Тюркин, Дмитрий Васильевич

Дмитрий Васильевич Тюркин
Дмитрий Васильевич Тюркин
Чачома чизэ	1920-це иень сундерьковонь 3-це чи
Чачома тарказо	Мокшень Куженя, Спассонь уезд[d], Тамбовонь губерния[d], РСФСР[d];
Кулома чизэ	1984-це иень панжиковонь 14-це чи (63 иеть)
Кулома тарказо	Полтава ош, Украинань ССР[d], СССР;
Масторозо	СССР
Служамонь иетне	1938—1964
Званиязо
Тюремат/войнат	Ине Отечественной война;

Дми́трий Васи́льевич Тю́ркин (1920-це иень сундерьковонь 3-це чи, Мокшонь Кужине веле, Тамбовонь губерния — 1984-це иень панжиковонь 14-це чи, Полтава ош) — Советской ушман, Ине Отечественной войнасо улиця, Советской Союзонь Герой, Степной фронтонь Красноградской механизированной корпусонь
37-це армиянь танкань 219-це бригадань танкань 586-це батальононь ветиця.

Эрямо кизэ

Шачсь 3-це ноябрьста 1920-це кизоня тяниень Мордовия Республикань Зубово-Полянскяй райононь Кужа велеса вирень ваныень семьяса. Мокша. ВКП(б)/КПСС-у сувафтф 1943-це кизоста сявомок года.Шумордась аф полнай средняй школашколу и Зубово-Полянскяй педагогическяй училищань^[1] кафта курст.

1938-це кизоня тертьф Рабоче-крестьянскяй Якстерь армия. 1940-це кизоня шумордазе Саратовскяй танковай училищать. 1941-це кизонь июльста сявомок Великай Отечественнай войнань толу китнень эса. Воявась Западнай, Калининскяй, Степной, 2-це Украинскяй фронттнень эса. Ульсь Московонь оборонань аралайхнень ёткса, Курскяй битваса, нолдась Белгородть, Полтавать, Кременчугть эса, тюрсь Днепр ляйть сявоманц инкса. Котоксть ульсь ранендаф.

1943-це кизонь сёксенда Степной фронтонь войскатне тюрезь лиссть Днепрать шири Кременчугть эзда сявомок Днепропетровскяти самс. 29-це сентябрьста 1943-це кизоня 1-це Красноградскяй механизированнай корпусонь 1-це танковай батальонць васенцекс сувась гитлеровцнень кядьса крьвястьф Кременчуг ошти и генерал-лейтенантть А. С. Жадовонь 5-це гвардейскяй армиянь частензон мархта марса мяндезь ошть вражескяй врьгятнихнень эзда.

Сембода пяк лац няфтсть пря батальононь танкисттне Днепрать инкса тюремста. 1943-це кизонь 2-це октябрьста противникть толонц ала синь сявсть ляйть эса Кременчугть лямбе ширденц видеса Мишурин Рог эряма васть видесас. ЕВалдашкодомати танкисттне сязезь противникть перяфксонц ляйть виде ширесонза и и тисть теенза лама юмафкста. Советскяй воиттне нолодазь Мишурин Рог, Тарасовкать, Бородаевкать, Сусловкать, Роговкать, ри ламоц лия эряма васттнень и сяда тов мольсть инголи. Тюремста высотать инкса Анновка велеть видеса Д. В. Тюркинонь танкац ульсь сязьф . Кадомок палы машинать, командирсь мольфтезе тюремать вятеманц. Д. В. Тюркинонь батальононц каршес противникне кучезь 23-це танковой дивизиянь часттьнень, коса ульсь 200-та лама «тигра» и «пантера». Сотовсь виень коряс аф фкя лаца тюремась. Вражескяй танкатненди кожфса лездсь вражескяй авиациясь. тя тюремаса Д. В. Тюркинонь танкистонза няфтсть марстонь героизма и машфтсть лама вражескяй машина. Омельник ляйть видеса, Мишурин Рогть лямбе ширесонза, батальонць кафта сутканьберьф кирдсь врагонь кемонь врьгятемат.

4-це октябрьста 1943-це кизоня, шобдава, противникне, кочкасть од вийхть, и тага врьгятнесть танкисттнень ащема вастозост. Синь ёрасть эрь кодама питнеса ёрдамс советскяй воиттнень Днеправ. Комсь «пантера» и «тигра» 120 автоматчиконь лезксть вельде ушедсть контратака кить и Омельник ляйть кувалмос. Фкя пингста батальонть виде ширдень флангонц лангс молсь кемгафксува, а кержи ширденнеть — комсь противниконь танка. Теест лездсь нилегемонь «юнкерст». Кяжи тюремась мольсь аф фкя част. Оцю юмафкс мархта врагти удалась сувамс батальонть боевой порядканзон ёткс. И сембода стака пингста Д. В. Тюркин кеподезень эсь воинонзон атакас. Минь танкистоньке ляцендсть вргать машиназон лангста пяк маласта. Кемгафксува суткань пингстат Д. В. Тюркинонь бальонцта танкистттне кирдсть врагть люпштаманц эса. Аньцек колма шинь потмоста отважнай танкисттне кирдезь 23-це немецкяй танковяй дивизиянц кевейхксые врьгятеманц, тиемок теесть лама юмафкста. Кирдемок плацдармать, минь танкистоньке плхтасть и машфтсть врагонь 80 танка, 20-шка пушка эрь кодама калибрань, 5 миномётнай батарят, 45 пулемётнай точка, 800-шка вражескяй солдат и офицер.

СССР-нь Верховнай Советть Президиумонц Указонц коряс 20-це декабрьста 1943-це кизоня мужестванкса и героизманкса, Днепрать сявоманкса и види ширдень травасонза плацдармать кирдеманкса старшай лейтенантти Дмитри Васильевич Тюркинонди максф Советскяй Союзонь Герой лемсь, казьф Ленинонь орденоц и «Зрнянь тяште» медальсь.

1947-це кизоня шумордазе Бронетанковай и механизированнай войскань военнайакадемиять, 1956-це кизоняу — М. В. Фрунзень лемса Военнай академиять видеса высшай академическяй курсснень. 1964-це кизоста сявомок полковниксь Д. В. Тюркин — запасса. Эрясь Полтаваса. Покодсь директоркс производственно-рекламнай комбинатса.

1970-це кизоня лиссь пенсияв.

Кулось 14-це майста 1984-це кизоня.

Казьф Ленинонь, Якстерь Знамянь, Якстерь Тяштень орденца, мзярошка медальса.

Зубова Поляна ошенди малады эряма вастса Геройти ладяф лятфтамань седяф.

Тешкставкст

↑ Зубово-Полянский педагогический колледж

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
За мужество и отвагу. — Харьков, 1984.

Ссылкат

Дмитрий Васильевич Тюркин (неопр.). «Масторонь маралят» вальмась. Дата обращения: 3 Медьковонь 2014.

https://natlibraryrm.ru/onlajn-proekt-galereya-pamyati-zubovo-polyanskij-rajon-3/Онлайн-проект «Галерея памяти»: Зубово-Полянский район
https://gazeta.sfu-kras.ru/node/6879 Два Героя Советского Союза на одной кафедре

[1] Зубово-Полянский педагогический колледж

[1]