Россиясо верень максыцянь раськень чи

Википедиясто материал - аорев содамкундосто
Россиясо верень максыцянь
раськень чи
Донор сдаёт кровь.jpg
Аравтозь 2007-це иень даволковонь
20-це чистэ
Тешкстави РоссияFlag of Russia.svg Россиясо
Тешкстамонь чись чадыковонь 20-це чистэ
Зярдо тешкстави эрьва иестэ
Ютавтомань койтне каземат, конференцият
Мезе марто сюлмазь Россиянь империясо парсте теезь васенце гемотрансфузиянть марто

Росси́ясо ве́рень ма́ксыцянь ра́ськень чи — Россиянь покшчи, кона эрьва иестэ тешкстави чадыковонь 20-це чистэ. Важодемань кодексэнь коряс оймсема чикс а ловови. Алтазь Россиянь империясо парсте теезь васенце гемотрансфузиянтень, конань теизь 1832-це иень чадыковонь 20-це чистэ.

Косто саевсь покшчись

1832-це иень чадыковонь 20-це чистэ Андрей Вольф (руз.) (эрз. васенцеде парсте ютавтсь верень валома чачтыця авантень, конань ульнесь акушерэнь верень чудема[1]. Лецицясь нолдызе тевс Джеймс Бланделлэнь аппаратонзо ды методиканзо, теде икеле Бланделл (1818-це иень таштамковонь 25-це чистэ) парсте ютавтызе трансфузиянть Лондонсо[2]. Седе тов Вольф тейсь верень кото валомат, теде мейле процедуранть аволь весть ютавтнизе Сергей Коломнин (руз.) (эрз. рузонь лецицясь ды профессорось.

2007-це иень даволковонь 20-це чистэ Верень максыцянь раськень чись кемекстазель РФ-нь Госдумасо (руз.) (эрз. верень максомань стакачинь ды верень службань промкссо[3].
2008-це иестэ саезь РФ-нь шумбрачинь ванстомань министерствась, Россиянь медицинань ды биологиянь федеральной агентствась топавтыть эсь мельсэ верень максомань ды сонзэ компоненттнэнь коряс покш программа. 2024-це иень даннойтнень коряс, Верень максомань службас совить 487 вейсэндявкст, покш квалификация марто медицинань малав 100 тёжат важодицят[4].

Кода тешкстави покшчись

Россиясо верень максыцянь раськень чистэнть ютавтневить медицинань важодицятнень марто пресс-конференцият, тематикань невтемат, конференцият. Медицинань куншкакуротне ды станциятне ютавтнить верень максомань коряс башка акцият[5].
Те чистэнть казить эрицятнень, конат макснесть эсь веренть ды сонзэ компоненттнэнь[6]. Россиянь верень почётной максыцякс лововить сеть ломантне, конат питневтеме макснизь верест ды компонентэнзэ 40-ксть эли макснизь плазмаст 60-ксть. Мештень тешкстэ башка Россиянь эрицятненень максовить лия льготаткак, конатнень ютксо — вейсэнь транспортсо питневтеме ардома[7].

Башка информация

  • 2005-це иестэ кемекстазель Верень максыцянь раськеютконь чи. Сонзэ тешкстыть аштемковонь 14-це чистэ, покшчись алтави Карл Ландштейнер ломанень верень группатнень панжомань кис физиологиянь ды медицинань коряс Нобелевской премиянь казезентень, чачома чинзэ тешкстамонтень[8].
  • Медицинань ды биологиянь федеральной агетстванть даннойтнень коряс, 2024-це иестэ Россиясо икелень иенть коряс верень анокстамось кассь 6 %-с ды весемезэ кармась 2,6 миллионт литрат, верень 458 тёжадо ламо максыцят совасть федеральной спискас[5].
Ине Отечественной войнань шкасто лабораториясо важодемань чи
  • Ине Отечественной войнань шкасто верень максыцятнеде ульнесть 5,5 миллионт ломанть, армиянтень максозель 1,7 миллионт литрадо ламо консервировазь верь, кона нолдазель тевс 7 миллионт валноматнесэ. Войнань иетнестэ «СССР-нь почётной донор» мештень тешксэсь максозель 15000 ломантненень[9].

Содавикс ломантнень ютксто верень максыцят

  • Джеки Чан — сеедьстэ максни верензэ, 2002-це иестэ «Смокинг» фильмань снимамонь шкасто кармась Канадань верень службань верень почётной максыцякс.
Джеки Чан сеедьстэ максни верь Гонконг эсь тиринь ёнкссо
  • Криштиану Роналду — 2008-це иестэ ульнесь «Якстере крёстонь счёт» компаниянь невтиця прявт ломанекс, ловови костной удемень максыцякс.
  • Джессика Альба — масни верензэ эйкакшонь шумбралгавтома кудонь туртов.
  • Екатерина Стриженова — верензэ макснеме ушодсь студентэнь иетнестэ.
Татьяна Навка максы верензэ
  • Татьяна Навка — 2011-це иестэ ульнесь «LG» компаниясо верень максомань кастомань коряс посолокс[10].

Тешкставкст

  1. ↑ Национальный день донора в России. gkdc1.ru. Дата обращения: 17 Чадыковонь 2025.
  2. ↑ Есть повод гордиться. Медицинская газета (17 Чадыковонь 2007). Дата обращения: 17 Чадыковонь 2025.
  3. ↑ Национальный День донора крови в России, РИА Новости (11 Чадыков 2025). Ваннозь 17 Чадыковонь 2025.
  4. ↑ Вероника Скворцова: В России донорство является не только почетной и благородной миссией, но и важнейшей государственной задачей. bloodfmba.ru (11 Аштемковонь 2024). Дата обращения: 18 Чадыковонь 2025.
  5. ↑ 1 2 «Единая Россия» организует по всей стране мероприятия к Национальному дню донора крови. er.ru (16 Чадыковонь 2025). Дата обращения: 17 Чадыковонь 2025.
  6. ↑ 14 июня — Всемирный день донора крови: традиции, тема и мероприятия 2024 года, Известия (13 Аштемков 2024). Ваннозь 17 Чадыковонь 2025.
  7. ↑ Национальный день донора в России. pnp.ru (20 Чадыковонь 2020). Дата обращения: 17 Чадыковонь 2025.
  8. ↑ Всемирный день донора крови, РИА Новости (14 Аштемков 2024). Ваннозь 17 Чадыковонь 2025.
  9. ↑ Любопытные факты. yadonor.ru. Дата обращения: 17 Чадыковонь 0202.
  10. ↑ Татьяна Навка стала послом донорства. sport-express.ru (20 Чадыковонь 2011). Дата обращения: 18 Чадыковонь 2025.

Ссылкат

Саезь "https://myv.ruwiki.ru/w/index.php?title=Россиясо_верень_максыцянь_раськень_чи&oldid=541456"-стэ