Тоболенко, Михаил Николаевич

Михаил Николаевич Тоболенко
Михаил Николаевич Тоболенко
	укр. Табаленка Міхаіл Мікалаевіч
Чачома чизэ	1922-це иень медьковонь 5-це чи
Чачома тарказо	дер. Азаровка, Смоленский уезд, Смоленская губерния, РСФСР
Кулома чизэ	1945-це иень чадыковонь 7-це чи (22 иестэ)
Кулома тарказо	район Лиепая, Латвийская ССР, СССР
Масторозо	СССР
Кодамо ушмосо	ВВС ВМФ СССР
Служамонь иетне	1940—1945
Званиязо
Частезэ	15 ОРАП ВВС КБФ
Тюремат/войнат	Великая Отечественная война

Михаил Николаевич Тоболенко (1922—1945) — Военно-морской флотонь ВВС-нь разведкань авиациянь менельвенчень ветиця, Ине Отечественной войнасо улиця, Советской Союзонь Герой (1944-це иень медьковонь 22-це чи). Старшей лейтенант (1944-це иень аштемковонь 30-це чи)^[1].

Эрямо кизэ

Шачсь 1922-це кизонь 5-це июльста тяни Смоленскяй областень Починковскяй райононь Азаровка велеса сокаень-видиень семьяса. Беларус. 1923-це кизоста сявомок эрясь Украинскяй ССР-нь, Донецкяй областень Щербиновка велеса (1938 кизоста сявомок — Дзержинск ошсь, 2016 кизоста сявомок — Торецк). Михаил 1940-це кизоня аделазе аф марнек средняй школать и Дзержинскяй аэроклубть^[2]. Армияда инголе сон покодсь литературань тонафтыкс и содазе наизусть пцтай марнек Есенинонь.^[3]

1940-це кизоста сявомок Якстерь Армияса. Служась связистокс Западнай военнай округонь 45-це авиабазаса. 1940-це кизонь декабрьста кучфоль тонафнема Тамбовскяй военнай авиационнай школав, кона теенза ашезь аделав войнать ушедоманц сюнеда.

1941-це кизонь сентябрьста сявомок тюрсь Великай Отечественнай войнаса. Мзярда Тамбовскяй авиашколась эвакуировандафоль, кучфоль Волховскяй фронту 46-це ляцендемань дивизияв. Воявась связистокс, миномётнай расчётонь номеркс и миномётнай расчётонь командиркс. 1942-це кизонь январьста ранендафоль. Госпитальса пчксемда меле 1942-це кизонь апрельста арась курсантокс Военно-морской Флотонь ВВС-нь запасной 1-це авиационнай полконь истребительскяй эскадрильяти (полксь ащесь Мордовскяй АССР-нь мзярошка аэродромонзон лангса). Тяса тонафнемста 7 ковонь потмоста тонадозень УТ-2, И-16, Як-1 самолёттнень.^[3]

1942-це кизонь ноябрьста, аделамок тонафнеманц, кучезь Краснознамённай Балтийскяй флотонь истребительнай авиационнай 13-це полку, кона ся пингть кочксевсь Горьковскяй областень Новинки аэродромса.^[3] Тоса тонафнесь Як-9 самолётса лиендема. 1943-це кизонь мартста кучфоль сяка жа флотонь отдельнай разведывательнай авиационнай 15-це полконь 43-це эскадрильяв. Боевой заданиянь тиендема (разведкас лиендема) ушедсь 1943-це кизонь майста. 1944-це кизонь январьста арась звенань командиркс.

1944-це кизонь 17-це майти Балтийскяй флотонь ВВС-нь отдельнай разведывательнай авиационнай 15-це полконь 43-це авиационнай эскадрильянь лейтенантсь Михаил Тоболенко тись 188 боевой лийкстамат, тяконь лувксса 145 боевой лийкстамат, конатнень пингста ётафнесь разведкат врагть военно-морской базанзон и судоходстванц коряс, нолямак тевкс аэрофотосъёмкат. Сон лиендсь и пяк пелькс разведкавонга, Хельсинки, Таллин, Котка, Борго, Палдиски, Ловиза объекттне лац вановсть и аралавсть зенитнай артиллериять мархта и ПВО ВМБ истребительса. Сонь задачацоль добувамс эрявикс вастонь фотоматериалх и мезеньге лангса аф ванозь пачфтомс фотоплёнкатнень. Тоболенканди ашезь мярьгондев тюремс немецкяй и финскяй истребительхнень мархта, сяс теенза савсь котоксть ворьгодемс эсонза доняй самолёттнень эзда. Кафксть, мзярда сатнезь истребительхне, тюрсь мархтост и вражескяй самолёттне тушендсть маластонза.^[4]

СССР-нь Верховнай Советонь Президиумть указонц коряс 1944-це кизонь 22-це июльста лейтенантсь Михаил Тоболенко командованиять боевой заданиянзон фронтса лац тиеманксост отвагань и героизмань няфтеманкса казьфоль Советскяй Союзонь Герой оцю лемса, Ленинонь орденца и "Зрнянь Тяште" медальса 4013 номер ала.

1945-це кизонь 7-це апрельста Тоболенко лийсь Либавы (Лиепаи) аймакти разведкас врагть кораблензон ванома. Араламок инголенза лии самолётть, сонь лангозонза врьгятсть врагонь ниле истребительхть. Михаил Тоболенкань самолётоц прафтфоль, а лётчиксь шавовсь: улема, сон парашютса комотсь палы самолётста и эендась моряса, ловажац мувсь Паланга ошть маласа, ведсь лихтезе море трвати^[5]. Калмаф советскяй воинонь калмалангса Паланга ошса (Литваса)^[6].

Шавомозонза разведчиксь тись 300 малава боевой лийкстамат.

Казнензэ

Советскяй Союзонь Герой (22.07.1944).
Ленинонь орденоц (22.07.1944)
Якстерь Знамянь колма орденонза (3.11.1943, 10.04.1944, 10.02.1945)
Якстерь Тяштень орден (4.08.1943)
«Ленинградть араламанкса» медаль (казьф 1943-це кизоня)

Ледстнема

Чкаловск посёлкасо Героень плошадьсэ аравтозь М. Н. Тоболенконь бюст.
Тоболенконь лемензэ кандтни Паланга ошсо куро.
Героенть лемензэ кандтни Дзержиснк ошсо куро.

Тешкставкст

↑ Морские лётчики — Герои Советского Союза. Тоболенко Михаил Николаевич. // Морской сборник. — 2015. — № 12. — С.63.
↑ По другим публикациям, он занимался в Горловском аэроклубе.
↑ ¹ ² ³ Анатолий Лашкевич. В воздушных боях. Балтийское небо. — ООО «Издательство «Яуза», «Издательство «Эксмо», 2010. — 384 с. — 3000 экз. — ISBN 978-5-699-40739-2. Архивень копия 22 Эйзюрковонь 2018 на Wayback Machine
↑ Наградной лист на присвоение М. Н. Тоболенко звания Героя Советского Союза. // ОБД «Память народа».
↑ Список потерь офицерского состава ВВС КБФ с 6 по 15 апреля 1945 г. // ОБД «Память народа».
↑ Учётная карточка и поименный список захоронения. // ОБД «Память народа».

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Буров А. В. Твои герои, Ленинград. — Л.: Лениздат, 1970.
Воробьёв М. В. Смоляне — Герои Советского Союза / М. В. Воробьёв, В. Е. Титов, А. К. Храпченков. — 3-е изд., доп. — М.: Московский рабочий, 1982. — С. 532—533. — 622 с.
Герои войны. — Таллин, 1984. — С.347—348.
Герои Советского Союза Военно-Морского Флота 1937—1945. — М., 1977. — С.467.
Кавалеры Золотой Звезды. — Донецк, 1976. — С.423—424.

Ссылкат

[1] Морские лётчики — Герои Советского Союза. Тоболенко Михаил Николаевич. // Морской сборник. — 2015. — № 12. — С.63.

[2] По другим публикациям, он занимался в Горловском аэроклубе.

[:0-3] ¹ ² ³ Анатолий Лашкевич. В воздушных боях. Балтийское небо. — ООО «Издательство «Яуза», «Издательство «Эксмо», 2010. — 384 с. — 3000 экз. — ISBN 978-5-699-40739-2. Архивень копия 22 Эйзюрковонь 2018 на Wayback Machine

[4] Наградной лист на присвоение М. Н. Тоболенко звания Героя Советского Союза. // ОБД «Память народа».

[5] Список потерь офицерского состава ВВС КБФ с 6 по 15 апреля 1945 г. // ОБД «Память народа».

[6] Учётная карточка и поименный список захоронения. // ОБД «Память народа».

[1]

[2]

[3]

[4]

[5]

[6]