Специальной назначениянь подразделениянь чи
| Специальной назначениянь подразделениянь чи | |
|---|---|
 Роосиянь Вооружённой вийтнень Генеральной штабонь Прявт управлениянь покш тешкс | |
| Типесь | Профессиональной покшчи |
| Аравтозь | Россиянь Федерациянь Президентэнь кармавтомасо |
| Тешкстави | Россиянь Федерациясо |
| Тешкстамонь чись | 2006-це иень панжиковонь 31-це чи |
| Зярдо тешкстави | ожоковонь 24-це чи |
| Мезе марто сюлмазь | директивань тешкстамонь чинть марто |
 Специальной назначениянь подразделениянь чи | |
Специа́льной назначе́ниянь ча́стень ды соедине́ниянь (СпН-нь) чи (руз. День часте́й и соедине́ний специа́льного назначе́ния (СпН)) — Россиянь Вооружённой Вийтнень специальной назначениянь пурнавомань военнослужащейтнень професcиональной покшчи.
Россиянь Федерациясо тешкстави эрьва иестэ ожоковонь 24-це чистэ.
Покшчинть ланга
«Специальной назначениянь частень ды соединениянь чи» — Россиясо профессиональной од покшчи, аравтозель 2006-це иень панжиковонь 31-це чистэ «Россиянь Федерациянь Вооружённой вийтнесэ профессиональной ды ледстнема читнень аравтомадо» (руз. «Об установлении профессиональных праздников и памятных дней в Вооружённых Силах Российской Федерации») Владимир Путин Россиянь Президентэнь 549-це № кармавтомасо[1].
«Специальной назначениянь частень ды соединениянь чикс» таштамковонь 24-це чись кочказь а стяко. 1950-це иень те чистэнть А. М. Василевский СССР-нь Вооружённой вийтнень ды СССР-нь военной министрась «Секретноень» гриф марто тешкстызе специальной назначениянь подразделениядо (СпН-дэ) (домка разведка эли специальной назначениянь разведка) арсевиця ятонь сехте домка тылсэ теевиця тевдеематнень туртов ОРГ/2/395/832-це № директиванть, косо нурька шкань перть (1951-це иень панжиковонь 1-це чис) эрявсь пурнамс масторонь вооружённой вийтнень специальной назначениянь подразделениянь 46 ротат ды эрьвасонть улезт 120 ломанть, военной весе округтнесэ, войскань группатнесэ ды флоттнэсэ. Приказось топавтозель ды 1951-це иень панжиковонь 1-це чистэ СССР-нь Вооружённой Вийтнесэ ульнесть вете тёжадо ламо ломань марто специальной назначениянь подразделеният. Секскак Василевскиень тешксэнзэ марто директивань тешкстамонь чись теевськак покш чикс. Эряви тешктамс, специальной назначениянь часттне ульнесть рузонь армиясо 1917-це иескак. Те ульнесь Башка назначениянь иневедень башка бригада (омбрОН), кона пурназель 1916-це иень панжиковонь 31-це чистэ Минной ды Артиллерийской назначениянь башка полконь ды Леень башка назначениянь флотилиянь составсо. Неть формированиятне пурназельть Военно-морской флотонь офицертнэстэ ды тюрсть Западной фронтсо 1918-це иень ушодовомас, теде мейле пекстазельть. Истямо койсэ, специальной назначениянь рузонь «ташто» формированиянь чачома чикс ловови панжиковонь 31-це чись.
Седе тов теезельть специальной назначениянь часттне (военной эрьва округсо эли флотсо бригада ды центральной подчинениянь бригада). Бути НАТО-нь мастортнэ ушодовольть Социалистической Республикань Советской Союзонть (СССР-нть) каршо военной тевть, сестэ идемакс сех васенцекс стявольть специальной назначениянь подразделениятне ды часттне. Разведчикень группатненень эряволь появамс командной пункттнэнь ды агрессоронь вооружённой вийтнень стратегической объекттнэнь маласо. Сынст икеле путозельть истят аравтомат: ветямс разведканть, ды бути эряви, яжамс управлениянь таркатнень, ракетань установкатнень, стратегиянь авиациянь менельвенчтнень, ведьалонь атомной венчтнень, коламс связенть, энергоснабжениянть, тапсемс транспортонь коммуникациятнень, каямс пелема ды ачарькодема военной ды государственной управленияс.
Вооружённой вийтнень Генеральной штабонь Разведкань государственной управлениянь специальной назначениянь подразделениятне ды часттне (группатне, отрядтнэ, башка батальонтнэ, полктне, бригадатне) тейсть покш тев Афганонь войнасо Таджикистансо ды Чечнянь Республикасо ютавтовиця операциятнесэ, лия таркатнесэ[2][3].
…Се, мезенть топавтсть спецназовецтнэ Афганистансо, тееви ансяк виев ды алкуксонь ушмантнэнень. Спецназонь батальонсо служиця ломантне ульнесть сехте покш профессионалокс.
— Б.В. Громов, «Ограниченной контингент»
Структурань ды специальной назначениянь подразделениянь составось историянь ведьгеменде ламо иень перть ламоксть полавтневсть.
Кеврунго
Саратовсо Князевской взвозсо аравтозь Спецназонь чавовозь ушмантнэнь ледстнемга мемориал.
Тешкставкст
- ↑ Указ об установлении профессиональных праздников в ВС РФ (руз.). Российская газета (2 Аштемковонь 2006). Дата обращения: 29 Таштамковонь 2025.
- ↑ Сергей Птичкин. Спецназ ГРУ 24 октября отметит 60-летие (руз.). Российская газета (23 Ожоковонь 2010). Дата обращения: 29 Таштамковонь 2025.
- ↑ День спецназа в России в 2025 году. История праздника служащих подразделений специального назначения (руз.). lenta.ru. Дата обращения: 29 Таштамковонь 2025.