Рувики ланга

Рувики
Файла:Ruwiki-logo beta.png
URL	ruwiki.ru
Тип сайта	интернет-энциклопедия
Регистрация	необязательная
Владелец	АНО «Интернет-энциклопедия „Рувики“»
Автор	Владимир Медейко
Начало работы	24 июня 2023
Текущий статус	работает и развивается
Страна	Россия

«Руви́ки» – лия ёнов а молиця рузонь ды Россиянь раськетнень кельсэ онлайн-энциклопедия. Моли «Википедиянть» ёнов. Варчамонь лувсо теварсевксэсь ушодызе важодеманзо 2023-це иень аштемковонь 24-це чистэ. Сестэ «Рувикисэ» ульнесть малав 1,9 миллионт сёрмадовкст, конат саезельть рузонь «Википедиясто» эрявикс лицензиянь весе вешематнень мельсэ кирдезь[2].

Теварсевксэнть прявтось – Владимир Медейко, кона икеле ульнесь рузонь «Википедиянть» ветицятнестэ вейкекс ды «Викимедиа РУ»[3] аволь коммерческой партнёрстванть прявтокс.

«Рувикинь» электронной версиясь ярмаконь апак пандо мереви ваномс сайтсэ.

Теварсевксэнть ланга

Теварсевксэнь теицятне кортыть, "Рувикинть" прявт смустезэ: вейсэндямс ломанть содамочинь полавтнемга, тердемс эcь тевень чарькодицят, пурнамс ламо ды алкуксонь содамочить, конат невтевить весе совицятненень[4].

Прявт ёнкстнэ: видечи, панжадочи, шождачи, алкуксчи[4].

Теицят

Теварсевксэсь ашти теицятнень (эсь мельсэ лездыцятнень), алкуксонь витницятнень важодемасто ды сетнень эйстэ, кинь улить эрьва кодамо ёнкссо виев содамочист[2]. Редакциянть ёндо онлайн-лувсо видечинь вешематнень коряс ваннозь сёрмадовкстнэнень путови «Ваннозь сёрмадовкст» тешкс. Эксперттнэнь лездамост вельде теезь сёрмадовкстнэнень путови «Рецензировазь сёрмадовкст» тешкс. Ловныцясь неи, кие специалисттнэнь эйстэ важодсь материалонть марто, сестэ мереви нежедемс энциклопедиянь текстэнть лангс ды а пелемс ильведевкс марто вастовомантень[5].

Теварсевкссэнть ушодкссто саезь улемс рецензентэкс явсть мель Космонавтикань музейтнень ассоциациясь (АМКОС), Н.Е. Жуковский профессоронть лемсэ наукань ды мемориалонь музеесь, Калугасо космонавтикань историянь государственной музеесь, Россиянь ДОСААФ-нь Авиациянь ды космонавтикань центральной кудось (ЦДАиК), Каткань вечкицянь профессиональной клубонь асссамблеянь (РСА-нь) фелинологиянь системась, Рузонь фелинологиянь обществась (РФО), Россиянь авиациянь конструкторонь бюротне[5].

2023-це иень таштамковонь 7-це чистэ Россиянь наукань академиясь (РАН) ды «Рувикись» тешкстасть вейсэнь важодемадо тевконёв. Сонзэ лувсо РАН-нь академиктне кармить важодеме теварсевксэнь сёрмадовкстнэнь рецензированиясо. 2023-це иень прядовомсто Россиянь наукань академиянть вийсэ арсевсь рецензировамс «2500-то аволь седе аламо» сёрмадовкст. Васенце этапсо кармить рецензировазь историянь ды физикань коряс сёрмадовкстнэ[6].

Кортамонь эли пелькстамонь коряс вастневиця весе кевкстематне ливтевить «Рувикинь» экспертэнь кортамонь общественной советс, кона ашти вузтнэсэ, наукань институттнэсэ важодиця содыйтнестэ[5].

Технической башкачить

Теварсевксэсь топавтови россиянь инфраструктурасо ды сервертнэсэ, конат регистрировазь Россиясо. Программань максомань кис тевс нолдавить олячинь (open source) арсемат, секеть, конат улить «Википедиясо» ды «Викимедиань»[4] лия теварсевкстнэсэ. Кой-кона пелькстнэнь «Рувикинь» важодицятне теизь сынсь ды лововить лия ёнов а молицякс[7].

«Рувикинь» технологиянь икелепелев арсезь одкстомтоматнень ютксо: совицянть важодеманзо паролгавтома, эрьва кодат совицятнень лопаст вадрялгавтома, лия сервистнэнь марто вейсэндявома, искусственной интеллектэнть[7] тевс нолдамо.

Ярмаконь лездамо

Теварсевксэнтень ярмаконь лездамо максыть частной инвесторт[2].

Акцият ды вейсэнь важодема

2023-це иень кизна «Рувики» энциклопедиясь неень шкань зярыя артыцятнень марто «Никола-Ленивец» арт-парксо «Архстояние» фестивальсэ невтизе «Умнохранилище» арт-объектэнть[8][9]. Сон кадовкшнось парксо 2023-це иень прядовомас[10].

2023-це иень ацамковсто Московонь метронь сокольникень линиясо нолдазель «РУВИКИ содамочинь поезд», кона карми ардтнеме кото ковонь перть[11].

Тешкставкст

1. ↑ Аналог русскоязычной «Википедии» заработал в тестовом режиме. ТАСС (26 июня 2023).

2. ↑ Перейти обратно:1 2 3 В России запускается энциклопедия «Рувики». Ее создатель — о хейтерах и о том, почему ее не стоит путать с «Википедией» // Lenta.ru. — 2023. — 29 июня.

3. ↑ Директор российской «Википедии» уволился из-за «Свободной энциклопедии» // РБК. — 2023. — 24 мая.

4. ↑ Перейти обратно:1 2 3 Medeyko. Запуск проекта Рувики. Хабр (24 мая 2023).

5. ↑ Перейти обратно:1 2 3 В «Рувики» появятся пометки «Выверенная статья» и «Рецензированная статья» // РИА Новости. — 2023. — 29 июня.

6. ↑ Ученые РАН будут участвовать в рецензировании статей интернет-энциклопедии «Рувики». ТАСС (7 сентября 2023). Дата обращения: 13 сентября 2023.

7. ↑ Перейти обратно:1 2 На РИФ презентовали «Википедию» на российских серверах // Lenta.ru. — 2023. — 24 мая.

8. ↑ В арт-парке «Никола-Ленивец» в Калужской области возвели «Умнохранилище». Газета.ru (27 июля 2023). Дата обращения: 1 августа 2023.

9. ↑ Онлайн-энциклопедия «Рувики» представила объект «Умнохранилище» на фестивале "Архстояние". Блог сайта «Газета.ru» (27 июля 2023). Дата обращения: 1 августа 2023.

10. ↑ Ольга Иванова. На фестивале «Архстояние» представили арт-объект «Умнохранилище». Деловая газета «Взгляд» (27 июля 2023). Дата обращения: 1 августа 2023.

11. ↑ В московском метро запустили «Познавательный поезд РУВИКИ». ntv.ru. НТВ (7 декабря 2023). Дата обращения: 8 декабря 2023.