Телевидениянь масторлангонь чи

Телевидениянь масторлангонь чи
Телевидениянь масторлангонь чи
Смустезэ	варштавтомс ломантнень мельявомаст сэтьмечинь, зыянтомочинь, культурасо полавтнемань кастомань ды келейгавтомань стакачитненень алтазь невтемантень
Аравтозь	1997-це иень сундерьковонь 21-це чистэ
Ютавтыцясь	ООН-нь Генеральной Ассамблеясь
Тешкстамонь чись	сундерьковонь 21-це чистэ
Мезе марто сюлмазь	1996-це иень Телевидениянь масторлангонь васенце форумонть ютавтоманзо марто

Телевидениянь масторлангонь чи (ООН-нь официальной лия кельтнесэ: англ. World Television Day , исп. Día Mundial de la Televisión, фр. Journée internationale de la télévision) — раськеютконь чи, тешкстави Раськетнень Вейсэндязь Организациянь (ООН-нь) Генеральной Ассамблеянть ёвтазь мелензэ коряс (A/RES/51/205 № резолюциясь) 1997-це иестэ саезь эрьва иень сундерьковонь 21-це чистэ.

Покшчинть ланга

1996-це иень сундерьковонь 21-це-22-це читнестэ Масторлангонь икелепелев молиця СМИ-тнень важодицятне вастовсть Телевидениянь масторлангонь васенце форумсо, кона ютась ООН-нь арсеманзо коряс. Телевидениясь ульнесь тешкстазь кода весеме ёндо ванномань ды вейсэнь мелень ёвтамонь пек эрявикс лездамопелекс^[1].

1996-це иень ацамковонь 17-це чистэ, промксонь пленарной 88-це вастовомасо, ООН-нь Генеральной Ассамблеясь ёвтась мель тешкстамс сундерьковонь 21-це чинть Масторлангонь телевидениянь чикс эрьва кодат арсематнень теемстэ касомасо. Прявт путовксокс ульнесь телевидениянь программатнесэ сэтьмечинь, зыянтомочинь, культурасо полавтнемань кастомань ды келейгавтомань стакачитненень алтазь невтемась.

2002-це иестэ Кофи Аннан ООН-нь Генеральной секретаресь Телевидениянь масторлангонь чинть тешкстамсто эсь кучомасонзо тешкстась^[2]:

«Телевидениянь масторлангонь чинть тешктамось ютавтневи телевидениянть пачк весе масторонть кастоманзо ды кепетеманзо кис».

Теке марто сон тешкстась, телевидениянтень радионть ды Интернетэнть марто эряви мелявтомо а нолдамс акирдевиксэнь, стереотипень, аволь ломаньксэнь материалтнэнь сравтнеманть^[2].

Россиясо

Россиясо Телевидениянь масторлангонь чись а ловови официальной покшчикс, ансяк сонзэ ялатеке тешкстынь телевидениянь важодицятне: ветицятне, кортыцятне, витницятне, снимицятне, режиссёртнэ ды теке марто тонавтомань таркатнесэ тонавтыцятне ды тонавтницятне^[3].

Россиянь телевидениянь важодицятнень профессиональной покшчинь тешкстамосо ули эсест чист. Сон тешкстави панжиковонь 7-це чистэ Радионь чинть марто вейсэ. Теде башка ули Эйкакшонь телевидениянь ды радионь чи, конань тешкстыть эрьва иень эйзюрковонь васенце таргочистэ^[3].

Ссылкат

Тешкставкст

↑ Всемирный день телевидения (неопр.). РИА Новости (2024-це иень сундерьковонь 20-це чи). Дата обращения: 20 Сундерьковонь 2023.
↑ ¹ ² Информационный центр ООН в Москве. Послание Генерального секретаря ООН по случаю всемирного дня телевидения (неопр.). Официальный сайт ООН (2002-це иень сундерьковонь 21-це чи). Дата обращения: 20 Сундерьковонь 2023.
↑ ¹ ² Всемирный день телевидения – 2022: история и традиции праздника (неопр.). Известия (2022-це иень сундерьковонь 20-це чи). Дата обращения: 20 Сундерьковонь 2023.

[1] Всемирный день телевидения (неопр.). РИА Новости (2024-це иень сундерьковонь 20-це чи). Дата обращения: 20 Сундерьковонь 2023.

[:0-2] ¹ ² Информационный центр ООН в Москве. Послание Генерального секретаря ООН по случаю всемирного дня телевидения (неопр.). Официальный сайт ООН (2002-це иень сундерьковонь 21-це чи). Дата обращения: 20 Сундерьковонь 2023.

[:1-3] ¹ ² Всемирный день телевидения – 2022: история и традиции праздника (неопр.). Известия (2022-це иень сундерьковонь 20-це чи). Дата обращения: 20 Сундерьковонь 2023.

[1]

[2]

[3]