Тетянь чи
| Тетянь чи | |
|---|---|
 Рембрандт «Иаков баслави Иосифень цёранзо» | |
| Типесь | Тешкстави ламо масторсо |
| Официальной лемезэ | Тетянь чи |
| Тешкстамонь чись | Россиясо ожоковонь колмоце таргочистэ |
Тетянь чи (васенце лемезэ англ. Fathers' Day — Тетятнень чи, седе тов англ. Father's Day — Тетянь чи) — покшчи, кона тешкстави ламо мастортнэсэ тетятнень пельде эйкакштнень кастомас путовксонть кис.
Неень шкань чарькодемасо покшчись чачсь Американь Вейсэндязь Штатсо (США-со) ХХ-це пингень ушодовомсто ды шкань ютазь теевсь вечкевиксэкс лия мастортнэсэяк.
Россиясо Тетянь чись тешкстави 2021-це иестэ саезь, зярдо В. В. Путин РФ-нь Президентэсь тешкстась ожоковонь колмоце таргочистэ тетянь чиде покшчинь Кармавтома[1]. Теде икеле, 2008-це иестэ саезь 2021-це иес, Россиянь регионтнэ Тетянь чинть тешкстасть эрьва кодат читнестэ[2].
| Иеть | Эрьгелемань чи | Иеть | Эрьгелемань чи |
|---|---|---|---|
| 2021-це иестэ | ожоковонь 17-це чистэ | 2026-це иестэ | ожоковонь 18-це чистэ |
| 2022-це иестэ | ожоковонь 16-це чистэ | 2027-це иестэ | ожоковонь 17-це чистэ |
| 2023-це иестэ | ожоковонь 15-це чистэ | 2028-це иестэ | ожоковонь 18-це чистэ |
| 2024-це иестэ | ожоковонь 20-це чистэ | 2029-це иестэ | ожоковонь 21-це чистэ |
| 2025-це иестэ | ожоковонь 19-це чистэ | 2030-це иестэ | ожоковонь 20-це чистэ |
Эрямопингезэ
Ловови, неень шкань смустьсэ Тетянь чись саи ушодксонзо 1910-це иестэ Американь Вейсэндязь Штатсо. 1909-це иестэ Сонора Смарт Додд Методистэнь центральной ознома кудонь прявтось, Авань чинтень моронть кунсомсто ёвтась мель тееемс истямо лувонть коряс Тетьянь чи, косо седеяк пек кармить вечкеме тетятнень. Те арсемась кармась мельявомакс сонзэ тетянстэнь, Уильям Смарт США-нь Гражданской торпингень ветеранонтенть, конась нинзэ куломадо мейле ськамонзо кастась вейке тейтерь ды вете цёрат[3].
Васняяк Сонора покшчинь ютавтома чикс кочкизе ды ёвтызе аштемковонь 5-це чикс, тетянзо чачома чикс, ансяк тешкстамонть кандызь лия чис. Васенцеде покшчись ютась таргочистэ, 1910-це иень аштемковонь 19-це чистэ[3].
Монь тиринь тетям зярдо эзь арсе Тетянь чиденть кода эсь покшчи, ансяк ловсь эрьгелемань те чинть весе тетятнень чикс — паро тетянь чикс.
Сонора Смарт ДоддОригинальной текст (англ.)"My own father never accepted Father’s Day as personal to himself, but to all fathers — worthy fathers."
— [4]
Шкань ютазь тетянь чись кармась тешкставомо лия мастортнэсэяк.
Россиясо покшчинть эрямопингезэ
2021-це иень умарьковсто Владимир Путин кирдизе меленть тешкамс Россиясо од покшчи — Тетянь чи[5][6], а 2021-це иень ожоковонь 4-це чистэ путызе эсь кедьтешксэнзэ те кармавтоманть алов.
Теке марто вант
- Цёрань масторлангонь чи.
- Тиринь масторонь ванстыцянь чи.
- Авань чи.
- Авань раськеютконь чи.
Тешкставкст
- ↑ 15 октября — День отца 2023: как россияне поздравляют пап. Известия (2023-це иень 14-це чи). Дата обращения: 24 Панжиковонь 2024.
- ↑ Владимир Емельяненко. День отца в России: История и традиции праздника. Российская газета (2023-це иень ожовоконь 15-це чи).
- ↑ 1 2 Meet Sonora Smart Dodd, the woman who started the tradition of Father's Day (англ.). The Economic Times (18 Аштемковонь 2017). Дата обращения: 22 Таштамковонь 2023.
- ↑ Meet the American who founded Father's Day, Sonora Smart Dodd, daughter of Civil War veteran and devoted dad (англ.). Fox News Channel (16 Аштемковонь 2023). Дата обращения: 22 Таштамковонь 2023.
- ↑ Путин поддержал идею учреждения в России Дня отца (руз.). Life.ru (2021-це иень умарьковонь 25-це чи). Дата обращения: 28 Умарьковонь 2021. Архивировано 28 Умарьковонь 2021 года.
- ↑ Владимир Путин поддержал предложение об учреждении в стране Дня отца (руз.). Единая Россия (2021-це иень умарьковонь 25-це чи). Дата обращения: 22 Таштамковонь 2023. Архивировано 28 Умарьковонь 2021 года.
Литература
- Указ Президента Российской Федерации от 04.10.2021 № 573 "О Дне отца". Официальное опубликование правовых актов (4 Ожоковонь 2021). Дата обращения: 22 Таштамковонь 2023.