Трудонь доблестень ош
| Трудонь доблестень ош | |
|---|---|
| Масторось |
 Россия |
| Типесь | Россиянь Федерацинь почётонь лем |
| Максови |
Россиянь оштненень, конатнень эрицяст 1941—1945-це иень Ине Отечествань войнань шкасто эсь важодемасо тейсть покш путовкс Изнямонть топавтомга |
| Каземань тувталт |
предприятиятнень ды важодицяст государственной наградасо казема, 1941—1945-це иетнестэ эрицятнень пельде тевконёвсо кемекстазь важодемань откерьксчинь невтема |
| Статусось | максови |
| Ловома | |
| Кемекстамонь чи |
2020-це иень эйзюрковонь 1-це чи |
| Васенце казема |
2020-це иень медьковонь 2-це чи |
| Меельце казема |
2025-це иень якшамковонь 15-це чи |
| Зяро каземат | 70 |
 Трудонь доблестень ош | |
Трудонь доблестень ош — Россиянь Федерациянь почётонь лем, кона аравтозь 2020-це иень эйзюрковонь 1-це чистэ[1] «1941—1945-це иень Ине Отечествань войнань шкасто тылэнь важодицятнень подвигест кемекстамга»[2]; максови Россиянь Федерациянь оштненень, конатнень эрицяст «тейсть покш путовкс
1941—1945-це иень Ине Отечествань войнань шкасто Изнямосо, оштнесэ аштиця промышленной предприятиятнесэ военной ды гражданской продукциянь апак лотксе тевдеемасо, тень пингстэ важодемань покш откерьксчинь ды эсь прянь а жалямонь невтемасо»[3].
«Трудонь доблестень ош» лементь максомга улить истят тувталт:
1) предприятиятнень государственной наградасо казема ды (эли) тенст Оборонань государственной комитетэнь ютыця Якстере знамянь максома;
2) важодемань теевкстнэнь кис предприятиянь важодицятнень государственной наградасо казема;
3) 1941—1945-це иетнестэ ошонь эрицятнень пельде тевконёвсо кемекстазь важодемань откерьксчинь невтема[4].
«Трудонь доблестень ош» лементь максомсто ошсо:
1) аравтови ошонь гербенть ды те ошонтень лемень максомадо Россиянь Федерациянь Президентэнь кармавтомань текстэнть марто стела;
2) ютавтневить покшчить ды покшчинь салютт панжиковонь 1-це чистэ (Тундонь ды Важодемань чистэ), панжиковонь 9-це чистэ (Изнямонь чистэ) ды Ошонь чистэ[5].
«Трудонь доблестень ош» лемесь максови Россиянь Федерациянь Президентэнь кармавтомасо[6].
Кода максови покш лемесь
Россиянь Федерациясо «Трудонь доблестень ош» лементь максомга меленть марто мереви пшкадемс таркань тевветямонь органтнэс Россиянь эрицянтень эли общественной вейсэндявксонтень[7]. Те меленть-арсеманть кирдемстэ ошонь таркань тевветямонь органтнэ ёвтасызь меленть региононь парламентсэ ды Россиянь Федерациянь субъектэнь региононь администрациясо[8], косо весементь варштасызь-кунсолосызь ды седе тов арсить пшкадемс Россиянь Федерациянь Президентэнтень «Трудонь доблестень ош» лементь максомга вешема марто эли ёвтазь мельтнень-арсематнень марто пшкалеме а кармить[9].
Бути региононь кирдивийтне арсить вешемс Россиянь Федерациянь Президентэнть сынст региононь ошонтень истямо лементь максомга, сестэ конёв лангсо те вешеманть марто эряви путомс Россиянь наукань академиянь экспертэнь заключения, косо кемекставить ошонтень почётонь лемень максоманть коряс тувталтнэ[10].
«Трудонь доблестень ош» лементь максомсто вешемась ваннови «Изнямо» («Победа») Россиянь оргкомитетсэ[10], коень коряс «Трудонь доблестень ош» почётонь лемесь максови Россиянь Федерациянь Президентэнь кармавтомасо Тундонь ды Важодемань чиденть (панжиковонь 1-це чи) икеле[6].
Косто саевсь мелесь-арсемась
Россиянь оштнень туртов, косо Ине Отечествань войнань шкасто эрицятне тейсть важодемань подвиг, почётонь истямо лементь максомга аволь весть эсь мелест-арсемаст ёвтызь Россиянь общественной ды поликань важодицятне. Истямо ёнов молиця общественной лемтне максневсть общественной кой-кодамо вейсэндявкстнэсэ.
2009-це иестэ «Откерень ошонь межгосударственной союз» («Межгосударственный союз городов-Героев») аволь коммерциянь партнёрствась (прявтозо — Виктор Горбатко Советэнь Союзонь кавксть Откересь, космосов ливтницясь) кемекстась «Трудонь доблестень ды Славань ош» раськеютконь почётной общественной лем ды кемекстызе тень коряс положениянть. Общественной истямо лем аволь коммерциянь партнёрствась макссь зярыя оштненень.
Россиясо сеть оштнень туртов, косо Ине Отечествань войнань шкасто тылэнь важодицятне невтизь виевчинть, кемечинть ды покш откерьксчинть, Россиянь Федерациянь Государственной Думас «Трудонь славань ош» почётонь лементь кемекстамга федеральной закононь проекттнэнь ланга мельть-арсемат ёвтакшность Валентин Варенников ды Валерий Востротин Государственной Думань депутаттнэ 2007-це иестэ[11], Челяба ёнксонь Законодательной Собраниясь 2008-це иестэ[12], Виктор Шрейдер, Борис Зубицкий, Сергей Каргинов, Вячеслав Тимченко, Сергей Поддубный Государственной Думань депутаттнэ, Валерий Шнякин Советэнь Федерацияс совицясь 2014-це иестэ[13][14], Олег Смолин Государственной Думань депутатось
2016-це иестэ[15].
2017-це иестэ «Трудонь славань ош» почётонь лементь аравтомга мелесь-арсемась ёвтазель ды нолдазель «Россиянь общественной инициатива» порталсо[16].
2019-це иестэ Россиянь Федерациянь Государственной Думас Удмуртия Республикань Государственной Советстэ невтневсь «„Трудонь воинской славань ош“ Россиянь Федерациянь почётонь лемде» федеральной закононь проектэсь[17], а Обран ёнксонь Законодательной Собраниясто — «„Военно-трудовой славань ош“ Россиянь Федерациясо почётонь лемде» федеральной закононь проектэсь[18].
2019-це иень ацамковонь 14-це чистэ «„Трудонь доблестень ош“ Россиянь Федерациянь почётонь лемде» федеральной закононь проектэнть Государственной Думас невтизе Владимир Путин Россиянь Президентэсь[19]. 2020-це иень даволковонь 20-це чистэ законопроектэнть колмоце (меельце ловномасо) кемекстызе Россиянь Государственной Думась,
2020-це иень даволковонь 26-це чистэ кемекстызе Россиянь Федерациянь Советэсь ды 2020-це иень эйзюрковонь 1-це чистэ «„Трудонь доблестень ош“ Россиянь Федерациянь почётонь лемде» 41-це № Федеральной закононть тешкстызе Владимир Путин Россиянь Президентэсь[20].
2020-це иень аштемковонь 29-це чистэ СНГ-нь Межпарламентэнь ассамблеясь кемекстызе Россиясо оштненень трудонь доблестень лемень максомадо тевенть ды ёвтась истямо мелень топавтомадо весе лия мастортнэнень[21].
Покш лемсэ казезь оштне
2020-це ие
2020-це иень медьковонь 2-це чистэ «Трудонь доблестень ош» лемесь максозь Боровичи (Новгород ёнкс), Екатеринбург, Иванова, Ижевск, Иркутск, Казань, Магнитогорск, Обран, Нижний Тагил, Новокузнецк, Новосибирск, Омск, Пермь, Самара, Саратов, Томск, Ульяновск, Уфа, Челяба, Ярославля оштненень[22].
2021-це ие
2021-це иень панжиковонь 20-це чистэ «Трудонь доблестень ош» лемесь максозь Россиянь Федерациянь кемгавтово оштненень: Барнаулнэнь, Каменск-Уральскийнень, Кировнень, Коломнанень, Амур лангсо Комсомольскойнень, Красноярскойнень, Магаданнэнь, Пензанень, Рыбинскойнень, Северодвинскойнень, Тюменнень, Чебоксартнэнень[23].
2021-це иень таштамковонь 21-це чистэ «Трудонь доблестень ош» лемесь максозь Россиянь Федерациянь кемгавтово оштненень: Алданнэнь, Бологоенень, Воркутанень, Дзержинскойнень, Кемерованень, Костроманень, Лысьванень, Мончегорскойнень, Оханень, Ступинанень, Сызраннень ды Читанень[24].
2022-це ие
2022-це иень сундерьковонь 15-це чистэ «Трудонь доблестень ош» лемесь максозь Россиянь Федерациянь сисем оштненень: Астраханнень, Вологданень, Златоустнэнь, Каспийскойнень, Норильскойнень, Орскойнень ды Якутскойнень. Теде башка лемесь максозель Горловканень ды Луганскойнень[25].
2023-це ие
2023-це иень таштамковонь 11-це чистэ «Трудонь доблестень ош» лемесь максозь Россиянь Федерациянь кемень оштненень: Владимирнэнь, Воткинскойнень, Находканень, Новомосковскойнень, Подольскойнень, Прокопьевскойнень, Рязаннень, Рубцовскойнень, Улан-Удэнень ды Ханты-Мансийскойнень[26].
2025-це ие
2015-це иень якшамковонь 15-це чистэ «Трудонь доблестень ош» лемесь максозь Россиянь Федерациянь сисем оштненень: Верце Пышманень, Зеленодольскойнень, Ишимбайнень, Курганнэнь, Ленинск-Кузнецкийнень, Миасснэнь, Салехарднэнь[27].
Карта
Нумизматикасо
2021—2023-це иетнестэ Россиянь Банкось нолдась «Трудонь доблестень ош» сериянь кшнинь 12 ярмакт, конат алтазь трудонь доблестень оштненень[28]. 2024-це иестэ лиссть те сериясто кшнинь 4 од ярмакт[29].
- Россиянь Банконь кшнинь ярмакт
Тешкставкст
- ↑ Федеральный закон от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 Чадыковонь 2020. Архивировано 6 Чадыковонь 2020 года.К:Рувики:Cite web (не указан язык)
- ↑ Преамбула Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 Чадыковонь 2020. Архивировано 6 Чадыковонь 2020 года.К:Рувики:Cite web (не указан язык)
- ↑ Часть 1 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 Чадыковонь 2020. Архивировано 6 Чадыковонь 2020 года.К:Рувики:Cite web (не указан язык)
- ↑ Часть 2 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 Чадыковонь 2020. Архивировано 4 Панжиковонь 2020 года.К:Рувики:Cite web (не указан язык)
- ↑ Часть 3 статьи 2 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 Чадыковонь 2020. Архивировано 4 Панжиковонь 2020 года.К:Рувики:Cite web (не указан язык)
- ↑ 1 2 Часть 4 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 Чадыковонь 2020. Архивировано 4 Панжиковонь 2020 года.К:Рувики:Cite web (не указан язык)
- ↑ Часть 1 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 21 Чадыковонь 2020. Архивировано 4 Панжиковонь 2020 года.К:Рувики:Cite web (не указан язык)
- ↑ Часть 2 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 21 Чадыковонь 2020. Архивировано 4 Панжиковонь 2020 года.К:Рувики:Cite web (не указан язык)
- ↑ Часть 3 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 21 Чадыковонь 2020. Архивировано 4 Панжиковонь 2020 года.К:Рувики:Cite web (не указан язык)
- ↑ 1 2 Часть 3 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 Чадыковонь 2020. Архивировано 4 Панжиковонь 2020 года.К:Рувики:Cite web (не указан язык)
- ↑ Законопроект № 487496-4 «О почетном звании Российской Федерации „Город трудовой славы“» Архивень копия 5 Ожоковонь 2019 на Wayback Machine, СОЗД ГАС «Законотворчество»
- ↑ Законопроект № 54645-5 «О почетном звании Российской Федерации „Город трудовой славы“» Архивень копия 5 Ожоковонь 2019 на Wayback Machine, СОЗД ГАС «Законотворчество»
- ↑ Звание «Город трудовой славы» будут присваивать за вклад в Победу Архивень копия 14 Ацамковонь 2019 на Wayback Machine, «Российская газета», 18.04.2014
- ↑ Законопроект № 502288-6 «О почетном звании Российской Федерации „Город трудовой славы“» Архивень копия 5 Ожоковонь 2019 на Wayback Machine, СОЗД ГАС «Законотворчество»
- ↑ Предлагается установить почетное звание «Город трудовой славы». Дата обращения: 14 Ацамковонь 2019. Архивировано 14 Ацамковонь 2019 года.
- ↑ Установить почетное звание «Город трудовой славы» Архивень копия 14 Ацамковонь 2019 на Wayback Machine, Российская общественная инициатива
- ↑ Законопроект № 710424-7 «О почетном звании Российской Федерации „Город трудовой славы“» Архивень копия 27 Таштамковонь 2019 на Wayback Machine, СОЗД ГАС «Законотворчество»
- ↑ Законопроект № 724173-7 «О почетном звании Российской Федерации „Город военно-трудовой славы“» Архивень копия 30 Таштамковонь 2019 на Wayback Machine, СОЗД ГАС «Законотворчество»
- ↑ Путин внес в Госдуму законопроект о звании «Город трудовой доблести». Дата обращения: 14 Ацамковонь 2019. Архивировано 14 Ацамковонь 2019 года.
- ↑ Федеральный закон от 01.03.2020 № 41-ФЗ. publication.pravo.gov.ru. Дата обращения: 3 Эйзюрковонь 2020. Архивировано 2 Эйзюрковонь 2020 года.
- ↑ В странах СНГ могут появиться города трудовой доблести. Дата обращения: 7 Умарьковонь 2020. Архивировано 10 Умарьковонь 2020 года.
- ↑ Указ о присвоении почётного звания Российской Федерации «Город трудовой доблести». Дата обращения: 2 Медьковонь 2020. Архивировано 2 Медьковонь 2020 года.
- ↑ Указ о присвоении почётного звания Российской Федерации «Город трудовой доблести». Дата обращения: 10 Таштамковонь 2021. Архивировано 10 Таштамковонь 2021 года.
- ↑ Указ о присвоении почётного звания «Город трудовой доблести». Дата обращения: 10 Таштамковонь 2021. Архивировано 10 Таштамковонь 2021 года.
- ↑ Указ Президента Российской Федерации от 15.11.2022 № 829 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 15 Сундерьковонь 2022. Архивировано 15 Сундерьковонь 2022 года.К:Рувики:Cite web (не указан язык)
- ↑ Указ Президента Российской Федерации от 11.09.2023 № 668 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 12 Таштамковонь 2023. Архивировано 13 Таштамковонь 2023 года.
- ↑ Указ Президента Российской Федерации от 15.01.2025 № 16 ∙ Официальное опубликование правовых актов. publication.pravo.gov.ru (15 Якшамковонь 2025). Дата обращения: 15 Якшамковонь 2025.
- ↑ База данных по памятным и инвестиционным монетам. Банк России. cbr.ru. Дата обращения: 18 Эйзюрковонь 2023. Архивировано 18 Эйзюрковонь 2023 года.
- ↑ Серия «Города трудовой доблести»: новые монеты. Банк России. cbr.ru. Дата обращения: 5 Панжиковонь 2024.