Туризмань масторлангонь чи

Туризмань масторлангонь чи (англ. World Tourism Day) — раськеютконь покшчи, кона кемекстазь 1979-це иестэ Туристэнь раськеютконь вейсэндявксонь Генеральной ассамблеясо Торремолинос испаниянь ошсо. Тешкстави таштамковонь 27-це чистэ. Россиясо тешкстави 1983-це иестэ саезь.

Покшчинть смустезэ — туризманть кастомась, сонзэ вельде масторлангонь экономиканть виевгавтомась, масторлангонь эрьва кодат раськетнень ютксо сюлмавоматнень келейгавтомась.

2003-це иестэ Россиясь ульнесь прявт тевтнень топавтыця масторокс. Покшчись сюлмазь туристэнь прядовиця иенть марто Кельме ёнксонь полушариясо ды туристэнь ушодовомань иенть марто Лембе ёнксонь полушариясо. Весемесь тешкстави пек ламо масторсо, ютавтневить туристэнь промкст, эрьгелемань покшчить ды фестивальть. 2006-це иень прявт валтнэ тешкстыть туризманть кода экономикань ёнкс, кона сюпалгавты ломантнень, а кой-кона мастортнэсэ туризмась ловови государствань ярмаконь доходонь прявт тевекс.

Покшчинь прявт валтнэ

Эрьва иестэ покшчинть тешкстамсто Туристэнь масторлангонь вейсэндявксось кочки прявт валт:

• 1980-це иестэ — Туризманть путовксозо культурань тевкадовксос, масторлангонь сэтьмечис ды чарькодемас
• 1981-це иестэ — Туризма ды эрямонь паролгавтома
• 1982-це иестэ — Путешествиясо сех вадрясь: паро инжеть ды паро азорт
• 1983-це иестэ — Путешествият ды каникулат — весеме ёндо правань ды ответственностень кандома
• 1984-це иестэ — Туризмась раськеютконь чарькодеманть, сэтьмечинь ды вейсэнь важодеманть кис
• 1985-це иестэ — Од ломанень туризма: культурань ды эрямопингень тевкадовкс сэтьмечинть ды ялгаксчинть кис
• 1986-це иестэ — Туризмась — масторлангсо сэтьмечинть кис эрямонь вий
• 1987-це иестэ — Туризмась касоманть кис
• 1988-це иестэ — Туризма: весень туртов тонавтома
• 1989-це иестэ — Туристтнэнь туртов олячинь ардтнемась теи од мастор
• 1990-це иестэ — Туризмась — аволь кемекстазь ёнкс, лездамопель, конадо эряви содамс («Гаагань Туризмань Декларация»)
• 1991-це иестэ — Сюлмавома, кулят ды тонавтома: туризмань касомань сех прявт ёнкстнэ
• 1992-це иестэ — Туризма: социальной ды экономикань ёнкссо касома ды ломантнень ютксо содамочинь кемекстамо
• 1993-це иестэ — Туризмань кастома ды пертьпельксэнь идема: паро ёнксонтень молема
• 1994-це иестэ — Сехте вадря важодицят, пек паро туризма
• 1995-це иестэ — Микшнемань Масторлангонь вейсэндявкс: масторлангонь туризмантень 20 иеть
• 1996-це иестэ — Туризмась — вейке-вейкень ютксо чарькодемань ды сэтьмечинь ёнкс
• 1997-це иестэ — Туризма: важодемань таркань теемань ды пертьпельксэнь ванстомань коряс комсьвейкееце пингень сех икеле молиця ёнкс
• 1998-це иестэ — Государственной ды частной секторонь вейсэнь важодема: туризмань касомантень ды кепетемантень юр
• 1999-це иестэ — Туризма: тёжань од иестэ масторлангонь тевкадовксонь ванстома
• 2000-це иестэ — Лездамонь ёнкст ды пертьпелькс: туризманть туртов кавто стака аравтомат комсьвейкееце пингенть ушодкссо
• 2001-це иестэ — Туризма: сэтьмечинтень ды мастортнэнь ютксо вейсэнь кортамонтень тердема
• 2002-це иестэ — Экотуризма — покш касомантень юр
• 2003-це иестэ — Туризмась — кажовчинть марто бороцямонь, важодемань од таркань ды весеме ёндо сэтьмечинь теемань ёнкс
• 2004-це иестэ — Спортось ды туризмась: вейсэнь чарькодемань, культурань ды кастомань кавто эриця вийть
• 2005-це иестэ — Путешествият ды ардомапельть: Жюль Вернэнь арсемастонзо саезь 21-це пингень алкуксчис
• 2006-це иестэ — Туризмась сюпалгавты
• 2007-це иестэ — Туризмась панжи аватнень туртов кенкшт
• 2008-це иестэ — Туризмась саи пертьпельксэнь полавтомань тердемат
• 2009-це иестэ — Туризмась — эрьва кодамо ёнксонь покшчи
• 2010-це иестэ — Туризмась сюпалгавты
• 2011-це иестэ — Туризмась вейсэнди культуратнень
• 2012-це иестэ — Туризма ды кеме виевчи
• 2013-це иестэ — Туризмась ды ведень ресурст: минек вандынь чинть идемазо
• 2014-це иестэ — Туризма и вейсэндявкстнэнь кастома
• 2015-це иестэ — Туристэнь вейке миллиард — тевень топавтомань вейке миллиард
• 2016-це иестэ — Туризмась весень туртов — Туризманть весеме ёндо невтема
• 2017-це иестэ — Свалшкань туризма — касомань туртов лездамонь ёнкс
• 2018-це иестэ — Туризмась ды цифрань одкстомтомат
• 2019-це иестэ — Туризмась ды важодемань таркат: весень туртов сех вадря сыця шка
• 2020-це иестэ — Велень ды экологиянь туризма
• 2021-це иестэ — Туризмась покш касоманть кис
• 2022-це иестэ — Туризманть лангс одов варштамо
• 2023-це иестэ — Туризма ды пиже инвестицият

Тешкставкст

Ссылкат

• Мордовия Республикань туристэнь ды кулянь портал
• С.Д. Эрьзянь лемсэ Мордовиянь республикань изобразительной искусствань музей
• «Торамась терди» туристэнь раськень маршрут
• И.Д. Воронин лемсэ Мордовиянь респбликань краеведениянь вейсэндязь музей
• Эрзянь ды мокшонь раськень культурань музей
• Сыре Теризморгасо раськень культурань куншкакуро
• «Коень кудо» Парынзэлесэ музеень-культурань куншкакуро