Французонь балкон
Французонь балкон (фр. balconnet, англ. Juliet balconies[1]) — ламо балконтнэнь эйстэ вейкесь, конань башка ёнксокс лисема таркань арасьчизэ эли истямо таркань вишка улемазо, ансяк те таркась аволь покш (50 сантиметрадо седе аламо). Теде башка келейстэ тевс нолдтневи «портфнетра» лемесь (фр. porte-fenêtre)[2][3].
Косто весемесь саевсь
Архитектурань истямо конструкциянть теемадо улить зярыя мельть-арсемат. Васенценть коряс, сон появась Европасо Куншка пингень шкатнестэ кода неень шкань венельксэнтень полавтома[4]. Лия арсеманть коряс, французонь балконтнэ теезельть практикань чарькодематнень лангс нежедезь: куротнень теинечист эзь максо стявтомс лангс лисиця покш конструкциятнень марто кудот, секскак савкшность тейнемс вишка балконт, конатнень эйсэ эрьвась эсь мелензэ коряс кастась цецят[5].
Тень пингстэ ули мель-арсема, неень шкань французонь балконтнэде седе икеле истят балконтнэ появасть Испаниясо эли Италиясо. Вальматнень покшолмаст кис валдос шождасто понгонесь эрьва кодамо таркас ды теке марто шождалгавтневсь ванькс коштонь нолдамось[4][6].
Ловови, Juliet balcony — сеедьстэ тевс нолдавиця лия лемеськак кемекставсь архитектурань те конструкциянтнь мельга «Ромео ды Джульетта» Уильям Шекспирэнь пьесадондо мейле. Тосо балконось невтеви таркакс, косо Джульетта корни эсь вечкевикс ломанензэ марто[7].
Вастневиця эрьва кодат башкачитне
Французонь балконтнэ явовить кавто ёнксонь коряс:
- таркавтомо;
- аволь покш тарка марто.
Омбоце ёнксось невтеви эрьва кодамо формасо. Сон ульни пелезэ круглоекс ды виде ужо марто. Васенцесь ловови теезекс содазь коень коряс, омбоцесь седе сеедьстэ вастневи неень шкань стявтозь кудотнень эйсэ[8].
Улить вешемат, конатнень эряви кирдемс мельсэ-превсэ французонь балконтнэнь теемстэ. Тосо башка мель явови ванстомань пирявксонть истямо лувсо аравтоманть коряс, кона аволь максо ломанентень прамс. Теке марто тевст нолдавить профилень турбат: металлонь, ашо кшнинь эли алюминиень. Лиясто пирявксонть теемга нолдави бетонось — сонзэ эйстэ стявтовить колоннат ды лия мазылгавтомапельть. Кой-зярдо тевс нолдавит суликась, ансяк сестэ сонензэ эряви улемс вачкодемань каршо кеместэ кирдевицякс ды аволь колавицякс.
Улить эрьва чистэ вастневиця ды французонь човорязь балконткак. Тесэ балонось весе сэрьс вельтяви суликасо. Ансяк ловомс истямо балкононть французонь балконтнэстэ вейкекс карми аволь пек виде: тень туртов ули башка вал — «суликасо французонь лувсо вельтямо»[8].
Паро ёнксонзо ды асатыксэнзэ
Французонь балкононь паро ёнксонтень кандовить:
- электрикань энергиянь седе аламо ютавтоманть, секс мекс валдонь чись карми седе парсте понгомо сонзэ суликанть пачк;
- коштонь нолдамга покш тарказо, кона максы те тевенть ютавтомс паро мельсэ;
- аволь покш квартирась карми неявомо седе келейстэ;
- сон тевс нолдави теке кудонь мазылгавтомань пелькс[7].
Асатыкстнэнь ютксто эряви тешкстамс:
- кизна балконов лисема таркась карми пси;
- кой-кона материалтнэ пек питнейть;
- аволь весе кудотнесэ мереви тевс нолдамс истят конструкцият[5];
- лиясто теемадо икеле эряви кевкстемс вешема[9];
- ваньксчисэ сулькатнень кирдемга эряви путомс ламо вийть[5].
Фотот
Французонь балконось модерн стильсэ
Французонь балконось Парижсэ
Французонь балконось Вуппертальсо (Германиясо)
.jpg)
.JPG)
Текшставкст
- ↑ Juliet balconies (англ.). Balconette. Дата обращения: 30 Ожоковонь 2023. Архивировано 24 Эйзюрковонь 2012 года.
- ↑ Порт-фнетр. Словарь галлицизмов русского языка. sanstv.ru. Дата обращения: 30 Ожоковонь 2023.
- ↑ Елена Слободян. Можно ли выходить на французский балкон? Аргументы и факты (7 Сундерьковонь 2022). Дата обращения: 30 Ожоковонь 2023.
- ↑ 1 2 Зачем нужен маленький «французский балкон», если на него даже выйти нельзя. Novate.Ru (28 Ожоковонь 2022). Дата обращения: 30 Ожоковонь 2023.
- ↑ 1 2 3 Плюсы и минусы французского балкона. planken.guru. Дата обращения: 30 Ожоковонь 2023.
- ↑ Языева С. Б., Жирухина Т. В., с. 149.
- ↑ 1 2 Bob Vil. What is a Juliet Balcony? A complete guide (англ.). Clever Patio (7 Таштамковонь 2023). Дата обращения: 30 Ожоковонь 2023.
- ↑ 1 2 Все о французском балконе. Системы ВЕКА. Дата обращения: 30 Ожоковонь 2023.
- ↑ Все о французском балконе. вПлатье.ру. Дата обращения: 30 Ожоковонь 2023.
Литература
- ГОСТ Р 56926-2016 "Конструкции оконные и балконные различного функционального назначения для жилых зданий. Общие технические условия". — М.: Стандартинформ, 2016.
- Языева С. Б., Жирухина Т. В. Конструктивные элементы фасадов, трансформировавшиеся из функциональных в декоративные // Молодой исследователь Дона. — 2018. — № 5 (14). — С. 144—150.