Филологонь чи

Филологонь чи — филологиянтень эсь эрямост алтыця ломантнень покшчи. Россиясо сонзэ тешкстыть Славянонь сёрмадомань ды культурань чиденть мейле — панжиковонь 25-це чиcтэ. Покшчись тешкстави зярыя лия мастортнэсэяк. Те покшчись вейсэнди кельсодыйтнень, литературоведтнэнь, тонавтнема кудотнесэ ды вузтнэсэ келень ды литературань тонавтыцятнень, ловнома кудонь важодицятнень, вейке кельстэ омбоце кельс филологтнень-ютавтыцятнень ды весень, кинь улить филологиянь коряс содамочинзэ.

Филологиясь кода наука (теевсь кез.-грек. φιλολογία, «валонтень вечкема, валонь вечкема») — (лингвистика, литературоведения, текстология ды лия мезе) зярыя дисциплинань куро, конасонть тонавтнить сёрмадомань текстт стилистиканть, келенть ды домка ванноманть лангс нежедезь — весемесь сюлмазь эрьва кодамо раськенть эрямопингензэ ды оймень культуранзо марто.

Филологиянть эрямопингезэ

Филологиясь кода наука чачсь-теевсь Европасо XVII-це пингестэ. Сондензэ икеле ульнесь наука, кона ваннось келенть, эрямопингенть, культуранть, философиянть. Грециясо ды Кезэрень Индиясо тексттнэнень васенце мельполадкстнэ сёрмадозельть минек эрадо икеле III-це пингестэ. М. В. Ломоносов «филология» валонть тевс нолды колмоксть аволь седе аламодо, кавксть эсензэ важодематнень лемдямосо: эсь сёрмадовкстнэнь покш пурнавксонь 7-це ды 9-це томтнесэ, весть «Мазыйстэ кортамонь нурька кармавтомасо», 7-це томсто, 340-це лопасо, косо кодамо-бути Филипн корты: «Мон ушодан ды пек карман бажамо Филипнстэ теевемс филологокс». Ломоносов путы тешкставкс, мезе истямо Филипнэнь туртов теевемс филологокс. Теке валонть, филологиянть, кортавты В. К. Тредиаковский: «…чикуншкань чипайденть чарькодеви, весе филологиясь… видьстэ меремс те мазыйстэ кортамо», конась «вети, покшолгавты, кемексты…, эрьва косо цитни ды вейсэнди весе наукатнень ды содамочитнень, секскак весе сынь кортавить ансяк мазый валтнэнь вельде»^[1].

Россиясо «валонь наукатне» келейстэ ушодовсть лемдявомо «филологиянсетнекс» XIX-це пингень куншкасто. Васняяк истя лемдязель СПбГУ-нь историянь-филологиянь факультетэсь (1850-це иес историянь ды валонь наукань факультет), мейле 1853-це иестэ К. П. Зеленецкий сёрмадсь «Вейсэнь филологиянть марто содавтовома». «Филология» валонть эрямос келейстэ совавтомазо сюлмазь «Филологиянь Сёрмадовкст» Россиянь наукань васенце башка журналонть марто, кона нолдавсь 1860-це иестэ саезь Воронежсэ А. А. Хованскиень прявтсо.

Шкань ютазь филологиянть смустезэ полавтневсь. Филологиянть кармасть чарькодеме кода наукань зярыя вейсэндявомат, конатнесэ тонавтневи-ваннови эрьва кодамо раськенть культуразо, литературазо, эрямопингезэ ды келезэ.

Тешкставкст

↑ Тредиаковский В. К. 1745. — Цит. по ст.: Аннушкин В. И. «Филология — словесность — языкознание в классической русской традиции и современном научно-педагогическом процессе». (неопр.) Дата обращения: 3 Ацамковонь 2011. Архивировано 3 Умарьковонь 2014 года.

Теке марто вант

Литература

Шаблон:Ling-stub

[1] Тредиаковский В. К. 1745. — Цит. по ст.: Аннушкин В. И. «Филология — словесность — языкознание в классической русской традиции и современном научно-педагогическом процессе». (неопр.) Дата обращения: 3 Ацамковонь 2011. Архивировано 3 Умарьковонь 2014 года.

[1]