Таганов, Дмитрий Анатольевич
| Таганов Дмитрий | |
|---|---|
| чачома лем | Таганов Дмитрий |
| чачома чи | 2 января 1971 (53 иестэ) |
| Чачома тарка | |
| Мастор | |
| Важодема ёрокчизе | валморозей |
Таганов, Дмитрий Анатольевич (Северной буень Боризвеле велесэ) — неень шкань эрзянь од валморозей.
Эстедензэ
Чачсь буень Боризвеле[2] велесэ.
Нижнекамск ошов (Татарстан), косо прядызеть куншкань тонавтнема тарканзо. Теде мейле кармась тонавтнеме Оренбургонь прявтонь медицинань тёшктонавтнема таркасо (ней академия), прядызе сонзэ 1998 иестэ. 2001 иестэ важоди Бугурусланонь куншкань буень сэредема кудосо (руз. Бугурусланская центральная районная больница) анестезиологиянь ды реанимациянь пельксэнть ветицякс[1].
Шкинемазо
Сёрмадомо ушодсь одпораванзо, эрзянь кельсэ. 1992 иестэ, коли тонавтнесь тёшкстонавтнемасо ушодсь якамо В.И. Далень лемсэ литературань пурнавксось, секе иестэнть лись васенце валморонь пурнавксонь сёрмадовксозо «Сятко» ковкставксо[1].
Теде башка сёрмалесь «Чилисемав», «Странник», «Дон», «Гостиный двор» альманахов, кона лисни Оренбург ошсо, «Эрзянь правда», «Эрзянь Мастор», «Вечерний Оренбург», «Южный Урал», «Оренбуржье» кулялопатнесэ. Ды лия вейсэнь пурнавкстнэсэ: «Красный угол», « И с песней молодость вернётся», «Внуки вещего Бояна» (Оренбург ош), «О любви-Кельгомать колга - "Вечкемадо», (Саран ош), «Пöсь öö» (руз. Горячая ночь, Таллинн ош).
Сонзэ валморонзо ютавтсть[2] Семичевонь Евгений («Аргуван» Самар ош, 2008 ие.) ды Кан Диана, Эсаулова Людмила.
Кода сёрмады эстэдензэ сонсь Таганонь Митё:
Мон чачинь сеть таркатнесэ, ков эрзятне тукшность олячи мельга — Равонь томбале аштиця Оренбургонь областень Северной райононь покш-паро Боризвелес. Весе содыть Оренбургонь певтеме ине паксятнеде ды певтеме стептэнть, ансяк минек ёнксось тунь лия: аволь сэрей, Уралонь икельксэнь, пандо ланга тесэ каязть ламо вирть, пандтнэнь юткова чудить куроксто чииця кельме лейнеть, конатне пештявить сядот, ванькс жойниця, лисьмапрянь ведьсэ. А содан конастонть лететсь симемс монень, эли эрьвась казсь тень ёвксонь петнявкс, эли сеть малавикс паро ломантне, конат пингезэст эзть тее берянь тев: эрясть ды эрить Модамасторонть лангсо, ды кеняркшнозь васолить эрямонть тамашатнень марто, — сынь весе тонавтымизь мазычинь вечкеме ды редямо, ды кармавтымизь снартнеме конёвсо сермалемс седе мезесь талновты эйсэнь Те книгась куватьс вешнесь ки ловныцянтень, ламоксть полавтнезь потмозо, теке марто, арсян, эзь полавтово сехте эрявиксэсь — монь эрзянь келенть мазычинзэ неемась, марямось, кона, пек кеман, саты ловныцям туртовгак[3].
Литературась
Киниганзо
- Таганов Д. Седейсэ тарка — К: «Мастерня книги», 2009. — 64 с. ISBN 978-966-2260-06-9