Физкультурань вечкицянь чи
| Физкультурань вечкицянь чи | |
|---|---|
 Баку ошось 1920-це иетнестэ. Физкультурань вечкицянь чи | |
| Типесь | Профессиональной покшчи |
| Смустезэ | спортонь ды шумбра эрямонь кастома |
| Тешкстави | эрьва иестэ |
| Тешкстамонь чись | умарьковонь омбоце шлямочистэ |
 Физкультурань вечкицянь чи | |
Физкультурань вечкицянь чи — покшчи, кона Россиясо тешкстави умарьковонь омбоце шлямочистэ. Весемесь кемекстазель 1939-це иестэ ды алтазь спортсментнэнень, тренертнэнень, физкультурань тонавтыцятненень ды спортонь вечкицятненень. Тешкстамонь чись кочказель «Эрьгелемань ды ледстнемань читнеде» 3018-Х-це № ало 1980-це иень ожоковонь 1-це чинь СССР-нь Президиумонь Верховной Советэнть Кармавтомга[1].
Покшчись кармась келейстэ тешкставомо советэнь кирдивиень шкань 1920-1930-це иетнестэ, зярдо прявт юрокс путозельть «Шумбрачинь рунгосо — шумбрачинь ойме» Ювеналонь валонзо. Физкультурань вечкицянь чись совсесь сеть покшчитнень юткс, конатнень вельде Якстере армиянть пингстэ сокицятненень-видицятненень максневсь симемапелень каванямо —"наркомонь 100 граммт".
Покшчинть эрямопингезэ
Физкультурань вечкицянь чись кемекстазель 1939-це иестэ СССР-нь Раськень комиссаронь советсэ спортонь ды шумбра эрямонь кастомга. Покшчись васенцеде ютась медьковонь 18-це чистэ, седе тов эрьва иестэ тешкстамонь чись полавтневсь. 12 иень ютазь покшчинть кармасть тешкстамо умарьковонь омбоце шлямочистэ.
Советэнь Социалистэнь Республикань Союзсо (СССР-сэ) спортонь тевдеематне кармасть касомо, пурназельть спортонь вейсэндявкст, конатнень ютксо «Динамо» ды «Спартак», теезель Важодеманень ды ванстоманень анокстамонь (ГТО-нь) тарка. Сеедьстэ ютавтневсть спартакиадат ды пелькстамот.
Физкультурань вечкицянь покшчинть свал тешкстыть Россиянь ламо ошсо ды велесэ. Спортонтень вечкемась кастови эрьва кодамо иень эрицятнень ютксо ютавтневиця истят пелькстамотнень вельде: Школань тонавтницятнень Весе Россиянь пелькстамот ды Россиянь пенсиясо аштицятнень Спартакиада. Эрьва иестэ масторсонок спортонь 700-то ламо тевтнесэ эсь виест невтнить малав 80 миллионт ломанть[2][3].
2024-це иестэ весе Россиянть келес Физкультурань вечкицянь чись тешкстави умарьковонь 10-це чистэ. Покшчинть тешкстыть физкультурань тонавтыцятне ды спортонь вечкицятне[4].
Тешкстамонь койть
СССР-сэ те покшчись кармась спортсментнэнь изнявксост невтемакс. Коень коряс эрьгелемань те чистэнть тешкстакшность эрьва кодамо чемпионатонь ды пелькстамонь изницятнень. Зярдояк астувтовиця тевтнестэ вейкесь — физкультурань вечкицянь покш парадонь ютавтомась, косо весе масторстонок ульнесть малав 45 тёжат ломанть. Васня парадось ютавтневсь Якстере Площадьсэ, мейле — «Динамо» стадионсо.
Неень шкань Россиясо Физкультурань вечкицянь чистэ панжтневить спортонь свалшкань ды сезононь таркат, парксо ютавтневить туворонь теннисэнь пелькстамот, стадионсо — вишка пильгеоскань налксемат. Весенень вечкевить эстафетатне, фитнес-клубтнес абонементэнь максомань налксематне, эчке пиксэнь ускомань, армрестлингень коряс пелькстамотне ды ламо лия мезе. Те покшчистэ мереви ёвтамс поздоровт профессиональной спортсменттнэнень, физкультурань тонавтыцятненень, тренертнэнень ды спортонь вечкицятненень[5].
Мельстуиця содамочить
- Спортось лезды изнямс ризнэманть. Рунгонь ливчакавтоматне алкиньгавтыть ризнэманть, лавшомгавтыть нервань системанть, лездыть эндорфинэнь теевемантень, паролгавтыть варштавксонть ды ливтить берянь ёжосто.
- Коштонь гуй — Таиландсо профессиональной спорт[6][7].
- Кезэрень Грекень атлеттнэ пелькстасть штапосто. Олимпиадань весе пелькстамотнес эрявсь сакшномс оршамовтомо. «Гимнастика» валось тееви «gymos» кезэрень грекень валсто, конань смустезэ «кепе-штапо» эли «штавтозь».
- СССР-сэ физкультурань ды спортонь эрявикс вешематнень топавтоманть кис макснесть ГТО-нь тешкст. Те аббревиатуранть смустезэ — «Важодеманень ды ванстоманень анокстамо». 2014-це иестэ Россиясо вельмевтизь ГТО-нь тешкстнэнь каземанть. Кой-конат вузтнэ абитуриенттнэнь поступамсто ГТО-нь сырнень тешксэнть улемга путокшныть башка баллт[8][9].
Теке марто вант
Тешкставкст
- ↑ Мутко, Виталий Леонтьевич. С Днём физкультурника! РФ Спорт-Инфо (7 Умарьковонь 2012). — Поздравление Министра спорта Российской Федерации работникам отрасли в связи с празднованием Дня физкультурника в 2012 году. Дата обращения: 3 Медьковонь 2024. Архивировано 19 Умарьковонь 2012 года.
- ↑ День физкультурника в РФ. РИА Новости (12 Умарьковонь 2023). Дата обращения: 3 Медьковонь 2024.
- ↑ Какого числа День физкультурника в 2023 году в России Об этом сообщает "Рамблер". Рамблер (20 Чадыковонь 2022). Дата обращения: 3 Медьковонь 2024.
- ↑ День физкультурника в 2024 году: история и традиции праздника. Комсомольская правда. Дата обращения: 3 Медьковонь 2024.
- ↑ День физкультурника в России в 2024 году: стартуем от тренировок к победам. Вфокусе (22 Даволковонь 2021). Дата обращения: 3 Медьковонь 2024.
- ↑ 25 интересных фактов о спорте. Мультиурок. Дата обращения: 3 Медьковонь 2024.
- ↑ 14 секретов о спорте, которые вам будут интересны. 1gai.ru. Дата обращения: 3 Медьковонь 2024.
- ↑ 25 любопытных фактов о спорте и знаменитых спортсменах. sports.ru. Дата обращения: 3 Медьковонь 2024.
- ↑ День физкультурника 2023: дата и история. РБК Life (11 Умарьковонь 2023). Дата обращения: 3 Медьковонь 2024.