Фольклор
Фолькло́р (англ. folk-lore — «раськень превейчи») — кортамонь валсо ды музыкасо раськень шкинема[1].
Седе келейстэ ёвтазь валонь жанратнеде башка тей совавтови раськень весе шкинемась, невтеви духовной (лиясто материальнойгак) раськень культурась — келесь, кемематне, койтне, тевтне-ремёслатне[2].
Фольклорось ваннови-тонавтови фольклористикасо ды этнологиясо.
Косто саевсь валось
«Фольклор» (англ. folk-lore — «раськень превейчи»[2][3]) валонть васенцеде совавтызе Уильям Джон Томс англань содыесь 1846-це иестэ кода раськенть культуранзо художественной (преданият, киштемат, музыка ды седе тов) ды материальной (эрямо тарка, кедьгеть, оршамопельть) ёндо тешкстамонзо кис. Кода наукань вал официальнойстэ кемекстазель Британиянь фольклоронь вейсэндявкссо (англ. The Folklore Society).
Шканть молеманзо перть эрьва кодамо масторсо фольклоронть ало чарькодевсь раськень шкинемась сонзэ весе ёнкстнэнь марто ды киртязь смустьсэяк — «устной словесность», «устной поэтической шкинема»[2]; валонть тевс нолдамсто вейкетьксчи арась. Сравтнезь арсема фольклоронь кода феодальной обществасо сокицянь-видицянь коень-кирдань пельксэнть ды обществанть седе тов эрямонь шкань историясо сокицянь-видицянь культурань ёнкстнэнь ланга; теке шкане фольклоронтень мереви кандомс эсь тевень куш кодамо шкинема (ошонь неень шкань фольклор), тень пингстэ башка явови вейке тевсэ вейсэндязь субкультурань группатнень шкинемаст (горняконь, солдатонь, туристэнь шкинема, студентэнь фольклор) эли лия тувталтнэнь коряс[4].
Устноенть ало чарькодеви раськенть художественной коллективной шкинемазо, кона невти эрямонзо, вановтонзо, идеалонзо, принципензэ; теевезь раськенть ютксо ды ломантнень юткова вастневиця поэзия (преданият, морот, нурька морынеть, пеедькшнемат, ёвкст, эпост), раськень музыка (раськень моро, инструментальной седямот ды пьесат), театра (драма, сатирань пьеса, някань театра), киштема. Литературадонть ды неень шкань книгань культурадонть фольклоронь прявт башкачикс ловови сонзэ традиционализмась ды устнойстэ информациянь максомань ёнксось. Сонзэ содыцякс яла ульнесть велень эрицятне (сокицятне-видицятне).
Кой-кона ванныцятне кандыть раськень шкинемантень аволь профессиональной весе искусстванть (эсь тевень искусства, теке марто раськетнень театратне).
Башкачитне
Раськень шкинемась, кона чачсь кезэрень шкасто, — весе модамасторонь художественной культуранть историянь юрозо, раськень художественной койтнень-кирдатнень лисьмапрязо, раськенть эсь прянь чарькодемадо ёвтамонь лувозо.
Ули истямо мель, конань коряс фольклоронь кода комплексной системань единицакс аштить аволь сынсь моротне, мифтне, киштематне, аволь раськень искусствань башка «произведениятне», а целанек фольклоронь акттнэ, фольклоронь тевдеематне (койтне, койтне-кирдатне валонть келей смустьсэ). Невтемга, куш кодамо морось ванкшнови аволь кода сонсь «стяконь» моро, а эсензэ бажамонть лувсо — кода мезес-бути сюлмазь, мезенть-бути марто структурань ды функциянь коряс сюлмавозь[5]. Текесь киштеманть, музыканть, оршамопельтнень, раськень театранть мартояк.
Сёрмадомавтомо васенце обществанть фольклорось нежеди мифологиянь ды религиянь ёнксонть лангс, эйсэнзэ пек покш тарка саить коень-кирдань форматне. Сёрмадомань кезэрень жанратне поладыть салавань валонь, ритуальной поэзиянь (ковкерьксэнь ды урьвакстомань), мифень, историянь преданиянь фольклоронь койтнень; литературась тень пингстэ вансты фольклорнойтненень малавикс стилень средстватнень: омбоцеде ёвтамонь вейкеть систематнень, параллелизматнень, метафоратнень, валонь налксеманть ды седе тов. Теке марто кезэрень сёрмадовкстнэ — истят, сынст функцияст а маштови парсте топавтомс фольклоронь кортамонть вельде (саемга, покштятнень кезэрень Египетэнь «автобиографиянь» сёрмадовкстнэ ды калмамонь эрьва кодамо тексттнэ). Сёрмадоманть ды литературанть чачомадо мейле, государственностенть чачомадо-касомадо ды религиозно-мифологической седе стака систематнень касомадо-кепетемадо мейле фольклорось полады важодеме, ансяк истямо коень эли «классикань» фольклорось виевгады архаическоенть коряс башка фольклорокс.
Сюжетэнь кезэрень фондось понги десакрализацияс, тонавтомань коесь несы книгань словесностенть ламо ёнксонь влияниянзо: истя, кортамонь валось невти сёрмадомань келень нормат (сехте пек кандови торжественной ритмизованной кортамонтень), теке марто тееви книгань лисьмапрятнень фольклоризациясь ды архаизациясь. Литературанть влияниядонзо башка истямокс эрсекшни шабра раськень седе касозь фольклорось (саемга, СССР-нь зярыя лия раськетнень устной литератураст лангс рузонь фольклоронть влияниязо)[6].
Фольклоронть марто сюлмавозь касомась ветясь обществасо фольклоронь тевс нолдамонть литературоведениянь, антропологиянь ды социологиянь ёндо ванномантень[7].
Ламот аволь официальной, аволь канонической жанратне ды фольклоронь видтнэ аволь сеске понгить специалисттнэнь вановтост икелев. Саемга, вечкемадо од тейтерень ёвтнематне, пурныцятне тенст явсть мель ансяк 1980-це иетнестэ, неть ёвтнематнень пек кувака историяст.
Тешкставкст
- ↑ Значение слова «Фольклор» в толковом словаре Ожегова (руз.). glosum.ru. Дата обращения: 14 Ожоковонь 2025.
- ↑ 1 2 3 Гусев В. Е. Фольклор // Краткая литературная энциклопедия / Гл. ред. А. А. Сурков. — М. : Советская энциклопедия, 1975. — Т. 8. Флобер — Яшпал. — С. 32.
- ↑ Фольклор // Ульяновск — Франкфорт. — М. : Советская энциклопедия, 1977. — С. 516. — (Большая советская энциклопедия#Третье издание / гл. ред. А. М. Прохоров ; 1969—1978, т. 27).
- ↑ В. Е. Гусев. Фольклор как универсальный тип субкультуры (руз.). anthropology.ru. Дата обращения: 14 Ожоковонь 2025.
- ↑ Э. Алексеев. Фольклор в контексте современной культуры (руз.). vk.com. Дата обращения: 14 Ожоковонь 2025.
- ↑ Е.М. Мелетинский, С.Ю. Неклюдов, Е.С. Новик. Статус слова и понятие жанра в фольклоре (руз.). Дата обращения: 14 Ожоковонь 2015.
- ↑ Константин Богданов // Беседы на рубеже тысячелетий. — С. 778—780.
Литература
- Фольклор // Большая российская энциклопедия. Том 33. — М., 2017. — С. 457.
- Фольклор — статья из Большой советской энциклопедии.
- Соколов Ю. Фольклор // Литературная энциклопедия : в 11 т. : т. 11 / Гл. ред. Луначарский А. В. ; учёный секретарь Михайлова Е. Н. — М. : Худож. лит., 1939. — 824 стб. : ил.
- Советская историческая энциклопедия. — М.
- Аничков Е. В. Фольклор // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- Адоньева С. Б. Прагматика фольклора. — СПб.: Изд-во С.-Петерб. ун-та, 2004. — 312 с. — ISBN 5-288-03428-1.
- Берёзкин Ю. Е. Тематическая классификация и распределение фольклорно-мифологических мотивов по ареалам.
- Борев Ю. Б. История государства советского в преданиях и анекдотах. — М.: Рипол, 1995. — ISBN 5-87907-056-5.
- Жирмунский В. М. Фольклор Запад и Восток. Сравнительно-исторические очерки. — М.: ОГИ (Объединенное Гуманитарное Издательство), 2004. — 464 с. — ISBN 5-94282-179-8.
- Зуева Т. В., Кирдан Б. П. Русский фольклор. Учебник для высших учебных заведений. — Флинта: Наука, 2002. — 400 с. — ISBN 5-89349-115-7.
- Калугин В. И. Струны рокотаху…: Очерки о русском фольклоре.
- Костина А. В. Молодёжная культура и фольклор // Электронный журнал «Знание. Понимание. Умение». — М.: МосГУ, 2009. — № 4 - Культурология.
- Михневич В. О. Извращение народного песнетворчества. — Исторический вестник, 1880. — Т. III, № 12. — С. 749—779.
- Никитченков А. Вопросы истории методики преподавания фольклора в российской начальной школе. — М.: Прометей, 2012.
- Румянцева С. Нравственность в русской народной премудрости и иносказательности. — LAP Lambert Academic Publishing, 2012. — ISBN 978-3-659-21493-6.
- Берёзкин Ю. Е., Дувакин Е. Н. Тематическая классификация и распределение фольклорно-мифологических мотивов по ареалам. Аналитический каталог.