Сычков, Федот Васильевич

Федот Васильевич Сычков
Федот Васильевич Сычков
	Файла:Sychkov.gif
Чачома чизэ	1 (13) эйзюрковонь 1870
Чачома тарказо	Кочелаево (Ковёлбуе), Наровчатонь уезд[d], Пензань губерния[d], Россиянь империя;
Кулома чизэ	3 умарьковонь 1958 (88 лет)
Кулома тарказо	Саран ош, РСФСР[d], СССР;
Масторозо	Россиянь империя; СССР;
Жанразо	живопись
Тонавтнемазо	Санкт-Петербургсо Императоронь художествань академиянть пингстэ живописень, скульптурань ды архитектурань артомань высшей училища
Званиянзо
	Федот Васильевич Сычков

Федо́т Васи́льевич Сычко́в (1870-це иень эйзюрковонь 1-це (13-це чи), Пензань губерния, Кочелаева веле^[1] — 1958-це иень умарьковонь 3-це чи , Саран ош) — Советэнь ды Россиянь артыця, Мордовиянь АССР-нь искусствань заслуженной важодиця (1937), РСФСР-нь искусствань заслуженной важодиця (1950), Мордовиянь АССР-нь раськень артыця (1955).

Артыцянть ланга

Чачсь Кочелаева велень сокицянь-видицянь кажов кудораськесэ^[2]. Вишка шкасто тетявтомо кадовомадо мейле ютась ламо нужачинь ды покордамонь пачк^[3].

Тонавтнесь Кочелаева велень земской колмо классонь школасо, артомантень ёрокчинзэ невтизе эйкакшпингестэ саезь, артомантень тонавтнесь П. Е. Дюмаев школань тонавтыцянть кедьсэ. Важодсь пазавань сёрмадомань мастерскойсэ, сёрмадсь ознома кудосо стенань артомасо, тейнесь портретт фотографиятнень коряс. 1885-це иестэ саезь 1887-це иес важодсь Пензань губерниянь Сердобск ошсо Д. А. Решетников пазавань сёрмадыцянь подрядчикенть кедьсэ.

1887-це иестэ саезь 1892-це иес эрясь Кочелаевасо, важодсь живописенть марто, сёрмадсь пазават, вейке велень эрицятнень портретт. 1882-це иестэ Иван Арапов (1844—1913) генералось, конань имениязо аштесь Кочелаеванть эйстэ аволь васоло, вешизе Ф. Сычковонь теемс вейке артовкс ды истя сёрмадозель «Закладка станции Арапово» артовксось. Евгений Александрович Сабнеев артомань школань прявтонтень невтезь артовксось пек вечкевсь. Сычковонь ёрокчинзэ тешкстамсто Сабанеев ёвтась мель ускомс од ломаненть Петербургс.

1892-це иестэ Сычков сась Петербургов ды кармась тонавтнеме Художествань поощрениянь обществань артомань школасо. Од цёрантень лездась Иван Арапов генералось. 1895-це иестэ Федот Сычков прядызе Артомань школанть ды эсь мелензэ коряс кармась кунсолыцякс Художествань академиянть пингстэ художественной высшей училищасо.

1900-це иестэ училищанть прядомадо мейле Ф. В. Сычков кадовсь Петербургсо, косо ламо ды парсте важодсь. 1903-це иестэ урьвакстсь Лидия Васильевна Анкудиновань лангс^[2].

Эсензэ прявт тонавтыцякс Ф. Ф. Сычков ловсь И. Е. Репинэнь. Сонзэ шкинемань ёнкссо, кона теевсь якицятнень (передвижниктнень) искусстванть лангсо, ульнесть французонь живописень тешксткак. Шкинеманзо прявт жанрась — пейзажно-бытовой, ансяк теке марто сон парсте важодсь портретэнь жанрасояк^[3].

Ф. В. Сычков. Мяльщицы льна (1905-це ие; Революциядо икелень открытка)

1900-це иестэ «Войнасто кулят» («Вести с войны») артовксонть кис Ф. В. Сычковнень максозель артыцянь лем. 1905-це иестэ «Лияназонь томбицят» («Мяльщицы льна») артовксонть кис Художествань академиянь Тундонь невтемасо Федот Сычковнень максозель А. И. Куинджинь лемсэ премиясь. Теке марто артыцясь кочказь Рузонь артыцянь вейке-вейкенень лездамонь вейсэндявксонь комитетс.

1908-це иень чадыковсто саезь ожоковс Сычков нинзэ марто ульнесь Чивалгомань Европасо^[2]. Италиясо, Франциясо, Германиясо улемстэ усксь Римень, Венециянь, Ментонань ды иневедень таркань мазычинь ламо пейзажт.

1909-це-1917-це иетнестэ Сычковонь важодеманзо аволь весть тешкставкшность Россиянь ды раськеютконь артомань эрьва кодамо невтемасо.

1918-це-1920-це иетнестэ Сычков путсь вийть революциянь покшчитнень ютавтомасо Наровчат ошсо, Арапова станциясо ды Кочелаева тиринь велесэ^[2]. Революциянь темадонть мейле (невтемакс ловови «В. И. Ленин олякстомты тюрьмасто весе масторонь лепштязь пролетарийтнень» («В. И. Ленин освобождает из тюрьмы угнетённых пролетариев всего мира») артовксось Ф. В. Сычков велявты эсь вечкевикс тематнес (сокицянь-видицянь эйкакштнень ды тейтертнень портретт, пейзажт)^[3].

1937-це иестэ Ф. В. Сычковнень максозель «Мордовиянь АССР-нь заслуженной артыця» лемесь»^[2].

Меельце иетнестэ эрясь Саран ошсо, косо пек вечкевсь весе эрицятненень. Кулось 1958-це иень умарьковонь 3-це чистэ Саран ошсо^[2]^[3].

Шкинемазо

Артыцянть прявт темазо — сокицятнень-видицятнень эрямост, велень покшчитне. Сехте содавикс важодемат:

«Анна Ивановна Сычкова артыцянть аванзо портрет» («Портрет Анны Ивановны Сычковой, матери художника») (1898)
«Войнасто кулят» («Вести с войны») (1900)
«Авань портрет» («Женский портрет») (1903)
«Раужо тюссо портрет» («Портрет в чёрном») (1904)
«Лияназонь тапицят» («Мяльщицы льна») (1905, Художествань академиянь Тундонь невтемасо А. И. Куинджинь лемсэ премия имени — 1905)
«Тейтерть-ялгат» («Подружки») (1909)
«Пандо прятнестэ» («С гор») (1910)
«Тикшень ледемстэ велявтома» («Возвращение с сенокоса») (1911)
«Мастянь чистэ кирякстнема» («Катание на масленице») (1914)
«Ярмункасто велявтома» («Возвращение с ярмарки») (Художествань лездамонь вейсэндявксонь Весе Россиянь пекстазь пелькстамосо васенце премия — 1910)
«Велень урьвакстома-мирденень лисема» («Деревенская свадьба»)
«Ведень иневанькскавтома» («Водосвятие»)
«Христославт» («Христославы»)
«Стака ютамо» («Трудный переход») (Римсэ Раськеютконь невтемасо поощрительной премия — 1911, Художествань академиянь Тундонь невтемасо премия — 1913)
«Эрьгелема чи» («Праздничный день») (1927)
«Эрьгелема чи. Тейтерть-ялгат. Теле» («Праздничный день. Подруги. Зима») (1929)
«Колхозсо оймсема чи» («Выходной день в колхозе») (1936)
«Колхозонь найман» («Колхозный базар») (1936)
«Эрзянь тонавтыця» («Учительница-мордовка») (1937)
«Иван Силыч Горюшкин-Сорокопудов артыцянть портретэзэ» («Портрет художника Ивана Силыча Горюшкина-Сорокопудова») (1937)
«Мокшонь трактористкат» («Трактористки-мордовки») (1938)
«Норовонь покшчи» («Праздник урожая») (1938)
«Моданть ярмактомо тевс нолдамонть лангс тевконёвонь максома» («Вручение акта на вечное бесплатное пользование землёй») (1938)
«Школасто велявтома» («Возвращение из школы») (1945)
«Откерень вастома» («Встреча героя») (1952).

Артовкст

Стака ютамо (Трудный переход) (1900-це-1910-це иеть)
Пандо прятнестэ (С гор) (1910)
Киштема (Пляска) (1911)
Тикшень ледемасто велявтома (Возвращение с сенокоса) (1911)
Ведень иневанькскавтома (Водосвятие) (1916)
Пси шка (Страда) (1917-це иес)
Важодема шкасто. Тейтерть-ялгат (За работой. Подруги) (1935)

Фотот

Федот Сычков эрямонь эрьва кодат иетнестэ
1890-це ие
И. Мацкевич ды Ф. В. Сычков артыцятне этюдтнэсэ студентэнь иетнестэ Санкт-Петербургонть перька таркатнесэ, 1895-це ие
Ф.В. Сычков кармавтозь портретэнь важодеманть лангсо. Санкт-Петербург ош, 1906-це ие
Мирдть-нить Сычковт, 1908-це ие
Федот Сычков важодема шкасто 1940-це-1950-це иетнестэ
Ф.В. Сычков нинзэ марто Советэнь Кудосо эсензэ персональной невтемасо. Саран ош, 1952-це ие

Ледстнеманть пингеде пингес ванстома

Саран ошсо Ф. В. Сычковонь мемориально-скульптурной комплекссэ бюстозо

1960-це иестэ саезь С. Д. Эрьзянь лемсэ Мордовиянь республикань музейсэ важоди артыцянть свалшкань невтемазо (те музеенть фондсо ванстови Сычковонь живописень ды графикань сех покш пурнавксозо — малав 600 важодемат, конатнень ютксо эскизт ды этюдт)^[4].
1970-це иестэ, Ф. Сычковонь чачома чистэнзэ 100 иень топодемантень, лиссь артыцянть велесэ мемориальной музеень панжомадо Мордовиянь АССР-нь культурань министерстванть кармавтомазо. Эрявикс тарканть одкстомтомадо-витемадо мейле Ф. В. Сычковонь кудось-музеесь панжозь 1970-це иень эйзюрковонь 11-це чистэ Кочелаева велесэ.
Ф. В. Сычков лемсэ Мордовиянь республикань артовксонь галерея.
Ф. В. Сычков лемсэ Саранонь артомань училища.
1970-це иестэ нолдазь «Ф. В. Сычков артыця» («Художник Ф. В. Сычков») почтань марка. Эйсэнзэ невтезь Ф. В. Сычковонь портретэзэ «Пандопрятнестэ ардтнема» («Катание с гор») (1937) артовксонзо вакссо^[5].

Мельстуиця фактт

«Пригожая» Ф. Сычковонь артовксозо ульнесь Генрих Наумович Абрамович содавикс содыенть-аэродинамикенть частной пурнавкссо.

Тешкставкст

↑ Ней — Мордовия Республикань Ковылкинань буесэ.
↑ ¹ ² ³ ⁴ ⁵ ⁶ Телина С. А., Самаркина Г. С. Палитра жизни Ф.В. Сычкова // Краеведческие записки. — 2015. — № 22. — С. 179—184.
↑ ¹ ² ³ ⁴ Куляева Е. Ю. Художники российской провинции: И.С. Горюшкин-Сорокопудов и Ф.В. Сычков // Регионология. — 2009. — № 4. — С. 261—269.
↑ Федот Сычков
↑ Описание марки в Госкаталоге РФ (неопр.). Дата обращения: 1 Умарьковонь 2022. Архивировано из оригинала 22 Аштемковонь 2019 года.

Ссылкат

[мр-1] Ней — Мордовия Республикань Ковылкинань буесэ.

[Telina-2] ¹ ² ³ ⁴ ⁵ ⁶ Телина С. А., Самаркина Г. С. Палитра жизни Ф.В. Сычкова // Краеведческие записки. — 2015. — № 22. — С. 179—184.

[Kulyaeva-3] ¹ ² ³ ⁴ Куляева Е. Ю. Художники российской провинции: И.С. Горюшкин-Сорокопудов и Ф.В. Сычков // Регионология. — 2009. — № 4. — С. 261—269.

[4] Федот Сычков

[5] Описание марки в Госкаталоге РФ (неопр.). Дата обращения: 1 Умарьковонь 2022. Архивировано из оригинала 22 Аштемковонь 2019 года.

[1]

[2]

[3]

[4]

[5]