Сварщикень чи
| Сварщикень чи | |
|---|---|
 | |
| Типесь | Профессиональной |
| Официальной лемезэ | аволь официальной |
| Аравтозь | 1990-це иетне |
| Тешкстави | эрьва ие |
| Тешкстамонь чись | панжиковонь меельце сюконьчи |
Сва́рщикень чи — сеть специалисттнэнь покш чист, кинь важодемаст сюлмавозь сварканть марто. Россиясо ютавтови аволь официальна, тешкстави панжиковонь меельце сюконьчистэ. Кода ды зярдо аравтозель те чись, а содави; коесь тешкстамс те чинть ушодовсь 1990 иетнестэ.
Теевема тувталось
1802-це иестэ рузонь учёноесь Василий Владимирович Петров, кавто электродт вейс путозь, панжизе электрической дугань эффектэнть, конань температуразо пачколесь 8000° С, мезесь парсте солавтсь металл. 80 иень ютазь кавто лия рузонь учёнойтне, Н. Г. Славянов ды Н. Н. Бенардос, ловт, вейке шкасто мусть способ вейсэндямс металлической детальть молекулярной уровнясо электрической дуганть лезксэнзэ вельде[1].
XIX-це пингень прядовомсто Санкт-Петербургсо пурнавсь «Русское товарищество электрической обработки металлов» васенце сварщикень вейсэндявксось. Профессиональной чист Россиянь сварщиктне кармасть тешкстамо ансяк 1990-це иетнестэ. Покш чись ловови аволь официальноекс ды тешкстави ансяк сеть производстватнесэ, косо важодить сваркань коряс специалистт. Сонзэ тешкстамо пингстэ ютавтовить сюкпрянь сёрмань, шнамонь конёвонь, премиянь ды лия казнень максома марто торжественной мероприятият[2].
Мельстуиця фактт
- Сварщикень лемс васенце кеврунгось аравтозель 2009-це иестэ Северск ошсо Сибирской химической комбинатонь металловедениянь лабораториянть вальмало. Кеврунгось теезель металлсто ды железобетонсто[3].
- Теде башка сварщикень кеврунгот улить Армавир, Калуга ош, Малая Слуда ошсо (Коми), Ростов-на-Дону, Кривой Рог, Луганск, Екатеринбург оштнесэ, омбомасторонь Бремерхафенсэ (Германия), Хювинкяасо (Финляндия)[4].
- Сварщикень профессиянть получамга эряви прядомс колледж или профтехучилища. Тонавтнемань программась моли 2-3 иеть[5].
- Сварщикень важодемась неень шкане пек эрявикс ды парсте пандови, ансяк сюлмазь шумбрачинь лавшомгадома марто: сварямонь шкасто ваномсто стака сельметненень ды лексемстэ тевелявтнес сови производственной пулесь.
Теке марто вант
- Сварка
- Сварщик
- Электрической дуговой сварка
Тешкставкст
- ↑ Лукин Михаил Анатольевич Научно-технический уровень сварочного производства в современной России // Вестник Псковского государственного университета. Серия: Экономика. Право. Управление. — 2014. — № 4.
- ↑ День Сварщика отмечают сегодня в России. «Учебный Центр» ИТЦ ПТМ. Дата обращения: 6 Панжиковонь 2024.
- ↑ Ульяна Светачёва. День сварщика 2024: какого числа, история и традиции праздника, Комсомольская правда. Ваннозь 6 Панжиковонь 2024.
- ↑ День сварщика. История и факты. Российский университет кооперации (27 Панжиковонь 2022). Дата обращения: 6 Панжиковонь 2024.
- ↑ История и традиции празднования Дня сварщика в 2024 году. Оренбургское региональное телевидение. Дата обращения: 6 Панжиковонь 2024.