Социологонь чи
Социологонь чи — Россиянь Федерациянь аволь официальной профессиональной покшчи весе сетнень туртов, кить сюлмазь «социология» науканть марто. Те чинть тешкстыть Россиянь социологтне эрьва иень сундерьковонь 14-це чистэ[1].
Покшчинть ланга
1994-це иестэ саезь «Социологонь чинть» свалшкане кармасть тешкстамо Санкт-Петербургонь государственной университетэнь (СПбГУ-нь) социологиянь факультетсэ, кона ловови Россиянь академической (университетской) социологиянь лавсекс. Те покшчинть ушодыцякс кармась Асалхан Ользонович Бороноев — СПбУ-нь социологиянь факультетэнь васенце прявтось[2].
Санкт-Петербургонь социологиянь факультетэнь профессоронь-тонавтыцянь пельксэсь ды студенттнэ кочкизь сундерьковонь 14-це чинть Россиянь Федерациясо «социологонь чикс» а стяко, сонзэ улить эрямопингень домка ундоксонзо. XX-це пингень ушодксонь эрямопингень сёрматнень ванкшномаст коряс неяви, те чистэнть, 1901-це иень сундерьковонь 14-це чистэ, Париж Франциянь прявтошонь Сорбоннань куросо эсь важодеманзо ушодызе Общественной наукань рузонь высшей школась[3]. Вана те школанть пингстэ важодсь модамасторсо социологиянь факультеттнэстэ вейкесь. Ниле иень ютазь школась пекставсь, ансяк Пётр Лавров, Максим Ковалевский, Павел Милюков, Николай Кареев, Евгений Де Роберти ушодыцятнень ды лия содавикс учёнойтнень тевест эри течияк, секс мекс тосо тонавтнесть Россиянь оппозициянь ламо политиктне ды сынст содамочист лангс нежедезь ушодовсь Россиянь социологиясь.
Тешкставкст
- ↑ Горшков М. К. Профессиональный праздник как повод для раздумий // Социологическая наука и социальная практика. — 2013. — № 1. — С. 5—11.
- ↑ Кукушкина Е. И., Буланова М. Б. Возвращение наследия русской социологической школы: опыт Санкт-Петербурга // Социологические исследования.. — 2013. — № 5. — С. 73—78.
- ↑ [www.calend.ru/holidays/0/0/1550/ День социолога — 14 ноября. История и особенности праздника в проекте Календарь Праздников 2010]
Литература
- Бороноев А. О. О «Дне социолога» // Социологические исследования. — 2004. — № 9. — С. 129.