Россиянь Федерациясо государствань суверенитеттэ Декларациянь кемекстамо»
Смусть 1990-це иень те чистэ кемекстазель РСФСР-нь государствань суверенитеттэ Декларация
Аравтозь 1992-це иень аштемковонь 11-це чистэ
(«Аштемковонь 12-це чистэ эрьгелема чиде» Россиянь Федерациянь Верховной Советэнь 2981-I-це № номер ало кемекстамосо)
Тешкстави РоссияFlag of Russia.svg Россиясо
Ютавтома чи аштемковонь 12-це чи
Тешкстамо концертт, тиринь масторонь вечкемань акцият, фейерверкть
Койть Кремлясо Госпремиянь ды казнень максома
Commons-logo.svg Россиянь чи

Россиянь чи (икелень лемезэ — Оляксчинь чи, Государствань суверенитеттэ Декларациянь кемекстамонь чи) — государственной покшчи, тешкстави эрьва иестэ РФ-нь Верховной СоветсэРСФСР-нь государствань суверенитеттэ Декларациянь кемекстамодо промкссо[2].

Те чистэнть Кремлясо ютавтови эрьгелемань вастовома, РФ-нь Президентэсь максы государствань премият ды казнеть. Весе масторганть ютавтовить покшчинь концертт, спортонь ды тиринь масторонь вечкемань акцият. Аштемковонь 12-це чись ловови аволь важодемань чикс. Бути сон понги шлямочистэ эли таргочистэ, сестэ оймсема чись кандови важодемань седе тов молиця чис.

Лемензэ ланга

РСФСР-нь раськень депутатонь I-це инекужосо кемекстазель РСФСР-нь государствань суверенитеттэ Декларация, конась путсь юр полавтоматненень, конат ветясть СССР-нть калавтомасСуверенитетэнь парад» лементь ало, зярдо Советэнь Союзсто мельга-мельцек лиснесть республикатне. Тень лангс ванозь Борис Ельцин президентэсь кочкась те покшчинть туртов истямо лем — Оляксчинь чи[4]. 1993-це иень аштемковсто Россиянь эрицятненень пшкадемстэ масторонь прявтось тешкстась:

Россиясь тешксты Оляксчинь чи государствань эсь покшчинзэ. Те покшчись од, сон совась минек эрямос колмо иеде икеле, Россиянь государствань суверенитеттэ Декларациянть кемекстамонзо марто.[5].

1994-це иестэ Борис Ельцин эсь кармавтомасонзо яволявтызе аштемковонь 12-це чинть РСФСР-нь государствань суверенитеттэ Декларациянь кемекстамонь чикс. Россиянь чи лемесь аравтозель ансяк 2002-це иестэ.[6].

Мельс саемазо ды чарькодемазо

Покшчинть чарькодемазо полавтневсь эрямопингень эрьва кодамо ёнксонть эйстэ. Васняяк аштемковонь 12-це чись сюлмавкшнось суверенитеттэ Декларациянть марто, кона кемекстась РСФСР-нь «СССР-стэ олячинь лисемань праванзо», ды тесэ те чись седе ламо чарькодекшневсь кода эрямопингень сюлмавоматнень сезема, масторонь кастомасо кувака шканть эйстэ отказамо[7]. 1991-це иестэ весе ютазенть чарькодеманзо марто кода «XX-це пингень геополитикань покштояк покш зыян», полавтовсь покшчинть смустезэяк, конань прявт кучомакс кармась аволь ютазенть берянесь, мекевланг, сыця шкас паро ёжосо молемась стакачитнень мельсэ кирдезь ды икелев молезь[8]. 2001-це иень аштемковонь 12-це чистэ Владимир Путин Россиянь чинтень алтазь покш промкссо эсь кортамосонзо тешкстась:

Весе, мезе ульнесь неть иетнестэ, те минек ёрокчинек – изнявксонок ды ильведевксэнек – кортыть вейкеде. Эрьва кодат одкстомтоматнень ули смустест ансяк сестэ, зярдо важодить ломантненень лезэс. Бути одкстомтоматне а молить эрицятнень лезэс — сестэ весемесь вети апарос. Теньсэ аштияк Россиянь демократиянь прявт тонавксось. Сонзэ ланга тенек эряви кортамс течияк, Россиянь чистэ[9].

Россиянь Федерациянть перька геополитиканть стакалгавтомсто, масторонть каршо васня кардамонь ды седе тов гибридэнь торпингень ушодовомсто Россиянь чинть смустезэ теевсь седеяк питнеекс кода чи, кона невти суверенитетэнть вельмевтеманзо, экономикань виенть одкстомтоманзо ды масторонь идеманть кеместамонзо. Весе те пек парсте неяви социологонь кевкстнематнесэ: 2022-це иестэ Вейсэнь мелень-арсемань ванномань Весе Россиянь куншкакурось ютавтсь кевкстнема, кона невтизе, каршо валонь максыцятнестэ 58 % янксить СССР-нть калавтомадо[10].

Владимир Путин ды Борис Ельцин Россиянь чинтень алтазь покш промкссо (2001)

Койть-кирдат ды тешкст

Коень коряс Россиянь чистэ Кремлясо ютавтневи наукасо ды технологиясо, культурасо ды искусствасо РФ-нь государствань премиянь ды теде башка «РФ-нь Важодемань откерь» медалень казема.

Покшчинь прявт тешксэкс ловови Россиянь колмо тюссо масторкоцтось, эрьгелемань ютавтомань прявт таркась — Якстере куншкакурось. Куротне весе масторсонть мазылгавтовить масторкоцтсо ды плакатсо. Ютавтовить фестивальть, концертт, невтемат, спортонь пелькстамот ды тиринь масторонь вечкемань акцият. Саемга, 2023-це иестэ Волгоградонь Культурань ды оймсемань парксо сравтсть 100 метрань кувалмосо ды 4 метрань келесэ РФ-нь масторкоцт. Ошова сонзэ кандомга эрявсть 80 ломанть[11].

Аштемковонь 12-це чись урьвакстомань ды мирдененень лисеманть туртов ловови сех вадря читнестэ вейкекс. Прявтошсо панжовить тешкстамонь башка зярыя таркат: Москов лейсэнть нурька оймсемань леень трамвайтнесэ, метрополитенэнь станциятнесэ, ошонь эрямопингень покш кудотнесэ ды эрямо таркатнесэ. Московсо Россиянь чистэ урьвакстомат-мирденень сех ламо лисемат тешкстазельть 2010-це иестэ — 250-де ламо[12]. 2022-це иестэ колмонст кудораськеть урьвакстсть-мирденень лиссть «Маяковской» метронь станциясо. Весемесь ютась вень кавто чассто саезь ниле чассос, платформанть мазылгавтызь мазый аркасо, фотонь теемга метронь кирдивийтне макссть кавто составт — «Москов-2020» ды «Номерной»[13]. Тень пингстэ ярмаконь пандомась урьвакстоманть ды мирденень истямо лисеманть кис ульнесь теке — 350 целковойть, онлайн лувсо яволявтомань максомсто — 245 целковойть[12].

Кевкстнемат

2023-це иестэ Вейсэнь мелень-арсемань ванномань Весе Россиянь куншкакурось пачтясь — Россиянь чиде кода РФ-нь сех «од» покшчитнестэ вейкеденть кармасть содамо седе ламо: 2006-це иестэ сонзэ ланга весементь домкасто содасть кевкстезетнестэ 63 %, 2021-це иестэ — 73 %[14]. Тень пингстэ кемень меельце зярыя иетнень перть масторонь прявт тевекс ёвтазельть:

  • Крыменть ды од регионтнэнь марто вейсэндявомась (11 %);
  • инфраструктуранть кастомась, китнень теемась (9 %);
  • промышленностенть, велень хозяйстванть, космосонь ёнксонть строямось (8 %);
  • экономиканть кастомась, омбомасторсто ускозенть полавтомась (8 %);
  • масторонь социальной политикась, аватненень ды эйкакштненень лездамось (8 %);
  • Крымень сэденть теемась (5 %)[14].

Каштанчисэ неень шкань ломантнень кис аштицятнень ютксто кевкстезетне ёвтызь Владимир Путинэнь ды СВО-со улицятнень[14].

Фактт

  • аштемковонь 12-це чистэ Рузонь Православиянь Церковась тешксты Александр Невский Владимирэнь, Новгородонь ды Киевень ине чинязонть, иневаньксэнть чачома чинзэ[15];
  • РСФСР-нь президентэнь кочкамот, конатнесэ изнясь Борис Ельцин;
  • 2014-це иестэ Россиянь чинть васенцеде тешкстызь Крымсэ ды Севастопольсэ[16].

Теке марто вант

Тешкставкст

  1. ↑ История празднования Дня России - ТАСС, TACC. Ваннозь 27 Чадыковонь 2024.
  2. ↑ Указ Президента РФ О государственном празднике Российской Федерации (02.06.1994).
  3. ↑ День России 12 июня: как отмечают, история праздника, РБК Life. Ваннозь 27 Чадыковонь 2024.
  4. ↑ День принятия Декларации о государственном суверенитете России - День России.
  5. ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России.
  6. ↑ День России в 2024 году: история и традиции праздника (2 мая 2023).
  7. ↑ Декларация о государственном суверенитете Российской Советской Федеративной Социалистической Республики.
  8. ↑ Путин разъяснил свои слова о "геополитической катастрофе" в контексте распада СССР - ТАСС, TACC. Ваннозь 30 Чадыковонь 2024.
  9. ↑ Выступление на торжественном приеме по случаю Дня принятия Декларации о государственном суверенитете России (12.06.2001).
  10. ↑ Ровно тридцать лет и три года, Коммерсантъ (11 Аштемков 2023). Ваннозь 2 Панжиковонь 2024.
  11. ↑ Татьяна Крючкова. В ЦПКиО в Волгограде развернули стометровый флаг России (12.06.2023).
  12. ↑ 12,0 12,1 В День России в столице поженились около 100 пар (13.06.2022).
  13. ↑ Анастасия Ракова: В День России три пары молодоженов поженились на станции "Маяковская" - Российская газета, Российская газета (12 Аштемков 2022). Ваннозь 29 Чадыковонь 2024.
  14. ↑ 14,0 14,1 14,2 День России — 2023 (08.06.2023).
  15. ↑ Патриарх предложил отмечать 12 июня день рождения Александра Невского, РИА Новости (22.03.2009). Ваннозь 2 Панжиковонь 2024.
  16. ↑ Крым и Севастополь 12 июня впервые отмечают День России, РИА Новости (12.06.2014). Ваннозь 2 Панжиковонь 2024.

Ссылкат

  1. REDIRECT ЛопаПарцун:Navbox
Саезь "https://myv.ruwiki.ru/w/index.php?title=Россиянь_чи&oldid=210454"-стэ