Тучин, Алексей Иванович
| Алексей Иванович Тучин | |||
|---|---|---|---|
 | |||
| Чачома чизэ |
1967-це иень умарьковонь 9-це чи |
||
| Чачома тарказо | Сапожок посёлка, Рязань ёнкс, СССР | ||
| Кулома чизэ |
1999-це иень ацамковонь 29-це чи |
||
| Кулома тарказо | Аргунонь пандоютко, Чечня, Россия | ||
| Масторозо |
 СССР,  Россия |
||
| Кодамо ушмосо | Специальной аравтомань Разведывательной прявт управления (ГРУ) | ||
| Служамонь иетне | 1985-1999-це | ||
| Званиязо | Майор | ||
| Частезэ |
специальной аравтомань 16-це башка бригада |
||
| Тюремат/войнат | Чечнянь васенце ды омбоце войнат | ||
| Казнеть ды премият |
|
||
Алексе́й Ива́нович Ту́чин (1967-це иень умарьковонь 9-це чи, Сапожок посёлка, Сапожоконь буе, Рязань ёнкс, СССР — 1999-це иень ацамковонь 29-це чи, Аргунонь пандоютко, Чечня, Россия, калмазь чачома ёнкссо, Рязань ёнксонь Сапожок велесэ) — Разведывательной прявт управления (ГРУ-нь) майор, Чечнянь васенце ды омбоце войнатнесэ улиця, Россиянь Федерациянь Откерь (2000-це ие, куломадо мейле). Россиянь Федерациянь Вооружённой вийтнень Генеральной штабонь Разведывательной прявт управлениянь специальной аравтомань 16-це башка бригадань офицер[1]. Алексей Тучинэнь лемензэ кандтни Грозный ошсо куротнестэ вейкесь.
Эрямокизэ
Чачсь 1967-це иень умарьковонь 9-це чистэ Рязань ёнксонь Сапожок важодемань посёлкасо математикань школань тонавтыцянь (седе тов 1-це № школань прявтонь полавтыцянь ды прявтонь) кудораськесэ[2]. Руз. 1984-це иестэ сырнень медаль марто прядызе 1-це № средней школанть[2], важодсь тренерэкс Сапожоконь эйкакшонь ды од ломанень спортонь школасо (соксонь ардтнемань ды военно-спортивной многоборьянь коряс областень ламоксть призёр ды изниця).
1985-це иестэ тердезель СССР-нь Вооружённой вийтнес, кармась тонавтнеме Рязанень воздушно-десантной командной высшей училищасо, конань прядызе
1989-це иестэ (курсантонь 3-це ротань прядыця). Служась Воздушно-десантной ушмотнесэ, Прибалтикасо ды Новороссийскойсэ специальной аравтомань Разведывательной прявт управлениясо. Служамонзо ютась 1989-це иень медьковсто саезь 1998-це иень чадыковс гвардиянь воздушно-десантной 97-це полксо эрьва кодамо должностьсэ: парашютно-десантной взводонь прявт, парашютно-десантной ротань прявтонь полавтыця — воздушно-десантной анокстамонь инструктор, парашютно-десантной ротань прявт, парашютно-десантной батальононь прявтонь полавтыця[2].
Чечнянь васенце ды омбоце войнасо улиця.
1999-це иень даволковсто саезь аштемковс — спецназонь 16-це башка бригадань штабонь оперативно-разведывательной отделениянь штабонь прявтонь лездыця, 1999-це иень аштемковсто саезь ацамковс — спецназонь 16-це башка бригадань воздушно-десантной анокстамонь коряс спецназонь оперативной отделениянь прявтонь полавтыця[2].
1999-це иень ацамковонь 29-це чистэ Аргунонь пандоюткосо Алексей Тучин майоронть прявтсо разведкань отрядось редясь ятонь кужо, кона разведчиктнень эйстэ зярыяксть седе покшоль. Колмо группасо молиця разведкань отрядонть лангс каявсть ятонь ламо вийть, группатне явозельть вейкест-вейкест эйстэ. Тучин майорось стакасто ранязель, ансяк ялатеке поладсь тюремасо прявтонь тевтнень ветямо, ятонть лангс каявомга кепетизе эсь группанть, кона сайсь эрявикс тарка ды толонь леднемасо идесь кавто лия группатнень, истя макссь лездась тенст саемс эрявикс тарканть ды арамс круговой идемас. Колмо часонь тюремань перть Тучин майорось ранязель омбоцеде ды валовсь верьсэ, ансяк поладсь тюремасо ветямс прявтонь тевтнень. Пек ламо ломанть ранязельть, леднемапельтне кармасть прядовомо. Лездыцятнень самонть лангс кемемась эзь топавтово — рациясо ёвтазель, лездамос сыргиця мотострелковой подразделениятне сынсь понгсть кекшемас ды сыть аволь курок. Сестэ Алексей анокстась блокадань парсте сезевема, кадовсь вере саезь таркасо ды истя идесь эсь ушмантнэнь туеманть, чавозель яттнэсэ.
2000-це иень таштамковонь 14-це чистэ саезь Россиянь Федерациянь Президентэнь кармавтомасо Северэнь-Кавказонь регионсо ушманонь долконь топавтомсто невтезь виевчинть ды откерьксчинть кис Тучин Алексей Иванович майоронтень максозь Россиянь Федерациянь Откерь лемесь (куломадо мейле), конань марто казезель «Сырнень Теште» медалесь (2000-це иень ацамковонь
9-це чистэ 703-це № медаленть чавовозенть довантень максызе Георгий Сергеевич Полтавченко Центральной федеральной округсо РФ-нь Президентэнь полномочной представителесь[2]).
Казезь Кемечинь орденсэ ды «Вадрясто служамонь кис» медальсэ»[3].
Калмазь чачома ёнкссо 2000-це иень якшамковонь 8-це чистэ[2]. Откеренть лемензэ кандтни Рязань ёнксонь Сапожок посёлкань
1-це школась, косо сон тонавтнесь. Школасонть аравтозь ледстнемань лаз[4][5].
Кудораськезэ
Авазо — Тучина Нина Александровна, низэ — Надежда Николаевна Тучина, тейтерезэ – Софья. Низэ ды тейтерезэ эрить
Саран ошсо.
Тешкставкст
- ↑ Тучин Алексей Иванович
- ↑ 1 2 3 4 5 6 Тучин Алексей Иванович 1967—1999. Дата обращения: 13 Сундерьковонь 2014. Архивировано 13 Сундерьковонь 2014 года.
- ↑ Грозное время. Герои. Дата обращения: 13 Сундерьковонь 2014. Архивировано 13 Сундерьковонь 2014 года.
- ↑
Тучин, Алексей Иванович. «Масторонь маралят» вальмась.
- ↑ Сапожковская средняя школа №1 имени Героя России Тучина Алексея Ивановича
Литература
- Север А. Спецназ ГРУ. -М., «ЯУЗА», 2008.
- Север А., Колпакиди А. Спецназ ГРУ: самая полная энциклопедия. — Litres, 2014. — ISBN 9785457144811.
Ссылкат
- Тучин А.И.
- В Сапожке открыта мемориальная доска Герою России Алексею Тучину
- В Сапожке почтили память Героя России Алексея Ивановича Тучина
- Выставка, посвящённая Герою России Алексею Тучину, открылась в Сапожке
- Памяти павших на Северном Кавказе
- В Сапожке прошли соревнования по лыжным гонкам, посвященные памяти Героя России Тучина Алексея Ивановича
- Эссе Тучин А.И.