Удмуртонь келень чи

Удмуртонь келень чи
Удмуртонь келень чи
Типесь	Раськень покшчи
Официальной лемезэ	руз. День удмуртского языка удм. Удмурт кыллэн нуналыз
Тешкстави	Удмуртия Республикасо
Тешкстамонь чись	сундерьковонь 27-це чи

Удмуртонь келень чи (руз. Удмурт кыллэн нуналыз) — удмуртонь келентень алтазь покшчи. Тешкстави эрьва иень сундерьковонь 27-це чистэ. 2001-це иестэ те чистэнть ульнесь кемекстазь «Удмуртонь Республикань государственной кельтнеде ды Удмуртонь Республикань лия раськень кельтнеде» законось^[1].

Эрямопингезэ

Удмуртонь келень масторлангонь чинденть арсемась кемекстазь 2018-це иестэ Елабугасо «Удмурт Кенеш» Весе удмуртонь ассоциациянь регионъютконь наукань-практикань конференциясо Удмуртонь раськень Весе Россиянь инекужонь 100 иень тешкстамонь чистэ^[2]. 2001-це иень сундерьковонь 27-це чистэ Удмуртонь Республикань законодательствасо удмуртонь келесь кемекстазь кода государственной кель.

Покшчинть прявт смустезэ сюлмазь удмуртонь келенть кастоманзо марто. Ютавтовиця покшчись невти удмуртонь келенть мазычинзэ ды сюпавчинзэ, касты удмуртонь келентень вечкеманть ды весень ютксо кемекстамонть^[3]. Удмурттнэ лемдить тиринь келест «анай кыл» («авань кель»), секс мекс ансяк авань ловсонть марто эйкакшось саи эстензэ тиринь келентень, раськентень, культурантень, чачома масторонтень вечкеманть.

Кода текшстыть покшчинть

Удмуртонь келень чистэ весе республикасонть ютавтневить эрьгелемань ды тонавтомань эрьва кодат тевть. Саемга, Удмуртонь Республикань раськень ловнома кудосо те чистэнть ютавтневить вастовомат-содавтомат од сёрмадыцятнень ды од ловномапельтнень марто, анокставить невтемат ды лекцият, конат алтазь келень эрямопингентень ды региононтень^[4]. Удмуртонь раськень театрасо те чинтень анокстыть музыкань-литературань невтемат. Кузебай Герд лемсэ Удмуртонь Республикань раськень музейсэ анокставить тематикань экскурсият, музеень тонавкст ды мастер-класст.

«„Ӟечбуресь!“ Удмуртонь келесь весень туртов!»^[5] — акция, кона алтазь удмуртонь келенть, сонзэ башкачинзэ марто содавтомантень ды коень коряс эрьва иестэ ютавтневи Раськень Оляксчинь кудосо, буетнень ловнома кудотнесэ ды Культурань кудотнесэ.

Тешкставкст

[1] День удмуртского языка

[2] День удмуртского языка отмечают во всем мире 27 ноября

[3] 27 ноября отмечался День удмуртского языка.

[4] Приглашаем на праздник Дня удмуртского языка

[5] 27 ноября — Всемирный день удмуртского языка

[1]

[2]

[3]

[4]

[5]