Россиянь чи

Википедиясто материал - аорев содамкундосто
Россиянь чи
День России.png
Типесь Раськень чи
Официальной лемезэ Россиянь чи
Лия лемезэ 2002-це иень даволковонь
1-це чис — «Россиянь Федерациянь государственной суверенитеттэ декларациянь кемекстамо»
Смустезэ РСФСР-нь государственной суверенитеттэ декларация
Аравтозь 1992-це иень аштемковонь
11-це чистэ («Аштемковонь
12-це чистэ эрьгелема чиде» Россиянь Федерациянь Верховной Советэнь 2981-I-це №-нь кемекстамосо)
Тешкстави РоссияFlag of Russia.svg Россиясо
Тешкстамонь чись аштемковонь 12-це чистэ
Зярдо тешкстави концертт, тиринь масторонь вечкемадо акцият, фейерверкть
Ютавтомань койтне Кремлясо Государственной премиянь ды казнень максома
Логотип РУВИКИ.Медиа Россиянь чи

Росси́янь чи (икелень лемезэ — Государственной суверенитеттэ декларациянь кемекстамонь чи, теке марто содави кода Олячинь чи) — Россиянь Федерациянь государственной покшчи (руз.) (эрз., кона алтазь Россиянть государственной суверенитетэнзэ кемекстамонтень. Тешкстави эрьва иестэ аштемковонь 12-це чистэ. Аравтозь 1992-це иень аштемковонь 11-це чистэ Россиянь Федерациянь Верховной Советэнь кармавтомасо[1] Российской Советской Федеративной Социалистической Республикань (РСФСР-нь) государственной суверенитеттэ декларациянь кемекстамодо промкссонть[2]. Аштемковонь 12-це чись ловови аволь важодемань чикс. Бути сон понги субутасто эли таргочистэ, сестэ оймсема чись кандови важодемань седе тов молиця чинтень.

Покшчинть ланга

1990-це иень аштемковонь 12-це чистэ РСФСР-нь раськень депутатонь I-це инекужосо (руз.) (эрз. государствань суверенитеттэ декларация, конась путсь юр полавтоматненень, конат кармасть СССР-нть калавтоманзо ушодомань прявт тевтнестэ вейкекс[3]. Декларациясь кемекстазель се шкастонть, кона историяс совась «суверенитетэнь парад» лементь ало, зярдо Советской Союзонть эйстэ мельга-мельцек лиснесть республикатне. Тень лангс ванозь Борис Ельцин Президентэсь кочкась те покшчинть туртов истямо лем — Олячинь чи[4]. 1993-це иень аштемковсто Россиянь эрицятненень пшкадемстэ масторонь прявтось тешкстась:

Россиясь васты Олячинь чинть государственной эсь покшчинзэ. Те покшчись од, сон совась минек эрямос колмо иеде икеле, Россиянь государственной суверенитеттэ декларациянть кемекстамонзо марто[5].

Волгоградонь эрицятне кандыть Россиянь 100 метрань коцтонть (2023-це ие)

1994-це иестэ Борис Ельцин эсь кармавтомасо яволявтызе аштемковонь 12-це чинть РСФСР-нь государственной суверенитеттэ декларациянь кемекстамонь чикс. Россиянь чи лемесь аравтозель ансяк 2002-це иестэ[6].

Покшчинть смустезэ ды чарькодемазо

Покшчинть чарькодемазо полавтневсь ды сюлмазель историясо эрьва кодат тевтнень марто. Васняяк аштемковонь 12-це чись сюлмавкшнось суверенитеттэ декларациянть марто, кона кемекстась РСФСР-нь «СССР-стэ олячинь лисемань праванзо», ды тесэ те чись седе ламо чарькодекшневсь кода историянь сюлмавоматнень сезевема, масторонь кастомасо кувака шканть эйстэ отказамо[7]. 1991-це иестэ весе ютазенть одов чарькодеманзо марто кода «XX-це пингень геополитикань покштояк покш зыян», полавтовсь покшчинть смустезэяк, конань прявт кучомакс кармась аволь ютазенть берянесь, мекевланг, сыця шкас паро ёжосо молемась стакачитнень мельсэ кирдезь ды икелев молезь[8]. 2001-це иень аштемковонь 12-це чистэ Владимир Путин Россиянь чинтень алтазь покш промкссо эсь кортамосонзо тешкстась:

Весе, мезе ульнесь неть иетнестэ, те минек ёрокчинек – изнявксонок ды ильведевксэнек – кортыть вейкеде. Эрьва кодат одкстомтоматнень ули смустест ансяк сестэ, зярдо важодить ломантненень лезэс. Бути одкстомтоматне а молить эрицятнень лезэс — сестэ весемесь вети апарос. Теньсэ аштияк Россиянь демократиянь прявт тонавксось. Сонзэ ланга тенек эряви кортамс течияк, Россиянь чистэ[9].

Россиянь Федерациянть перька геополитиканть стакалгавтомсто, масторонть каршо васня кардамонь ды седе тов гибридэнь торпингень ушодовомсто Россиянь чинть смустезэ теевсь седеяк питнеекс кода чи, кона невти суверенитетэнть вельмевтеманзо, экономикань виенть одкстомтоманзо ды масторонь идеманть кемекстамонзо. Весе те пек парсте неяви социологонь кевкстнематнесэ: 2022-це иестэ Вейсэнь мелень-арсемань ванномань Весе Россиянь куншкакурось ютавтсь кевкстнема, кона невтизе, каршо валонь максыцятнестэ 58 %-тнэ янксить СССР-нть каладомадо[10].

Владимир Путин ды Борис Ельцин Россиянь чинтень алтазь покш промкссо (2001-це ие).

Койть-кирдат ды тешкст

Коень коряс Россиянь чистэ Кремлясо ютавтневи наукасо ды технологиясо, культурасо ды искусствасо РФ-нь государственной премиянь ды теде башка «РФ-нь трудонь герой» медалень казема.

РФ-нь сехте покш масторкоцтось, конань штавтызь Анапа ало Россиянь чистэ. 2024-це иень аштемковонь
12-це чи.

Покшчинь прявт тешксэкс ловови Россиянь колмо тюссо масторкоцтось, эрьгелемань ютавтомань прявт таркась — Якстере куншкакурось. Куротне весе масторсонть мазылгавтовить масторкоцтсо ды плакатсо. Ютавтовить фестивальть, концертт, невтемат, спортонь пелькстамот ды тиринь масторонь вечкемань акцият. Саемга,
2024-це иестэ Краснодарской краень Сукко посёлкасо Россиянь чистэ штавтсть РФ-нь масторкоцт, конань покшолмазо ульнесь 4 тёжат кавонзазь метрадо ламо. Покш коцтонть Паужо иневеденть вакссо кирдсть 1 тёжа 221 ломань. Россиянь Рекордонь книгань эксперттнэ текшстызь те фактонть[11].

Санкт-Петербург ош. Россиянь чистэ Петровской фарватерэнь ёнкссо Россиянь масторкоцтонь кепедемань акциянь шкасто. Флайбордисттнэ кепсевсть 12 метрань сэрьс.

Урьвакстомань ды мирдененень лисемань туртов аштемковонь 12-це чись ловови сех вечкевикс читнестэ вейкекс. Саемга, 2024-це иестэ Россиянь чистэ урьвакстсть ды мирдненень лиссть 165 парат[12]. Прявтошсо те чистэнть панжить урьвакстомань ды мирденень лисемань тешкстамонь башка зярыя таркат, анокставить выездной таркаткак: леень трамвайсэ, метрополитетэнь станциясо, ошонь историянь ды усадьбань особняксо.

Од ломантне, конат тешкставтызь урьвактоманть ды мирденень лисеманть «Маяковской» метронь станциясо (2022-це иень аштемковонь 12-це чи).

Весе масторсганть ютавтневить покшчинь концертт, спортонь ды тиринь масторонь вечкемань кастомадо акцият; тейневить салютт. Аштемковонь 12-це чись ловови аволь важодемань чикс, бути сон пры субутантень эли таргочинтень, сестэ оймсема чись кандови важодема чинтень[13].

Россиянь чистэ Обранонь Кремлянть велькссэ покшчинь салют.
Обран ош, 2015-це иень аштемковонь
12-це чи.

Питнень путнемат ды кевкстнемат

Борис Ельцинэнь критиктне тевс нолдасть те покшчинть кавто ёндо чарькодемандо смустень коламонть кис. 1994-це иестэ Виталий Третьяков демократиянь обозревателесь невтсь ачарькодевиксчинть лангс Россиянть туртов «олячи» валонть тевс нолдамсто, секс мекс «икелень колониятнень ули олячинь чист, ансяк икелень колонизатортнэнь арась». Третьяковонь чарькодемасо аштемковонь 12-це чись ульнесь прамонь ушодовомакс — коммунисттнэ ды националисттнэ невсть кода СССР-нь калавтомантень эскелькс. Сынь лемдясть аштемковонь 12-це чинть «ломантнень эйстэ власттнень олячинь чикс»; сынст арсемаст коряс, 1991-це иестэ саезь Россиясь миизе прянзо Западонтень. Борис Ельцин чумондсь калавтомась 1991-це иень умарьковонь путчонть ды сондензэ икеле аштицятнень.

Алкуксокс РСФСР-сь лиссь СССР-нть эйстэ аволь 1990-це иень аштемковонь
12-це чистэ, лиссь вейке ды пель иень ютазь, 1991-це иень ацамковсто.
1991-це иень ацамковонь 12-це чистэ РСФСР-нь Верховной Советэсь кемекстызе Беловежской соглашениятнень ды лоткавтызе 1922-це иень Союзоной договоронть важодеманзо. Юридическоекс РСФСР-сь лиссь СССР-нть эйстэ
1991-це иень ацамковонь 12-це чистэ[14][15][16]. 1991-це иень ацамковонь 24-це чистэ РСФСР-сь арась СССР-нть таркас лия мастортнэнь ютксо[17]. 1991-це иень ацамковсто Россиянть ушодсть ловомо олячинь масторокс лия мастортнэ, саемга, 1991-це иень ацамковонь 25-це чистэ Джордж Буш США-нь Президентэсь яволявтсь Вейсэндязь Штаттнэнь пельде Россиянть официальной олячинзэ, теке марто яволявтозель Украинань, Белоруссиянь, Армениянь, Казахстанонь ды Кыргызстанонь олячись[18].

Россиянь ламо эрицятне СССР-нь калавтоманть вастызь беряньстэ[19], секскак покшчинть коряс мольсть эрьва кодат кортамот ды сон эзь карма вечкевиксэкс[20][19]. Россиянь демократтнэ кемекстызь покшчинть, ансяк консерватортнэ ды коммунисттнэ эзь пра марто ве лувс. Россиянь кой-кона эрицятне пельсть тешкстамс СССР-нь калавтоманть ды Ельцинэнь од тевтнень[21][22].

Хасбулатов Россиянь Верховной Советэнь прявтось, кона 1992-це иестэ парламентсэ путызе аштемковонь 12-це чинть ловомс покшчикс ды оймсемань чикс вайгелень максомадо кармавтоманть, сонсь те чинть эрьгеламачикс эзь лово. Те чинть ловомс оймсема чикс яволявтызе Ельцин Президентэсь вайгелень максомадо икеле. Сергей Шахрай, кона ульнесь вайгелень максыцятнень ютксо, ёвтнесь, сонзэ туртов кадовсь ачарькодевиксэкс, мекс вайгелень максомань шкасто покшчинть лемдясть «Олячинь чикс». «Олячи» валось тевконёвсо арасель. Шахрай эзизе кепеде закононь кемекстамонть кис, ансяк каршояк эзь моле. Александр Руцкой мольсь каршо ловомс аштемковонь 12-це чинть покшчикс, ды седеяк каршо Олячинь чикс, Руцкой ёвтась мель тешкстамс Россиянь чинть Конституциянь чистэ, ансяк Ельцин Россиянь Президентэсь эзизе кирде те меленть-арсеманть[23].

Васняяк те чинть кода покшчи ловсть ошонь аволь пек ламо эрицят, ансяк шкань ютазь весемесь полавтовсь седе паро ёнов. Саемга, 2005-це иестэ Россиянь ансяк 15 % эрицят лемдясть сонзэ покшчикс, а 2014-це иестэ — 29 %. Тень пингстэ те чистэнть важодемасо улиця ломантненень оймсема чи кармасть макснеме седе аламо: 2005-це иестэ истяттнэде ульнесть 73 %,
2014-це иестэ — 60 %, а 2015-це иентень прась 42 %-с[24][25].

Наталья Завьялова культурологось корты, Россиянь эрицятнень туртов «олячинь чи» валтнэ — од валт, конат састь Американь культурасто, ансяк покш смусть эзть кандо. Завьялова лови «олячинь чи» валтнэнь кода ильведевксэнь, ансяк те, сонзэ койсэ, сюлмазь Россиянь покшчитнень лемест «англосаксонь культурань дискурсос» икеле арсезь педявтозь эцеманть марто[26].

Тешкставкст

  1. ↑ История празднования Дня России - ТАСС, TACC. Ваннозь 27 Чадыковонь 2024.
  2. ↑ Указ Президента РФ О государственном празднике Российской Федерации. https://docs.cntd.ru (2 Аштемковонь 1994). Дата обращения: 2 Панжиковонь 2024.
  3. ↑ День России 12 июня: как отмечают, история праздника, РБК Life. Ваннозь 27 Чадыковонь 2024.
  4. ↑ День принятия Декларации о государственном суверенитете России - День России.
  5. ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России. https://yeltsin.ru. Дата обращения: 2 Панжиковонь 2024.
  6. ↑ День России в 2024 году: история и традиции праздника. РИА Новости (2 Панжиковонь 2023). Дата обращения: 24 Панжиковонь 2024.
  7. ↑ Декларация о государственном суверенитете Российской Советской Федеративной Социалистической Республики. https://docs.cntd.ru. Дата обращения: 30 Чадыковонь 2024.
  8. ↑ Путин разъяснил свои слова о "геополитической катастрофе" в контексте распада СССР - ТАСС, TACC. Ваннозь 30 Чадыковонь 2024.
  9. ↑ Выступление на торжественном приеме по случаю Дня принятия Декларации о государственном суверенитете России. http://www.kremlin.ru (12 Аштемковонь 2001). Дата обращения: 2 Панжиковонь 2024.
  10. ↑ Ровно тридцать лет и три года, Коммерсантъ (11 Аштемков 2023). Ваннозь 2 Панжиковонь 2024.
  11. ↑ На Кубани в День России развернули самый большой триколор страны, TACC. Ваннозь 4 Аштемковонь 2025.
  12. ↑ 165 пар поженились в Москве в День России // Новости НТВ, НТВ. Ваннозь 4 Аштемковонь 2025.
  13. ↑ Праздник и выходные в июне 2025 года: как работаем и отдыхаем \ КонсультантПлюс (руз.). www.consultant.ru. Дата обращения: 4 Аштемковонь 2025.
  14. ↑ РУСЛАН ХАСБУЛАТОВ: "РОССИЙСКАЯ ФЕДЕРАЦИЯ "ЗАКОННЫМ" ОБРАЗОМ ВЫШЛА ИЗ СОСТАВА СССР 12 ДЕКАБРЯ 1991 ГОДА, В 13 ЧАСОВ 28 МИНУТ". Дата обращения: 10 Аштемковонь 2024. Архивировано 10 Аштемковонь 2024 года.
  15. ↑ Национальный Атлас России Распад СССР и образование Российской Федерации Архивень копия 10 Аштемковонь 2024 на Wayback Machine
  16. ↑ Хронология выхода союзных республик из состава СССР: какая из них вышла первой, а какая последней? Дата обращения: 10 Аштемковонь 2024. Архивировано 10 Аштемковонь 2024 года.
  17. ↑ Как Россия заняла место СССР в Совбезе ООН Об этом сообщает «Рамблер»
  18. ↑ Джордж Буш: это победа демократии и свободы
  19. ↑ 1 2 M. Lipman, N. Petrov. Russia 2025: Scenarios for the Russian Future. — Springer, 2015-12-28. — С. 224. — 303 с. — ISBN 978-1-137-33691-0.
  20. ↑ Тень независимости: почему главный государственный праздник России не стал народным. Дата обращения: 11 Аштемковонь 2024. Архивировано 11 Аштемковонь 2024 года.
  21. ↑ Catherine Danks. Politics Russia. — Routledge, 14 January 2014. — P. 84. — 483 p. — ISBN 978-1-317-86741-8.
  22. ↑ В стране отмечают День России - самый парадоксальный праздник. Дата обращения: 11 Аштемковонь 2024. Архивировано 11 Аштемковонь 2024 года.
  23. ↑ "Был категорически против этого праздника": что мы отмечаем 12 июня. Дата обращения: 12 Аштемковонь 2024. Архивировано 12 Аштемковонь 2024 года.
  24. ↑ Как Россия встретила свой праздник. Дни.ру (12 Аштемковонь 2015). Дата обращения: 6 Ацамковонь 2023. Архивировано 24 Чадыковонь 2023 года.
  25. ↑ Андрей Синицын. Россияне признали День России праздником. Ведомости (11 Аштемковонь 2015). Дата обращения: 6 Ацамковонь 2023. Архивировано 5 Аштемковонь 2023 года.
  26. ↑ Завьялова Н. А. Этические аспекты названий российских праздников: цена ошибок Архивень копия 12 Ацамковонь 2023 на Wayback Machine // Всероссийская научно-практическая конференция с международным участием «Этика в современной философско-культурологической перспективе». (Екатеринбург, УрФУ, 25 апреля 2015 г.). — Екатеринбург : УрФУ, 2015. — С.233

Ссылкат

Саезь "https://myv.ruwiki.ru/w/index.php?title=Россиянь_чи&oldid=533899"-стэ