Русень Лемдемань чи
| Русень Лемдемань чи | |
|---|---|
 «Русень Лемдема». Виктор Васнецов, 1890-це ие. | |
| Типесь | Ледстнемань государственной покшчи |
| Официальной лемезэ | Русень Лемдемань чи |
| Смустезэ | Русень Лемдемань ледстнемга |
| Аравтозь | 2010-це иень панжиковонь 31-це чистэ |
| Тешкстави |
 Белоруссиясо |
| Тешкстамонь чись | медьковонь 28-це чистэ |
| Мезе марто сюлмазь | Владимир ине чинязонь иневанькс равноапостольноенть, Иневаньксэнь Лемдемстэ Василиень максозь лементь марто |
 Русень Лемдемань чи | |
Ру́сень Ле́мдемань чи (руз. День Креще́ния Руси́) — Россиянь Федерациянь ледстнемань государственной покшчи, конась законодательствань лувсо аравтозь 2010-це иень панжиковонь 31-це чистэ[1] 988-це иестэ Русень ютавтозь Лемдемань ледстнемга.
Тешкстави эрьва иестэ медьковонь 28-це чистэ кода Владимир иневанькс чинязонь ине равноапостольноень — Русень лемдицянть ледстнемга (юлианонь ковкерьксэнть коряс медьковонь 15-це чистэ). Русень Лемдемань чись кода Россиянь ледстнемань весе читне оймсема чикс а ловови.
Россиянь Федерациянь законодательствасо Русень Лемдемань чись кемекстазь кода «историянь пек эрявикс событиянь ледстнемань чи, кона аравтозь Россиянь раськетнень общественной, духовной ды культурной кастоманть ды Россиянь государственностень кемекстамонть лангс»[1].
Кода аравтозель ледстнемань чись
2008-це иень аштемковонь 27-це чистэ, Русень Лемдемань 1020-це иень тешкстамонь иестэ, II-це Алексий Московонь ды Весе Русень Святейшей патриархось Рузонь православиянь ознома кудонь Архиерейской соборонть пельде пшкадсь Д. А. Медведев Россиянь Федерациянь Президентэнтень кучома ды вешема марто:
«… Россиянь, Украинань ды Белоруссиянь раськетнень туртов Русень Лемдемась ашти покш таркасо, весемесь невтизе историянь кинть, Соборось арси, пек пароль, бути Владимир равноапостольной иневанькс чинязонть, Русень лемдицянть ледстнемга те чись тешкставоль кода государственной покшчи…»[2]
2009-це иень умарьковонь 14-це чистэ Дмитрий Медведев Россиянь Федерациянь Президентэсь ды 2009-це иень умарьковонь 27-це чистэ Владимир Путин Россиянь Федерациянь Правительствань Прявтось анокстасть Русень Лемдемань чинть коряс кода ледстнемань чинь аравтомадо кармавтомат.
2010-це иень даволковонь 16-це чистэ Россиянь культурань министерствась РФ-нь Президентэнь ды РФ-нь Правительствань Прявтонь кармавтомга анокстась ды невтизе Россиянь Федерациянь Правительствань президиумс «1995-це иень эйзюрковонь 13-це чинь „Россиянь воинской славань ды ледстнемань читнеде“ Россиянь Федерациянь Федеральной 32-це № закононь 1.1 статьяс полавтомадо совавтоматнень Федеральной закононь проектэнть.
2020-це иень панжиковонь 21-це чистэ законопроектэсь, конас арсевсть совавтомс «Россиянь воинской славань ды ледстнемань читнеде» Федеральной закононтень полавтоматне, кемекстазель Россиянь Государственной думань колмоце, меельце ловномасо, секе иень панжиковонь 26-це чистэ кемекстызе Федерациянь Советэсь.
2010-це иень панжиковонь 31-це чистэ Дмитрий Анатольевич Медведев Россиянь Федерациянь Президентэсь путызе тешксэнзэ «1995-це иень эйзюрковонь 13-це чинь „Россиянь воинской славань ды ледстнемань читнеде“ Россиянь Федерациянь Федеральной 32-це № закононь 1.1 статьяс полавтомадо совавтоматнень Федеральной 105-це закононть алов, конань вельде Россиясо аравтозь ледстнемань од чи — медьковонь 28-це чи — «Русень Лемдемань чи»[1].
Общественной мельть-арсемат
2010-це иень панжиковонь 21-це чистэ Россиянь эрьва кодамо конфессияс совицятне ёвтасть, «Россиянь мусульмантнэ ды буддистнэ кирдить Госдуманть мелензэ-арсеманзо Русень Лемдемань чинтень государственной статусонь максомадо»[3].
Тень коряс Дамир Гизатуллин Россиянь муфтиень советэнь прявтонь полавтыцясь ёвтась:
«Мон арсян, минек христианонь лелятнень-ялакстнэнь туртов те кенярксонь тев. Минь кирдтяно истят арсематнень»[3]
Теке марто Санжей-лама Московсо Россиянь коень-кирдань буддийской сангхань свалшкань представителесь мерсь:
«Мон арсян, истямо чинтень эряви улемс»[3]
Тешкставкст
- ↑ 1 2 3 Установлена новая памятная дата — День Крещения Руси. Дмитрий Медведев подписал Федеральный закон «О внесении изменения в статью 1.1 Федерального закона „О днях воинской славы и памятных датах России“». Архивень копия 4 Аштемковонь 2010 на Wayback Machine // news.kremlin.ru (1 июня 2010 года)
- ↑ Послание Святейшего Патриарха Алексия от имени Архиерейского Собора Русской Православной Церкви Президенту Российской Федерации Д. А. Медведеву. Архивень копия 1 Якшамковонь 2011 на Wayback Machine // patriarchia.ru (27 июня 2008 года)
- ↑ 1 2 3 Мусульмане и буддисты РФ приветствуют появление Дня крещения Руси. Архивень копия 6 Умарьковонь 2010 на Wayback Machine // rian.ru (21 мая 2010 года)
