Сибирень чи

Сибирень чи
Сибирень чи
	; Сибирь. Енисейск ош. Невтевкс леенть ёндо. 1900-це иеть. Историянь государственной музей
Типесь	Региононь
Аравтозь	1582-це иень сундерьковонь 8-це чистэ, зярдо Ермаксо саизе Искер ошонть
Тешкстамонь чись	сундерьковонь 8-це чи
Мезе марто сюлмазь	Россияс Сибирень совамонть марто

«Ермак Тимофеевич саи Сибиренть». Артовксось Василий Суриковонь, коцт, ой

Сибирень чи эли Сибирентень сюконямонь чи — эрьва иень покшчи, кона тешкстави Тобольскойсэ, Тюменьсэ, Томскойсэ, Красноярскойсэ, Енисейскойсэ, Новосибирскойсэ, Иркусткойсэ ды сибирень лия оштнесэ. Кандтнесь официальной лем 1919-це иес. 2011-це иестэ саезь покшчинь тешкстамонь коесь тагояк вельмевтезь регионсо^[1].

«Сибиренть ды Дальней Востоконть кастомадо» медаль, васенце пелькс

«Сибиренть ды Дальней Востоконть кастомадо» медаль, омбоце пелькс

Эрямопингезэ

1882-це иестэ покшчинть кемекстызе III-це Александр императорось Сибиренть колмосядт иетнень вейсэндявомга. Покшчись тешкставсь ожоковонь 26-це чистэ (ташто стиленть коряс), те чистэнть Ермак Тимофеевичень ушмозо изнизе Кучум ханонть ушмонзо ды истя саезель Кашлык (Искер) Сибирень ханствань прявтошось. Неть тевтне теевсть покш эскельксэкс Россияс Сибиренть совамга, мезенть коряс парсте ёвтась Николай Карамзин «Сибирень васенце саема» («Первое завоевание Сибири») пелькссэнть:

…се шкасто аламо якицятне-лыстыцятне, конат пек вечкизь эсь тиринь масторост, сайсть Россиянть туртов од таркат…
— Карамзин Н.М. Карамзинэнь сёрмадовксонзо. 9-це том.

Кода тешкстави покшчись

Покшчинь тешкстамонь коенть вельмевтизь 2011-це иестэ Тюменьсэ. Седе тов покшчись кармась ютавтнеме ламо эрьва кодамо таркасо, вейсэндявсть Красноярскоень краень, Новосибирскоень, Иркутскоень ды Кемерова ёнксонь оштне. Енисейскоень, Красноярскоень, Минусинскоень, Томскоень ды эрямонь ламо лия таркатнесэ ютавтневить ярмункат, анокставить артистэнь морамот. Те чистэнть Новосибирскоень филармониясо ютавтневи Музыкань сёрмадыцянь вейсэндявксонть марто покш концерт. Тюменьсэ ютавтнить Сибирентень алтазь эйкакшонь артовксонь пелькстамо.

Покшчис сеедьстэ сакшныть ламо туристт, секскак тесэ пек парсте ды келейстэ невтеви Сибиренть эрямопингезэ, культурань мазычизэ.

Россиянь раськень теварсевкстнэнь лувсо Сибирень чись теевсь Россиясо туризмань кастомакс.

Мельстуиця фактт

2021-це иестэ Олег Смолин Россиянь Федерациянь Коммунистэнь Партиянть (КПРФ-нть) пельде депутатось невтсь Госдумасо теварсевкс, конасонть ёвтась мель совавтомс Сибирень чинть Россиянь ледстнемань читнень юткс. Чарькодевтемань сёрмадовкссо пачтясь, покшчись нейгак тешкстави Сибирень ламо эрицятнень ютксо^[2], ды теке марто ёвтась мель тешкстамс те покшчинть весе масторонть келес. Меленть-арсеманть кияк эзизе кирде^[3].

2022-це иень умарьковонь 29-це чистэ Владимир Путин Россиянь Президентэсь тешкстась «Сибиренть ды Дальней Востоконть кастомадо» медалень кемекстамодо кармавтома^[4].

Литература

Сочинения Карамзина. — Издание 3-е, исправленное и умноженное. — Москва: в типографии С. Селивановскаго, 1820.

Тешкставкст

↑ Ежегодный праздник — День Сибири (неопр.). https://admtyumen.ru (2021-це иень сундерьковонь 8-це чи). Дата обращения: 7 Сундерьковонь 2023.
↑ О внесении изменения в статью 1.1 Федерального закона "О днях воинской славы и памятных датах России" (об установлении Дня Сибири) (неопр.). https://sozd.duma.gov.ru (2021-це иень умарьковонь 21-це чи). Дата обращения: 7 Сундерьковонь 2023.
↑ В Госдуму внесли законопроект об учреждении Дня Сибири (неопр.). https://tass.ru (2021-це иень умарьковонь 27-це чи). Дата обращения: 7 Сундерьковонь 2023.
↑ Указ Президента Российской Федерации от 29.08.2022 г. № 587 (неопр.). http://www.kremlin.ru (2022-це иень умарьковонь 29-це чи). Дата обращения: 7 Сундерьковонь 2023.

[1] Ежегодный праздник — День Сибири (неопр.). https://admtyumen.ru (2021-це иень сундерьковонь 8-це чи). Дата обращения: 7 Сундерьковонь 2023.

[2] О внесении изменения в статью 1.1 Федерального закона "О днях воинской славы и памятных датах России" (об установлении Дня Сибири) (неопр.). https://sozd.duma.gov.ru (2021-це иень умарьковонь 21-це чи). Дата обращения: 7 Сундерьковонь 2023.

[3] В Госдуму внесли законопроект об учреждении Дня Сибири (неопр.). https://tass.ru (2021-це иень умарьковонь 27-це чи). Дата обращения: 7 Сундерьковонь 2023.

[4] Указ Президента Российской Федерации от 29.08.2022 г. № 587 (неопр.). http://www.kremlin.ru (2022-це иень умарьковонь 29-це чи). Дата обращения: 7 Сундерьковонь 2023.

[1]

[2]

[3]

[4]