Тоджа

Википедиясто материал - аорев содамкундосто
Ваннозь сёрмадовкс
Озеро
Тоджа (Азас)
Озеро Азас, Тоджинского района Тувы.jpg
Эрькень морфометриянь онкстамо
Сехте покш сэресь944[1] метрат
Размертнэ19,5[2] × 5,5[2] вайгельбеть
Площадесь51,5[3] вайгельбеть²
Сехте покш сэресь30[2] метрат
Куншка сэресь15—20[2] метрат
Эрькень гидрологиянь онкстамо
Тип минерализациипресное[2] 
Ванькс неявомась2,8—6,0[2] метрат
Бассейн
Площадь бассейна2760[3] км²
Впадающая рекаАзас
Вытекающая рекаТоора-Хем
Аштема тарка
52°23′52″ с. ш. 96°30′53″ в. д.HGЯO
Страна
РФ-нь субъектэсьТыва
БуесьТоджинский кожуун
Идентификаторы
Код в ГВР: 17010100111116100000189[4]
Регистрационный номер в ГКГН: 0568176
Тоджа (Россия)
Тоджа (Тыва)
Заповедная зона
Озеро Азас[5]
Категория МСОП III (Памятник природы)
Профиль комплексэнь
Площадь 8 541,0 га
Дата создания Даволковонь 28 чи 2007
Логотип РУВИКИ.Медиа Тоджа

Тоджа́[1][2][6][7] эли Азас[1][2][3][6] — эрьке, ашти Россиясо, Тыва Республикань пелевеёнксонь-чилисемаёнкссо, Тоджинэнь латконь чивалгомань пелькссэ[2].

Косто саевсь лемезэ

Эрькенть лемезэ сюлмазь тувинэнь кельсэ тесэнь сёрмадозь тарканть марто, косо тотж — те «лиственница»[8].

Географиянь аштема тарказо

Эрькесь ашти Тоджинэнь латконь чивалгомань пелькссэнть иневедень велькссэ 944 метрань кувалмосо нупонень пандонь-тайгань ды тикшень-нупонень лопань виртнень ютксо, косо касыть килейть, кузт ды кедрат.

Географиянь характеристикатне

Площадезэ — 51,6 вайгельбеть², ведень чамаваномань площадезэ — 41 вайгельбе². Эрькесь ашти аволь видестэ, сон кувалгавтозь пелевеёнксонь-чилисемаёнксонь пелев. Эрькенть кувалмозо 16-17 вайгельбеть, келезэ — 5-7 вайгельбеть. Сех покш сэрезэ малав 30 метрат, куншка сэрезэ 15-20 метрат, веденть пачк неявомазо — 5-8 метрат. Эрькесь салтомо, ведесь эйсэнзэ лавшо щёлочень (8 pH). Уемань вишка таркасо сэресь 4 метрадо аволь седе ламо, ускови эрькень пелевеёнксонь чиреванть ды невти весе площаденть эйстэ 10 %.

Чиреванть киксэсь керсезь-тапазь лавшосто, улить ламо аволь сэрей ведьулот. Покш керсемась-лазномась неяви коренной породатнень лисемань ансяк кой-кона таркатнесэ. Чирькетне алкинеть, састынеть, сэресь покшолгавтови аламонь-аламонь. Лиякс неявить ансяк коренной породатнень лисемань таркатне, косо неяви сэрень сескень кастомась. Эрькенть пелевеёнксонь-чилисемаёнксонь чиресь, косо мельга мельцек аштить зярыя губорькст, неяви пек крутасто. Теке марто крута чиретне неявить эрькень обедъёнксонь марто чилисема ёнкссо, косо ашти Кадыр-Эги-Тайга хребетэсь.

Ведень кирдема таркась невтезь галечно-валунноекс, ды теде башка човаронь човорявкс ды тапсезь кев марто. Аволь сэрей таркасонть улить сёвонень ламо кадовкст, сэрей пелькссэнть — илэнь ламо кадовкст.

Эрькесэнть 7 усият, конатнень площадесь малав 5 вайгельбеть². Усиятнестэ сех покшось — Хаара, кувалмозо малав 1,5 вайгельбеть.

Ведень кирдема таркась сюлмазь эень теевеманть марто.

Тоджась кельми сундерьковонь ушодкссто, лангс ливтеви панжиковонь омбоце пелькссэ. Кизна (аштемковсто) эрькенть верце пельксэзэ эжи малав 19 °C, лиясто эрси мик 26 °C. Эрькесэнть тёкш ёнкстнэ эрсить аштемковсто, алцетне — эйзюрковсто-чадыковсто; ведень лыкамонть кувалмозо 1,4 метрат[9][10].

Сянглейтне ды чудема таркатне

Тоджа эрькентень пры Азас леесь, тосто чуди Тоора-Хем леесь (Покш Енисеень вить сянглей)[9].

Ведень лемлувонь даннойтне

Россиянь ведень реестрань даннойтнень коряс кандови Енисеень ведькирделмань округонтень. Эрькенть леень ведькирделмазо — Енисеесь, эрькенть леень ведькирделманть пельксэзэ — Покш Енисеесь, эрькенть ведень хозяйствань таркась — Покш Енисеесь лейбрясто саезь Саяно-Шушенэнь ведень сюлмонть видьс[3].

Ведень государственной лемлувсо объектэнть кодозо — 17010100111116100000189[3].

Касовкст ды ракшат

Эрькень аволь сэрей таркасонть касыть ламо эрькетикшеть ды ведень лия касовкст[9]. Ведь лангсо касовкстнэнь ютксо вастневить викшкине ведьлукшт, ведьбалягат ды нартемкст. Эрькенть чиретнесэ вастневить зярыя касовкст, конат совавтозь Якстере книгас, саемга, покш цеця марто котыне тикше, Венерань котыне тикше, пизэтикше, лопавтомо эчке турва тикше, кедьге тикше ды лият.

Тоджань перька виртнесэ эсь пизэст теить ашо пуло орлан ды скопа нармунтне. Теке марто эрькенть маласо ливтнить маравт, саемга, свалшкань аполлон.

Калтнэнь эйстэ ведень кирдема таркасонть укшныть елецт, ленокт, ментюкт, ужкалт, плотват, сигть, сорогат, хариуст, нучкот, впирькалт[10].

Археологиянь кеврунгот

1960-це иетнестэ Тоджинть маласо муезельть кезэрь ломанень лоткамо таркат, конат кандовить минек эрань эрямодо икелень VII—V-це тёжа иень шкантень. Эрькенть маласо модань чувноматне ютавтневсть 1989-це иестэ Саяно-тувань археологиянь экспедиянть важодема шкасто[10].

Ванстома

2007-це иестэ саезь эрькесь ловови региононь смустень пертьпельксэнь памятникекс[5], теде башка, эрькенть пелевеёнсонь-чилисемаёнксонь пельксэзэ ашти Азас пертьпельксэнь государственной ванстома таркасонть[2][11].

Тешкставкст

  1. ↑ 1 2 3 Лист карты N-47-XXXI. Масштаб: 1 : 200 000. Указать дату выпуска/состояния местности.
  2. ↑ 1 2 3 4 5 6 7 8 9 10 Измайлова А. В. Тоджа́ (Азас) (руз.). — статья из научно-популярной энциклопедии «Вода России». Дата обращения: 11 Эйзюрковонь 2018.
  3. ↑ 1 2 3 4 5 «Озеро Азас» — информация об объекте в Государственном водном реестре.
  4. ↑ Ресурсы поверхностных вод СССР: Гидрологическая изученность. Т. 16. Ангаро-Енисейский район. Вып. 1. Енисей / под ред. Г. С. Карабаева. — Л.: Гидрометеоиздат, 1967. — 823 с.
  5. ↑ 1 2 Озеро Азас (руз.). — Информация об ООПТ на сайте информационно-аналитической системы «Особо охраняемые природные территории России» (ИАС «ООПТ РФ»): oopt.aari.ru. Дата обращения: 11 Эйзюрковонь 2018.
  6. ↑ 1 2 Тоджа (Азас) (№ 0568176) / Реестр наименований географических объектов на территорию Республики Тыва по состоянию на 20.12.2017 // Государственный каталог географических названий / rosreestr.ru.
  7. ↑ Тоджа́ // Тихоходки — Ульяново. — М. : Советская энциклопедия, 1977. — (Большая советская энциклопедия#Третье издание / гл. ред. А. М. Прохоров ; 1969—1978, т. 26).
  8. ↑ Поспелов, Евгений Михайлович. Географические названия России: топонимический словарь. — Москва: АСТ; Астрель, 2008.. — С. 442. — 523 с. — ISBN 978-5-17-054966-5.
  9. ↑ 1 2 3 Е. Н. Ялышева. Распределение зообентоса в пресноводных озёрах Тувы. Дата обращения: 17 Якшамковонь 2019. Архивировано 19 Якшамковонь 2019 года.
  10. ↑ 1 2 3 Озеро Азас (Тоджа), Республика Тыва. Дата обращения: 4 Эйзюрковонь 2018. Архивировано 4 Эйзюрковонь 2018 года.
  11. ↑ Азас (руз.). — Информация об ООПТ на сайте информационно-аналитической системы «Особо охраняемые природные территории России» (ИАС «ООПТ РФ»): oopt.aari.ru. Дата обращения: 11 Эйзюрковонь 2018.

Ссылкат

  • Измайлова А. В. Тоджа́ (Азас) (руз.). — статья из научно-популярной энциклопедии «Вода России». Дата обращения: 11 Эйзюрковонь 2018.
Саезь "https://myv.ruwiki.ru/w/index.php?title=Тоджа&oldid=536404"-стэ