Устуу-Хурээ
| Монастырь | |
| Устуу-Хурээ | |
|---|---|
| Yстүү-Хүрээ | |
 Новый храм | |
| 51°15′29″ с. ш. 91°39′13″ в. д.HGЯO | |
| Страна | Россия |
| Регион | Тыва |
| Конфессия | Гелуг |
| Тип | хурээ |
| Основатель | Хайдып нойон |
| Дата основания | 1905-це ие |
| Известные насельники | Кунтан Римпоче |
| Статус | Объект культурного наследия народов РФ регионального значения. Рег. № 171610425460005 (ЕГРОКН). Объект № 1700064000 (БД Викигида) |
| Состояние | важодиця |
| Сайт | ustuhure.com |
 Устуу-Хурээ | |
| Буддизм |
* История
|
Устуу-Хурээ (тув. Үстүү-Хүрээ — верце хурээ (монастырь)) — Тувань буддистэнь сех покш ды содавикс монастыртнестэ вейке.
Ашти Чайлаг-Алаак урочищань Чадан леень Хемчик вить ёнонь сянглеень вить чиресэ, Чадан ошонть эйстэ лембе-чивалгома ёнксонть пелев 7 вайгельбень ютазь, лембе ёнов 1,5 вайгельбень кувалмосо се кинть эйстэ, кона вети Бажын-Алаак велев.
Устуу-Хурээ — Даа-кожуунсо храмонь кавто покштояк покш комплекстнэстэ вейкесь[1]. Ловови Тувань оймечинь ды государственностень куншкакурокс. Хурээсэ путозель тувинэнь алфавитэнь юрось, чеканязь Тувань Раськень Республикань кшнинь васенце ярмакось.
Эрямопингезэ
Устуу-Хурээ монастыресь теезель-пурназель 1905-1907-це иетнестэ Хайдып нойнсо[2]. Строямось ютавтовсь Кунтана Римпоче тибетэнь ламанть прявтсо ды Китаень мастертнэнь лездамост вельде.
Кожуунонь эрицятне, конатнень лангс путозь башка ярмак ды лия важодема (строямонь туртов вирь, стака кандстонь усксиця ракшат), ламо тейсть стявтомань-строямонь важодемасо: путозь чистэ эрьва сумонось путнесь зярыя ломанть, конат анокстасть раствор, тейть опалубка, путнесть строямонь вирть ды седе тов. 1905-це иестэ Кунтан Римпоче ускизе Тибетэнь кондямо молиця монастырень проектэнть, ансяк кой-кить кортыть, те свалшкань монголонь ёнов молиця стявтовкс, конасонть тевс нолдазь Тибетэнь ды Китаень архитектурань лувт: тибэнь стявтовкстнэнь туртов ледезь алкс, китаень стявтовкстнэнь туртов — омбоце ярусонь чувтонь шожда павильон.
1930-це иестэ башка кармавтомань кемекстамодо мейле монастыресь ульнесь пекстазь. 1937-це иестэ ёвтазь Цогчен прявт храмонть калавтомадо мель, ансяк калавтомс весе комплексэнть эзь лисе, храмонть эйстэ кадовсть сёвонень кувака стенат. Устуу-хурээсэ служиця ламатне ульнесть репрессировазь ды пельксэнь пелькс леднезь. 1956-це иес важодсь озномань юрта. Меельце ламась ускинзе буддань марто сюлмазь кадовкстнэнь Кызыл ошонь республикань краеведениянь музейс, косо весемесь ванстови неень шкас.
Устуу-Хурээнь вельмевтемазо ды панжомазо
1999-це иестэ Россиянь Правительствась, Устуу-Хурээнь эрямопингень ды архитектурань питнечинть ванномсто, ёвтась сонзэ вельмевтемадо мель. Секе иестэ храмонтень седеяк покш мелень явомга ды вельмевтемань кис ярмаконь лезксэнь пурнамга Игорь Дулушань арсеманзо коряс ульнесь ютавтозь «Устуу-Хурээ» эрий музыкань ды кемемань парочинь теемань фестиваль, се шкастонть саезь кармась ютавтневеме эрьва иестэ.
Храмонть вельмевтемазо ушодовсь 2008-це ие Сергей Шойгу се шкань Апак учонь зыянонь теевемань министранть лезксэнзэ вельде[3]. Васняяк таштонть таркасо арсесть строямс од Цогчен (соборонь храм), ансяк каладовкстнэнь арсесть кадомс ды стявтомс од храмс калавтозенть вакссо. Храмонть вельмевтемазо прядозель 2012-це иестэ ды медьковонь 23-це чистэ ютась Устуу-Хурээнь покш панжомазо.
«Устуу-Хурээ» эрий музыкань ды кемемань раськеютконь фестиваль
«Устуу-Хурээ» эрий музыкань ды кемемань раськеютконь фестивалесь ютневтневи 1999-це иестэ саезь. Фестиваленть программазо ашти смустень кавто чарькодемасто — «эрий музыкасто» ды «эрий кемемасто». Арсицязо-теицязо ды ютавтыцязо — Игорь Дулуш.
«Эрий музыка» — те концертэнь программа, кона ашти зярыя пелькстнэстэ, конатнестэ седить эрьва кодамо жанрань ды ёнксонь седиця куротне (фольклор, классика ды седе тов), весемесь юты пелькстамонь лувсо, косо жюрись ливти сех вадрятнень покш концертсэ невтемасо.
«Эрий кемема» — те оймечинь ды буддизмань вельмевтема; фестиваленть лувсо ютавтови буддистэнь мистериянть лувсо «Цам» эрьгелема чинь ютамо Алдыы-Хурээ ды Устуу-Хурээ Чаданонь храмтнес совамо[4].
Кувака шкань перть эрьгелема чись ульнесь аволь официальноекс ды лововсь культурань кастомга-кепетемга ёнксокс. Ансяк иеде иес эрьва кодамо ёндо сыцятнеде ульнесть седеяк ламо, фестивальс сакшность морыцят ды седицят Тувасто, Россиянь ламо ёнкстнэстэ ды лия мастортнэстэ. Фестивалентень максозель государственной лездамо.
Фестивалесь панжовкшны лия ёнов а молиця ды мазый койсэ — «Цам» ошонь курова молемасо, ютавцятнень ваксс арыть весе: морыцятне-седицятне ды ваныцятне. Эрьва чинь программась ашти чизэнзэ 4 концертстэ. Прядови весемесь лауреатонь, изницянь покш концертсэ ды чокшнень седямосо. Фестивальс мереви самс кода башка седицятненень, истя весе лиятненень: морокуротненень, куротненень, оркестратненень.
Тешкставкст
- Дзун-Хемчикский кожуун до 1929 г.
- Буян-Бадыргы Монгуш
- ↑ В Туве открылся международный фестиваль живой музыки «Устуу-Хурээ» Архивная копия от 1 Сундерьковонь 2014 на Wayback Machine — Российская газета
- ↑ Фестиваль «Устуу-Хурээ» Архивная копия от 30 Аштемковонь 2012 на Wayback Machine // Портал Сибирской Музыки.