Смолинэнь кевпотмар

Википедиясто материал - аорев содамкундосто
Кельгстиця породатизвестняк 
Заповедная зона
Смолинэнь карстонь кевпотмар
Категория МСОП III (Памятник природы)
Профиль геоморфологиянь, зоологиянь
Площадь 71,0 гектар
Дата создания Якшамковонь 17 чи 2001
Логотип РУВИКИ.Медиа Смолинэнь кевпотмар
Ваннозь сёрмадовкс

Смолинэнь кевпотмар — Свердловск ёнкссо кевпотмар. Областень смустень геоморфологиянь ды зоологиянь пертьпельксэнь памятник. Кевпотмарось теевсь известняктнесэ карстонь процесстнэнь ютавтомсто ды невти эрьва кодамо ёнксонь мадаварянь ды лазксонь лув.

Тонавтнемась ветяви 1890-це иетнень прядовомсто саезь. 2015-це иес кевпотмаронть ванномсто ютамо китнень кувалмост — малав 890 метрат.

Аштема тарказо

Неяви Свердловск ёнксонь Каменской ошонь округонь Исеть леень вить чирень Бекленищева веленть эйстэ алов чудемань кавто вайгельбень ютазь лембе ёнкссо. Теке марто кевпотмарось ашти Исетентень лисиця коське лаймень вить чиренть эйстэ 150 метрань ютазь. Кандови Сухоложской-Каменской карстонь буентень[1].

Эрямопингезэ

Кевпотмаронть васенце планозо, В. Г. Олесов;
1890-це ие

Кевпотмар

Те кевпотмаронть ланга васенце сёрмадоматне ды картас путоматне ульнесть нолдазь 1895-це иестэ «Естествознаниянь вечкицянь Уралонь вейсэндявксонь запискат» нолдавксонь XV-це томонь 1-це нолдавкссо. Важодеманть ютавтсь Василий Григорьевич Олесов уралонь краеведэсь, кона якась кевпотмаронть варштамо 1852-це, 1858-це ды 1890-це иетнестэ[2]. Ансяк теезь плансонть ульнесть зярыя асатыкст ды планонть арасель невтемазо стявтозь ёндо. Од снимамонть 1962-це иестэ теизе Уралонь тонавтыцянь университетэнь Свердловонь спелеосекциясь. Васенце планось ульнесь витезь ды келейгавтозь[1].

Кевпотмаронть маласо известняктнень эйсэ улить «манямонь зырыя совамот». Кевпотмаронтень совамось ашти 12 метрань сэрьсэ лаймень вить ёно потмаксонть эйстэ. Те тёкшсонть теезь аволь покш тарка, кона верде ды бокатнестэ вельтязь известняксо. Домка латкосонть ашти стядо лазовкс, кона лововияк кевпотмарс совамокс. Сон теине, ансяк зярыя метрань ютазь келемтеви ды максы ютамс весе сэрьсэ. Совамонть эйстэ вить ёнкссо ули алкине лазкс. Сон вети кевпотмаронь лембе ёнксов — колмо кепедькссэ рашколгавтозь потмотнень. Кевпотмаронь те пельксэсь седе коське ды ды лия пелькстнэнь коряс седе лембе 1,5—2 градусос. Совамонть эйстэ 25 метрань ютазь ашти «Покш келия» модаварясь 25х7 метрас покшолмасо ды 3-4 метрань сэрьсэ[1].

«Покш келия» модаварянь пелевеёнкссо (керш ёнов) молить явозь кавто янт. Васенценть лемезэ «Адов ки» ды сон невти кувалмос усковиця келей турба. Те янонть эзга молемстэ сонзэ чиремемазо састыне покшолгады ды касы алов 45 градусос. Янось юты вейке метрас теине диаметрас. Турбанть пирявксонзо валанят ды ванькст. Весе полавтоматне сюлмазь тундонь чадыведенть марто, кона валакавты янонть. Турбась прядови сёвонень ды ашо кевень валявкссо. Турбань куншкань пельксстэнть явовксось туи кувалт аштиця янонтень. Те таркась лазксонть эйсэ прядови аволь покш модаварясо, конань потмакссо улить сёвонень кадовкст[1].

«Покш келиянть» эйстэ пелевёнксонь-чилисемаёнксонь пелькссэнть ашти «Керш ёнось», конань кувалмозо 45 метрат. «Покш келиянть» эйстэ пелевеёнксонь пелькссэнть (видьстэ молеманть ёнов) ашти «Фавор» модаварясь. Полшмань коряс кевпотмаронь те омбоце модаварясь. Кувалмозо эрси малав 10 метрат. Седе тов теке ёнкссонть ашти «Алтарь» модаваря. Тесэ кругловой периметрань ды куполонь кондямо тарка. Седе тов, чивалгома ёнов вети сёвонень лисьма. Сон аламонь-аламонь теиньгады ды тееви аютавицякс. Совамонь тёкшонтень сэрень полавксось пачколи 32 метрас[1].

Кевпотмаронть седе покш пельксэзэ коське, ансяк пелевеёнкссо-чилисемаёнкссо ули аволь покш лисьмапря. Кой-кона таркатнесэ тешкстави ведьпетнямо. Кевпотмаронь кияксось вельтязь сёвоньсэ. Коштонть температуразо а полавтневи ды невти 4—5,5 градуст[1][3].

Кевпотмарсонть ванстовсть ломанень эрямонь кадовкст: кой-кона таркатнесэ кузтематне човазь, аравтозь кевень вачкавкссто нежеть. Улить невтевкст, конат кортыть, 1890-це иетнестэ кевпотмаронть потсто паролгавтызь манахт. Тень лангс невтить модаварятнень лемест. Олесовонь васенце ловномсто саезь минек чис кевпотмарось ванстовсь покш полавтомавтомо. Арасть кемекстамот кевпотмаронть песэ панжадо сюлмавоматнень марто, конатнень ланга сёрмадсь Олесов[1].

Ледстнемат

1889-це иестэ Войтехов С. «Екатеринбургонь тарго» кулялопасо истя сёрмалесь Смолинэнь кевпотмаров эсь якамонзо ланга:

Aquote1.png Вейке нупалень верьксэнть пельксэзэ мольсь церьковань лувсо вельтявкс ёнов. Вить пеле — теине варинесь ветясь келияс, кона теезь аволь алкуксокс… Совамонть эйстэ 5-10 сэлень (саженень) ютазь минь вастынек покш нупаль, кона лемдявсь «Алтарекс»; тесэ аштесь чувтонь крёст, стенатнесэ каразель эллиптикань формань кондямо латкине, эйсэнзэ крёст, конань эйстэ эрьва ёнов молить налт. Алтаренть сэрезэ ульнесь покш; Кияксонть эйстэ колмошкань сэлень ютазь минь ваннынек стенасо варянть. Те янось лемдяви «Менеленть лангс» Aquote2.png

Кевпотмаронть ланга кортави тесэнь фольклорсояк — «Буркандо ды Смолинэнь кевпотмардо ёвтавкссо»[4].

Унжат-ракшат

XX-це пингень куншкас кевпотмарсо эрясть ведень ночницат — Европасо сех ламо кедьнимилявт, Смолинэнь кевпотмаронь содавикс эрицят. В. Г. Олесов тешкстась, телень ютавтомо тесэ кадновсь кемень тёжат истят ракшат. XX-це пингень куншкасто кой-мезесь полавтовсь: кевпотмарс сакшныцятнень ламолгавтомаст кис кедьнимилявтне кармасть аламолгадомо. В. Н. Большаковонь ловоманзо коряс, 1960-це иень прядовомсто саезь 1961-це иень чадыковс теленть ютывтыцятнеде тесэ кармасть седе аламо малав котоксть. 1974-це иестэ Уралонь пандонь институтонь тей сакшныця тонавтницятне ловсь ансяк 15 ракшат. Аламолгадомань прявт тувталокс лововить туристтнэ, конат ракшатнень стявтнить удомсто эли сайнить мартост[5][1].

Перька аштиця таркатне

2004-це иень умарьковонь 20-це чистэ Смолинэнь кевпотмаронть вакссо стявтозель 2,5 метрань сэрьсэ Сюконямонь крёст [6][3].

Туризма

Туристтнэнь туртов кевпотмарось ловови вечкевикс таркас. Тей самось а веши башка анокстамо эли мезеньгак саема. Спортонь ёнксонть коряс шожда ды апак анокста куротнень туртов весе вешематнень топавтомсто зыянтомочинь ёндо ловови сех парокс. «Адс кияванть» сех алов валгомсто тевс нолдыть пикс. Эрямо таркатнень маласо аштемась ды паро инфраструктурась максыть кевпотмаронть видьс пачкодемс вейсэнь ды эсеть ардомапельсэ[3].

Фотот

  • Совамо тарка, конань перька ашти известняк

    Совамо тарка, конань перька ашти известняк

  • Янтнэнь эйстэ вейкесь; 2015-це ие

    Янтнэнь эйстэ вейкесь; 2015-це ие

  • Известняксо аволь виде янтнэстнэ вейкесь

    Известняксо аволь виде янтнэстнэ вейкесь

  • Ведень ночница (лат. Myotis daubentonii)

    Ведень ночница (лат. Myotis daubentonii)

Тешкставкст

  1. ↑ 1 2 3 4 5 6 7 8 Ю. Е. Лобанов, В. О. Щепетов, В. В. Илюхин, Г. А. Максимович, В. П. Костарев. Пещеры Урала. — Физкультура и спорт. — Москва, 1971. — С. 133—135. — 144 с.
  2. ↑ Олесов В. Г. Смолинские пещеры в «Записках УОЛЕ», том XV, выпуск 1 (руз.). Уральское общество любителей естествознания (1895). Дата обращения: 3 Эйзюрковонь 2017. Архивировано 28 Эйзюрковонь 2017 года.
  3. ↑ 1 2 3 Рундквист Н. А., Задорина О. В. Смолинская // Свердловская область. От А до Я: Иллюстрированная краеведческая энциклопедия / рецензент В. Г. Капустин. — Екатеринбург: Квист, 2009. — 456 с. — 5000 экз. — ISBN 978-5-85383-392-0.
  4. ↑ Сарабанский А. В. Сказ о Буркане и Смолинской пещере (руз.). Дата обращения: 28 Эйзюрковонь 2017. Архивировано 28 Эйзюрковонь 2017 года.
  5. ↑ Смолинская пещера (словарная статья) (руз.). «Некоторые факты из жизни Свердловской области». Дата обращения: 3 Эйзюрковонь 2017. Архивировано 28 Эйзюрковонь 2017 года.
  6. ↑ Сизов В. Журнал путешественников «Билеты есть» — «Ад и рай Смолинской пещеры». — Пермь: ИП Елагина Е. Г. Уральская Библиотека, 2007. — 68 с. Архивень копия 8 Аштемковонь 2016 на Wayback Machine

Литература

Саезь "https://myv.ruwiki.ru/w/index.php?title=Смолинэнь_кевпотмар&oldid=534719"-стэ