Хайыракан (пандо)
| Хайыракан | |
|---|---|
 Священная гора близ города Шагонар в Тыве | |
| Высшая точка | |
| Абсолютная высота | 1043 м |
| Расположение | |
| 51°34′09″ с. ш. 93°00′15″ в. д.HGЯO | |
| Страна | |
| РФ-нь субъектэсь | Тыва |
 Хайыракан | |
К:Карточка на Геокаре: исправитьК:Природные географические объекты по алфавитуК:ПРО:ГЕО:Последняя правка: в прошлом году
Хайыракан[1] — пандо, ашти Тыва Республикань Улуг-Хемень кожуунсо, Шагонар ошонть ды Хайыракан веленть ютксо.
Пандонть ланга
Тувасо сех иневанькс ды мельвановикс таркатнестэ вейкесь. Шаманисттнэнь ды буддисттнэнь туртов пандось канды иневаньксэнь смусть. Те пандалкссонть шамантнэ ютавтнить эсь коест.[2] 1992-це иестэ кочказь кода пек виев тарка ды сонзэ светойгавтызе XIV-це Далай-лама. Хайыракан пандонть марто сюлмазь ламо ёвкст ды ёвтнемат, конат тедить тей васолдо сыцятнень ды туристтнэнь. Пандось совавтозь Тувань туристэнь маршрутонь прявт таркатнень юткс. Пандо чирензэ вельтязь куракшсо. Тундонь самонть марто тесэ панжовить тюжапря цецятне ды модань куракшось, кевпандотне теевить фиалкань тюссо. Кизна весемесь пултазь чипайсэ.[3]
Хайыракан пандось невтезь Улуг-Хемень кожуунонь гербсэ.
Косто саевсь лемесь
Ломантне ловить, пандонтень те лемесь максозель ведень симиця овтонь ёнов молеманть кис. Хайыракан — овтонь лем, кона ловови модань ванстыцякс, азорокс, парос кемицякс. Ёвтамотнестэ вейкесь корты, ламо иеде икеле те пандось оршазель тайгасо. Эрясь сонзэ пандалкссо од оциниця эсь сыре аванзо марто. Авась маштсь орожиямо. Весть цёразо тусь охотямо. Тайгасо сон редясь покш сярдо, мольсь седе малав ды аравтызе лангозонзо ружиянть. Те шкасто цёранть лангс каявсь овто, сезнизе ды ускизе эсензэ овтопизэс. Мелявтыця авась учось цёранзо кавто чить, колмоцес эзь цидярдо, ушодсь орожиямо и кармась содамо стака видечинть. Кежей сыре авась нолдазь пандонть лангс пурьгине марто пиземе. Зэрькстасть, зэрнесть пурьгиненть вачкодьксэнзэ, ёндолонь сялготне керизь менеленть, кирвазсь тайгась ды палсь весе эрицянзо марто. Се шкастонть саезь пандось ашти штапо, эрямовтомо, ды лемдить сонзэ — Хайыракан, лиякс меремс, овто.
Лементь чачоманзо коряс ули лияяк арсема. Монголнэ хайыраканокс лемдить чирьстэ валгома ды пшти пандотёкш марто башка аштиця пандотнень.[4]
Тешкставкст
- ↑ Хайыракан (№ 567813) / Реестр наименований географических объектов на территорию Республики Тыва // Государственный каталог географических названий / rosreestr.ru.
- ↑ Гора Хайыракан (Улуг-Хемский район). russia open/национальный туризм. Дата обращения: 13 Аштемковонь 2016. Архивировано 17 Аштемковонь 2016 года.
- ↑ Азат Аскаров. гора Хайыракан. Тувинская мудрость. Тыва чоннуң мергени..
- ↑ Ш. Сарыглар, М. Иванова, Ш. Маадыр, С.-Б. Тулуш. Семь чудес Улуг-хема. Новые исследования Тувы. Дата обращения: 13 Аштемковонь 2016. Архивировано 7 Умарьковонь 2016 года.